|
Re: صراحة المابعرف يقرا مايدخل هنا (Re: محمد عبد الله الامين)
|
محمد عبد الله الأمين
سلام يا زول
بمناسبة العنوان ودخولك الأول نحكي ليك من قصص شندي
في شندي فوق عايزين يبنوا مسجد قاموا حفروا الساس وناس كتيرة حضور مولانا قال ياجماعة العندو الثقة في نفسو لازنا ولا أكل حرام يضع الطوبة الأولى قام ودشنان شال الطوبة وختاها كحجر أساس..
شفت الثقة دي كيف البتشبه ثقتك في نفسك؟
| |
|
|
|
|
|
|
Re: صراحة المابعرف يقرا مايدخل هنا (Re: Asim Fageary)
|
Quote: والبنختوا في ريسينا ما بينزح
سيفنا التقيل بحرفو سوى التح
والولد الصغير فينا بيعرف الصح
وكان كبر الوليد لعدوه كاتح كتح
_________________
محاولة يا بلة من واحد مستعرب |
سلام ياعاصم أنا زاتي مستعرب عشان كدا نخلي الحكم للمستفرقين غايتو لو كنت من نواحي خليل وتوفيق صالح جبريل ومحي الدين فارس مابتجيك عوجة.
| |
|
|
|
|
|
|
Re: صراحة المابعرف يقرا مايدخل هنا (Re: عبدالحفيظ ابوسن)
|
عبد الحفيظ مرحب بيك ياحكاي
أها ياحبيب (عقب) دي ياها كلمة السر ذاتا
باريتك في بوست الفي العصر مرورو كنت عايز طقطقة القصة مع الاغنية وشاعرها زي مازمان ناس العبادي بطقطقوا مناسبة القصائد لكن لقيتك بتطايب فى المتداخلين ههههههه
| |
|
|
|
|
|
|
Re: صراحة المابعرف يقرا مايدخل هنا (Re: Osman Musa)
|
Quote: يا سلام عليك . جر يا أخوي عليك أمان الله أنت حكيم يا دكتور في كل الحالات متابعينك |
ياعثمان أخوي كيفنك
ياخي انا كل ما أكتب حاجة كويسة يجوني المعجبات ويقولوا لي ياسلام عليك ياعثمان موسى
عليك الله قول ليهم أنا ماعثمان أنا بلة أخوك الصغير :)
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
بلة سلام نضمك سمح بالحيل قلنا نرمي معاك على لسان عمنا الطيب ود حاج عبد القادر بي كلام في النصيحة
نفسك روضة وعلي الصبر قويله قلبك نضفو والشينة لاتنويله مشاكلك عالجة بي اللين دوم سويله والمعوجة بوصيك اوعى ماتلاويله ماتعجل بالشر وماتابا خصمك يصالحك وماتدور البداهنك وتابا ناصح يصارحك لاتقلل ولاتبسط تضر بمصالحك ظنا بالظروف دايما تكون في صالحك عادت الدنيا غلب يوم تجود يوم جايرة ترفع دا وتخت وتشيلو فوق الدايرة بي بسمات تخدعك ومرة تقمز غايرة عده الوانة فيها الامة اضحت حايرة يقن واهجره في الاخرة وجه فكرك و والي الصوم نهار في الداجي كتر ذكرك بي القرآن تزود في اصايلك وبكرك كون لله كلك وليهو داوم شكرك أعجبني
| |
|
|
|
|
|
|
Re: صراحة المابعرف يقرا مايدخل هنا (Re: علي محمد الفكي)
|
عجبني العنوان الزي اللغم الأرضي داك لكن برضو - بباب الدخول - أعجبني إنك أشرت شمال ولفيت يمين..
Quote: متباشرين ومليون ميل وساعو قدحنا |
وأعجبني التفاؤل في قصة المليون دي ..
الدوبيت دا يا دكتور زي شغل الأبنودي ومظفر النواب يا تسمعو يا تسمعو.. لكن رباعياتك سنينه..
الله يغتي عليك من عمرو موسى
| |
|
|
|
|
|
|
Re: صراحة المابعرف يقرا مايدخل هنا (Re: علي محمد الفكي)
|
Quote: Awad H. Abdalla "وبالسنه الشريفه وبالكتاب سلحا" -- دحين ياخوي كان شلت الباء التانية دي البيت دا ما بتوزن أكتر؟ غايتو أنا شعرت بيهو غير موزون ، بس إنت ولا شك أدرى. |
عوض عبد الله السلام يغشاك محل ماكنت
يازول كلامك دا كلام زول راااااكز تب
والباء التانية على الطرب بالتلاتة نشيلا تب..
مشكور يا عوض على الملاحظة الجديرة بالاهتمام.
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: قلنا نرمي معاك على لسان عمنا الطيب ود حاج عبد القادر بي كلام في النصيحة
نفسك روضة وعلي الصبر قويله قلبك نضفو والشينة لاتنويله مشاكلك عالجة بي اللين دوم سويله والمعوجة بوصيك اوعى ماتلاويله
ماتعجل بالشر وماتابا خصمك يصالحك وماتدور البداهنك وتابا ناصح يصارحك لاتقلل ولاتبسط تضر بمصالحك ظنا بالظروف دايما تكون في صالحك
عادت الدنيا غلب يوم تجود يوم جايرة ترفع دا وتخت وتشيلو فوق الدايرة بي بسمات تخدعك ومرة تقمز غايرة عده الوانة فيها الامة اضحت حايرة
يقن واهجره في الاخرة وجه فكرك و والي الصوم نهار في الداجي كتر ذكرك بي القرآن تزود في اصايلك وبكرك كون لله كلك وليهو داوم شكرك |
علي محمد الفكي
يازول سلام منك ولاعند عمنا الطيب ود حاج عبد القادر..
كلام يوزن بالدهب يمين..
عمك عكير الدامر قال الدنيا زي موية الرهاب الماملت كباية.
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
حبيبنا محمد المرتضي ياخي تحياتنا من بحر اللامحدود والله زي ماقلت الدوبيت عايز سمع بس ياخي الأبنودي دا حاجة خطيرة وكذلك مظفر
الحارقني في إحدي ليالي السودان الشاعر الكبير محي الدين فارس رحمه الله طعن في الأبنودي كشاعر, قال الأبنودي بيسرق أشعار الفلاحين وينسبها لنفسه ( الكلام دا سمع أضان ماقول جرايد).. وانا بصراحة من الزمن داك زعلان منه كوني من دراويش عبد الرحمن الأبنودي.
عمرو موسي قابلته في بوست بنات الأقباط وحسان المسالمة :)
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Balla Musa
Quote: ياخي الرطانة ديل جملوا آذاننا |
أكان كَدي هاك دي مربوعة فوق بِت حبشِية لميت فوقا في حديقة من حدائِق مدينة الدَوحة.. مشيت أشربلي موية جات وقالت لي بلغْوتُم حديث ما فهمت منو الحبه.. أشرت لي يعني دايرا تشرب ... والله يومداك إتأسف على أيامي الضاعن سُدًا وما إتْعلمت فوقا الحبشي... قلت فوقا:
الزَعْـــزَعْــزني ورَوَح عَـقْـلـي مِـنـي أَونْـطــا وِكْـتـيـن رَطَـنَـتْ مَـعـاي وما قِــدِرَتْ رَطَـنْـتـا قالـت بِالإشـارة السُـقـا .. وبـراي طَـنْـطَـنْــتــا السِبْحه في الـتـيـبـار بـدل القرعه قُمْت عطنْتا
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: عليك الله ماشفت الحبشي ملك الساكسفون داك بتضرع بعزة دي كيف؟ |
هو ملك الساكس الإثيوبي الفارع الفاره Getachew Mekuria الأغنية في الأصل للراحل الضخم تلهون قسَّسا وإسمها Bey Bey Dehena Hunig ووفقا للمصدر تعني (أمشي خليني وحا تعيش في هناء وسلام بعيد عني) وأحبابنا الحبش يطلقون على مثل هذه الأغاني القديمة - وهي منذ الستينيات - Tizita وهي المرادف للحقيبة عندنا..
ونعتذر للمقاطعة..
| |
|
|
|
|
|
|
Re: صراحة المابعرف يقرا مايدخل هنا (Re: عبدالمنعم الطيب حسن)
|
Quote: الزَعْـــزَعْــزني ورَوَح عَـقْـلـي مِـنـي أَونْـطــا وِكْـتـيـن رَطَـنَـتْ مَـعـاي وما قِــدِرَتْ رَطَـنْـتـا قالـت بِالإشـارة السُـقـا .. وبـراي طَـنْـطَـنْــتــا السِبْحه في الـتـيـبـار بـدل القرعه قُمْت عطنْتا |
ياعزام يازول انت حرم ضكران عدييي لالبتكتب لي هسه في البنات.. ومن ناحية الدوبيت مافوقك زود..
وبهذه المناسبة خليني ترحابا بيك أخرج خارج نص البوست المكرس لاعلاء شأن الانسان السوداني..
زمن الصبا الباكر كنت بجمع الحصالة لأخوي ككمساري برنسه تعمل بين بحري وامدرمان.. ركبت معانا بنية أظنها عاملا ميك أب ( الزمن داك أنا ممتحن الجامعة ومابعرف حاجة اسمها الميك أب), غايتو قعدة عيونا ورسمة حواجبا وجمال مبالغ وفوق ذلك فهي من بنات الأقباط..
فقلت فيها:
كمل فيك مقاييس صبو منزل صاد وكل ما اقول اكمل فيك اقبل صاد الدرعا ام سلاحا للقلوب حصاد طرفك كالمها مدفع نهودك صاد
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: الأغنية في الأصل للراحل الضخم تلهون قسَّسا وإسمها Bey Bey Dehena Hunig |
حبيبنا محمد المرتضى
يازول أكان كدا السؤال بيبقى هل هذه الأغنية أم عزة في هواك هي السابقة.. لأن اللحن هو نفس لحن عزة في هواك وربنا يستر غايتو هههههه
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
بلة سلام، كانت عندما تستبد بي النوستالجيا، وانا بعد طالبا بمصر، ارجع بدويا صرفا، وانم متواصلا، ومرات، مرات عندما يسري الفرح المعبأ في زجاجات... برضو بنم، وقاعد يفهمني صلاح الجاك من شندي، وجويدة من الرهد ابدكنة مسكين ما سكنا، اما ناس مدحت من بحري، وحللي من عطبرة، فكنت بسطِح بيهم باكرا... ......... وتاني زننننننننننن*
.......... عندما ينم البدوي في حضرة اصدقائه ، وبعد انتهاء الرباعية، يقول له اصدقائه، مشجعين لمزيد من القول، يقولون: زننننننننننن
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
قافية البدايه سمحه يا البله قافية دار ريح الكبابيش والمجانين والهواوير وبنى جرار وأخونا عبيد ود المقدم يجيب نماذج عموما كلام رصين موضوع وقافيه وعفويه شاعريه أو تلقائية قول أو سليقة بدو بنجيك وبنجاريك ولك السلام
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: Here is the hint: ITMD, Adil, Kober والنوم في السطوح -- لو ما إتذكرت بعد دا كلو ما أظنك اقرب للزهايمر وبس |
ياعوض كل الوقائع متذكرها لكن كدي أديني زيادة بخصوصك انت.. أو حا أمشي لعادل أو محمد أحمد سعيد (معانا هنا) يبصصني.
| |
|
|
|
|
|
|
Re: صراحة المابعرف يقرا مايدخل هنا (Re: عبدالله ود البوش)
|
Quote: في شكر النفس بالغنا فتنا الخلوق قديم و جديد نحن الفهم و نحن الكرم و غيرنا مافي زول صنديد من زمن بعييد نفس النضم فيهو قاعدين نزيد و نعيد اتقول ملايكة ما من جنس البشر سويناها شينة شديد |
سلام يا سيف النصر شكرا على المشاركة لكن يا أبوالسيوف المسألة ما مسألة نفخ ذات بالغنا والدوبيت أبدا المسألة ومافيها أن الشعر لايشبه التقارير الأخبارية كما ليس هو دراسة للواقع بتفاصيله المريرة الشعر والأدب عموما مكيدة سيكولوجية لاختيار القيم والمعاني الجميلة والتي بالتأكيد موجودة على أقل تقدير في ثلث الشعب السوداني, ومن ثم تعلية هذه القيم حتى تصبح معدية لكل الشعب ومستوطنة لكل البلد..
واذا راجعت كل الشعوب تجدها تعمل حبة قيمها قبة ثم تنفخها حتى تصبح واقع معاش.
فأنا يا الحبيب بصدد تدشين حملة تركز فقط على حاجاتنا الحلوة, ونترك من يريد أن يركز على مثالبنا من بني الوطن فليفعل ولكن الخير حتما سينتصر وينقشع الشر ودعاته.
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: Alamin Ibrahim · متابعة · الأكثر تعليقا · محاسب في محاسب بالسعودية ماشة معاك باسطة بس يا صاحبي
إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست ..... |
الأمين ياصديق عاطف دا من زمن الباسطة ماتسمع كلامو
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
يا صديقنا Alamin Ibrahim من نواحي الفيسبوك تحياتي وسلامات
Quote: ماشة معاك باسطة بس يا صاحبي
إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست ..... |
ياخي كان عجبك التعليق .... ما بيناتنا وحياتك نلفو ونرسلو ليك بس أدينا حقنا الأدبي
هسع د. بلة دا يقول على ( واجبتو ) بى تعليق ( ملطوش ) ؟؟ ما بترضاها لى موش كدا ؟؟
___________
في مرة من المرارات عملت لى بوست عن البروف إيراهيم القرشي وبرنامجه في رحاب الحبيب وكتبت فيه بمزاااااااااااج عالي جداً
في يوم إحتجت لمعلومة في البوست دا قلت أفتشو في عمك قوقل ..... وحياتك طلع لى كلامي الما بغباني كاتبو واحداً تاني في موقع تاني وخاتي إسمو وصورتو ( الما خايف عليها ) ...... يا ربي أتكلم ... أسكت ..... أسوي شنو ؟؟ زى ما بيقولو الشباب وحياتك قطعتو في حناني .....
فااااااااااا
عليكم الله الحنان نحن محتاجين ليهو وما عاوزين نقطع فيهو حاجات كتيرة
وتسلم
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
ما فينا البِجر ....ويحرِن ويجيب اللوم ... فينا الداقي سدرو وما بِحرس الحــرووم ... فينا البنسـتر وسط القبيلة عمــوم ..... فــرتاق الصفـوف .. ســاعة العجاجة تقــوم ... ما فينا المسـولب ما بسترنو هدوم .. بسقي عدوهو ...... حنضل الكاس الملانه سمُــوم .. ( رشـــا بابكر ) ( من عقاب أم برعه )
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
Quote: ما فينا البِجر ....ويحرِن ويجيب اللوم ... فينا الداقي سدرو وما بِحرس الحــرووم ... فينا البنسـتر وسط القبيلة عمــوم ..... فــرتاق الصفـوف .. ســاعة العجاجة تقــوم ... ما فينا المسـولب ما بسترنو هدوم .. بسقي عدوهو ...... حنضل الكاس الملانه سمُــوم .. ( رشـــا بابكر ) ( من عقاب أم برعه ) |
سلام يا رشا بابكر كلام حلو وجميل لكن ممنوع الدخول بالمسدسات هههههه
| |
|
|
|
|
|
|
Re: صراحة المابعرف يقرا مايدخل هنا (Re: munswor almophtah)
|
Quote: Yahya Suliman · Medical Imaging Specialist في Private practice in southern sudan-juba الاخ المرتضي الكلمات الحبشية تعني : وداعا وداعا كوني عافية . كلمة هوني عندهم تعني في العربية كوني |
شكرا يحيى على المعلومة
| |
|
|
|
|
|
|
Re: صراحة المابعرف يقرا مايدخل هنا (Re: Balla Musa)
|
ارسل لي الصديق البديع احمد الفرجوني من فتره احد مساديره ( العجيبه ) ...
وهو ( مسدار سبعه ) كتبه في القصيم 1990
و الان الفرجوني في اللمسات الاخيره لاخراج ديوانه كتابة و صوتا علي سي دي ( للناس المبعرفوا يقروا ) هههه
هاك يا بله شوف الجمال ده ...
بَرْقـَاً في الدُّجَنْ رَفَّ وْكِتِرْ لُفّيْحُو(*) الدجن: الظلام عَوَّدْ قـَلْبِيِ لـ حَالـُو الْ مَضَيَ وْصُلْفيْحُو(*) صلفيحو: إنشغاله فـَرْعْ المَرْمَرِِيِ الْ نسَّامُو قـَادْ تـُفـّيْحُو(*) (*) تفيحو: ثماره جَمْرُو الْ في الضمَّيِرْ كَامِنْ نترْ نُفـّيْحُو(*) نتر: ظهر، النفيح:جروح الحريق
| |
|
|
|
|
|
|
|