|
كتب الكاتب الفاتح جبرا المتوفرة بمعرض الدوحة
|
|
 Re: موسم التقديم لوظائف الجامعات السعودية... بوست ممكن يختفي لكن دايما برجع (Re: ombadda)
|
اخ امبدة بالنسبة للوظائف التي تعلن عبر مواقع الجامعة فقط المقصود منها تحسين الصفحة و عكس
ان جميع الانشطة تتم عبر الصفحة و نادراً ما تكون فعالة الا بعد الجامعات انا لاحظت جامعة الملك عبدالله
مهتمة بالرد عبر صفحتها بصورة مباشرة و سريعة متى ما توافق طلبك مع ما اعلن عنه لكن الجامعات الاخرى
تفعل ذلك من اجل تحسين صفحاتها و عكس تلك الصورة
الافضل طبعا التقديم عبر شخص داخل الجامعة وهي ايسر واسهل الطرق بالاضافة متابعة مكاتب التشغيل
او زيارات وفود الجامعات
تحياتي
احمد عمر
| |
 
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
Quote: لاحظت الجامعات السعودية لا ترد على المراسلات الالكترنية والتقديم عن طريق الانترنت فرص الرد عليه ضئيلة، فى حين الوظائف المعلن عنها عبر مكاتب التوظيف فى الخرطوم والتى يأتى اليها مناديب ولجان من الجامعات المعنية تتم المعاينات والتعاقد مباشرة فى نفس لحظة اجتياز المعاينة.
غايتو نقدم بالطريقتين.
ولك الشكر مرة اخرى |
الاخ أمبدة... تحياتي...
الحقيقة من تجربتي المتواضعة، الكلام ده ما دقيق... كل المرّات الاشتغلت فيها هنا كانت عن طريق التقديم عبر موقع الجامعة... برضه الناس البقدّموا من خارج المملكة فرصتهم أكبر بكتير من ناس جوّه المملكة... يعني انا مثلا لو عايزه اقدّم لوظيفة فرصتي بتزيد لو كنت في السودان لأني حالياً ما شغاله.... لو كنت شغاله هنا في السعودية فرصتي بتكون كبيرة... ولو كنت في السودان فرصتي بتكون اكبر! موش فهم غريب! يعني انا حسي لو عايزه اشتغل لو اتقدمت وقلت ليهم اني في السودان بهتموا بي طلبي اكتر... الشي ده مرّ بي لما كانت الكلية الكنت شغاله فيها زمان عايزه تعيّن استاذات بمؤهل ماجستير ويكونوا تابعين ليها، لانه كان في استاذات بنفس المؤهل تابعين لشركة مشغّلاهم في الكلية... على الرغم من انه جميع الاستاذات كان عندهم رغبة ينقلوا من الشركة إلى الكلية، الكلية فضّلت تجيب ناس من السودان على انها تعيّنهم.. رغم انهم شغالين فيها ومعروفين ليهم!
| |
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
Quote: خ امبدة بالنسبة للوظائف التي تعلن عبر مواقع الجامعة فقط المقصود منها تحسين الصفحة و عكس
ان جميع الانشطة تتم عبر الصفحة و نادراً ما تكون فعالة الا بعد الجامعات انا لاحظت جامعة الملك عبدالله
مهتمة بالرد عبر صفحتها بصورة مباشرة و سريعة متى ما توافق طلبك مع ما اعلن عنه لكن الجامعات الاخرى
تفعل ذلك من اجل تحسين صفحاتها و عكس تلك الصورة
الافضل طبعا التقديم عبر شخص داخل الجامعة وهي ايسر واسهل الطرق بالاضافة متابعة مكاتب التشغيل
او زيارات وفود الجامعات |
الاخ احمد.. تحياتي
كلامك ده محبط جداً سواءاً للناس العايزين يقدّموا أو لي انا الجبته الاعلانات دي.. وفيه تعميم ما صحيح ابداً... بعرف كليات بتحتفظ بي السير الذاتية البتصلها لفترة من الزمن، ولما يجي وقت التعيين بطلعوا وببدوا يتواصلوا مع الناس العايزينهم... الاتصال بتم فقط بالناس البحسّوا انهم مناسبين معاهم... البقية ممكن ولا ايميل تأكيد وصول الطلب ما يصلهم... صحيح وجود شخص داخل الجامعة بخلي التعيين اسهل، لكن في نفس الوقت دي ما الطريقة الوحيدة ... مكاتب التشغيل مشكلتها انها ما بتعلن بشكل كافي... والاعلانات دي الهدف منها توري حوجة الجامعات موجوده وين وفي ياتو تخصصات... بمناسبة انه الغرض تنشيط الصفحات بتاعت الجامعة، أقول ليك انه قليل الجامعات تعلن في صفحاتها الإلكترونية.. ودايماً بلقى إعلاناتهم في اماكن تانية! حسي جامعة الملك فيصل دي انا استغربته انه في اعلان في صفحتهم وبالتفصيل ده!
شكرا
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: محمد الأمين موسى)
|
الاخ محمد الامين... تحياتي... ده سلّم الرواتب المعمم على الجامعات ... بس بعض الجامعات بتدي بدلات بسموها بدل ندره، مرات بتصل لي 100% من الراتب الأساسي...
بالاضافة لكده في علاوة سنوية.. وبدل نقل بحسب الجدول التالي
بدل السكن ثابت لحملة الدكتوراه بكل الرتب ... 25000 ريال في السنة... بالإضافة إلى إلى 12500 ريال بدل تأثيث تُعطى مره واحده في بداية العقد... تذكرة للحضور للسعودية ..تذاكر سنوية من وإلى بلد الاستاذ/ة... وفي تعليم للأطفال في المدارس الاجنبية بحد أقصى 25000 ريال... للأطفال من الأول الابتدائي (الاصغر من كده ما بدفعوا ليهم)، في جامعات ممكن تعمل حركات في موضوع بدل الدراسة ده ويقولوا ليك تجيب دليل انه اطفالك ما بعرفوا عربي!! عشان لو لقوهم بعرفوا بقولوا ليك يقروا في مدارس حكومية.. فمن الاول الناس تنتبه للنقطة دي في العقد...
بالنسبة للماجستير.. بدل السكن 18000 ريال وبدل تأثيث 9000... وباقي الحاجات نفس الشي...
اتمنى اكون جاوبته على اسئلتك
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
Quote: سلام عليكم ممكن يقبلو في الجامعات ب باكلريوس مختبرات طبية
|
أهلا يا ايهاب...
للأسف، الجواب على سؤالك .. لا... الكلام ده قبل تلاته اربعة سنين كان فيه احتمال اكبر شويه من حسي... السعودية بقت فيها حركة كبيرة لتشغيل أولاد البلد، عشان كده فرص البكالوريوس وبالذات للرجال تكاد تكون معدومه... وللسيدات ممكن يعني احتمال 15-20%! (ما في زول يجي يقول لي المصدر  )... جامعاتهم بتخرّج اعداد كبيرة كل سنة، عشان كده ناس البكالوريوس سعوديين متوفّرين...
أمنياتي بالتوفيق
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
The Department of Mathematics at Alfaisal University invites applications for three full-time faculty positions, to begin in the Fall semester of 2014. Applicants must present evidence of outstanding accomplishments and promise in both research and teaching. We seek candidates dedicated to our mission and passionate about teaching and performing research in a young and vibrant world class institution. Alfaisal University is a small and new private university opened in 2007 with four colleges of: Engineering, Science, Business, and Medicine. Is aspires to come a world-class institution in teaching and research. The compensation package is highly competitive to recruit high quality faculty to perform excellent research and teach and train students to become leaders and innovators in their respective fields. There are extensive opportunities to obtain funding, both internal and external, to support cutting-edge research. Our department seeks high-caliber applicants, with doctorate degrees from reputable institutions in the United States and Western Europe. Preference will be given to applicants with established research record in the field of Mathematics of Finance, however exceptional candidates specializing in other areas of Applied Mathematics and Pure Mathematics will be considered as well. In addition to developing external funding to support research endeavors, candidates will be expected to teach at the graduate and undergraduate levels and provide service to the University, Department and professional organizations. Review of applications will begin March 30th, 2014; however, the positions will remain open until filled. The appointment start date will begin August 25, 2014. To apply candidates must visit the following website: https://chroniclevitae.com/jobs/0000800291-01 and electronically attach the following: a cover letter of interest, a research statement, your teaching philosophy, a current curriculum vitae, and contact information for four references. Questions regarding the application process in the College of Science at Alfaisal University and about this position should be directed to: [email protected] or [email protected]http://www.higheredjobs.com/international/details.cfm?JobCod...%20%28all%20ranks%29(عدل بواسطة مريم بنت الحسين on 03-06-2014, 03:28 PM)
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: smart_ana2001)
|
| Quote: السلام عليكم ، انا باحدى الجامعات السعودية وحبيت اعلق على مسالة الرواتب لاحظت التعليق الاعلى عن الرواتب للسعوديين ومن في حكمهم وطبعا حسب تجربتي هنالك فرق كبير بين راتب السعودي والاجنبي وما هو موضح الاعلى للسعوديين فقط اما نحن الاجانب فاقل بكثير ، انا اول سنة تعينت بها وبالماجستير ب 3400 ريال بالاضافة ل500 بدل ترحيل ولي الان بالسعودبة 14 سنة ووصل راتبي 6700 بالاضافة ل500 بدل الترحيل ، فقط المطبق فيما قيل اعلاه هو بدل السكن وبدل التأسيس في اول سنة |
الاخت بدور... مرحب بيك.. وشكرا على التوضيح... فعلا السودانيين البجو من السودان بجو بعقود ضعيفة جداً... وده واحد من اهداف البوست ده... انه الجايين يناقشوا شويه في الpackage بتاعتهم.. الأردنيين مثلا بياخدوا الرواتب الانا كتبتها دي.. لانهم ما برضوا بأي شي.. السودانيين البجو من السودان بعد ما يجوا هنا بتفاجأوا بالحاجه دي... ورغم انه الارقام الجبتها انا دي ارقام تعتبر عالية، لكن في نسبة اسمها بدل ندره... ده ممكن يكون 100% من الراتب الأساسي... ودي بدوها للناس من التخصصات الصعب يتلقي فيها ناس.. زي الطب والكومبيوتر والهندسات... إلخ... السودانيين بنقصوا من "سوقهم" شديد لما يقبلوا برواتب بسيطة زي كده...
تحياتي ليك
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
وظيفة عاجلة.. هي ما في الجامعة، لكن وظيفة تعليمية... الوظيفة مفروض تشغل في شهر أربعة الجاي... بحسب المعلنين... عندهم فيزا لجنسيات محددة: أردنيين، مصريين، لبنان، بريطانيا، امريكا، كندا، استراليا... ممكن تكون فرصة للسودانيين الحاصلين على اي من الجنسيات دي
Quote: We have visa for Egypt, Jordan, Lebanon, UK, USA, Canada and Australia ONLY
|
الوظيفة للرجال والنساء.. في تخصص Computer Sciences.. مطلوب بكالوريوس..
الراتب بتراوح بين 11558-13687 ريال سعودي شهري... بالإضافة إلى 15% من الراتب بدلات مختلفة... 10% مكافأة سنوية... بدل سكن 25% من الراتب السنوي، أو سكن... تأمين صحّي، تذاكر سفر... بالإضافة إلى دعم من أجل تحضير شهادة الماجستير بنظام الدوام الجزئي part-time أثناء العمل...
التقديم عن طريق Bayt.com
http://www.bayt.com/ar/job/computer-instructors-female-and-m...audi-arabia-3004710/
المهام
The IT Instructor will be responsible for developing curriculum and teaching trainees various concepts of IT including an introduction to productivity suites of applications such as Microsoft Office and the use of these applications (Excel, Word, Access, Outlook, etc.), basic networking, and desktop and laptop hardware. Activities and operations include working with other Institute employees to identify areas of IT knowledge that require improvement within the trainee body, participating in the development of IT curriculum, coordinating with other IT Instructors to integrate curricula, monitoring computer lab access, and teaching classes with up to 25 trainees for up to 25 hours per week.
بالتوفيق للجميع
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: جعفر محي الدين)
|
رسالة هكذا جائتني
اليوم الاثنين 10/3/2014 سافرت لجنة التعاقد ممثلة لجامعة الملك خالد برئاسة الدكتور مهدي بن علي القرني مدير فرع جامعة الملك خالد في بيشة للخرطوم لاجراء معاينات لاعضاء هيئة التدريس جدد للعام الجامعي 2014/2015م وعليه بلغوا الزملاء عايزين كل التخصصات بكره في برج الفاتح .. العندو زول عاوز يخدمو الرجاء سرعة اخباره
اي زول عندو ماجستير ولا دكتوراه يمشي يقدم ل جامعة الملك خالد
0156555555 دة رقم استقبال برج الفاتح للتاكد
وصلتني بالواتساب
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
الاخت مريم تحياتي
لو عندك اي معلومات عن التخصصات المطلوبة لجامعة الملك خالد بببيشة ارجو افادتنا بها وهل الخبرة بتكون شرط اساسي في الحالات دي
Quote: اليوم الاثنين 10/3/2014 سافرت لجنة التعاقد ممثلة لجامعة الملك خالد برئاسة الدكتور مهدي بن علي القرني مدير فرع جامعة الملك خالد في بيشة للخرطوم لاجراء معاينات لاعضاء هيئة التدريس جدد للعام الجامعي 2014/2015م وعليه بلغوا الزملاء عايزين كل التخصصات بكره في برج الفاتح .. العندو زول عاوز يخدمو الرجاء سرعة اخباره
اي زول عندو ماجستير ولا دكتوراه يمشي يقدم ل جامعة الملك خالد |
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
الكلام ده خاص بالجامعات البتمشي تفتش في السودان، لانهم غالبا دراستهم بالعربي..
ملاحظات عامة على السير الذاتية البشوفها... يا ريت لو الناس تحاول تتقيّد بيها:
1- يفضّل اللغة العربية في السيرة الذاتية... ولو في الاتنين يكون كويس... لكن نسخة عربي ضروري..
البداية أحسن توضّح معلومات الاتصال، ما تكون في النهاية عشان ما يفتشوا عليها... وفّروا اكتر من رقم عشان لو حصل أي شي.. حددوا إيميل تكونوا بتستعملوه وبتفتحوه كتير...
2- حاولوا أعكسوا الجانب الأكاديمي، يعني في البداية اكتبوا الشهادات الحصلتو عليها ومن ياتو جامعة وفي ياتو تخصص... ومتين اتخرجتو...
3- الجزء البعده اتكلموا عن خبراتكم الليها علاقة بالعمل الأكاديمي... يعني لو في اي خبرات بتاعت تدريس، ما دايما بشترطوا خبرة..
4- بعداك اتكلموا عن خبراتكم العملية.... الجزء ده برضه مهم لو موجود ما تهملوه... اي تدريب عملي حصل خلال الدراسة برضه اكتبوه..
5- اكتبوا أسماء المواد الدرّستوها (لو في خبرة سابقة) والبتقعدوا انكم ممكن تدرّسوها...
6- لو في اي اوراق بحثية اتنشرت برضه اكتبوها بي توثيق كامل لاسم البحث ومكان النشر وتاريخه (اوراق في مؤتمرات، مجلات علمية ... إلخ)
7- الاهتمامات البحثية بالذات للناس العاملين دكتوراه... مهم تتكتب في نهاية السيرة الذاتية...
مع امنياتي للجميع بالتوفيق..
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
Quote: شكراً يا مريم على البوست .. الوضع الإقتصادى السيئ بيخلى الناس يوافقو باى عرض ..
و العرض والطلب هو البيحدد الرواتب والتفاصيل الأخرى
ــ قــبل فترة كان فى معاينات احدى الجامعات السعودية فى برج الفاتح دايرين محاضرين حملة ماجستير .. ناس الجامعة لقو عدد الدكاترة المقدمين ( فى وظائف الماجستير ) اكتر من العدد المطلوب !!!.
ــ والحاجة المؤسفة إنو الناس البيشيلوهم بالماجستير بيمشو يشتغلو محاضرين فى حاجات بدائية فى تخصصاتهم.. مثلاً : معظم حملة الماجستير فى علوم الكمبيوتر بتخصصاته المختلفة بيشتغلو اساتذة مقدمة وتشغيل وميكروسوفت أوفيس لطلاب تربية وتنمية مجتمع وماشابه .
ــ ونمشى نقول إنو المعايش جبارة وربنا يصلح الحال |
والله يا اباذر كلامك ده بالجد مؤلم، وشي ما أقدر اقول عليه إلا انه مؤسف والله يجازي الكان السبب... وفعلا كلامك صحيح ورغبة الناس الشديدة في انهم يطلعوا بتخليهم يقبلوا بأي شي... صعب علي انا من هنا اقعد انظّر واقول ليكم انه لازم تقيفوا في وش الحاجه دي، لاني ما ماره بي معاناة الناس هناك... الله يهوّن ويصلح الحال... غايته انا هنا بجيب ليكم الإعلانات، وان شاء الله ربنا يجعل رزق زول في الاعلانات دي...
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
Quote: ملاحظات عامة على السير الذاتية البشوفها... يا ريت لو الناس تحاول تتقيّد بيها:
|
بالإضافة إلى النقاط الهامة التي ذكرتها بنت الحسين... لا تنسوا تذكروا مهاراتكم في استخدام الكمبيوتر؛ وكذلك لإذا كانت لكم خبرات في الإشراف على تدريب الطلبة؛ ومعرفتكم بنظام الساعات المعتمدة (إذا كنتم من ناس جامعة الجزيرة)؛ والإشراف على الرسائل الجامعية إن وجدت.
حاولوا تكتبوا السربة الذاتية بطريقة أنيقة ومرتبة.
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: عمر التاج)
|
الله يبارك فيك يا مجاهد، شكرا جزيلا
اهلا يا عمر... وشكرا ليك على الدعوة الجميلة...
فيما يختص برواتب السودانيين، اتكلمته تعليقاً على كلام بعض الاخوة في البوست وقلت انه فعلا الكلام ده صحيح، السودانيين بقبلوا برواتب ضعيفة جداً وقد يقبلوا بيها من السودان لكن لما يجوا هنا بتفاجؤا انه الجنسيات التانية في نفس تخصصاتهم بياخدوا رواتب اعلى ممكن تصل للضعف.. للأسف السودانيين في السودان هم البخلقوا الواقع ده بسبب كثافة التقديم على الوظائف وقبولهم بأقل الرواتب... الأردنيين مثلا لما يمشوا ليهم من هنا ممكن ما يرضى ولا زول يجي معاهم... بقوموا يزيدوا ليهم العرض عشان يقبلوا..
بخصوص تعاقد صديقك، ما حأقدر اجاوب على الحته دي لاني ما عارفه الاجراءات البتتم قانونياً... لكن لو طلعت فيزا بي اسمه في السفارة ممكن يكون صعب انه يتحول لوظيفة تانية... غايته نصيحتي انه يسأل ويتأكد... وفي كل الاحوال لو في النهاية قبل الوظيفة خليهم يجي بعداك انتقاله لأي جامعة سعودية أخرى بكون نسبياً ساهل...
تدريس البنات بتم من وراء حجاب يعني الزول بكون زي البدّي محاضرة قدام المراية .. ومافي اي تواصل مباشر بينه وبينهم... وضع شويه مزعج لكن ما مستحيل... اعتقد كمان ما كتير الاساتذه بدرّسوا البنات، وغالبا بكون تدريسهم للاولاد بس..
تعليم الاطفال ده من النقاط البنبّه ليها اي زول عايز يجي يشتغل هنا في الجامعة، بحسب قوانين التعليم العالي الاساتذه بستحقوا دعم من الجامعة لتعليم اطفالهم في مدارس اجنبية بحد أعلىى 25000 ريال للأطفال من أولى ابتدائي لحدي ثالثة ثانوي... لكن في شرط انه ما يكون في مكان ليهم في المدارس الحكومية او انهم ما بعرفوا عربي... وعشان كده بقوموا يطلبوا من الاستاذ انه يخضع اولاده لامتحان لغة عربية عشان يتأكدوا انهم ما بعرفوا عربي! لو الناس ما اتأكدوا من الشرط ده مع الجامعة من السودان قبل التعاقد ممكن بعد يجو هنا ياكلوهم في موضوع المدارس ده ويعملوا ليهم حركة الامتحان دي... بالتالي انا افضّل انه الواحد يتفق مع ناس الجامعة من قبل التعاقد على النقطة دي
فيما يخص الجامعات... بشكل عام جامعة الملك سعود، وجامعة البترول وجامعة الملك عبدالعزيز كلهم في نفس المستوى... مستواهم عالي اكاديمياً ومادياً عشان كده شروط الانضمام ليهم صعبة... برضه جامعة الاميرة نوره للسيدات.. باقي الجامعات بعداك متفاوته حسب التخصص... ما عندي ترتيب معيّن، لكن لو عايز ممكن تسألني عن رأيي في جامعة معيّنة وانا اجاوبك...
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
| Quote: بالنسبة للرواتب ما أي اختلاف بين جنسية وأخرى حسب لوائح توظيف الأجانب في الجامعات السعودية - الفرق الوحيد انه في بعض الجامعات بتدي مثلا بدل ندرة ونسبة زيادة في الراتب بغض النظر عن دولتك (بقصد الدول العربية) - واللوائح لو قوقلتوها بتلقوها في تفصيل واضح( فمثلا الراتب الاساسي للمحاضر 3400+ 500 بدل نقل + 350 علاوة شنوية +18000 بدل سكن سنوي) الاستاذ المساعد 5600 راتب اساسي+ 500 بدل نقل +400علاوة سنوية و 25000 بدل سكن دا بيكون لواحد شهادته طازة عادة ما يزيد بدل السكن نتيجة لفروقات التقويم الهجري والميلادي- وفي شيء آخر بيزيد الراتب اذا تم احتساب علاوة غلاء المعيشة - دي حسب علمي تم الغاؤها كليا في بعض الجامعات وتغيير المسمى في البعض الآخر - أتمنى انه الصورة تكون واضحة. |
الأخ محمد عيسى... شكرا على المداخلة، وانا ما مختلفة معاك في شي.. لكن بدل الندره بختلف من جنسية لأخرى.. ده شي عاصرته وعشته في عدد من الجامعات... ناس بكونوا جايين في نفس السنة مع بعض وبكون في فروقات في واضحة في رواتبهم ... يعني ناس شغالين مع بعض في نفس الكلية وجو سوا ممكن يدوهم بدل ندرة مختلف... وناس السودان مرات بدل الندره زاتو مافي.. البدلات والمسميات دي للتحايل على قانون التعليم العالي عشان الناس تجي.. والسودانيين بجو بي أقل رواتب.. الأردنيين ممكن بعثة التعيينات تجي راجعة ما يجي معاهم أي زول لانه بلدهم ما طارده زي بلدنا... عندي زميلات بياخدوا بدل ندره 30%... واردنيين بياخدوا 100%...
موضوع المدارس ده حقو الناس تتأكد منّه لانه بحصل فيه مقلب كبير.. المدارس الخاصة هنا غالبة مقارنة بي الراتب... ومرات الجامعة بتتعنت وتقول ليك تخضع طفلك لامتحان عشان نثبت انه ما بعرف عربي! لو طلع الطفل بعرف عربي بقولوا ليك دخّله مدارس حكومية... بالإضافة إلى كده في تأمين في المستشفيات الحكومية لكل افراد الاسرة... وهو تأمين بختلف بحسب المكان الانت فيه، لكن اعتقد الزول بقدر يتعالج في اي مستشفى حكومي في المملكة بي التأمين ده.. ما متاكده من النقطة دي..
ألف شكر على المشاركة
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
بوست موفق الاخت مريم بنت الحسين
في موضوع الرواتب فقط احب اضيف حاجة صغيرة
و اعطي مثال
بدل الندرة ... و اعتقد في بعض الجامعات او بعض الكليات التي يحتاجون فيها يسمي زيادة استثنائية
قد تصل فعلا الي 100% ..... الجيد فيها انها محسوبة في معظم الجامعات من مجموع الراتب الاساسي + سنوات الخبرة
الشئ الثاني الذي لم تتطرقي اليه هو سنوات الخبرة ... فمثلا تحسب للاستاذ المساعد 400 ريال عن اي سنة الي 5 سنوات كحد اقصي
اريد ان اعطي مثال لواحد اخدوه استاذ مساعد و عنده خبرة 3 سنوات و حسب له بدل الندرة او الزيادة الاثتثنائية ... 50 %
1- راتب أساسي 5600 = 5600
2- 3 سنوات خبرة 3*400 = 1200
3- بدل نقل 600 = 600
مجموع اعلاه = 7400
زيادة استثنائية 50% = 3700
المجموع الكلي = 11100
بدل سكن مرة في العام 25000
بدل تاثيث مرة في العمر ( ههه) 12500
تذاكر سفر مرة في العام لعدد اقصي 4 من افراد الاسرة
قد تكون هناك بعض الفروقات من مكان الي اخر لكنها قليلة
و احب انبه كما نبهت الاخت مريم بنت الحسين ان سقوط بعض البدلات و ضعفها للسودانيين
ليس سببه لانهم سودانيين او لضعف في شهاداتهم فقط للاسباب التي ذكرتها الاخت مريم و لعدم معرفتهم ب ال negotiable points
بالنسبة للاساتذة الذين يدرسون في كليات الطب و تخصصاتهم سريرية .... اطفال باطنة جراحة و نساء الخ....
هناك بدل ثابت قيمته 80 في المية من المحسوب اعلاه ( اساسسي + خبرة) يضاف الي المرتب ...
و بحكم تواجدي الان في المملكة في جامعة الباحة يمكن ان اضع بريدي الالكتروني هنا للرد ( اذا سمحت صاحبة البوست)
العروض خصوصا للاطباء .... كما علي استعداد للتوضيح لهم اهم الفروقات بين العمل في التعليم العالي
او وزارة الصحة في المملكة
و لكم خالص الشكر
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: عمر التاج)
|
الأخ والي الدين... ألف شكر لتفصيل المهم جداً فيما يختص ببدل الخبرة... لاني ما كنت متأكده منّه عشان كده ما اتكلمته عنه... وفعلا زي ما قلت، السودانيين ما عارفين الممكن يناقشوا فيه عشان كده بجوا بعروض تعبانه جداً وبندموا بعد يجو.... لكن شوف كلام اخونا الفيسبوك أباذر ديشاب....
Quote: الأخت مريم .. وتستمر المأساة ..
يوم الخميس13-3-2014م كانت معاينات جامعة الملك خالد ببرج الفاتح ..
مأساة حقيقية : هيئة تدريس كاملة من جامعة ولائية قريبة من الخرطوم ..عميد كلية الحاسوب ورؤساء الأقسام وكل الأصطاف من دكتوراة وماجستير مؤجرين هايس وجايين المعاينة ..
الأسوأ والأمر إنو لمن العدد إكتمل الناس بقو يكوركو لمندوب الجامعة .. ب 3500 بنمشى معاك .. وواحد تانى يكورك ب ألف ونص بس ... السعودى رد بكل هدوء وحسم لا نبغى لا نبغى |
والله دي مأساة حقيقية! وتخلي الواحد ما يعرف يقول شنو... الله يجازي الكان السبب وخلا الناس عايزه تهرب بجلدها من الواقع المرير العايشنو! الله يهوّن بس..
أخونا عمر، ألف شكر على رفع البوست... ونخليه فوق عشان جايبه اعلانات تانية بعد شويه..
| |
|
|
|
|
|
|
|
|
 Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
أخونا والي الدين... معليش ما علّقته على طلبك لاني اندهشته من كلام ابوذر ونسيت... اكون سعيدة جداً لو وضعت وسيلة اتصال بيك نساعد بيها كل من يرغب في القدوم للسعودية للعمل من زملاءنا الأطباء... ويا ريت لو تقدر تشرح ليهم عن الفروقات بين العمل في التعليم العالي والعمل في وزارة الصحة... اعتقد زي د.أمبدّة ممكن يستفيد من الكلام ده، وغيره كتار جداً...
ألف شكر ليك على المبادرة الكريمة... وكل من يكون في موقع قرار او قريب من مواقع التوظيف في الجامعات السعودية مرحّب بيهم يساعدونا... عشان نكوّن لوبي لو صح التعبير نساعد بيه شريحة مهمة من الشعب السوداني... اي شخص عايز يعلن او ينوّه عن بعثات مشت السودان او حتمشي للسودان ممكن يتواصل معاي عبر الايميل لو ما مشتركي سودانيز أونلاين.. واكون فخورة انزّل اعلاناتهم: [email protected]
خالص التحايا
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
من الطرق الأخرى للتقديم لوظائف جامعية في السعودية هي عن طريق شركات التوظيف... توجد شركات تتعاقد مع الأكادميين من أجل وظائف في الغالب تكون في مرتبة محاضر/ه.. وتكون في التخصصات التي تدرّس في السنة التحضيرية (السنة الأولى في الجامعة)، والتي تتضمن مواد مثل اللغة الإنجليزية، الحاسب الآلي والرياضيات وغيرها... عندي معلومة عن شركتين من هذه الشركات، زوّدتني بيهم مشكورة صديقة جديدة وهي حالياً متعاقده مع واحده من هذه الشركات في أحد الجامعات السعودية... ميزة هذه الشركات أنها تقبل بشروط أقل تشدداً مقارنة بالقبول المباشر عبر الجامعات، مرتبّاتهم قد تكون أقل شويه .. لكن البدلات كلها تقريباً موجوده يمكن ما عدا بدل المدارس.. الشركات دي ميزتها بتخلي الواحد يقدر يدخّل كراعه في البلد زي ما بقولوا، وبعداك بكوّن خبرة في جامعة سعودية مما يسهّل انتقاله إلى كفالة أي جامعة في حال رغب في التحويل من كفالة الشركة... الشركتين العندي معلوماتهم من الصديقة العزيزة:
شركة خبراء التربية، بتعاموا مع مكتب في السودان اسمه مكتب الفائزون للاستخدام الخارجي جوار مسنوصف الاطباء شارع المطار ..
عناوينهم ...
هاتف : 00249183486705، هاتف : 00249183486706
فاكس : 00249183486707
جوال : 00249123325555، جوال: 00249999565555
الرقم الدولي : 00966503057230
البريد الالكتروني : [email protected]
البريد الالكتروني : [email protected]
البريد الالكتروني : [email protected]
البريد الالكتروني : [email protected]
http://www.alfaezon.com/Default.aspx
http://www.edu-experts.com/
الشركة الثانية اسمها شركة تحسين الأداء... عندهم رقم لكن ما ممكن الاتصال بيه إلا من داخل السعودية 920000655.... وفي رقم فاكس 00966112698420 بالإضافة إلى موقعهم ممكن تقدّموا فيه اوراقكم عبر الرابط التالي:
http://www.tahseenalada.com/employment.php
مع خالص أمنياتي للجميع بالتوفيق
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: مريم بنت الحسين)
|
شكرا الاخت مريم بنت الحسين
طبعا كلام الاخ ابوذر بوضح ليه السودانيين بياخدوا مرتبات
بيسطة او قول بدلات اقل .... الاستعجال و عدم تملك المعلومة
ايميلي للتواصل
[email protected]
و ايضا اعلن للاخوة ان جامعة الباحة و هي جامعة ناشئة نسبيا يسافر وفد منها سنويا الي
السودان و لديهم وظائف في كل التخصصات تقريبا و يتعاملون مع وكالة واحدة و هي وكالة ابوشلوخ في العمارات
في نفس شارع السفارة السعودية .... من ناحية محمد نجيب يجهزون الان للسفر الي السودان غالبا في ابريل
كل المطلوب تجهيز السيرة الذاتية بطريقة جيدة و تسليمها للوكالة .... و يحبذ ارفاق صور من الشهادات .... معلومات الاتصال دائما تكون متعددة و في مكان واضح في السي في
| |
|
|
|
|
|
|
|
|
|
Re: موسم التقديم لوظائف الجامعات السعودية... بوست ممكن يختفي لكن دايما برجع (Re: Waly Eldin Elfakey)
|
والله دي أخبار مهمة يا دكتور... ألف شكر ليك... الليلة لقيت إعلانات جديدة من جامعة الأمير محمد بن فهد في الخبر نزلت بي تاريخ أمبارح ... الاعلانات موجهة لخريجي الجامعات الأجنبية لأنه الجامعة توجهها كده... الناس ديل سريعين في الرد، وغالبا بتصلوا خلال اسبوع بالكتير لو لقوا انه المتقدّم نافع معاهم... للناس الخارج السعودية، ممكن يعملوا مقابلة عن طريق Skype
الوظائف هي:
Openings for Faculty in Computer Engineering and IT Multiple Openings for Assistant, Associate and Full Professor in the Department of Finance, College of Business Administration Multiple Openings for Assistant, Associate and Full Professor in the Department of Accounting, College of Business Administration Application must include a letter of interest, curriculum vitae, unofficial copies of all university transcripts, statement of teaching interest, as well as the names, addresses, phone numbers and email addresses of at least three professional references. [email protected] CC to: [email protected](عدل بواسطة مريم بنت الحسين on 03-19-2014, 10:42 AM)
| |
|
|
|
|
|
|
| |
مريم بنت الحسين
ombadda
احمد عمر محمد
محمد الأمين موسى
smart_ana2001
Osama Mohammed
جعفر محي الدين
عبدالله محمد احمد بلة
مجاهد محمد الهادي
عمر التاج
فيس بوك
تويتر
انستقرام
يوتيوب
بنتيريست