|
باللهي هسي حبوبتي فرقها شنو من اسحاق نيوتن !!!!
|
باللهي هسي حبوبتي فرقها شنو من اسحاق نيوتن !!!!
زمان في الاولية استاذ بول الجنوبي في حصة العلوم في درس التبخر جاب لينا قزازة مليانة موية وصحن الفتة الكبير داك . دفق كمية الموية الموجودة في القزازة في الصحن وكبَّ موية جديدة في القزازة . وختا الوعاين في راس الدولاب الموجود في الفصل . قال حنشوف النتيجة في الحصة الجايا. كرررررررنق ضرب الجرس معلناً نهاية الحصة
|
|
|
|
|
|
|
|
Re: باللهي هسي حبوبتي فرقها شنو من اسحاق نيوتن !!!! (Re: فيصل محمد خليل)
|
Quote: كرررررررنق ضرب الجرس معلناً نهاية الحصة |
أها والحصل شنو ؟ والعجب العجيب الزول البطفح داك وقال وجدتها وجدتها الفي سنة رابعة ياخي لاسع انا ما عارفو وجد شنو ؟ سألت الاستاذ قلت ليهو وجد شنو ؟ قال لي بتعرفا لقدام وبعدها درسنا نحن الطيور ايها الانسان بذا الجمال خصنا الرحمن منا يعوم البط وام سيسي مع الاوز فاهمت حديسي وقال بكرة كل واحد اجيب معاهو راس طيرة خلف الله الدغور جاب راس ابو الرقيع حير الاستاذ ذاتو
| |
|
|
|
|
|
|
Re: باللهي هسي حبوبتي فرقها شنو من اسحاق نيوتن !!!! (Re: علي دفع الله)
|
فتاح ياعليم رزاق يا كريم تصحيك امك من النوم قوم اغرف الحوض . تنقنق .... كل يوم اغرف الحوض انا ؟ مافي غيري ؟ قوم قوم عشان تحصل المدرسة كمان . تقوم وانت بتنعل سلسبيل البلاعات . تشيل الموية من البلاعة بعلية البوهية الكبيرة ديك وتمشي تدفقها في الفسحة الجنب البيت . يعني كتا بَخٌت العلبة في الوَاٌطة و بلز العلبة من فوق والموية تدفّق . تجيني امي ما تدفق الموية كدا رشها عشان الواطة تيبس سريع مع انو امي ما حضرت معانا حصة استاذ بول . من علمك يا فراش
Quote: وقال بكرة كل واحد اجيب معاهو راس طيرة خلف الله الدغور جاب راس ابو الرقيع حير الاستاذ ذاتو |
ود البوش يا ابن الذين قربْتَ اموت من الضحك. في سنة تانية الكلام دا موش ؟ لوحة كرتون معلق فيها رجلين طير ورقبة زرافة وقدوم ابو مركوب وسنو وسنو وحادات
| |
|
|
|
|
|
|
Re: باللهي هسي حبوبتي فرقها شنو من اسحاق نيوتن !!!! (Re: مني عمسيب)
|
Quote: والعجب العجيب الزول البطفح داك وقال وجدتها وجدتها الفي سنة رابعة ياخي لاسع انا ما عارفو وجد شنو ؟ سألت الاستاذ قلت ليهو وجد شنو ؟ قال لي بتعرفا لقدام وبعدها درسنا نحن الطيور ايها الانسان بذا الجمال خصنا الرحمن منا يعوم البط وام سيسي مع الاوز فاهمت حديسي وقال بكرة كل واحد اجيب معاهو راس طيرة خلف الله الدغور جاب راس ابو الرقيع حير الاستاذ ذاتو |
ههههههههههههههه ههههههههههههههههههههههه الله يقطع شيطانك علي شيطان خلف الله الدغور داير تشرقنا بضحكة في الغربة دي مالك
سلام فيصل خليل وضيوفك بوست زايق
| |
|
|
|
|
|
|
Re: باللهي هسي حبوبتي فرقها شنو من اسحاق نيوتن !!!! (Re: عبدالعزيز الفاضلابى)
|
بمناسبة الموية الرشتّا امي في الفسحة في سنة تانية اولية الاستاذ حكى لينا رحلة المطر قال وحدة غسلت العدة ورشت الموية في الشارع قامت جات الشمس بسخانته بخّرت الموية بتاعت الغسيل و الموية في شكل بخار ماء صعد الى اعلى وكون سحب جات الريح شالت السحابة وساقتها الى الجزيرة . نسيت اقول ليكم المراة رشْت الموية في احدى شوارع الديم . وفي الجزيرة تكونت سحب ونتيجة لعوامل عرفناها بعدين نزل المطر . رسم لينا المدرس دائرة وضح لينا في دورة المياة (ما المستراح)
Quote: حبوبتك بتبقى حاجة لي حبوبة صلاح غريبة؟
طيب ما أُماتنا كانوا بيعوسوا في الدوكة بعد ما يمسحوها بالطايوق.
الخواجة جا سمّاها "تيفال"
صديقي محمد ابو الريش
حبوبتي بتبقى لحبوبة صلاح غريبة في النوبية ام الدوكة و الطايوق التيفال يربط بينهم نظرية التطور
لكل فعل رد فعل كشطني كف بقشطك كفين ما مساو له في المقدار
|
| |
|
|
|
|
|
|
Re: باللهي هسي حبوبتي فرقها شنو من اسحاق نيوتن !!!! (Re: فيصل محمد خليل)
|
تعرف يا جلال الدين (ابوجهينة) يا قريبي تجربة الازموزيس الاخدناها في سنة تلاتة اولية والا رابعة ما متذكر لما مدرس العلوم جاب كباية موية سكر شديدة التركيز وعلق قطعة سكر المكعبة ديك في محلول السكر المركز شوفنا بعدين يومين كيف كبر حجم مكعب السكر بدلاً ان يذوب في المحلول . اها التجربة دي لقيتهم في اروبا بيدرسوها في سنة ثالثة ثانوي عالي. نرجع لحبوبتنا حنيفة كانت بتشرب الشاي بالفنجان الكبير داك وتحت الفنجان في طبق . لما الشاي يكون سخن بتكب شوية شاي في الطبق وبما انو سطح الطبق واسع سرعان ما يبرد الشاي وبسهولة تقدر تشرب الشاي اربط الكلام دا مع تجربة استاذ بول ولك ودي .
| |
|
|
|
|
|
|
|