|
Re: ود أبو بتاع الكاركتير الفوق - عشان ما تدمر فن الكاركتير (Re: اساسي)
|
الزول ده رسام مع ان الفكرة جايطة ليهو في راسو ويبدو انو في زول واهمو انو ممكن يبقى رسام كاريكاتير مفروض يمشي يراجع ويقرا ويتفرج على اعمال كاريكاتيرست محترفين ويشوف الفرق بين الاذية البصرية القاعد يعمل لينا فيها دي والراحة النفسية البنلقاها لما نلقى عمل لكاروري مثلا ولا نزيه ولا غيرهم من المبدعين ممكن يشوف ليهو زول ساخر ولماح يديهو الفكرة وهو يرسمها فقط
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: أحمد ابن عوف)
|
Quote: Mohamed Jamal · متابعة · الأكثر تعليقا · يعمل لدى Taif, Saudi Arabia لكن يا السماني ما بالغت عديل كدا ؟ تصدق وقسم بالله أول ما فتحت المنبر وطالعت الكاريكاتير وأنا البسيط العادي قلت هذا ليس بكاريكاتير هذا شيءٌ آخر . وإذا بك تعبر عني تماما لكن ما لى درجت تجيب ليهو من ويكيبيديا هههههههههههههههه اسعد الله صباحك بكل خير رد · أعجبني · متابعة المنشور · منذ 4 دقائق
|
بالغت انت دا والله يا جمال..وهل في ظنك او مبلغ علمك انه اساسي ما عاااادي وبسيط ؟؟
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: أيمن محمود)
|
Quote: انت بي كاركتيراتك الما عندها نكهة ولا طعم ولا فيها فكرة دي بتدمر فن كامل ومدرسة كبيرة من المدارس النقدية السياسية والاجتماعية وتحط من قدر هذا الفن وتدمر اسطورته |
هسع يا أساسي انتا بي كلامك دا ما دمرتا الراجل دا ولا كيف الكلام .. الزول دا حاول يوصل كلمتو عبر الكاريكاتير حقو الما عاجبك دا .. كان ممكن يكون النقد بناء شوية و"بتدمر فن كامل " دي صعبة شوية ..
يا ود أبو .. بداية موفقة يا زول وحاول بس تختصر الكلام لنو الكاريكاتير فن تعبيري .. بعدين اشيد بيك وبي رسمك الواضح لأنك فنان بتهتم بالتفاصيل بدقة ..
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: هشام كمال عبادي)
|
سلام علي الجميع كلامكم ده كان زمان، زمان شديد. فن الكاريكاتير والرسومات الكرتونية وصل مراحل متقدمة شديد. انتو من زمن كاريكاتير يرسم في الصفحة الاخيرة من صحيفة الأيام والصحافة؟ إنتو من زمن كاركتير الزمن داك...
أول الأمس كنت مع فنان كاريكاتيرست سودانى صاحب فكرة جديدة وغير مسبوقة في الرسم الكاريكاتيري. أعماله تباع في أضخم الصحف السويدية لأنو الفكرة رائعة. رسوماته عرضت في معارض كثيرة جدا، آخر معرض كان أمس. قلتو ليهو ياخى ما تسمح لي أنقل واحدة من رسوماتك للمنبر. قال لي لا لا لا، بطلع ليك زوول يقول ليك ده كاريكاتير شنو ده.
يا ود أبو يا زوول ارسم ساي، خاصة إذا إنت قاعد في أمريكا ووسائط النشر لا تقف عند حدود المنبر...
تحياتى للجميع..
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: اساسي)
|
شكراً يا أساسي
الفكرة نفسها تتسم بالحماقة والغـباء والعنف المفرط الغير مبرر
يكسر التلفزيون عشان صدر من بث برنامج كلام لا يرضيه
يعني صورة في تلفاز يتفاعل معا بمثل هذا العنف نحن عايزين فناين ملتزمين بالجوانب الإيجابية حتى ينتقدوا الجوانب السلبية في المجتمع
من يبرر ويينشر مثل هذا العنف الغير مبرر تجاه رأي وقول باللسان يساعد على نشر العنف وسيلة للحوار والتواصل ولا غرابة أن ينعكس هذا العنف مع تربية الأبناء والتعامل مع الزوجة والوالد والوالدة
ممكن ننتقد كل شيء بصورة إيجابية توصل فكرة النقد ولا حاجة لننساق للسوقية
كما قلت يا أساسي لا تنقص ود ابو موهبة الرسم ولكن ينقصه التروي والتفكر ووضع فكرته في إطار متسق رسالةً وفناً ونقداً
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: سامى عبد المطلب)
|
نتفق اولا
هل هو كاركتير ام كارتون
عموما، ارتاح لشغل الكارتون اكتر، لان الكارتونيست غالبا ما ينهي فكرته بلمسه كوميدية، والكارتونيست ممكن يعبر عن فكرته في رسمين، اربعة، ستة، لكن حسب ما ارى، هي دائما اربعة سلايدس
بعدين الكارتون معبر تماما، غايتو على المستوى الشخصي، لانه في غالب الاحايين بكون عندي نفس الرغبة انو افك التلفزيون بي شبشب خاصة لمن يكون في كوز حالج بينا حلج شديد.
الاختلاف لا يفسد للود قضية
تحياتي
_________________ اتوقع اساسي في فيلم الكارتون القادم لود أبو
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: سامى عبد المطلب)
|
أعتقد انه الرجل رسام كان ممكن يعتمد على التعبير بالرسم فقط بدون الكلام الكثير المكتوب الصورة وحدها كانت كفيلة بشرح ما عرض في التلفزيون وادى الى العنف .الكتابة الكثيرة في الكراكتير تعطي انطباعا عن عجز الرسام في توصيل الفكرة بالرسم فقط .
ثم انه يكفي الشخص ان يكون له قدرة على التعبير بالرسم الساخر ... ليس بالضرورة ان يكون هو صاحب .. الفكرة لاحظ في الصحف الرسمية تجد الكركتير مكتوب وموقع باسم الرسام مع سطر اخير مكتوب فيه فكرة فلان الفلاني وغالبا ما يكون رئيس التحرير .. بعض الناس لهم روح ساخرة لكن غير موهوبين في الرسم ممكن يحدث تكامل بين الاثنين مثل ما هو حادث في الصحف المصرية ..
ثالثا براحة هجمتوا الراجل ..
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: درديري كباشي)
|
Quote: الفكرة نفسها تتسم بالحماقة والغـباء والعنف المفرط الغير مبرر
يكسر التلفزيون عشان صدر من بث برنامج كلام لا يرضيه
يعني صورة في تلفاز يتفاعل معا بمثل هذا العنف نحن عايزين فناين ملتزمين بالجوانب الإيجابية حتى ينتقدوا الجوانب السلبية في المجتمع
من يبرر ويينشر مثل هذا العنف الغير مبرر تجاه رأي وقول باللسان يساعد على نشر العنف وسيلة للحوار والتواصل ولا غرابة أن ينعكس هذا العنف مع تربية الأبناء والتعامل مع الزوجة والوالد والوالدة
ممكن ننتقد كل شيء بصورة إيجابية توصل فكرة النقد ولا حاجة لننساق للسوقية |
أسـاسي ياخـوي بعـد الكلام الكتير الفي الكركاتير شــوف فراكلي طـلع بشــنو ؟ طلع بي قـد القفـة عنف و ما ادراك ما عـنف يعني شــوية كدا و يطلع لينأ ود ابو ارهـابي
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: وليد عكاشة)
|
Quote: أول الأمس كنت مع فنان كاريكاتيرست سودانى صاحب فكرة جديدة وغير مسبوقة في الرسم الكاريكاتيري. أعماله تباع في أضخم الصحف السويدية لأنو الفكرة رائعة. رسوماته عرضت في معارض كثيرة جدا، آخر معرض كان أمس. قلتو ليهو ياخى ما تسمح لي أنقل واحدة من رسوماتك للمنبر. قال لي لا لا لا، بطلع ليك زوول يقول ليك ده كاريكاتير شنو ده.
|
اهم حاجة يا سيف هنا الفكره زاته بتتحدث عن شنو والهدف منها لشنو. غايتو فى المنبر ده من الصعب إن صاحبك يرضى كل الاطراف .
| |
|
|
|
|
|
|
Re: ود أبو بتاع الكاركتير الفوق - عشان ما تدمر فن الكاركتير (Re: Balla Musa)
|
سلام يا أساسي
Quote: في وسائل الاعلام المطبوعة الحديثة يعد الكرتون نوع من انواع الفن وعادة ما يكون فكاهي بالقصد يعود هذا الاستخدام الى عام 1843 عندما مجلة بانش طبقت هذا المصطلح على الرسومات الساخرة التي كانت موجودة في صفحاتها[5] وبالذات رسومات الفنان جون ليش. وقد بدأت هذه السخرية على الرسوم التحضيرية التاريخية الكبرى على الجدران في قصر وستمنستر الذي كان جديد في ذاك الحين. كان اللقب الاصلي لهذ الرسومات هو السيد لكمه في الوجه وكان المقصد من اللقب الجديد "لكرتون" ان يكون ساخر, وذلك إشارة لتضخيم المواقف الذاتية للرجال السياسيين في قصر وستمنستر. تتكون الرسومات الحديثة ذات الرسمة الكرتونية الواحدة والموجدة عادة في المجلات من رسمة واحدة مع تسمية توضيحية مطبوعة توضع تحت او (في كثير من الاحيان توضع اسفل بكثير من ذلك) بالون مخصص للكلام. قام منقبون الصحف بتوزيع الرسومات ذات الرسمةالكرتونية الواحدة لميل كالمان وبيل هالومان و غاري لارسون وجورج ليشتي و فريد نيلير واخرون غيرهم. اعتبر الكثيرون ان الرسام الكاركتيري بيتر ارنو في نيويورك هو المؤسس للرسومات الكرتونية الحديثة (وكذلك بيتر ارنو بنفسه).. تشمل قائمة الرسامون لمجلة جاج الكرتونية على شارليز ادامز و شارليز باروسوتي و شون داي. بدأوا الرسامون بيل هوست وجيري ميركوس و فيرجيل بارتش كرسامون لمجلة جاج الكرتونية ولك انتقلوا بعد ذلك ليعملوا كمنقبين في المجلات الفكاهية. من الاشخاص المستحق ملاحظتهم في مجال توضيح الصحف الكرتونية هو ريتشارد ثومبوسن حيث قام بتوضيح مقالات عديدة في صحيفة واشنطن بوست قبل ان ينتج مجلته الفكاهية الخاصة كول دي ساك. عادة ما ظهرت الرسومات الكرتونية في الاقسام الرياضية في المجلات, واحيانا تشمل ميزات مشتركة مثل تشيستر, الالعب "شيت برون" في جميع مجال الرياضة. تكاد تنحصر الرسوم السياسية في منشورات الاخبار و المواقع الاخبارية. على انها تستخدم الفكاهة فإنها تعد اكثر جدية, وتستخدم عادة اسلوب التهكم والسخرية. عادة ما يستخدم هذا النوع من الفن كإستعارة بصرية لتوضيح وجهات النظر في مواضيع اجتماعية او سياسية تخص الوضع الراهن. تشمل عادة الرسوم السياسية بالون للكلام واحيانا ولوحات متعددة. يشمل رسامي الكاريكاتير السياسي, الرسام هيربلوك و دايفيد لو و جيف ماكنيلي و مايك بيترز و جارلد سكارف. [2] الشرائط الفكاهية والتي تعرف ايضا باشرائط الكرتونية في المملكة المتحدة والتي يعثر عليها يوميا في جميع الصحف حول العالم والتي عادة ما تكون سلسلة قصيرة من الرسوم المتحركة التوضيحية وتكون في تسلسل. لا تعرف عادة بإسم "كرتون" في الولايات المتحدة, ولكن تعرف "بالالرسوم الفكاهية" او "الرسوم المضحكة". ومع ذلك فإن الشخصيات الموجود في الرسوم الفكاهية -وكذلك الكتب الفكاهية و الروايات الفكاهية- عادة ما يشار اليهم بإسم "رسامي الكرتون". رغم ان الفكاهة هو الموضوع المسيطر لكن المغامرة والدراما ايضا وجدت في هذا النوع من الوسائط. من الجدير بالملاحظة, يشمل رسامي الكاريكاتير المعروفي في رسم الشرائط الفكاهية سكوت ادمز و ستيف بيل و شارليز شولتز و إلزى سيغار ومورت والكر و بيل واترسون. [2] |
| |
|
|
|
|
|
|
|