|
|
 الى المحامين و والقانونيين فى المنبر (يُفضّل سكان أُمبدة) !
|
........
تعود القصة الى العام 2002م حيث كنت قد إشتريت فى هذا العام قطعة أرض فى أمدرمان تحديدا أمبدة الحارة 25 بمساحة 300 متر عملا بمشورة أحد الأصدقاء من سكان تلك النواحي ، وقمت بالإجراءات الأولية وهى دفع المبلغ وحجز القطعة فى مصلحة الأراضي ولم أكن الى ذلك الحين قد رأيت القطعة رأي العين.
عند عودتى الى السودان فى العام 2007 وأثناء حديثى مع أحد الأخوان – من لهم فى قصة الأراضى وما الأراضي - جاءت السيرة :
- ( ياخى على فكرة قلت لى قطعة أرضك دى مكانها وين ؟) ، كان ردى (أمبدة الحارة 25) ،
- ياخى أنا مرة سمعت إنو الحتة دى بدو فيها تعويضات ، لأنو شركة النيل الكبرى للبترول "Greater Nile" عندها أنوبوب بترول مارى فى الحتة دى والصينيين بعوضو الناس ، كدى أمشى إتأكد).
فعلا قمت – ولأول مرة – بزيارة المنطقة بمساعدة من لهم معرفة بتلك المنطقة ، و أكّد لى مسئول اللجنة الشعبية أن فعلا هذه المنطقة بها تعويضات بعد أن بين لى ذلك فى الخريطة التى بحوزته ، وقمنا وإتجهنا الى مسافة قريبة حيث أكد لى أن هذه هى الأرض ، ورأيتها فعلا أرض خالية وحولها بيوت مبنية ، و للصراحة كنت مزهوا جدا فأنا صاحب هذه الأرض ومالكها كان هنالك تعويض أم لم يكن : ) ، ما أثار إستغرابي أن تكون هذه القطعة لا يسمح فيها بالبناء لذات السبب و قريب منها وفى نفس المنطقة أراضي لا يشملها ذلك (المنع) ونقلت إستغرابي هذا الى مسؤول اللجان الشعبية وكان رده فى غاية الغرابة ، (والله شوف يا اللخو ناس اللجنة الهندسية برسلو واحد بقيف وسط الأراضى وبأشِّر وبقول بعشوائية سجل ودى وديك و الجمبها وكمان دى ، وديك ودى خلوهم ما تسجلوهم ، وإنت وحظك !!!!!!) عجيب!!!
المهم خضعنا للأمر الواقع وقررنا إننا نرضى بالتعويض ، وفى بالنا طبعا أن التعويض سيكون مجزى وتحمسنا فى واقع الامر لتجئ المفاجئة بأن التعويض لكامل القطعة مبلغ 8.500.000 (ثمانية مليون وخمسمائة ألف فقط) !!!
- كيف الكلام ده يا زول؟!
- والله زى ما قلت ليك ، هو أصلو الصينيين كانو عايزين يعوضو الناس ، قامت وزارة الطاقة كونت لجنة تتولى أمر التعويضات .
- أيوا يعنى التعويض حددته وزارة الطاقة .
- أيوه وزارة الطاقة ، بالمتر المربع وإنتا أرضك دى بحساب المتر المربع بتتطلع ليك تمانية مليون ونص .
- طيب أنا ما عايز تعويض قروش خلى يدونى أرض فى حتة تانية .
- يا زول الناس ديل ما عندهم الى تعويض مادى ، وأحسن ليك تشيلو ساكت يعنى حتشتكيهم؟)
ووافقت على مضض خوفا من فقدان القطعة والتعويض معا .
ومضينا قدما فى إجراءات التعويض ،و أصبحنا قاب قوسين من إستلام الشيك ..
وكانت المفاجأة .....!!!!
|
|
 
|
|
|
|
|
|
|
|
Re: الى المحامين و والقانونيين فى المنبر (يُفضّل سكان أُمبدة) ! (Re: DKEEN)
|
بس للضمان كده - وبغض النظر عن الوضع القانوني - خلينا نسال التالي:
انتا تستحق تمن المثل في وقت البيع بناءا على تقييم عادل من جهة مقبولة لدى المحاكم..
وطالما رضيت مفروض يدوك قروشك التي ارتضيت بها..وبي سعر الصرف اليوم داك..
يعني هسي مفروش يكون عندك شيك بي مايعادل الفين ريال ..
تخش بيهم بندة وتمرق تقول الحمد لله..
:)
| |
|
|
|
|
|
|
|
|
Re: الى المحامين و والقانونيين فى المنبر (يُفضّل سكان أُمبدة) ! (Re: walid taha)
|
..
إضطررت للسفر قبل أيام من موعد إستلام الشيك ، فقمت بتوكيل شقيقتى لإستلامه .
عندما ذهبت فى يوم الإستلام إتصلت من أمام مسؤول اللجنة ، ودار الحوار التالي :
- أسمع أنا هسه قدام ناس اللجنة ، إنت مش قلت لى التعويض 8 مليون ونص .
- أيوه صاح ، ليه فى شنو ؟!
- بتاع اللجنة قال المبلغ سبعة مليون بس
- كيف سبعة مليون ؟ المسألة دى محسوبة بالمتر المربع
- والله هو قال كده
- كدى أدينى القال ليك الكلام ده
السلام عليكم يا شيخنا
- وعليكم
- ياخى كيف تقول المبلغ سبعة مليون ؟ الكلام ده مامضبوط
- يعنى قالو ليك كم ؟ وأحسست أن فى الامر لعبة
- قالو لى 8 مليون ونص
- طيب كدى يا شيخنا إتصل بعد ربع ساعة حنشوف ليك الموضوع ده
بعد ربع ساعة إتصلت مرة اخرى شقيقتى قائلة أن مسؤول اللجنة وافق على مبلغ الـ8 مليون ونص !!!!!!!!!!!
هذا للأمانة ما حدث بالتفصيل .
السؤال الذى طُرح : أين كانت ستذهب مليون ونصف جنية فى حال موافقتى على ملبغ الـ7 ؟!!!
يستتبع
| |
|
|
|
|
|
|
|
|
|
Re: الى المحامين و والقانونيين فى المنبر (يُفضّل سكان أُمبدة) ! (Re: walid taha)
|
حكى لى من هو مهتم بشأن الأراضي إن المنطقة المعنية والتى كانت أرضى تقع فيها ، (تقريبا خلف مستشفى أمبدة التعليمي) أن هذه المنطقة تم تحويلها الى مخطط سكنى .
سؤالى للقانونيين (اذا ثبت أن المنطقة هى ذات المنطقة التى جرى فيها التعويض بدعوى أنها منطقة مرور الأنبوب وتم الآن ما هو خلاف ذلك بتحويلها الى مخطط سكنى يجرى البيع فيه الآن.)
هل هنالك -إن صح التعبير - سند قانوني يتيح لنا فتح الملف من جديد؟
ام أنّا .....................
| |
|
|
|
|
|
|
|
|
|
Re: الى المحامين و والقانونيين فى المنبر (يُفضّل سكان أُمبدة) ! (Re: walid taha)
|
طبعا ومن دون تردد لك الحق في اعادة استملاك أرضك
عبر دعوي قضائية....ترفعها الآن ...باعتبار ان الاستملاك
الذي تم علي اساس المنفعة العامة بحجة لانابيب.. وحتي دي زاتا ما كانت منفعة عامة
وانما منفعة خاصة تخص الشركة الصينية....والوزارة الاستملت منها القروش دي لا صفة لها في الموضوع
فموضوع الاستملاك كان بينك وبين الشركة الصينية....وهو في حقيقته ليس استملاك بالمعني الموصوف وانما
بيع وشراء ويفتح الله ويستر الله......ولو رجعت لي الاوراق حا تلقي ان الوزارة اشترت منك وباعت للشركة الصينية
لذلك عليك أولا ان توفر المستندات الاصلية التالية:
1: قرار الاستملاك والمستندات التي وافقت بموجبها عليه
2. لما ناس الوزارة ادوك التمانية مليون ادوك ليها بموجب شنو؟ يعني اخوك وقف في صف وقالوا ليه سبعة مليون
وبعد اتصالك بقت 8 مليون....وشالها ومشي؟ وهل وقع علي اي اوراق ....ودي مهمة جدا.
الموضوع فيه تدليس ونصب واحتيال واضح وانه خدعة كبيرة وقعتوا فيها....وواضح انك لست وحدك
ارفع قضيتك وجيب معاك الناس الاستملكوا اراضيهم بعد ان تتوفر لكم نسخة قرار الاستملاك كان من الحكومة او اللجنة الشعبية او الجن الاحمر او من الناس الاستملكوا اراضيهم.
ما ترجع ليهم ولا مليم احمر
الا ان ترجع ليك ارضك...
| |
|
|
|
|
|
|
| |
walid taha
حمد فتح الرحمن
Hassan Makkawi
فيس بوك
تويتر
انستقرام
يوتيوب
بنتيريست