|
|
|
 Re: مورتا و ألاء (Re: الشفيع وراق عبد الرحمن)
|
العديل والزين العديل وياعديلة الله
العديل والزين الليلة العديلة تقدمو وتبرا
في اليوم البخيت عجنوليك الحنة
وفي اليوم البخيت والدرتو تتمني
داروق الصفاح من الخصيم جنة
سيف الصاقعة اخوي المابدور سنة
امك تقول عند الله ليك دايره
يكون عندك عيال وايدك تكون طايلة
الليلة العريس ساير علي النايرة
أبواتك تلوباً يدرجوا العايلة
فشاشين غباين للدمعتن سايلة
الليلة العريس من امو سار طربان
لاشرب المريسة ولاجاجا في الخيران
جبدوك جدودك رجال السبحة والايمان
من بيت العلم لي مجلس الحيران
العريس سيرو والعقبي للاصحاب
شدو لو و ركب فوق قارحاً شباب
اب قلباً شجيع من السلاح مابهاب
اكان جبدوك جدودك كان بدرسوا كتاب
وكان جيت متل ابوك لي قروشوا موحساب
ألف مبروك للأخ مورتا وألاء
إن شاء الله بيت مال وعيال
تحياتي الأخ الشفيع
| |
 
|
|
|
|
|
|
|
|
Re: مورتا و ألاء (Re: بله محمد الفاضل)
|
بي فرحك فرحت وجيت اقول مبروك
واشارك لي صحاب اتلمو سارو ..وجوك
من شافع صغير سديت محله ابوك
وشفاي للجروح يازول..محل ختوك
ما انت القمر ما اديتنا أي مساحه
نورك يا عريس ضواها كل الساحه
بيك ست الجمال غرقانه في افراحه
غبشاء وبت رجال بان في وشيها ..صباحه
عماتك...يعرضن بي فرح في الداره
خالاتك..يرقصن صفقه..والنقاره
عزاك الجميع ما انت لينا بشاره
حتي الصحراء بيك الليله شفنا...خداره
| |
|
|
|
|
|
|
|
|
|
Re: مورتا و ألاء (Re: saidahmed shami)
|
نسأل الله أن يبارك لهما وفيهما ويجمع بينهما على خير.
مورتا الرجل الظريف يستاهل كل خير ربنا يسعده.
شكراً أخى الشفيع وجزاك الله ألف خير وعقبال أولادك .
| |
|
|
|
|
|
|
| |
الشفيع وراق عبد الرحمن
أمير محمد ادريس
ABUHUSSEIN
بله محمد الفاضل
saidahmed shami
ismeil abbas
فيس بوك
تويتر
انستقرام
يوتيوب
بنتيريست