|
|
 من صفحة الجريمة في يوم واحد وصحيفة واحدة ...
|
هذه بعض عناوين الاخبار من صفحة الجريمة في صحيفة واحدة ( الاهرام اليوم) الصادرة اليوم 12 فبراير في الخرطوم :
- القبض على طالب اغلق حبيبته داخل شقة 3 ايام ثم رماها من الطابق الثاني
- القبض على شخص اغتصب وقتل طفلا ودفن جثته داخل منزله (منزل الطفل الضحية)
- ادانة شاب بالقتل العمد لقتله زميله في دار السلام ( لاحظوا المفارقة - دار (السلام) )
- اسرة تنفي قتل خطيب ابنتهم بسبب فسخ الخطوبة والمتهم الثاني يعترف
- المباحث تداهم غابة السنط (في قلب العاصمة تقريبا) ، وتقي القبض على معتادي اجرام ومحتالين هاربين
- طالب ثانوي يقتل زميله داخل منزل في امبدة
- موظف محلية (يدفر) بائع خضار ويتسبب له في جلطة
- شاب يستأنف حكما بالاعدام ضده في مايو
- القبض على لصوص سرقوا معدات قيمتها مليار في حلفا الجديدة
- شاب يطعن زميله بكوكاب ويشرف على قتله في الجزيرة ابا
- في القضارف شاب يقتل اخر بالسكين لشكه في علاقته بزوجته
-
الكلام دا يا اخوانا في السودان بتاعنا الآمن دا ، وفي جريدة واحدة بس، وفي يوم واحد بس !!
سؤال للمقيمين بالخارج وخصوصا البلدان العربية : هل معدل الجرائم وخصوصا القتل عندكم بمثل ما يحدث في السودان ؟؟
هل السودان بلد آمن فعلا ؟
|
|
 
|
|
|
|
|
|
|
 Re: من صفحة الجريمة في يوم واحد وصحيفة واحدة ... (Re: عادل خياري)
|
تحية وسلام
السودان بلد آمن حتي الآن رغم انف الصحف
دي صحف بتختلق الجرائم اختلاق ,, واحمد للراكوبة تعليقها قبل اي خبر مثل ذلك ,
إدعاء الصحف لزيادة التوزيع
او نحو ذلك
تقرأ المانشيت وتعتبر ان ما حدث داخل السودان , لتكتشف انها جريمة خارج الوطن او مختلقة ولنا كما لغيرنا اهل واصحاب في كل ارجاء الوطن للتأكد
لم افارق السودان قط سوي مرتين تساوي شهرا
اري العجب العجاب في النت والصحف , توجد جرائم نعم
لكن
كمان ما قدر ده
ليس دفنا للواقع ولكن قراءة موضوعية لنستعيد وطنا تمت سرقته والآن يتم تشويهه
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: عادل خياري)
|
تحية عادل واحترام
اقول ليك
بتحصل جرائم , ومرات بتكون في كوستي حسب الصحف ونحن في كوستي ما بنكون سمعنا بيها وبنسأل بدون تأكيد , والله انا مره سألت صحبي المحامي ياسر زنون يمشي يتأكد لي في المركز ولم يجد شيئا
يعني امسك الصحف دي كولها ولامن تجمع الجرائم وتطلع المتشابه بتلقي في عشرات الجرائم يوميا , وجرائم غريبة ,
اعتبر كوستي وربك عينة احصائية من السودان وده مكان انا ساكن , في جرائم لكن ما بالكتره دي ولا الغرابه دي , تمر سنوات ونسمع بي جريمة قتل او جريمه غريبه
مافي زول بنكر الفساد البتم داخل السودان ولا الافلات من العقاب لمحاسيب النظام
لو الصحف كتبت عن ديل , سرقة الميادين والرشوة واستغلال النفوذ وفوضي الجبايات لقلت هذا هو السودان الحكومي الآن
لازال مواطن كوستي يسير راجلا في اي مكان واي زمان لا يخاف علي نفسه إلا من الك لا ب
اكيد الاحترام
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: عبدالحفيظ ابوسن)
|
صباح الخير
صفحات الجرائم مليئة بغرائب الاخبار وكل جريدة تتناول أخبار جرائم تختلف عن الجرائد الاخرى
عادة الصحف بتلقاها تتداول نفس الاخبار في صفحات الحوادث لكن عندنا كل جريدة لها أخبار حصرية ربما من كثرة الجرائم
حقو الناس تاخد وقفة تجاه الواقع الاجتماعي المرير الذي نعيشه حيث تفشي الجرائم والعنف والتردي الاخلاقي في ظل حكم الكيزان
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: فتحي عباس نقد)
|
الطفل عادل حسب إفادة الدكتورة (...) وهي من العائلة بأن الترحيل جابه من المدرسة ودخل سلم على أمه وطلع يلعب بره وكان هنالك عمال يشتغلون وعند ذهابهم ناداه أحدهم
وهو آخر عامل كان موجود وقام بإقتصابه داخل المنزل ومن ثم قتله ودفنه داخل المنزل وقام أهل الطفل بعمل الإعلان عنه فقده وبعد عدة أيام فاحت رائحة كريهة في المكان ووجدوا جثته؟؟؟؟؟؟؟؟
إنا لله وإنا إليه راجعون
وحسبنا الله ونعم الوكيل
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: فتحي عباس نقد)
|
الاخوة المتداخلين / شكرا على التعقيبات
اخونا عبد الحفيظ ابوسن : صدقني الامر ليس فيه مبالغة، الجرائم الانا ذكرتها فوق دي حقيقية وبارقام البلاغات واسماء المحاكم .. (بعرف معظم الصحفيين الكتبوا الاخبار دي وممكن اجيب ليك المراجع لو ضروري)
الجرائد لا تلجأ لتأليف جرائم من خيالها لأن الموضوع بقى متابع من "المكتب الصحفي للشرطة" الذي يتولى التحقق من اخبار الجرائم المنشورة ويعقب عليها
...
الجرائم الانا ذكرتها دي جزء بس من الواقع. انا بحكم العمل بقرا تقريبا كل الجرايد البتصدر في الخرطوم يوميا ، واقدر بكل ثقة اقول ليك انو البلد بقت مااااا آمنة ابدا
وبالمناسبة ، الزملاء الصحفيين المتابعين اخبار الجرائم بورونا بي انواع تانية من الجرائم التي لا يتم نشرها، حاجات تحير فعلا
المجتمع السوداني ، في المدينة ، الخرطوم تحديدا - لم يعد آمنا
بعد شوية حأجيب ليكم هنا اخبار صفحة الجريمة من نفس الصحيفة لليوم التاني (اليوم 13 فبراير) عشان نشوف الجرائم بتجدد كيف
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: وائل فحل)
|
ودي عناوين الجرائم في بعض صحف اليوم الخميس 13 فبراير :
- في الرياض الخرطوم رجل يطعن فتاة (خطيبته) 3 مرات في الشارع ونقلها للمستشفى
- احباط محاولة لتهريب 850 كيلو من سن الفيل
- ميكانيكي يغتصب طفلة عمرها 12 سنة في ابوسعد امدرمان
- اتهام طالبة جامعية وابوها بتزوير شهادة ثانوي
- المتحري في مجزرة امبدة يؤكد ان المتهم قتل خاله ب 30 طلقة من الكلاشنكوف
رصاصة طائشة تصيب طالبا اثناء نومه في حي الدوحة امدرمان
- شرطة اليرموك تحقق مع 11 شخصا قتلوا شابا
- شرطة المعيلق تحقق مع فاتاة حاولت الانتحار
- المباحثث تكشف تفاصيل مقتل شرطي بأيدي عصابة في الحاج يوسف طعنا بالسواطير
- كنانة: القبض على شاب قتل سيدة ضربا بالبونيه
- ضبط طبيب مزيف يعالج الناس في عيادة جنوب الخرطوم
- سرقة عربة والي ولاية الوحدة من امام منزل بالكلاكلة
- مقتل صاحب محل اتصالات بطلق ناري في اليرموك جنوب الخرطوم
- الشرطة تكشف غموض اختطاف طفلة بالكلاكلة
- محاكمة 10 من العصابات المتفلتة في محكمة جنايات الازهري
- توقيفاخطر عصابة نهب وكسر في غرب الحارات امدرمان
- المحكمة تعاقب متهمين نهبا هواتف جلاكسي من سوق الكلاكلة اللفة
- الكلاكلة : ضبط مروج اقراص مخدرة
- الجريف شرق : القبض على سمسار يوزع النقود المزيفة
- القبض على 3 من طلاب الخلاوى اختطفوا فتاة وشرعوا في اغتصابها بالدخينات
- غلبني اتم بقية الجرايد
يا اخوانا الاخبار الفوق دي كلها من 3 او 4 جرايد صادرة اليوم (بس) في الخرطوم ... وكلها جرائم حقيقية وموثقة .
ديي اخبار يوم واحد (13 فبراير) ... يوم واحد بس !
| |
|
|
|
|
|
|
|
|
|
Re: من صفحة الجريمة في يوم واحد وصحيفة واحدة ... (Re: مهدي صلاح)
|
| Quote: هل السودان بلد آمن فعلا ؟ |
السؤال المفروض يكون
هل السودان في ظل حكم الإخوان يعتبر بلد؟
ما أظن
السودان فقد أو كاد يفقد مقومات الدولة. كل الناس في العالم تحس بهذا الإنهيار، إلاً من يقودون الدفة.
وسيغرقون البلد بمن فيها لو لم نسعى جادين للخلاص.
| |
|
|
|
|
|
| |
عادل خياري
عبدالحفيظ ابوسن
مهدي صلاح
فتحي عباس نقد
عبد الحفيظ فخر الدين
Elawad Eltayeb
فيس بوك
تويتر
انستقرام
يوتيوب
بنتيريست