|
|
 في بلدالسرقة حلال والشغل مزاج والحمار برف والسفيه قيادي والسفه بلاش !###
|
نحن ناس كدا نزعل لما الهلال ينغلب وما نمشي الشغل عشان ما في حق المواصلات ونوم بدري عشان الكهرابه بقت غالية ما نشرب المستوردة عشان نشجع الصناعة الوطنية ومن الصباح الشاي باللبن مدور معهو لقيمات عشان ما تفطر ذاتو قروش الفطر ممكن تشتري بيها جريدة الدار ولا قوون أو الصدي عشان تكون مريخابي مثقف يا خي خيالك زاتو وقف من مخك مشاكلك والبلد غير أنك عيان ليك سنة ما قادر تمشي حتي لباب الاجزخانة لكين في الصيف الحار داك ممكن تقيف جانب الصيدلية لانو التكيف رهيب يا فردة هنا تقعد في التلفزيون تشعر بمغص كدا وكتمت نفس لحدي ما تقرب تموت وكان قرأ يت الجريدة السياسية تقرف قرف السنين وتمشي الشغل ما تعرف من أي كوكب الناس ديل يا جماعة ديل المواظفين ولا أنا قاعد في بيت بكا تقعد البيت لا سكر لا بن وحتي غاز والفحم بقي كمان فحم حجري بس بيتبع بالوزن أصغر عبوة بخمسة جنية ما عندك حل غير تفتش ليك علي ست شاي فنانة تكون حنتا جديدة ومكبرتا والتوب أخر صيحة والكحل كيف والحواجب مرسومة داش طويل والعربي حقها ما كتير تعين وتشرب وتمارس كل الضلال الممكن يا خي أنتو ما سمعتو كل الناس سافرت من البلد دي حتي الشيطان خلي بيتو و أوضتو وساق أهلوا ولملم هدومو في شنطة هاندبك كدا وقال يا خي دي خرابات ساي وديل ناس أخير الغربة منهم لا هم زي أصلو قصة الاستقامة ما بعرفوها خالص عشان المجهود حقي ضياع وكمان ما في بطولات ولا أبداع ولا جديد بالاضافة لكدا الباقي من العمر كم عشان تعقد مع جماعة الجاهلية بالنسبة ليهم حضارة يا ود قوم نش بس والموضووع ما محتاج استقالته ولا فسخ عقد البلد فوضي وما فيها تقاليد ولا أصول وكمان السفر من هنا ما عايز غير شوية مؤهلات عادي من وشك وقروش القروش اللي بالشوال دي عشان تعمل ليك ألف دولار تذكرة سفر أيوة ممكن تمشي المطار وتركب سودان طير لاقرب مدنية فيها حياة وبعدا تشوف أنت ماشي وين لاي جزر البرت الديمقراطية لا جزيرة كوبا المهم مرقة يا ظريف حالك واقف ما تحزن لانو كل سكان بر السودان الواحد بينو وما بين البكا ثانية من عمر الزمان صاري الوش وغضبان من صباح الرحمان ويسب ويعلن دي ما حياة وملامح وش تقول ليك أنو الزول عايش في حزن وكآبة واحباط ويأس وقلّة حيلة وما قادر يغيير أي حاجة ولا حتي يزيد دخلو ولا يطلق مرتو ولا يقول يسقط البشير زول مسلوب الارادة بس حمار وعايش
عله مزمنة ارتسمت فينا وسكنت وكمان من مدة طويلة حتي أبليس أبا يقعد معنا فات خلاص ودا ما اعترافٍ بالعجز والفشل بس حالة عامة كضاب اللي بيقول مبسوط بصرف بالدولار وعايش في الخرطوم الخرتوم ذاتا بقت عشش فلاته والجن اللي كان قاعد معنا فارقنا بدون رجعة تاني !!!دي بلد كان ربطو فيها الجن يجن ! ما تقالوا لي البلد دي وين يامستهّبل البلد دي ؟؟ ياناس والله أنا ذاتي ما في سبب لقعدتي معكم لي سنة كدا عاطل ما شغال وقرّبت أموت من الجوع ومرات أكل بوش وحلل كلها والمادة الاسياسية فيها عضام وبقيت أشم العدس من الخرتوم لو طبخو في الثورة الفتح أشحد سيجارة واحد يقول ليك عندي سجارة تشتري الشاي أنت أنا العرس خليتو عن الشراكة الكضابة دي (ألعن أبو كدا ) ح أتمرد وأجي مع الجبهة الثورية وماح أخلي فيكم زول لا وسواس ولا خنّاس ! لا كبير ولا صغير عذبتوني عذاب السنين البلد بقت كلها كلام فارغ وفوضي البطل بقي حمار والخروف قالوا نعجة النصاب بقي من الاتقياء والسكران فيلسوف والعاطل سياسي والسياسي حرامي الحرامي بوليس والدكتور سايق ركشة والمكوجي دكتور الحكاية جاطت شديد الشريفة بقت مطلقة وناس ورا ورا سكنو ا في شارع عبيد ختم والبوخه للرجال قبل النسوان والواحد لو شاف جكس فنان ينسى يسمّي بالله قبل ما ياكل حاجات تعيسه نسبة الانتحار عالية والشذوذ علني والزار الشيخات فيهو من أوسم شباب الجيل الحالي
إذا أنا البعتي دا لما أمشي بيت الشربة عندي معجبين وعشاق وبسمع كلام معسول وأتسمّمت مرة بالشاورما بتاعت لحمة الاهادي دي قالوا اللحمة هدية من البنك الاسلامي لفقراء أفريقيا تكون مخزنه من زمن الحجاج
واحد يسرق مليار عيني عينك يسجنونه 3ثلاثة شهور بعدها يغترب وإثنين يعمل كل واحد منهم درداقة رزق صعب وشقا البوليس يمسكك وتقعد تفتش الضمانة
بالله تعالوا علينا جاي في بلد السرقة حلال والشغل مزاج و وجاهة والحمار بروف والسفيه قيادي والسفه بلاش والفوضي عندنا في كل شيء حتي المشي في الوطأ
ليه إنتو ما عايزين تجوا تزورونا حلنا زين زي حالي حسي !!!!!
|
|
  
|
|
|
|
زهير عثمان حمد
فيس بوك
تويتر
انستقرام
يوتيوب
بنتيريست