|
كتب الكاتب الفاتح جبرا المتوفرة بمعرض الدوحة
|
|
 Re: وزن شنطة اطفال المدارس وغيرها (Re: عبدالحفيظ ابوسن)
|
المقررات كتيرة , واي ماده عندها كتاب وكراس
ومرات اكتر من كراس وكراس خارجي
غير انو مع الظرف الحالي بقت الاسر تحشي سندوتشات لأطفالها من ماهو موجود حتي ملاح الخدرة , وكرستالة موية , مش موية صحة موية عادية من البيت
| |
 
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
عجزت عن معرفة عدد الكتب لكل مرحلة رغما عن بحثي حتي موقع وزارة التربية والتعليم , وسأعتمد علي معرفتي بالمعلمين
وقولي محض ملاحظة لثقل شنط ابنائي , فهل تمت دراسة وزن الشنطة وتأثيرها علي السلسلة الفقرية للأطفال , وليس كل الاطفال لهم آباء يقومون بتوصيلهم
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
بتي في سابعة , 11 سنة
جردت شنطتها
9 كتب
3 كتب كبيره ,, النبراس والرياضيات والكون
الكراسات
الرياضيات 4 كراس 2 صغار و2 كبار
العربي 6 كراسات
الانجليزي 2 كراس
التاريخ 2 كراس
الكون كراس
التقنيه كراس
القرآن كراس
الفقه كراس
كراس مراجعة خارجي
سندوتش الصباح
حافظة موية صغيرة
قلمين رصاص
قلم ناشف
استيكه
برايه
مسطره
| |
|
|
|
|
|
|
|
|
|
Re: وزن شنطة اطفال المدارس وغيرها (Re: المعز ادريس)
|
مرحبا يا المعز
وحبابك
وخت في بالك وزن الشنطة فاضية , ومفروض تكون خامة ده كلو , ومرات غيرو
مرات بحصل برفع شنطتها لامن تكون عيانه وامشي اجيبها ,, تقيلة بالجد
يبدو تم وضع المنهج دون دراسة لكل جوانبه , الموضوع موضوع حوافز لواضع الكتاب ما اكتر
شوف ده الوزن ولو خشيت في المنهج اسكت بس,, اضطر مكرها احيانا بتخطئة المعلم في معلومة رغم ان مصلحة الطالب ان لا يري معلمه مخطئ
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
مرحبا هالة عباس
وتحية للمداخلة القيمة
يجب ان لا يزيد وزن الشنطة عن 10% من وزن الطفل دون ال 13 , فهي تؤثر في العمود الفقري والكلي
وختي في بالك نوع شنط المدارس في السودان من اردأ الصناعات , فقد استوردها تجار لا يحسبون حسابا لسلامة الاطفال ولا توجد هيئة مواصفات مهنية بل هيئة للجبايات
من الصعب ان يحمل الطفل شنطته بشكل سليم , بل هي معرضة للبلي والتقطع
سنويا اشتري مابين 4 و 5 شنط بعد ان اعجز عن صيانتها
| |
|
|
|
|
|
|
|
|
|
Re: وزن شنطة اطفال المدارس وغيرها (Re: يحي قباني)
|
حليل زمن زمان يا يحي يا اخوي
مش حشو اليوم
الطالب كان بستعمل عقلو مش قدرتو علي الحفظ
هسه يسألك طفل دون العاشرة اسئلة يغلبك تجاوبها رغم سهولتها
شنو يعني الحافظين فروجهم
ولا شنو
الاحتلام
ادو الاولاد فرصة يعيشو طفولتهم , وتدرجو ليهم حسب سنهم ,, في المقررات ونوعها
| |
|
|
|
|
|
|
|
|
|
Re: وزن شنطة اطفال المدارس وغيرها (Re: يحي قباني)
|
حبابك يا صديقي
كالعادة تكوي فوق الفكك
تعرف هنا المدارس منظمين شوية في مسألة حمل الشنطة
بيدو الطالب جدول المواد الأسبوعي
وعليه أن يحضر فقط الكتب التي يدرسها في اليوم
وبالتالي الشنطة بتكون فيها كتب يوم واحد
وحتى حمولة الشنطة بكل الكتب ما قدر شنطة المدارس في السودان
المسألة فعلاً خطيرة
إنت اتصرف براك وخلي البت تجيب ليك الجدول
وخليها كل يوم تشيل الكتب المطلوبة في اليوم دا
مش كل يوم تعتل الكتب كلها
وتحياتي مثنى وثلاث ورباع
| |
|
|
|
|
|
|
|
|
|
Re: وزن شنطة اطفال المدارس وغيرها (Re: بدرالدين بابكر مصطفى)
|
بدر يا صاحب
كتر خيرك ياخ
تعرف يا صاحب قلت ليها كدة , ولكن مدارس السودان واحدة من مشاكلها الكادر البشري الذي تخلت عنه الدولة , قريت قبل كدة مدرسة قفلت عشان ما لقو ليها معلم , الماهية متدنية وغير منتظمة
فالجدول ممكن يجوط في أي لحظة , غاب معلم الرياضيات يخش معلم الجغرافيا عشان يملا الحصة والاولاد ما يجوطو
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
The American Occupational Therapy Association (AOTA) is working to educate students, parents, and communities about the potentially serious health effects from school backpacks that are too heavy or worn improperly. More than 40 million children in the U.S. carry school backpacks, and more than half of them may be carrying too much weight. Children carrying overloaded and improperly worn packs are likely to experience neck, shoulder, and back pain; adverse effects on posture and the developing spine; and compromised breathing and fatigue. The U.S. Consumer Product and Safety Commission estimates that more than 7,000 emergency room visits in 2001 resulted from injuries related to backpacks and book bags; half of these injuries occurred in children 5 to 14 years old-the age of elementary and middle-school students. The growing awareness of potential long-term problems to children has resulted in increased medical research, more coverage of the issue in the media, and proposed legislation in at least two states to address the issue of backpack weight in relation to student health.
AOTA recognizes that schools are under tremendous pressure, with limited resources, to educate children about far more than the traditional academic subjects. However, there are some things that teachers and school administrators can consider that will help reduce backpack loads to the recommended 15% or less of a child's weight.
What are your students carrying in their backpacks?
What can be done on a physical level, such as providing lockers or cubicles where books, supplies, and athletic equipment can be safely stored?
Consider lightweight alternatives to recommended school supplies. Allow students to use spiral bound or composition books and pocket folders for note taking and organization rather than three-ring binders, and to divide class materials between two 1-inch binders rather than carry a large 2 ½ or 3-inch binder.
What can be done to lessen the backpack burden at the curricula level?
Take into consideration the total weight of each day's class work-not only in educational content, but also in terms of textbook weight-to keep students from taking multiple heavy textbooks home one day and a very light load the next.
Look at alternate methods of providing course information if your school has the resources to implement them, such as posting study guides and subject information online to be read and reviewed, handing out photocopied homework and review chapters, or providing duplicate textbooks. Consider other information dissemination methods that eliminate the need for carrying heavy textbooks between home and school every day.
Clarify the due dates of all assignments and student work reviews. There is often a misperception among students that they can be asked for any of the semester's work at any time, so consequently they carry everything with them all the time. Enlist parents to help students file work at home monthly or by study unit so that only the required work needs to be brought to school.
Ask children what suggestions they have for lightening their backpack loads.
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
فعلا حمل زائد لا يقوي الاطفال عليه، بعض الحلول من واقع التجربه تنظيم الشنط حسب الجدول اليومي للحصص ، شنط عجلات (جر)
لكن لفت نظري
لاينصح بأستخدام قاروره الكرستاله اكثر من ثلاث مرات. وردت تحزيرات في غايه الاهميه عن هذا الموضع. يجب تغيرها دوريا. اجيب رابط للموضوع اذا تمكنت.
تحياتي،،،،،،
| |
|
|
|
|
|
|
|
|
Re: وزن شنطة اطفال المدارس وغيرها (Re: محمد هاشم ابوزيد)
|
مرحب ود ابوزيد
عموما الكريستالات غير صحية لو تعرضت للشمس
ونحن في السودان عندنا ثقافة الحوجة , ما بنجدع حاجة ابدا لفقرنا
علبة الصلصة كوز
قزازة الببسي بنقطعها كباية
المواعين البلاستيكية مواعين للنقل والحفظ
اكياس النايلون شنط هدوم
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
من قول هالة عباس في نافذة الفيس عن الألمان , ومن إقتباسي من البوست الامريكي , يتبين لنا اهتمام العالم بصحة اطفالهم
وهل ما قاله من نافذة الفيس بوك عبدالعظيم مكي حول ان الامر المقصود هو تدمير اطفالنا , ام ان الامر لا يعدو كونه جهلا وسؤ تخطيط وسذاجة سياسية وفساد
| |
|
|
|
|
|
|
|
|
|
Re: وزن شنطة اطفال المدارس وغيرها (Re: يحي قباني)
|
زمان برضو كانت الكتب كتيرة ، لكن كان الكتاب مشاركة بين إتنين أو ثلاثة عشان كده ما كان الحمل زايد
برضو كان في كثير من المواد تعليم مهارات فيزيائية مثلا الزراعة وأين الكنز والهوايات أم الآن شكل المهارات إختلف الحاسب الآلي الذي يحتاج إلي كتب
زمان كانت التربية الإسلامية من جزء عم مباشرة والعقائد من الأستاذ للدفتر مباشرة الآن في كتاب وكتاب تمارين لكل مادة
زمان الجدول في الإبتدائي لا يتجاوز خمس حصص على الإطلاق الآن لا يقل عن ستة حصص
لم تكن اللغة الإنجليزية من الصف الأول بل كانت من الثانوي العام (الإعدادي حاليا) ما عدا مدارس الكمبوني
هذا الأمر في كل العالم العربي وليس مربوط بدولة معينة ولا يعود على حكومة معينة
أحسب أن الأمر هو تطور العلم والمعلومات الزائدة الأمر الذي يحتاج فيه الطالب إلي التأسيس الجيد في المراحل الأولى ليستطيع مواكبة العلم في المراحل العليا.
لذلك وجدت الشنط المدرسية (الترولي) بعجلات لمواكبة هذا الإزدياد في وزن الكتب
| |
|
|
|
|
|
|
|
|
|
Re: وزن شنطة اطفال المدارس وغيرها (Re: الصادق عز الدين)
|
مرحبا الصادق وحبابك
زمان كان المقرر يراعي عمر الطفل وقدراته الذهنية
سنة أولي ابتدائي كان عندنا كتاب مطالعة مستوحي من البيئة وكنا مسمينو
حمد و الجمل
وظلت تعابيره في ذاكرتنا حتي اليوم دلالة استيعابنا له وارتباطنا به
وكان التعليم حتي ثالثة يسوده روح اللعب والمرح , وتدرجنا حتي صار التلميذ السوداني بعد اكمال التعليم عارفا بالدين والجغرافيا والتاريخ والعلوم بشكل يؤهله لفهم مايدور حوله
ولكن تتحمل حكومة السودان بغباء سياسي وممنهج تدمير التعليم بالحشو والتلقين , وبنظرية فجة وخطيرة ومدمرة تأصيل الطلاب لتختمه بمعسكرات الدفاع الشعبي
والمحصلة لا تحتاج لبرهان , فهي ماثلة للعيان
انحطاط في مستوي القراءة والكتابة والتثقيف والاهتمام بالتطور الفكري
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
قديما كان التعليم حديثا ومتطورا
حصة النشاط الريفي
مادايرة كتب وكراسات
زرعنا في المدرسة الخضروات وسقيناها ورعيناها وعرفنا الزراعة
اشتغلنا مسرح من داخل نصوص المقرر المدرسي حق المطالعة
كونا جمعيات وعرفنا كيف نمارس العمل والتثقيف الجماعي والحوار وعرض الافكار
الرياضة
هسة مافي زمن لزحمة المقررات
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
ود اب سن تحياتي...
كل دول العالم بتعمل دراسات على وزن الكتب.. وبتوعّي الطالب والمعلم والاهل عشان يهتموا بي كيف يكون وزن الشنطة مناسب.. الفيديو الجميل ده اصدرته وزارة التربية السعودية (على الرغم من انها ما احسن كتير من حقتنا) لكن الفيديو ده كان ليه اثر كبير في تخفيف العبء عن الطلاب... في المدارس الخاصة هنا، بخلو الكتب البستخدموها في المدرسة في الفصل مع الاستاذة... ولما يكون في امتحان بدوهم ليه... ده في الصفوف الصغيرة، ولدي في سنة تانية.. اتمنى الفيديو يساعد
لو الوزارة ما منتبه لوزن الشنط، حقو تعملوا مع المدرسة عشان الاستاذة تلتزم بي الجدول الدراسي... وتقلل عدد الكراسات بقدر ما تقدر.. يعني مثلا كراسات الرياضيات القلتها دي مافي اي داعي ليها.. حق البيت يقعد في البيت ما لم تكون الاستاذة عايزه تصححهم... وكراس واحد كفاية، اصلو هو شنو يكتبوا في كراسين!
| |
|
|
|
|
|
|
|
|
|
Re: وزن شنطة اطفال المدارس وغيرها (Re: مريم بنت الحسين)
|
يا أب سن
بالمناسبة قبل سنتين أو تلاتة في دولة (أظنها تركيا)
استغنت عن الكتاب المدرسي نهائياً واستعاضوا عنه بجهاز (آيباد) ولا حاجة قريبة منه
ويتم تحميل كل المقررات المدرسية فيه
والمدهش إن الأستاذ يتحكم في فتح وإغلاق هذا الجهاز أثناء الحصة
ولديه سبورة إلكترونية يشرح فيها
وغايتو تجربة كانت عبقرية
وكمان اعتقد إنو الفكرة مجدية حتى اقتصادياً (لكل من الدولة وأولياء الأمور)
لا شنطة ولا حمولة زائدة ولا غيرو
جهاز وااااااحد تقع وتقوم بيه
حتى الاختبارات والامتحانات تجيك في الجهاز دا
فـ ما عارف رأيك شنو في الفكرة دي
| |
|
|
|
|
|
|
|
|
|
Re: وزن شنطة اطفال المدارس وغيرها (Re: عبدالحفيظ ابوسن)
|
مرحب بت الحسين
حبابك يا خية
للأسف المعلم لا يستوعب ذلك , وممكن يعتبرها من فلسفة آبا المعلمين
المعلم ينتهز فرصة عدم وجود معلم مادة ويدي الطلاب دبل رياضيات آخر اليوم
حكاية الطالب يقتنع ما اظن , لأنو ممكن ينجلد عشان ما جاب كراس الماده البره الجدول اليومي
| |
|
|
|
|
|
|
| |
عبدالحفيظ ابوسن
المعز ادريس
يحي قباني
بدرالدين بابكر مصطفى
محمد هاشم ابوزيد
مريم بنت الحسين
فيس بوك
تويتر
انستقرام
يوتيوب
بنتيريست