|
كتب الكاتب الفاتح جبرا المتوفرة بمعرض الدوحة
|
|
 Re: لو أمك حية اتصل عليها اسع دي (Re: عبدالله ود البوش)
|
ود البوش سلام
قلبت علينا المواجع نحن من فقدنا أمهاتنا عليهن رحمة الله .. ونسأل الله الصحة والعافية لكل الأمهات اللائي على قيد الحياة ربنا يبارك في أعمارهن ..
عزائي في أمي أنها ماتت فوق يدى فجأة وهي مبتسمة وتتشهد وتدعو لي وعافية مني والحمد لله ..
| |
 
|
|
|
|
|
|
|
|
Re: لو أمك حية اتصل عليها اسع دي (Re: عبدالله ود البوش)
|
تحياتي ود البوش
رغم ان الاغنية قلبت علينا المواجع ، وايقظت ذكري ترقد في قاع المخيخ لا تفارقه ، الا ان شريطا طويلا صاحب هذه الاغنية العذبة الحنينة
الاتصال بالامهات الراحلات عن هذه الفانية هو بالدعاء لهن عقب كل صلاة
بارك الله فيك
| |
|
|
|
|
|
|
|
|
Re: لو أمك حية اتصل عليها اسع دي (Re: عبدالله ود البوش)
|
أتصل عليها امكن دايرة تسمع صوتك بس
اتصل عليها امكن محتاجة حق الدواء
اتصل عليها وتأكد بانها سوف تدعو ليك
وقسما دعواتها غير رب العالمين ما عندها سقف وكل السموات تنفتح ليها
وقسما بدعواتها تتسهل كل الامور القاسية
وبعد تقفل الخط تمتع بالراحة النفسية
والله العظيم اسع دي انا قفلت منها الخط وماشي آكل لي سندوتش طحنية وكأني ملكت الدنيا كلها
| |
|
|
|
|
|
|
|
|
|
Re: لو أمك حية اتصل عليها اسع دي (Re: عبدالله ود البوش)
|
واحد من شبابنا طلع من البلد اغترب في الخليج
وفت غتسة ما جاء مقلع الا بعد عشرة سنين السنة تدقش السنة
اهلو قالوا الجنا عرسوا ليهو سريع قبل ما اخفس تاني
عرس والاجازة انتهت ورجع محل شغلو
اسبوع ما تماهو بقى اغني وب علي انا من سامية
وفي الشغل طاشي شبكة
صاحب العمل شاف قعادوا بالسرحان دا مافيهو فائدة اقترح ياخد اجازة تاني
زولك ما صدق وفجأة دخل البيت لقى امو في الباب تكتف ليها في ديك مودياهو السوق
نظرت اليه شذرا وقالت ليهو أجي يا ولدي
| |
|
|
|
|
|
|
|
|
|
Re: لو أمك حية اتصل عليها اسع دي (Re: Gafar Bashir)
|
Quote: أفضل من كدة يا ود البوش
الان هي معانا في البيت في زيارة للمملكة |
حرم بخيت وسعيد ياجعفر
الله اديها العافية واطول عمرها
مع تحياتي لها ولك وللاسرة الكريمة
.
.
عاين جاي يا جعفر
اماتنا نحن ناس صقيعة سلامة لمن نجيبن هنا في السعودية كتمة الشقق بتتعبن خلاص
اها مرة معاي امي وطلعنا بيها في الخلا والصي ( البر )
بعد شوية سمعت صوت طيارة صنقعت عاينت ليها وقالت
اجي يا عبدالله ولدي الليلة ولا يوم الاتنين ولا يوم الجمعة الطيارة دي الجابا شنو
متعودة تجي بالطيارة السودانية اتنين وجمعة هههههههههههههه
| |
|
|
|
|
|
|
|
|
|
Re: لو أمك حية اتصل عليها اسع دي (Re: عبدالله ود البوش)
|
رحمك الله يا أمي ...
يعلم الله كم انا مشتاق اليك ...
لا املك الان سوى دعائي لربي ان يحسن مثواك كما احسنتي تربيتنا ...
و ان يجعل مقامك في عليين ...
و اسأل ربي ان لا يلهيني بالدنيا و ان اغيب عن الدعاء لك ولو للحظات ...
فلو عشت الدهر كله لن اوفيك حقك دعاءً او تضرعاً ...
و انا الذي عشت عمري ببركة دعائك يا اماه ...
الآن اتلمس طريقي مفتقداً ذلك الدعاء الذي يحفظني من كل شر ...
رحمك الله يا امي ... ورحم جميع امهات المسلمين ...
رحمك الله يا أمي ...
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: عبدالله ود البوش)
|
ود البوش ..
سلام وتحية ليك ...
من نبل اصلك ونقاء معدنك تذكرنا باحب الناس واعزهم ..
يالله امى الغالية ست الدنيا وست الكل عليها الف رحمة ونور ...
تعز اهلها وتصل رحمها بشوشة هاشة تحب الضيوف وتكرمهم وان لم ياتوها تذهب اليهم بما لذ وطاب ...
احب اصدقائها واهلها كما كانت تحبهم ومن جمالها وحلو ما آصلته فينا مازال حبل الود موصولا مع احبائها وابنائهم ....
امى كانت امراءة قوية مكافحة لا تعرف المستحيل لم يهزمها الا العن داء واخبث....
لها الرحمة وسلامى فى كل سجدة ارفعها لله بان يرحمها ويحسن مثواها ولا يخيب ظنى انا الضعيف فى ربٍ كريم رحيم عطوف..
اللهم ارحم المسلمين والمسلمات الاحياء منهم والاموات ...
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: عبدالله ود البوش)
|
شكراً عبد الله على هذا البوست الذي أرضى أمهاتنا الأحياء والأموات والدال على الخير كفاعله ..
اللهم أرحم أمي واغفر لها واعف عنها واكرم نزلها ووسع مدخلها وآنس وحشتها ولقنها حجتها ونور قبرها واجعله روضة من رياض الجنة
اللهم أبدلها داراً خيراً من دارها وأهلاً خيراً من أهلها وانزلها منزلة النبيين والصديقين والشهداء والصالحين وحسن أولئك رفيقاً
اللهم لا تحرمنا أجرها ولا تفتنا بعدها واجعله الجنة دارها ومستقرها .
هذا الدعاء أدعو به في السجدة الأولى من كل صلاة صليتها منذ صلاة ظهر يوم 21 يوليو 2011م وحتى عشاء هذا اليوم ..
بارك الله فيك أخي عبد الله وجعله في ميزان حسناتك وجعلك باراً بوالديك ..
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: ABDALLAH ABDALLAH)
|
أمي صفية ...
ليك الحب .. وليك التحية
أمي الســمحة .. الفاهمة وزكية
إن شاالله يوم شـــكرك ما يجي وأنا حيه
....
فتحنا عيونا لقيناها ... فاهمة بالفطرة
الزوق .. والسماحة ..
وكلام الحكمة والصراحة
مشهورة بالبشاشة..... وما بتعرف الرواشه
عندها خالها ... أُم حُمد ود بابكر
راجل موسوعة في الدين .. والأدب .. وبليغ القول
عاصر المهدية وحضر الأنقليز في صباه
أمي بتقعد معاهو بالساعات .. بعد ما يربط حماروا
وتقعد تسمع منو الحِكم والقصص والأشعار
وكانت البت الوحيدة لي أمها آمنة ( بت الجيّد )
في الحلة بنادوها ( صفية بت الجيّد )
والجيّد هو جنيه الدهب الأنقليزي ....... لقبوها بيهو لأنها كانت مرا صميمة
...........
في حقيقة وما مبالغة ....
سقطتت نظرية ( النســــيبة عند أمي )
كل ازواجنا أنا واخواتي ....... أمي بتمثل ليهم الركيزة والمثل الأعلى
كل واحد ليهو خصوصية مع أمي .. مودة .. ومعزّة .. واحترام .. علاقة محسودين عليها
ربنا يبارك في عمرك يا أمي ... ويخفف المك ... ويزيل حزنك .. ويملاء قلبك صبر
ويا رب أحفظ أمهات الجميع .. ياهن ضو البيوت ..
شكراً أخوي عبدالله .. وأُمك إنشاالله العافية تبقالا توب وغطا
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: رشا بابكر)
|
Quote: أمي صفية ...
ليك الحب .. وليك التحية
أمي الســمحة .. الفاهمة وزكية
إن شاالله يوم شـــكرك ما يجي وأنا حيه
|
لك التحية اختي رشا بابكر ولامي صفية اضعافها
وربنا اديها الصحة والعافية واطول عمرها وتنعمي ببرها دنيا واخرة
.
.
شكرا جزيلا لهذه الاضافة الثرة والرائعة
سلامي واحترامي
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: محمد البشرى الخضر)
|
محمد البشرى
تحياتي واشتياقي
ربنا يطول عمر الامهات ويمتعهم بالصحة والعافية ويرحم من من انتقل الى ربها راضية مرضية
.
.
عاين جاي
امي على قيد الحياة ومن حبي الشديد ليها وكل من حولي يعرف ذلك سمعت خبر وفاتها مرتين بالغلط وتخيل ما حدث لي
المرة الاولى وانا في الثانوي العام بندرس خارج حلتنا في مدرسة الهدى وساكن مع عمي ويسكن معي طالب آخر
هذا الطالب الاخر توفيت امه وكلمو عمي عشان اكملو قام عمي كلم ابوهو باعتباره شيخ كبير ويعرف كيف يعالج خبر الموت بدون صدمة
أها جدي الله يرحمو شوفو قليل دخل الديوان لقاني انا لوحدي وهاك يا الخبر الاسود وتخيل ما اصابني لحدي ما تم التعديل
.
.
المرة التانية عبر اتصال هاتفي من السودان وانا هنا في السعودية
الووووووووو
معاي منو ؟
معاك علي
وعندي اخوي اسمو علي والصوت قريب ليهو لانو ابن عمتي
اهلا يا علي باعتبار انه علي اخوي
وسألته امك كيف ؟
امي ماتت اتا ما عارف
وتصور ما جرى حتى تم التصويب
ومن يومها ما بقول لاخواني واخواتي امك كيف؟
اميييييييييييييييييي كيف ؟
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: مني عمسيب)
|
الزول النبيل (الحنتوبى ) الصميم ود البوش
شكرا على هذه الدعوة النبيلة وحتما من صوتهن ودعواتهن نستمد اليقين امام زلازل الدنيا والقواسى كلها بتهون
نسأل الله أن يجعلنا من البارين بهم ويمنحنا كل السبل لرضاهم وعفوهم عنا ونرد قليل من دين كثير فى رقابنا
تحياتى ،،
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: Jamal Mustafa)
|
أخي في الرضاعة من حنتوب جمال مصطفى
سلام وتحية محبة وتقدير
بالتأكيد مهما فعلنا لا نكفي الام حقها ولولاها لما كنا هنا الان نكتب ونقرأ
فعمرنا كلو حقها ولكن رغم ذلك الظروف احيانا تبعدنا عنها
واتصال مرة او مرتين في الاسبوع اقل حاجة ممكن الواحد يعملها
اشكر مرورك الجميل
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: حسين ديقول)
|
سلام ودالبوش
حمدا لله على سلامة الوالدة وربنا يمتعها ليك بدوام الصحة والعافية
المغفرة والرحمة لمن فقد أمه
والصحة والعافية للاحياء منهن والعفو
انت عارف يابوش السوداني مش بوش الامريكاني سنة أولى غربة في المستوى التاني الاغنية دي بكت رجال كبااااار هنا
سنه أولى غربة المستوى الاول كانت أغنية كمال ترباس أمي الله يسلمك هي المبكية المغتربين وبالذات في يوم العيد
تحياتي وراجع ليك
ًساندوتش الطحينية ده لو كان من دكان رحمة او صنع أيديك وحياة عينيك
ينفعك ويرقعك بعد كلمت أمك
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: othman mohmmadien)
|
لا حولا ...
الله يقطع العجلة و كترة والشغلة, الله يسألني يا ود البوش قريت مداخلة الأخ عبد الوهاب المليك البعد المداخلة الأولى كأنها منك كيف ما عارف
ربنا يرحم والدة عبد الوهاب و يغفر لها و يدي والدتك طولة العمر و الصحة و العافية بإذن الله
لك العتبى يا حبيب
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: عادل خياري)
|
سلام الاخ صاحب البوست و ضيوفه،
لدي ثلاثة امهات علي قيد الحياة و ربنا يديهم طولة العمر.
امي التي انجبتني، و جدتي التي انجبت امي، و جدتي التي انجبت جدتي (والدة جدتي و جدة امي)
للأسف لا يوجد طريقة للاتصال بهن لانعدام شبكة الهاتف في مناطق جبال النوبة.
| |
|
|
|
|
|
|
|
|
|
Re: لو أمك على قيد الحياة اتصل عليها اسع دي (Re: Sameer Kuku)
|
ودالبوش ...سلام
الله يطول في عمر الوالدة ويديها الصحة والعافية يا رب
انا امي كانت معاي وسافرت ليها اسبوعين وكل يوم بتصل بيها
والله بيتنا بقي خلا ومسيخ والله الاوضة الكانت قاعدة فيها بقيت
اصلا ما بحب ادخلا . الله يدي امهاتنا العافية وطول العمر
وربنا يرحم ويتقبل الاموات منهن ويجعلهن في اعلى عليين
يا ودالبوش امك لما تسافر اول ما تركب العربية
اجيب ليك موية ورشها بيها وبعدين وديها المطار
دي عادة نوبية نحنا دايما بنعملا لما اي واحد فينا يسافر
| |
|
|
|
|
|
|
| |
عبدالله ود البوش
عبد الوهاب المليك
ابو جهينة
Ridhaa
يحي قباني
عبداللطيف شريف على
محمد البشرى الخضر
ABDALLAH ABDALLAH
رشا بابكر
مني عمسيب
Jamal Mustafa
حسين ديقول
محمد عبد الماجد الصايم
علي محمد الفكي
عادل خياري
othman mohmmadien
احلام وهبي
nour tawir
فيس بوك
تويتر
انستقرام
يوتيوب
بنتيريست