|
|
 صور تركيب ثلاجه حفظ الامصال لمنطقه أمرى محليه مروى
|
استكمال للبوست السابق
وصول ثلاجه حفظ الامصال لمنطقة أمرى القديمه محليه مروى
تحرك بالامس صباحا زميلى واخى عمر الطيب الذى ساندنى فى اتمام هذه المهمه على اكمل وجه
من بداية ووصول الثلاجه الى المطار حتى لحظه تركيبها فى امرى شرق القديمه ومسماه حاليا بالحصايه
وبين الوصول والتركيب ارهقته بالكثير من الاشياء وبكل طيب خاطر كان ذو عون بلا اى كلل وملل
اسئل الله سبحانه وتعالى ان يوفقه ويحقق امانيه كما حقق امانى العديد
الذين ناشدوا وسعوا واجتهدوا وتبرعوا بالافكار والمال والزمن لتحقيق هذه الغايه والحلم ولا استطيع ان اذكرهم اسميا لانهم يفوقوا محيط علمى بهم
كان برفقته المهندس التم اختياره من استاذ عبد الرحمن جبريل مدير المركز القومى لابحاث الطاقه لتركيبها
وايضا المرشد للمنطقه من طرف محمد الحورى
بجانب سائق البوكس التم تأجيره لايصالهم
     يتبع
|
|
 
|
|
|
|
|
|
|
 Re: صور تركيب ثلاجه حفظ الامصال لمنطقه أمرى محليه مروى (Re: رانيه محمد الشيخ)
|
والله يا ناس نهر النيل والشمالية زي ما قال رياك مشار إنتو ما إتمردوا مالكم؟ عشان ما عندكم غابات وجبال زي المتمردين التانيين ولا شنو؟
هسع الفرحة دي بتركيب تلاجة بس؟ النوع دا من التلاجات توزعه اليونسكو بالمجان وبدون ضجة تسمع من قريب وأو غريب أوبعيد.
المغتربين بتاعين الولاية ممكن أي واحد مرتبه 3000 ريال قطري ولا سعودي ممكن يشتري التلاجة ويرسلها لأهله في البيت لانها تعمل بالطاقة الشمسية. الله يكون في عونكم وعون الشعب السوداني الذي يفرح بتلاجة 10 قدم.
تحياتي
كبـّاشي الصـّـافي
| |
|
|
|
|
|
|
|
|
Re: صور تركيب ثلاجه حفظ الامصال لمنطقه أمرى محليه مروى (Re: رانيه محمد الشيخ)
|
التحية والتقدير الاخت رانية وجعل الله هذا الجهد المبارك في ميزان حسانتك
وقفة تقدير واجلال لكل من ساهم في هذا العمل الجليل
بس الحالة المزرية التي عليها المركز تثبت ان الجهد الغير رسمي مهما بلغ لن يغطي على التقصير الفاضح للحكومة
اها الناس ما قصرت وعملوا العليهم وزيادة والله وامّنوا التلاجة دي ، بعد دا نبقى في التساؤل: غالبن العنقريب؟ وبعد شوية حينفتح موضوع الادوية والدكتور والمستلزمات الاخرى والتي هي من صميم الحكومة
السودانيين وفي مختلف انحاء الوطن الواحد فيهم بيكون جاري جري الجن عشان يكفّي نفسو واسرته الصغيرة
الكيزان ديل وين أصو، المواطنين يجيبوا للمستشفى الاجهزة والسراير والادوية والدكتور - توريد العيانين اصلا واجب عليهم - والمسؤولين يتفرغوا للتمتع بمزايا مناصبهم ؟
| |
|
|
|
|
|
|
|
|
|
Re: صور تركيب ثلاجه حفظ الامصال لمنطقه أمرى محليه مروى (Re: علي محمد الفكي)
|
الاخوة الاعزاء
من اجل ان تتضح الصورة
امري القديمة هي منطقة الصامدين الذين رفضوا التهجير القسري الى القرى الجديدة في الصحراء ..
المقيمين في امري القديمة هم من تحدى قرار النظام وتمسك بخيار الارض ..
لا لشيء الا لأنهم قالوا لا للظلم ..
فكان ان عاقبتهم الحكومة بالحرمان من الخدمات وتوصيل الكهرباء من السد..
والمركز الصحي المتواضع والمدارس والمسجد هي مجهودات الاهالي
اقاموها بالعون الذاتي حسب مقدرتهم ..
التحية لهم على صمودهم
ولنواصل وقفتنا معهم من اجل دعم هذا الصمود في وجه الظلم ..
| |
|
|
|
|
|
|
|
|
|
Re: صور تركيب ثلاجه حفظ الامصال لمنطقه أمرى محليه مروى (Re: cantona_1)
|
Quote: Nasir Mohammed · جامعة النيلين
ياكانتونا طيب بتعررف انو لحد الان اى واحدة دايرة تولد فى منطقة شاسعة فى اقصى شمال السودن وسااااااى لو المراءة دى احتاجت لعملية قيصرية ممكن تموت لسبب بسيط جدا انو اقرب مستشفى ممكن يكون على بعد ساعات وممكن يكون فيها قطع بحر كمان ؟؟؟؟؟؟؟؟ يااااااخى السودان دا كلو مهمش والعلاج زاتوووووو بقى كماليات الله يلعن الكاااااان السبب
|
| |
|
|
|
|
|
|
| |
cantona_1
مهدي صلاح
وضاحة
أسامة العوض
ابوحراز
علي محمد الفكي
فيس بوك
تويتر
انستقرام
يوتيوب
بنتيريست