|
|
 انت ما مطهر ......(بوست انصرافي)
|
حكومة وظالمة
معارضة ونائمة
اخير (نتظكر) الذي مضى
....................................................................................................
زمان زمن مشروع الجزيرة والفردي ياحليل الفردي كان الطهور ليهو قيمة
الطهور ده قيمتو زي الفردي والله وكلو مكسب للمواطن
لو عملنا (قوقلة في اقرب ضل في الحلة) بنعرف يوم طهور كل زول
(كل زول دي تشمل الضكور فقط )
وللطهور حكاوي وبلاوي
............................................................................
ياحليل هيلمانة الطهور
|
|
 
|
|
|
|
|
|
|
 Re: انت ما مطهر ......(بوست انصرافي) (Re: الجنيد حمد)
|
تنويه
فكرة البوست ده (نبعت) قبل شوية
اي نعم هو بوست انصرافي بس فيهو فكرة (اظن ذلك)
ناديت ود اخوي (5 سنوات) وقف قدامي لا كشم لا نضم
سألتو ياجنى انت ما مطهر ؟؟؟
الشافع عاين فيني وقبل على التلفزيون ..
سألتو تاني هوي انت مطهر ولا ما مطهر ....؟؟
عاين المهم مجاراة لكلامي امكن ولا عشان اخليه يستمتع بالشواطين بتاعين التلفزيون
قال (مامطهل)....
اتذكرت في اللحظة دي الجري لامن تسمع كلمة ما مطهر من اي زول في الشارع
ومحاولة للانتقام من السابقين في هذا الصغير (قلت ليه تعال جيب الموس نطهرك)
للاسف الشافع جاء وقعد في (عبي) وبعاين في التلفزيون .وماهماهو شي ...
فعلاً الطب اتطور والطهور بقى ما بخوف شافع
الله يسامح اهلنا قطع قلوب الجهال بسيرة الطهور (والطهار)
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
الجنيد ود حمد يا ضهراوي يا اخي ازيك
والله رجعتنا للذي مضى ايام الطهار الشفع بفتحو ليه الشارع هههههههههه
في مصطلحات عاوزة ترجمة لغير الناطقين بها ( يعني شنو الفردي) انا طبعا عارف لكن في جماعة سمؤ الامير داك
تحياتي يا منصرف ههههههههههه
| |
|
|
|
|
|
|
|
|
|
Re: انت ما مطهر ......(بوست انصرافي) (Re: علي دفع الله)
|
الجنيد يا سكر سلامات
دخلت اضحك وانا اردد جغلف جغلف ههههههههههههههههههههههه
ادونا العادة
طهروا ليكم منو ؟
طهروا حسب الله ود اب عجاجة
مرة خلف الله الدغور شحد عادة برا طهور لكن انكشف وانقلس قلسة جد
.
.
ود اب تشة
وسرقة البربندي
القاشيت وعيييييييييييييييييييييك يا املاح ام شعيفة الكتل المرة الضيفة
ياخي شكرا على الضحكة المسروقة وسط كيمان الحزن
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالله ود البوش)
|
ازيكم يا منصرفين
وقيل إنصرافين
او كما قال
اها ننصرف معاكم
قطع قلب شنو ,, الطهور كان عرس وفي مرطبات وبي كروت كمان
لختان انجاله
والعاقبة عندكم في المسرات
اها انجال دي دي عرفنا معناها من الطهور وعرفنا اسمو ختان ما طهور
الدلاليك اسبوع ,, والحنة اسبوع
العراريق جديدة لنج
وابهاتنا ما قصروا فينا ,, هيع الرجل الضكر ,, ابشر يا عريس ,, والريالات ترقد فيك هبطرش ,, والحمام ! كل يوم جوز وجوزين حمام
ايام يا ولدي
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالحفيظ ابوسن)
|
ود خالي خير السيد ،كان يناديه،،،الاسد،،،فيجنر نجرة ترجف لها اوصال الاولاد،،،،الاسد،،،،هههههن ،،،ويتعصب كانه اسد....
اها ،،،اليوم داك ،محنن ومميز،،مودنو الشبخانه للطهور،،مسيرنو العيال معجبين بفروسيته،،وخالي خير السيد يصرخ فيه الاسد،،،وينجر الولد...
التمرجي مرق عدته ،الامواس والمقصات،،والاسد يعاين،،،اها في تلك اللحظة ناداه خالي،،،الاسد،،،الا ان نجرته هذه المرة جاءت من تحت الاسد،،،اعقبها صبيب ماء،من الانبواب حتي قبل بداية القطع...
،،ود البوش طهروه في سوق المحيريبا معانا بفص القصب.
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالعزيز عثمان)
|
الزول السمح علي ود دفع الله اريتك طيب
حكمة ربك بعد (العمر الراح اللام وجراح ) كل تجي سيرة الطهور
الزول جلدو يكش ولامن يقول اح
هسي مسكوهم (ولّد .طهر ) وبعد شوية بعقدو ليه قبل السماية
عولمة وكدي
...............................................
الفردي ده بقى زي الاندلس في التاريخ الاسلامي
حضارات سادت ثم بادت . ..
المزارع كان شريك للحكومة والربح بعد التكلفة يتقاسموه وتمسك ختمك تختم
هسي وين المزارع زاتو ..
دمت بالف خير
وكما يقول اهل الخليج
(ضهراوي وافتخر)
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
اشهد بالذي رفع السماء بلا عمد من الفرحة بلمتكم دي الايد بترجف عديل
ونسالم قبل الردود
الراكز علي ود دفع الله
العمدة ود البوش
(الضو الما بقولولو سو .) ود ابسن
شيخي وشيخ ابوي عبد العزيز ودعثمان
استاذنا بلة ود الفاضل
الله يحفظكم ويديكم لامن يرضيكم
حبابكم الاف وبيكم بيتنا نور
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالعزيز عثمان)
|
| Quote: ،،ود البوش طهروه في سوق المحيريبا معانا بفص القصب. |
ما تزن ؟ احمر شين بجينا في الحلة وكل غلفة بياحد عليها قرش ونص لكن مابجي بالقطاعي لازمن جملة
ود مسكاب العولاق ختف غلفاتنا من كورة احمر شين لمن لحقو بلولة ود عجب الدار قلعن منو ورجعن لي احمر شين
.
.
يا عبدالعزيز ياخي ما قلت ليك رسل لي جنية يا جننتني يا جننتها
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالله ود البوش)
|
العمدة ود البوش اسعد الله ايامك بكل خير
دحين زمنكم كان في موس ولا ياهو فص الهجين والفتريتة .
في مناطقنا (نحنا طبعاً جيل المقص والبنج )بنسمع بي ود خليفه الله يرحمه
تصدق وتأمن الزول ده بنخاف منو رغم اننا ما شوفناه وهو لا حاول يخفي نفسو ولا حاجة
دمت بالف خير
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
تعرف طهرتي ولدي قبل 3 سنة , وعملت فيها مثقف , نمشي الاسبتاليه برانا واطهرو واجي ,, ونسوي لينا شعيريه بي ملاح بربور وخلاس
المرة دقت جرس وحيد ومشحيد ,, مافي سكة ,, وصلنا لإتفاق وسط ,,الاهل بس
ما شا الله تبارك الله , الاحياء الشعبية دي السودان زاتو , ذكروني ايام زمان
ولدي مسخوت قال لي
يا بابا قربت اطير من كترت الحمام الأكلتو
عب عزيز اييييييييييييييك إنت قديم خلاس ياخ
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالحفيظ ابوسن)
|
عبدالحفيظ،،،تعرف عدو طهور الجهلة في زمنا انا ود البوش شنو....
الجداد،،،الجداد ا عبدالحفيظ اخوي،،،اصلو قالو نقد جبارة ود المكي...
وودرو ياعوذوبالله،،طرينا الشر لي بعدو...
ود البوش اكان بتقدر علي الاسم ارح علي البوست هسع بديك لي.
يالجنيد اتو ما شفتو شئ،،السرقه،العاده،الشعريه
| |
|
|
|
|
|
|
|
|
|
Re: انت ما مطهر ......(بوست انصرافي) (Re: عبدالعزيز عثمان)
|
الحبيب ود ابسن اسعد الله ايامك بكل ما هو طيب
على الجزيمة الخلعة من كلمة (اقيف ها الاغلف ده) لحدي الليلة تلاوز بينا
الناس قاعدة وعارفة المطهر منو والناوين عليه ومرات خالنا بشرى ودالنمير الله يرحمه
يقوم ويمسك الشفع من طرف (طهور جماعي) بعد الامر ما ينتهي يتلمن الامهات ويجلبطنك
بالحنة وتبروقة وسبحة وهلال سبحة الطهور دي مبروكة لانها بتجيب قروش كتار
واي زول يتذكر القروش الجاتو نامن طهروه ان بقت كتيرة معناتو اهل بيتكم ناس واجب وعليك واجب
تردوا وتحافظ عليه وإن كان بسيطة اصلو ما معناهو اهلك ما ناس واجب لكن اكيد اخذت حين دقسة
والحلة عرفت طهورك بعد كم يوم ونصيبك كان طهور سري
زمن والله
دمت سالم
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
قال حميد طيب الله ثراه (راشد حالف ما يطهر الا يجيبوا الغنايين قلنا نجيب المداحين طنطن انا جاي من الحج)
ابشر ابشر ومبروك والكلس هييييع ما بخاف والله (التشديع ده بخلي عملية البتر تمر بسلام فرحة ساي )
لكن فك الشاش واول مرقة على المستراح بتخلي الجعير واقف حبل ..
الحكيم بتضارف لامن يجي يقطع لكن لامن يجي يفك الشاش بفسخ ساي من غير اي مراعاة لشعور الضحية ....
المصيبة بعد ما يفوت الحكيم الحبوبة تجي تعدل ليك الشاش الجديد يعني مع ضعف النظر والغمتي البتعملو فيك اخير فسخ الحكيم
شيخي عبدالعزيز ود عثمان انا اخدت الطريقة منك وعليك تاب بس ادينا السر ورسل لي واحدة مع جنية ود البوش الناوي تديها ليه
دمت بالف خير
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
استاذنا بلة محمد الفاضل اسعد الله ايامك
وناوي اطايبك من امس بس الداهي ده ما فتح تاب
والبطهروه يوم السوق ده زول مبروك باقي السوق بجيب الرغفان والسلطات
....
بالجمبة كده
شقيقي الاكبر علي حمد يرسل تحاياه لك
دمت بالف خير
| |
|
|
|
|
|
|
|
|
|
Re: انت ما مطهر ......(بوست انصرافي) (Re: الجنيد حمد)
|
خليك من السودان فى كينيا عندهم عيون ساهرة لكل من يقبض(يصطادوه) عليه غير مطهر
وعلى طول يعملو ليهو نفير اجبارى يسيلوهو فى درداقة ويلفو بيهو فى الاسواق لجمع التبرعات حقت رسوم الدكتور ومنها يعيدوه الى الى الهواء الطلق مرة اخرى
| |
|
|
|
|
|
|
| |
الجنيد حمد
علي دفع الله
عبدالله ود البوش
عبدالحفيظ ابوسن
عبدالعزيز عثمان
بله محمد الفاضل
فيس بوك
تويتر
انستقرام
يوتيوب
بنتيريست