|
|
|
 Re: تساؤل يحيرني بخصوص السجل المدني في السودان!!!و أبحث عن إجابة مقنعة (Re: زياد جعفر عبدالله)
|
إجتهدت في توفير المتطلبات و الوثائق الضرورية لأستخراج الرقم الوطني و البطاقة القومية
و رفضت اللجوء للواسطة برغم توفرها بكثرة لدي
و فضلت (أمشي و تعال) المعهودة
و بعد 3 أسابيع من أمشي و تعال..تخللها (إعادة إجراء) و معناه إعادة التصوير و البصمة و ووو
و الموظف يحاول تصبيري وهو يشير الى رجل مسن و يقول :(شايف عمك الكبير دا...ليهو 3 مرات عملنا ليهو إعادة إجراء...و ما عارفين السبب شنو!!!!)
بعد كل هذا..
إستلمت البطاقة التي تحوي معلومات غير صحيحة و غريبة:
تاريخ الميلاد: (1/1) برغم كتابتي في الفورم تاريخ الميلاد الصحيح و إحضاري شهادة الميلاد
و سألت فوجدت كل من أعرف فوجدت تاريخ الميلاد بالبطاقة (1/1)...فماهو السر؟؟؟
....
الشي التاني
مكان الميلاد: مستشفى الولادة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معقولة يا أخوانا؟؟؟
يعني ممكن نلقى واحد مكان الميلاد مكتوب: البيت بواسطة داية؟؟؟؟
دي شنو المحن دي؟؟
| |
 
|
|
|
|
|
|
|
 Re: تساؤل يحيرني بخصوص السجل المدني في السودان!!!و أبحث عن إجابة مقنعة (Re: محمد حمزة الحسين)
|
| Quote: ياخي لم الفضائح دي عليك نحنا كُنا ويييين وحسي ويييين |
سلامات يابن عمي ... وين الحي بيك
والله يا محمد في تقدم كبير في خدمة الجمهور مقارنة بي زمان...هذا لا ننكره...و لكن النقد من أجل مزيد من الإصلاح و التجويد في خدمة الشعب
بالجد أنا داير أفهم لماذا عدم الدقة في تدوين تاريخ الميلاد كاملاً و دقيقاً في الأوراق الرسمية؟
يعني مثلاً ممكن تلاقي نفرين تاني في الخرطوم يحملون إسم (محمد حمزة الحسين)...و لكن الإحتمالية تقترب من الصفر أن يكون إثنان من الثلاثة يحملون نفس تاريخ الميلاد بالشهر و اليوم!!!
و لهذا إعتمدت معظم دول العالم تاريخ الميلاد الكامل كأحد وسائل تدقيق الشخصية...
بعدين دي أوراق دولة رسمية (بطاقة شخصية, رخصة قيادة, جواز سفر...الخ) ...كيف نسمح بورود معلومات مغلوطة بها؟؟؟
لو في زول عارف الحكمة من القصة دي يورينا ليها...لأنو أنا بالجد محتار!!
...
Quote: ياخي لك العتبي حتي ترضي لتأخير البرنامج اسبوع افقدنا لقاءك والجلوس معك مرة اخري
وتحياتي للأسرة بدون فرز |
ياريت يا محمد...كان بودي مقابلة زميل المنبر قريبنا ود المدير ... و ربما السفر سوياً للباوقة ... بس الله ما هوًن
المرة الجاية إنشالله...تحياتي لأسرتك الكريمة
| |
|
|
|
|
|
|
|
|
|
Re: تساؤل يحيرني بخصوص السجل المدني في السودان!!!و أبحث عن إجابة مقنعة (Re: Mahjob Abdalla)
|
Quote: يا اخي معقولة زول يقول ليهم تاريخ ميلادي كذا بشهادة ميلاد و برضو الموظف يكتبو ليك بمزاجو؟
طيب الفائدة شنو من الرقم الوطني من اساسو
مش عشان اي واحد يكون مكتمل الهوية و لو عملت اي غلط في اي مكان يجيبوك بضربة كيبورد؟
يا اخوانا الخدمة المدنية منتهية و الزول الشغال هناك ذاتو ما عارف ليهو عملو الرقم الوطني؟
شايف بس انو شئ عاملينو الغربيين و خلاص لما يتعمل في السودان نبقي دولة متحضرة. |
مرحب الهبيب محجوب
أنا بفتكر فكرة الرقم الوطني جيدة للغاية..و خطوة في الإتجاه الصحيح لحصر السكان و تدوين سجل مدني حديث يساعد الدولة في التخطيط و الخدمات و غيره...
لكن مسألة (كتابة تاريخ الميلاد الكامل على مزاج الموظف) دي صعب علي فهمها والله!!!
الخدمة المدنية في السودان ينتظرها الكثير و الكثير لتلحق بركب الدول المتقدمة...و ذلك برغم شهادتي لله بتطورها نحو الافضل من السابق
و الإصلاح يبدأخطوة خطوة...
كدي اليبدوا بكتابة بيانات دقيقة و صحيحة في الأوراق الرسمية
| |
|
|
|
|
|
|
|
|
|
Re: تساؤل يحيرني بخصوص السجل المدني في السودان!!!و أبحث عن إجابة مقنعة (Re: زياد جعفر عبدالله)
|
سلامات
في عدم دقة شديدة وسبههلية في استخراج الاوراق الثبوتية في السودان
والقصة دي بتتعب من يعبشون في دول اجنبية محترمة عندما تغير تأريخ ميلادك يظنون انك تريد التحايل على القانون
ودي كانت مشكة سامي الحاج الودوه كوبا مع الطالبان..
انا برضو كل ما اطلع جواز بيطلع لي بتاريخ ميلاد جديد
كمان الاسماء البكتبوها ذي ما عايزين مرة يدوك اسم من راسهم ومرة ينقصو ليك اسم وشهاداتك ما تطابق وتقع في مشاكل كثيرة
وفي وجهة نظري دي سببهللية الشخصية السودانية والاهمال العندها؟؟
| |
|
|
|
|
|
|
|
|
|
Re: تساؤل يحيرني بخصوص السجل المدني في السودان!!!و أبحث عن إجابة مقنعة (Re: د.نجاة محمود)
|
Quote: سلامات
في عدم دقة شديدة وسبههلية في استخراج الاوراق الثبوتية في السودان
والقصة دي بتتعب من يعبشون في دول اجنبية محترمة عندما تغير تأريخ ميلادك يظنون انك تريد التحايل على القانون
ودي كانت مشكة سامي الحاج الودوه كوبا مع الطالبان..
انا برضو كل ما اطلع جواز بيطلع لي بتاريخ ميلاد جديد
كمان الاسماء البكتبوها ذي ما عايزين مرة يدوك اسم من راسهم ومرة ينقصو ليك اسم وشهاداتك ما تطابق وتقع في مشاكل كثيرة
وفي وجهة نظري دي سببهللية الشخصية السودانية والاهمال العندها؟؟ |
وعليكم السلام د. بيان
بالضبط كدا...سبهللية هي الكلمة المناسبة لوصف أداء الخدمة المدنية عموماً في السودان
والله العظيم يا دكتورة...في مؤسسة حكومية مشهورة...احد المدراء شاهدته بعيني هاتين حايم بي سفنجة بيت داخل المؤسسة!!!! سفنجة بيييييت!!!!
الحكاوي عن المشاكل البيقعوا فيها الناس بسبب تباين البيانات كثيرة...بس حتة تاريخ الميلاد (1/1) دي عايز أعرف: هل في حكمة من خلفها وللا تبع السبهللية العامة البلد؟؟؟!!!!
| |
|
|
|
|
|
|
| |
زياد جعفر عبدالله
محمد حمزة الحسين
Mahjob Abdalla
فيس بوك
تويتر
انستقرام
يوتيوب
بنتيريست