|
|
 يقال أن المسيخ الدجال بعين واحدة، ياربى يكون الواتساب؟
|
اجهزة الموابايل طغت على كل اجهزة الانترتيتنمت كلها وقامت مقامها تلفزيون على كمبيوتر
الترفيهية والاعلانية
بشاشة واحدة فيها عين كاميرا واحدة
وبخطوة واحدة يعبر المحيط والخليج
ويعبر الى بين قارة وقارة فى لمح البصر
ناقلا معلومات وصور نفس اوصاف المسيخ الدجال
كاميرا موبايل
بعين واحدة اقتحمت البيوت والخصوصيات وفضحت المستور..
هل هو المقصود بالمسيخ الدجال
المهم:
نقلت لكم هنا ما كتبته من اهمها الامر فى الفيسبوك واسمها كما هو موضح مشكورة
بعد اذنها كتبت: Jehan Almusharaf
بيان هاااام
و بالدارجي كدا ::
ظهرت في الفترة الأخيرة دي صور خليعة لي بنات سودانيات و فيديوهات ماجنة و فاضحة فيها المدبلجة و فيها الحقيقةو كلها مرسلة عبر الوتساب و منها ::
.صور لإمراة بقميص نوم
.صور لامرأة بتتحنن بهدوم شفافة
. صور ولد بتدخن في حفرة الدخان
.اغتصاب بنت و غيرها كتيييييير
و منو البصور صور زي دي ؟؟؟
أكيد زول قريب منهم شديد و البزعل جد الزول بكون عارف و لسه يعاين في الكاميرا أمر في غاية الغرابة و كمان الغريب كمية من الفيديوهات بي سودانيات مع سودانيين ،، و منها ::
. رحل ترفيهية و رقص ديرتي و بالأسلو
. و قعدات شراب و بنات بستعرضوا أجسامهن و حاجات كدا يعف لساني عن ذكرها ،، و برضو بعاينو في الكاميرا يعني يا عالم شوفونا عدييل ،،
وين الرقابة من المسؤولين ؟؟؟؟!؟؟؟!
الحكومة ، الإعلام ، المجتمع ، الأسرة ؟؟
و دي أسئلة ليست للإجابة ،،
و المشكلة هنا تكمن في الشاب الشفت الفاكر نفسو كدا يصور البنت الغاشيها بحبو ليها و يقرر انو يعمل الدايرو في الصور بدافع الحب و لو رفضت و الله اعلم ترفض ،،
او قررت أنها تخليهو
او ما قدرت تقابلو ساي
او عندها ظروف مضايقاها ما قدرت ترد علي مكالماته طوالي يعمل زعلان و دا لو ما بقى فيها تهديد ،،
و ينشر صورها و يفضحها في الوتساب
استغلال واضح بقى ،،
أيها الشاب الشفت ::
* يعني ما عارف عندها أهل و الحيحصل ليهم شنو من الصور الرسلتها دي ؟؟؟
طيب ولا يهمك يحترقوا بجاز و هي زاتها معاهم ،،
* سمعة الشاب السوداني الفيهو امك أبوك و أختك تنعكس للعالم بالطريقة دي ؟؟
طيب ولا يهمك
سودان شنو ما انت الشفت !!
لكن تمشي من رب العالمين وين ؟؟؟؟
و نجي للبنت الولهانة
طيب انتي بتحبي الولد دا لدرجة الجنون و زيو أصلو مافي ،، عرفنا دا حب ،، علاقة الصور و بالوضعية دي مع الحب شنو ؟؟؟ ياخي انتي ما فكرتي في اهلك و لو للحظة ؟؟ اهلك الأحسنو تربيتك من انتي طفلة و قروك احسن قراية و بعد دا كلو ما عايزين منك شي غير تستريهم و يشوفو يوم سعدك ،، انتي ما فكرتي في امك أبوك أخوك أختك دا جزاتهم كدا ؟؟؟ و يرضيك تشوفيهم مكسورين بي حبك العمرو ما كان حب بل نزوة و يهون عليك عرضك و سمعة امك و أبوك عشان رغباتك انتي و أنانيتك ؟؟؟!!
طيب نقول انك ابتليتي ،،
ياخي ما تخلي زول يصورك ،
حبيبك دا خلي في الدنيا و كفى لأنو عقاب الآخرة راجيك ،،
و انت يا المناضل الناقم علي الحكومة ،،
و عامل فيها معارض و شغال ترفع و تشيل و تنزل في الصور و الفيديوهات عشان تثبت انهيار المشروع الحضاري ،،
هو المشروع الحضاري دا يكون كيف و انت مساعد في انهياره ؟؟؟
قول انك بتكره الحكومة طيب الصور الفاضحة دي اسيادها شغالين في الحكومة ؟؟؟؟ ديا سودانيين و لما تنشرها مافي زول بقول ديل حكومة ولا إنقاذ بقول يا جماعة بالله شوفوا السودانيين ؟؟
يا جماعة دايرين حل ؟؟
ديل يدمروا في سمعتنا كسودانيين !!
دا موضوع للنقاش و بالمناسبة بقى في برنامج اختراق التلفونات و بسرقوا الصور عشان كدا كل زول عندو صور يمسحها
|
|
 
|
|
|
|
محمد النيل
فيس بوك
تويتر
انستقرام
يوتيوب
بنتيريست