|
|
 خطاب البشير و سر الارتباط اللاإرادي بين حكومة الكيزان والشارع السوداني
|
بالرغم من انو الكيزان دمروا البلد تماما ولسه ياما حنشوف منهم الا انو البشر دي
عرفوا كلمة السر البتفتح قلب الشارع السوداني. بتمتعوا بسياسات فيما بينهم لديها تأثير
اجابي ومباشر على طبيعة انسان الشارع السوداني.
البشر دي ما عندهم كبير بينهم الا الله بس. اي كادر يجتهد بينهم ممكن يصل لاي درجة
قيادية فى تنظيمهم حكاية سيدي دي ما مقررة عندهم ولا بعرفوها.
وطبعا احزابنا للاسف العكس تماما
حزب الامة والله اذا بقيت منو وعملت شنو حدك ابتسامة رضى من سيدك وضربة تشجيعية من السيد على كتفك واجري العب بعيد يا شاطر
الاتحاد الديمقراطي """ """ """""" """"" مافي داعي لتكرار الكلام الفوق"""" """""" """" """""" """""""""
الشيوعيون ديل كمان قطيع بفتش فى راعي رسمي عديل وعلى عينك يا تاجر !!!!!!!
الجمهوريون وضعهم يجنن المسافة بينهم وبين الصنم (الفكرة) اقرب منها المسافة البين آل المهدي والميرغني واتباعهم
عمر البشير وحكومته بخطابهم الاخير البائس ده متأكدين تماما ماحيكون فى اي رد فعل من الشارع السوداني وهو عارف انو ممكن يقول اي حاجة
ويعمل اي حاجة ويبدأ من جديد فى اي وقت عايزنو ويظل حال الشارع السوداني نفس الحال تجاه حكومة الكيزان بتاعتهم.
العملوا الكيزان ما بجي نصف العملوا آل المهدي والميرغني فى الشعب السوداني ومع ذلك الشارع السوداني لم يرحمهم يوما.
الكيزان ديل مابمشوا الا لمن احزابنا دي حالها ينصلح الآن. التغير عمره ماينفع يكون بكره او بعده لازم يكون الآن وفورا.
السنجك
|
|
 
|
|
|
|
alsngaq
فيس بوك
تويتر
انستقرام
يوتيوب
بنتيريست