|
|
|
 Re: تيسير العسير في شرح خطا المشير (Re: فتح الرحمن حمودي)
|
للناس الاستغلق عليها الخطاب:
[Quote: ملخص خطاب البشير :
___________
and#32013; and#21513; فى حياته العرضية الواسعة and#22312;and#25919;and#24220;and#28961;and#21147;and#25511;and#21046; الوجبة السودانيةand#28982;and#33021;and#22816;and#20197;and#20844;and#27665;
and#26159;and#30456;and#21516;and#30340;and#30475;and#20729;الوثبة المتطلعة د ,and#30332;and#29694;and#20687;and#36889;and#31278;المستوى المعيشى نand#25163;and#27573;and#36948;and#21040;
and#24066;and#22580;and#30340;and#24517;ا المؤتمر الوطني and#20043;and#36335;and#21916;and#27489;and#36889;and#27171;and#21644; عضويتنا and#22240;and#27492;and#37559;and#21806;and#36889;and#27171;and#21644;and#37027;
and#27171;and#30340;...and#26159;and#32769;and#24819;and#27861; حزبنا and#20102;and#33258; and#25105;and#24819;,and#21487;and#33021;and#26356;and#22810;,ما دعا داعand#20294;and#26178;and#19981;
تقاعس and#38598;and#20013;and#22312;and#20182;and#20497;and#36523;and#19978;,and#22240;and#28858;and#30435; مدعاة للبذل and#25511;and#35373;
and#20633;and#30340;and#24375;and#22823;and#30340;and#21644;and#38750;الوجبة الوطنية الشاملة ذand#29992;and#26044;and#35201;and#33258;and#29983; ابتدار النهضةand#29986;and#38542;and#27573;and#35430;and#24819;and#20729;and#26684;,and#20363;
and#22914;,and#26366;and#32147; الوثبة الوطنية and#20415;and#22763;and#22686;and#21152; داع الفداء and#38622;and#20844;and#26020;and#20729;and#26684;and#22312; المشروطية and#38646;and#38646;and#20061;and#24180;
and#32004; رابعا : انعاش الهوية السودانية and#28982;and#33021;and#22816;and#20197;and#20844;and#27665;and#26159;
|
والمعنى وااااضح!
عشان بس ما تقواوا حارمنكم من حاجة
| |
  
|
|
|
|
|
|
|
 Re: تيسير العسير في شرح خطا المشير (Re: فتح الرحمن حمودي)
|
قيقا ازيك ياخ ....
يا قيقراوي استحلفك بالذي خلقك من تراب ثم من نطفة ثم سواك رجلا ..
اشرح لي يا قيقراوي والله انا ما فاهم اي شي في الطاب دا!!!
اسمع وثبة دي ياها وثبة زمان القبل الانقاذ ديك البتعني قفزة او نطة وللا شي تاني
وتصريف اندغم دي شنو ودخل الاندغام بي شعب السودان شنو؟؟؟؟
ثم انو يعنو هو زاتو صاغ الخطاب دا كيف ؟؟؟؟
شي عجيب
| |
|
|
|
|
|
|
|
|
|
Re: تيسير العسير في شرح خطا المشير (Re: Haytham Ghaly)
|
عشان تفهم (الاندغام) لابد من إجادة التجويد .. كاجود ما يكون ..
فهنالك الادغام بقنة .. والإدغام بدونها (إدغام تام) .. شفت كيف؟
للأولى أربعة احرف تلخصها كلمة «ينمو» .. وللاخير حرفي «ل، ر»
كلها على بعضها تلخصها «يرملون»
زي مثلاً مثلا يعني "أكل الشعب السوداني وشعب كباباً وكبدة .. فولنوفلافل .. .. دا إدغام بقنة (ينمو)
شفت المشير دا حيلتو البلاغية باااتعة وماااتعة كيف!؟
ماعون واللغوي وااااسع .. أوسع من ذمته .. وسوء ظننا العريض فيه وفي حزبه
مما يؤكد لي -على الأقل- انو الخطاب دا مااا كتبو هو ..
| |
|
|
|
|
|
|
|
|
|
Re: تيسير العسير في شرح خطا المشير (Re: فتح الرحمن حمودي)
|
Quote: شفت المشير دا حيلتو البلاغية باااتعة وماااتعة كيف!؟
|
والله يا قيقا صدقتا يا اخوي
المشير دا سرو باااااااااتع موش بلاغتو بس
ياخ دا بقول كلام ما بتفهمو اسع في زمنا دا لانو موجه لاجيال قادمة
قادرة بمداركها العلمية تفسير مثل هذا الحديث بوسائل تكنولوجية اكثر حداثة
من عصرنا المتخلف هذا .. نحن شنو كمان المتخلفين ديل ( وش باكي)
غايتو في الخطاب دا في جزئية كدا هو ما قدر يقراها
وانا ما قدرت اسمعا زاتو ... وما قادر اتذكر منها لو كان تأتأة ساااااكت كدا عشان
توريني معناها ... سبحان الله .. في ناس عندها ملكات
ما تابعة للبشر
| |
|
|
|
|
|
|
|
|
 Re: تيسير العسير في شرح خطا المشير (Re: Haytham Ghaly)
|
Quote:
غايتو في الخطاب دا في جزئية كدا هو ما قدر يقراها
وانا ما قدرت اسمعا زاتو ... وما قادر اتذكر منها لو كان تأتأة ساااااكت كدا عشان
توريني معناها ... سبحان الله .. في ناس عندها ملكات
|
يا هيثم لو كل الشعب فهم في «الرياضيات السياسية العليا والدقيقة» دي ما كلكم بتقولوا عاوزين تبقوا رؤساء لكن! :)
| |
|
|
|
|
|
|
|
|
|
Re: تيسير العسير في شرح خطا المشير (Re: Haytham Ghaly)
|
Quote: قلبى مع قيقراى
البعد ما سمع الخطاب قرر شراء مطابع و تاسيس صحيفة وسماها بين البطل والبطولة
وشعارها لادرارد لاعساكر لابطل محمى ولابطولات محمية |
المرجع بوست دغمسة بالفصحة
عسر ويسر على كيفك بس انت سمعت وشفت البطل مابموت في فلمنا الهندى
تقولى شنو وتقلى منو
| |
|
|
|
|
|
|
|
|
|
Re: تيسير العسير في شرح خطا المشير (Re: بدر الدين الأمير)
|
Quote:
عسر ويسر على كيفك بس انت سمعت وشفت البطل مابموت في فلمنا الهندى
|
البطل يأتوا فيهم .. الأبطال كترو علينا:
[الأبطال الجهاليل، ناس مصطفى عبد العزيز البطل و محمد عثمان البطل و حسين ابراهيم ملاسي البطل و هلمجرا البطل]
فقد تشابه علينا البطل
[المرجع «إياك والكتابة» .. وإياك تقول لحسن موسى قوقلني]
------
الهنود برضو كترو!
| |
|
|
|
|
|
|
|
|
|
Re: تيسير العسير في شرح خطا المشير (Re: عبدالعزيز عثمان)
|
Quote:
والله الكلام الغلب قيقراوي ده،النابغة الذبياني ما يشرحوا....
عمي وخالي،مزارعية وترابلة،لازالوا في انتظار الخطاب..
خطاب المعيشة،الدواء،القراية والامن والسلام...
اية كلام غير ده،،قاعة الجامعات.للشرح والتنظير.
|
ما كلهم يا عزو منتظرين .. في ناس فهمو وكمان قالو الخطاب لبى طموحات الشعب!
تطير عيشتو الشعب دا
النحكي ليك قصة ذات مغزى ودلالة:
قليك الاسد يوم جمع كل حيوانات الغابة و (غرر) ..
قال: كلنا ارتكبنا اخطاء جسيمة في حق بعض .. عشان نستمر لازم عدالة انتقالية غابية (حكمة الله نفس مراحل العدالة الانتقالية السادة؛ الحقيقة، المصالحة، جبر الصرر) ..
وبدأ بالاعتراف هو بانو افترس فصايل كتير من الانواع في الغابة .. وانو ندمان على الكلام دا ..
نط الذئب؛ لكن يا مولانا دي ذنوب اسي دي .. ياخي عادي .. ما الملك لازم ياكل عشان يستمر في حكمو الرشيد والغابة تزدهر ياخي!
امن الثعل .. وباركت كل الغابة حديث الذئب واستحسنت منطقه واندغمت فيه تماماً.
الحمار الشليق هو الوحيدد القام وثب ليو وثبة واعترف بعد الاسد لعله يحقق وثبة تلقى ليها وثبة ذئب او ثعلب تضايرا ليو ..
قال انا عملت ذنب كبيييير ... طول عمري اكل حشايش الغابة دي!!
صاح الجميع: ايوااا دا ذنب كبير ... اسمقوهو
انتهت
اسي الشعب دا ما شايف اي عيب في المؤتمر الوطني ... لكن شايف الحاجة الفي نفس المعارضة دي بس!!
----
رددوا وراي انتي المعارضة:
ناس نفوسا. سخانة ... حقو يعملوا صياااانة
اوما غنتها الاستاذة/ كلتوم اباتشي
| |
|
|
|
|
|
|
|
|
|
Re: تيسير العسير في شرح خطا المشير (Re: الشفيع وراق عبد الرحمن)
|
سلامات يا الشفيع
يا الزول بننتظرك تخلص شغلك وتجي تساعدنا في شرح العنقريب المندغم في الاحابيل دا
-------
لكن مبدئياً كدا خطاب الزعيم بشرح جزء كبير من المشير
خصوصاً في حتة «لابد ان يكون الشعب فقيرا، لكي يدخل الجنة ...»
جنة لي شعب ما فقير مافي ... الا كان جنة الاطفال!
| |
|
|
|
|
|
|
|
|
|
Re: تيسير العسير في شرح خطا المشير (Re: فتح الرحمن حمودي)
|
| Quote: تسليك قنوات الولاءات الجزئية |
قيقراوي
حمد الله علي السلامة
ان شاء الله تكون كويس ؟؟
العبارة الفوق دي وردت في خطاب السيد /المشير
ياخي بي صراحة كده العبارة دي ما فهمتها
ممكن الاقي شرح عندكم لهذا العسر
مح وافر التقدير
| |
|
|
|
|
|
|
|
|
|
Re: تيسير العسير في شرح خطا المشير (Re: جمال المنصوري)
|
| Quote: تسليك قنوات الولاءات الجزئية |
باااااااس بس بس بس عليك نور يا منصوري عليك نور ياخي
يا قيقا دي الجزئية القلتلك هو غلبو يقراها وانا ما قدرت اسمعا زاتو او افهما
يا بشا ياخ التسليك دا ما كان زمااااااااااان زمن في بترول
وكنتو بتسلكو القنوات دي بالبندول (بندول نافع)
ذلك الترياق الاكثر فتكا بضمائر الرجال وحتى كبرياء النساء
وين ليكم تاني سلكوها بالدغمسة الزي خطابكم كان تسلك
| |
|
|
|
|
|
|
|
|
|
Re: تيسير العسير في شرح خطا المشير (Re: جمال المنصوري)
|
حبيب ألبي المنصوري
ياخي أحب اي حاجة من نواحي الحصياحيصا ورفاعة وتمبول وما جاورها ..
ثم اما بعد؛
Quote:
ياخي بي صراحة كده العبارة دي ما فهمتها
|
كان بقت علي دي .. بختك ساي .. دي ما في (المغرر) .. مااا بتجي في الامتحان
خلين يا ديك ميزة ..
في نواحي العام 96 من القرن المنصرم، فضلة خيرك اتعينا في البيبسي عدد (13) مفتش مبيعات من اليعجبوا قلبك .. أغلبنا اولاد أقاليم ؤمن مخلفات (الفقر الاجتماعي)*
إها رحبوا بينا بي حفل ضخم .. العشا فضلة خيرك بوفية مفتوح - وهو اول عهدي به- يا زول خير الله كلو كان في .. سمك وسمك وسمك وشنو شنو داك (للأمانة كل الفرز تو أنا كان سمك :))
التحلية أشكال وألوان .. إها في قمة جبل التحلية القزحي كان في شيتا اصفر -واضح انو فاكهة، قلت في نفسي غالبا دي يكون وارد الجنة مما لا عين رأت- المهم يا زولا توكلت على الله ؤ وثبت جمب صديق هشام عوض وسألتو عن الشي الأصفر دا شناهو!؟
فرد علي بما رددت به عليك أعلاه :)
| |
|
|
|
|
|
|
|
|
|
Re: تيسير العسير في شرح خطا المشير (Re: فتح الرحمن حمودي)
|
| Quote: للناس الاستغلق عليها الخطاب: |
أنا واحد من أولئك المساكين الذين جعل الله على قلوبهم أكنة، و في آذنهم وقـْـــراً،
والذين لم يهزهم الخطاب وما فيه من فائض "أريححححية".
وبالرغم من أنني استعنت بكافة أنواع القواميس لفهم وهضم خطاب الرئيس ومن تلك القواميس:
(القول الأنيس والدر النفيس لما حواه خطاب الرئيس في حضور كل الإباليس)
(التقريب والتيسير لمعرفة سنن الترابي والمشير)
(إيضاح الشُراح لما يجمع بين الخطاب والنباح والنِكاح)
(زاد الميعاد لـ"نور الهدى" وفاطمة و وِداد)
(فتح الباري في شرح ما جرى من ماء ودماء عند السدود والكباري)
(بدائع الزهور وما اختفى بين السطور من وقائع دارفور)
(بشارة الترابي والمحبوب بتكفير الذنوب وفصل الجنوب)
("الوثبة" "الأريحية" بالأدلة الثبوتية إلى الجنايات الدولية)
(المعجم الغميس في شرح دغاميس الرئيس)
...
..
.
| |
|
|
|
|
|
|
|
|
|
Re: تيسير العسير في شرح خطا المشير (Re: فتح الرحمن حمودي)
|
كما استعنت لشرح ( الحاوي والرواي في كتاب الغناوي) لخطاب البشير وتوقفت عند الفقرة الأولى من (مقدمة إبن غندور) وهو يتفرس ويتفحص الجلوس بما فيهم، من "ترابي، و مُـرابي، و خررررررررابي، وخررراااا بدون بي:
يخاطبهم ذلك الغندور و يُنشد رئيسه ممجداً :
والجمع مجتمع، والكل منتظر ... يحظى بجزراتٍ أو بعض عجورِ
ما الدهر الا الربيع المستنير إذا ... خطب البشير اتاك النوْر بالنور
فالارض ياقوتة والجو لؤلوة ... والنبت فيروزج يُروى ببلور
تبارك الله ما احلى الرئيس فلا ... تغرر فقائسه بالصيف مغرور
قالت لجارتها والوجه ممتقع: لا الجمعُ جمعٌ، ولا الفقرُ فقرٌ، ولا الغندور غندوري
من شم طيب جنايات المشير يقل ... لا المسك مسك ولا الكافور كافور"ي"
الله ما أحلاك من رجل للمرأتين... وما أبهى خطابك يا كافور "كافوري"
وقد أعود مجدداً أن تيسر لي الاطلاع على معجم: (مُرشد الآوي، ومعين الناوي، لفهم ما يرمي إليه القيقراوي).
...
..
.
| |
|
|
|
|
|
|
|
|
|
Re: تيسير العسير في شرح خطا المشير (Re: جمال المنصوري)
|
لم يكن الاقبال علي وثبة سودانية كاملة تشمل الجنوب ممكن
كان التمهل فعلاً لازماً للتهيؤ للوثوب
كانا عاما ستة وعشرة من هذه الالفية توقيتين مؤملين لاعلان هذه الوثبة
استمر تقبض اعضاء الجسم الوطني
ولكن بسبب ما سبق التلميح اليه انتظارا وترقبا
الا ان الانتظار فترة اخري علي هذا النقيض والتقبض يوشك ان يحيل هذه الطاقة الكامنة للوثوب الي طاقة غير مسددة
اجتراح وثبة تضع اهدافها عند منتهي نظرها لا تحت اقدامها
لان السودان هو المنادي والمدعو للوثوب
دي من أول خمسة دقائق بس
| |
|
|
|
|
|
|
|
|
|
Re: تيسير العسير في شرح خطا المشير (Re: سامى عبد المطلب)
|
يا سمسم
Quote:
وده واحد قاعد (يتعاطي) واظنه هو الذي قام بالصياغة النهائية للخطاب:
: على مبادئ التكامل والتعاون والتعاطي
: دعوىَ الِحزب الناهض في الوطن الناهض ، لا لحِزب المَُدَعِي النهوض بالوطن . |
اتفق مع المنصوري في حتة التعاطي دي ... واظني عرفتو! :)
حتى لو جاب ليو إثم .. آي هانف تو تيك إت ..
إت ما فرزتو!؟
| |
|
|
|
|
|
|
|
|
|
Re: تيسير العسير في شرح خطا المشير (Re: فتح الرحمن حمودي)
|
فتح الرحمـن .. ســـلام
من العبارات التي وردت في الخطاب :
( تقبضــه ) .. ( إنبراؤه ) ( صـلة الرحــم )
........... الكلمتين الأولى والثانية رغم إنهن غير مفهومات إلا إنه الواحد ممكن يبلعهن مع حبتين فاليـوم ... لكن ( صـلة الرحـم دي تتبلع مع شـنو ) !!!! ..
أنا شامي ريحة ( ســطلة في الخطاب دا )
...........................................
إنتو الخطاب دا الكتبه مـــــنو ؟؟؟؟
| |
|
|
|
|
|
|
|
|
|
Re: تيسير العسير في شرح خطا المشير (Re: السر البشير)
|
حبيبنا قيقراوي
تحية متوثبة
اخونا / السر البشير
تحياتي
بالنسبة لسؤالك | Quote: إنتو الخطاب دا الكتبه مـــــنو ؟؟؟؟ |
في بوست لي اخونا / Gafar Bashir
اسمو ( من الذي كتب خطاب البشير )
حاولت مع المحاولين ان نتوصل الي الاجابة علي السؤال اعلاه.. فكانت هذه المحاولة في تفكيك لغة الخطاب نفسه
اعتقد انو الكتبتو لجنة، فيها اعضاء من مختلف الافرع،تبدو سيماهم في كلامهم واضحة.. فعندك دي مثلا كتبها سباك:
| Quote: تسليك قنوات الولاءات الجزئية ، لتكون رافداً مشروعاً للولاء الوطني |
ودي كتبها واحد اخصائي نسا وولادة:
| Quote: إستمر تقبض أعضاء الجسم الوطني ، إنتظاراً وترقباً |
ودي بتاع وثب عالي:
| Quote: على وثبة سودانية كاملة تشمل الجنوب |
ودي ممثل وزارة المعادن:
| Quote: إن نفض الغبار عن المعدن السوداني الأصيل ، لهو أحد أهم ركائز هذه الوثبة ، فضلاً عن كونه هذا المعدن b] |
وده من هيئة علماء السودان:
| Quote: لتحقيق إنطلاقة راشدة ، قاصدة ثم بالغة إن شاء الله مقاصدها . |
وده واحد قاعد (يتعاطي) واظنه هو الذي قام بالصياغة النهائية للخطاب:
| Quote: على مبادئ التكامل والتعاون والتعاطي |
| Quote: دعوىَ الِحزب الناهض في الوطن الناهض ، لا لحِزب المَُدَعِي النهوض بالوطن . |
يا قيقراوي
دي نماذج بسيطة لو رجعت للخطاب حتلقي انو الخطاب ده بالميت كتبتو الجمعية العامة لأتحاد عمال السودان..
ودي
| |
|
|
|
|
|
|
|
|
|
Re: تيسير العسير في شرح خطا المشير (Re: جمال المنصوري)
|
واحد متعاطي حيقي يا منصوري كان في حرامي متلحو ليك، كل ما يخت حاجة في الدولاب يجي يلفح داك!
يوم لبد ليو في راس الدولاب، واول ما الحرامي فتح الدولاب جا ناطي ليك فيو ..
الحرامي قنب يكورك .. انا تبت والله .. تبت خلاس ..
المتعاطي قال ليو كدي ارخيني من توبتك دي ... انت رايك شنو في الوثبة دي؟
| |
|
|
|
|
|
|
|
|
|
Re: تيسير العسير في شرح خطا المشير (Re: AMNA MUKHTAR)
|
Quote: واحد متعاطي حيقي يا منصوري كان في حرامي متلحو ليك، كل ما يخت حاجة في الدولاب يجي يلفح داك!
يوم لبد ليو في راس الدولاب، واول ما الحرامي فتح الدولاب جا ناطي ليك فيو ..
الحرامي قنب يكورك .. انا تبت والله .. تبت خلاس ..
المتعاطي قال ليو كدي ارخيني من توبتك دي ... انت رايك شنو في الوثبة دي؟ |
حبيبنا /قيقراوي
الغريبة يا قيقا الاعلاميين فاتو الكبار والقدرم في تقليد اولي الامر منهم..
حسين خوجلي في محاضرته اليومية بعنوان (مع حسين..) يوم 28/01/2014 طوالي تعاطي مع (التعاطي)
تصدق لم يجف تعاطي السيد الرئيس/ حتي تعاطي حسين مع التعاطي..
بعدين زولك المتعاطي الحقيقي ده، دي وثبتو مع الرجال..
ياخوي ماشفت الوثبة بتاعت المتعاطي الرئاسي قدر شنو ؟
مليون ميل مربع تقول لي راس الدولاب..ده الحرامي لو (وثب) علي جنب كان متعاطيك ده لي هسع يعرج..
| |
|
|
|
|
|
|
| |
بدر الدين الأمير
الشفيع وراق عبد الرحمن
محمد الطيب محمد
عبدالعزيز عثمان
جمال المنصوري
الصادق عبدالله الحسن
سامى عبد المطلب
السر البشير
AMNA MUKHTAR
فيس بوك
تويتر
انستقرام
يوتيوب
بنتيريست