|
Re: إلى قيقراوي: فتح الرحمن خلف الله أو أياً كان إسمه !!! (Re: AMNA MUKHTAR)
|
Quote: يا الشايل شمسك في جواك خليها تبين للناس تطلع |
تشكر يا سمسم ياخي تعرف من أسرار مدوامتي على قراءة هذا المنبر يومياً بالإضافة الى معرفة الأخبار العامة، قراءة ما يكتبه بعض الزملاء هنا. وما يهببه هذا الكائن العجيب الذي كان إسمه قيقراوي يأتي في مقدمة قراءاتي.
تحياتي
------------------------------------- في ناس كدا حقو بكري يدفع ليهم بكشيش عشان يداوموا !!!!
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: AMNA MUKHTAR)
|
Quote: الزول دا عابد زاهد ، عشان كدا عنده خفسات وخلوات وكدا . |
سلامات يا أمونة وتعرفي دا رأيي فيهو من زمان وقلت له قبل ذلك عن هذا الحضور والسر الباتع فلم يصدقني، وها أنت تؤكدين زعمي في هذا المخلوق. ما تتكرمي تمرقيهو لينا من خلوتو دي ينوبك عنا وعن أمة المسلمين ثواب عظيم، الما في شنو !!!!
------------------------------------------- ياخي صاحبك دا متعة حتى وهو في أوج مناكفاته وعنكباته.
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد المسلمي)
|
Quote: وان لم يحضر ربما خرجنا في تظاهرات أسفيرية او اعتصامات المافي شنو
|
يا مسلمي المافي كتيييييييييييير ... خليها لي الله بس
--------
ياخوانا -شيخ المسلمي وبقية الشيوخ هنا- انتو المقولة المنسوبة للامام الشافعي دي "من استغضب ولم يغضب فهو حمار" ظابطة معاكم؟ انا غايتو ماااا مقسمة معاي كلو كلو .. شايف الجنجويد رافعاعالياً كشعار للمرحلة!!
يحكى عن الشيخ فرح ود تكتوك انو كان بتوضأ في طرف البحر .. جاء واحد اهبل بال ليو في طرف عراقيو .. انقروا رد على الاستغضاب دا بشنو؟ شكراً يا ولدي.. والله صحي .. "انا من قبيييل شاكي في طهارة هدمي دا" وفي مقولة شااايعة "خربانة ام بناياً قش/هش" .. تنسب المقولة لنفس المصدر السابق لمن لقى الجماعة بشلّعوا في راكوبتو .. قالها وشلع معاهم
يا جنجويد (هم عارفين نفسهم).. خلوا مزاجكم راااايق .. لن تبلغوا قامة ود تكتوك .. ولا حكمته .. بطلوا الرعي الجائر دا .. ما تمشوا ترمرموا من السيرة زي الغنم ساي .. فايتين مستوعب الحكمة المحلية دي .. وساكين لي العرب اينما دخلوا جحر ضب خرب مشيتوا وراهم!؟
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد حيدر المشرف)
|
Quote: قيقراوي ده راس مالو مجرد التلويح بي مكتبة .. واما وقد تمحرب كما أشارت آمنة مختار .. فحقو نلحقو قبل ما يتحلس .. الزول ده بمسك نار سريع آآآ ناس .. |
سلام يا دكتور المشرف أها نكلم منو إلحقو لينا تاني غير آمونة دي؟ ياخي أحبطني شديد هو بالله ما عندو مكتبة كمان؟ بكري دا دايرنا نصدق كلام السلفيين عنو!!! هاهاهاها.
لك وللأسرة الكريمة عاطر تحياتي يا صديقي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد حيدر المشرف)
|
المشرف يا رفيقي في الغار (كان قلت (الكار) بكون انجنيت على كاراً ما عندي ليهو رقبة)
Quote: قيقراوي ده راس مالو مجرد التلويح بي مكتبة ..
|
وين دا .. كان زمااااان!!
بعد ما ناس الفورول اتقدموا لي، وطلبوا يدي للكتابة معاهم .. تاني منبر العوام دا بنجبهو شاقين شعرنا و قافلين القزاز.
--------
لكن انقر ما رفضتا!؟ قلت ليهم داير اكمل تعليمي في روسين اليتامى وابناء السبيل وشماشة الاسافير في مطعم الباشا دا هنا قببببلي..
وكف كدا صحيت من النومة .. وط آ دريم .. حلم ثقافي من الطراز الممتاز!! زي دا الا تنوم ليهو بكاسين!
بالجد مقدم بهناك انا .. تاني تشوفوني رهاب رهاب .. مع حسن موسى وحسن اولئك رفيقاً بس
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فتح الرحمن حمودي)
|
Quote: قلت نشوف آخر عمايل الجنجويد الثقافي .. لقيت المنبر يومو اسود ومتنيل
ربنا يرحمو ياخي ويصبر آله وذويه ومحبيه وعارفي فضله
|
يا سلام عليك آآآآالمبروك تعرف نويت كتابة هذا البوست قبل وفاة الرجل السمح الوسيم محمد زين. وتوقعتك أن تكتب عنه في غمرة الحزن العميق التى عمت هذا المكان وتيقنت أن هذا الخبر سيخرجك من مخبأك أينما كنت، لأنني أعرف أن الموت الفاجع يهزمك كما يهزمني تماماً وعندما لم أسمع لك حساً قررت إبتدار هذا الشرك وعارفك ما بتكسر لينا خاطر.
-------------- يلا مسموح ليك بالحلاقة للهندي في هذا البوست وبالقزازة كمان.
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: Imad Khalifa)
|
Quote: بس منذ -ز- ان كنت بمجاهيل افريقيا،، كتاباتو بريده،،واهو ذاتو بريدو.. بس ما اطلع وهابي،،اقوم اودرنا.. فله التحية والاحترام،،،ولكم. |
الأخ عبد العزيز عثمان سلامات يا زول نحنا زاتنا بنريدك وبنريد كتاباتك وعوالمك بتاعات الكنابي والقناطر والتُرع وأبعشرين والتقنت والكدنكة وشقيق اليدين والكرعين والبودة والموية أم صارقيل والبلهارسيا التى سهكت عضمنا زيك.
فما تغيب وتخلينا نجقلب، فأنت أيضاً من الذين يزينون هذا المكان بنثر الحكي الطاعم.
لك تحياتي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: Imad Khalifa)
|
Quote: عماد خليفه ....سلام ياخى مالك بتقلب فى الدراب للعقارب غياب الظالم عبادة لكن الحق لله انا ما قايل زى قيقراوى ده بوحشنا حكمته بالغه يضع وحشته فى اضعف قيقراويه،،، |
ههههههههه لايك يا عمنا
وعاطر التحية للصديق قيقراوي والحمد لله إنه بخير، غير إن وفاة الزميل محمد زين مدبرسة بيهو وأجارنا الله وإياكم
تحياتي يا عماد
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: بدرالدين بابكر مصطفى)
|
Quote: والله ياجماعة،،الزول ده منو.. واسمو منو،،،ولوحو وين،،، ما فارز-ذ- عنو حاجة... بس منذ -ز- ان كنت بمجاهيل افريقيا،، كتاباتو بريده،،واهو ذاتو بريدو.. بس ما اطلع وهابي،،اقوم اودرنا.. فله التحية والاحترام،،،ولكم.
|
وهابي شنو يا عب عزيز الزول ده ممالي الملحدين رغم انو ضهرو مسنود في جدار الكعبة او كما قال البصل قدس سره
حمدلة علي سلامة الشوفة يا قيقاحاوي واحسن الله عزائنا في الزول الجميل محمد زين
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد عبد الله حرسم)
|
يا امونة شايف حكاية مسك النار دي عجبك :) لكن قولي لود المشرف أني بفك نفس النار باسرع من مسكتا ذاته!
أهو الحمد لله -المتفرد بالثناء على المكاره- الزول ينوم كافر ويصحى ماسك عدد .. ؤ يردد ردو
--------
من جانب آخر:
Quote: يوهمنا بأنه يستقيل لأن "الخاتم" (مات)، وأنه (أخلاقياً) يستقيل لأن خصمه مات!! بالله عليكم هل من (هيافة) سياسية وفكرية أكثر من هذا الخطل؟!
|
الهندي -مع انو هندي، مع ذلك وبرغمه .. كلامو هنا في سنس اكتر من كلام الحاج وراق الطفولي الكلو إهمال فكري ونظري دا .. أحرجني الحاج وراق .. وانا زول بحرج سريع
لكن لي أسي ما وصلت لي نتيجة بخصوص زج (الخضر) في منازعتم المجوبكة دي .. أهو مدح ام قدح يا امونة!؟ :)
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد حيدر المشرف)
|
Quote: ياخى مالك بتقلب فى الدراب للعقارب غياب الظالم عبادة لكن الحق لله انا ما قايل زى قيقراوى ده بوحشنا حكمته بالغه يضع وحشته فى اضعف قيقراويه،،، |
الموج يا صديق الموج سلامات تعرف يا صديق عشت لخمس سنوات في مدينة نيويورك، حينها كانت الأبراج التى دُمرت في أحداث سبتمبر الإرهابية تعطي المدينة شكلاً تحس خلاله إتصال هذه الأبراج بالسماء مباشرة، وبعد التدمير الإحساس الذي ينتابك وأنت تنظر في الفراغ هو أن ثقباً كبيراً قد حدث في سماء المدينة. ينتابني ذلك الإحساس اذا غابت بعض الأقلام وأشعر بأن ثقباً قد حدث في سماء البورد، ومن ضمنها هذا القيقراوي الواحد دا (إضع سرو في أضعف خلقو) وحكمتو بالغة ذي ما قلت.
لك تحياتي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: عبدالعزيز عثمان)
|
Quote:
كتاباتو بريده،،واهو ذاتو بريدو.. بس ما اطلع وهابي،،اقوم اودرنا.. فله التحية والاحترام،،،ولكم.
|
احبك الله الذي أحببتنا فيه يا اخ الاسلام والله ان القلوب لشواهد .. وقلب المؤمن دليله أنا ذاتي ارتبطت بكتابته عاطفياً .. ومن اول نظرة .. اعتقد انو الكلام دا كان في بوست محسن خالد على ما اذكر
--------
قال ليو: آ لاف يو - آي لاف يو توو - آي لاف يو ثري .. وهكذا
الحقوق محفوظة لحسن موسى اللي الرجال خوسة
بس أختي جماعة بسم الله الرحمن الرحيم بهناك بعيقوك القبيل ديل! :)
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فتح الرحمن حمودي)
|
صاحب البوست والضيوف ... سلام
Quote: من جانب آخر: Quote: يوهمنا بأنه يستقيل لأن "الخاتم" (مات)، وأنه (أخلاقياً) يستقيل لأن خصمه مات!! بالله عليكم هل من (هيافة) سياسية وفكرية أكثر من هذا الخطل؟!
الهندي -مع انو هندي، مع ذلك وبرغمه .. كلامو هنا في سنس اكتر من كلام الحاج وراق الطفولي الكلو إهمال فكري ونظري دا .. أحرجني الحاج وراق .. وانا زول بحرج سريع |
صديق لي, عندما أعلن الحاج وراق استقالته من حق للسبب أعلاه قال لي
هسة أنا أنقسم ... وأعمل لي حزب ... وأقوم أسيبو
والله موت ما أموت .....
ثم أظن أن قيقراوي ... أو فتح الرحمن يعلم مقدار محبته عندنا
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: وضاحة)
|
Quote: انت قيقراراوى دا مش نفس الشخص الكلما عنه (صمصق البطل) ولا واحد تانى باقى عندى تار مع تيسير عوضة ودينا خالد وما داير يتلخب على الاختساس |
الأمير ود الأمير حلت الأنوار يا صديق بالحيل ياهو زاتو وباضيناتو انت ما شايف الزعيمة أمونة مقنطره ليهو الهندي ما لك داير تشغلو لينا بسيرة البطل!!!! الزول دا تارو ما بخليهو بالساهل وحقو بخلصو بالمطبوق.
تحياتي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: محمد علي شقدي)
|
الاخ العمده لك و لضيوفك الف تحيه
لاخ فتح الرحمن احمودي لك السلام مثني و ثلاث و رباع و ان اخفت فواحده ( 4 + 6 + 8 + 1 = 19 زوجه ) هذا هو مذهب الامام ابي داؤد الظاهري ، تفسير الايه الزواج من 19 حلال .
اولا كلام الامام الشافعي : من استغضب فلم يغضب فهو حمار . الرد فيه عليك بكتاب الامام الشعراني : العهود المحمديه .
ثانيا : في حكايه نانسي عجاج ، كبرت اللفه شويه . و الله ده بقيد مزدوج و قيود تسويه جرديه ما تجي . اقعد في الواطه وسطر دفتر يوميتك مع الاستاذ .
مشتاقيين يا قيقا
بالله لو عندك اتصال سلم لي علي الحبيبه دينا خالد . عشان نعرف الفرق و نعمل تسوياتنا و له رايك نرحل الحساب الي 2014 .
سلام
الزبير الختمي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فتح الرحمن حمودي)
|
البدرين .. حمد لبد ابو نعيمة كتاحة ضلام المغارب مصطفى عبيد وكل الحبايب هنا ..
ياخي محبات كميات .. بما لا قبل لكم بها
حبيبنا الختمي الزبير بشير .. انت عشان من العترة فرزنا ليك كوم براااك .. عله يليق:
Quote: اولا كلام الامام الشافعي : من استغضب فلم يغضب فهو حمار . الرد فيه عليك بكتاب الامام الشعراني : العهود المحمديه .
|
اقرأ [اعزك الله] وقارن بين الرعي الجائر البعملوا فيو الابطال الجهاليل، المتدينين القشريين .. وفهم أهل العرفان:
Quote: وقد بلغنا أن الإمام الشافعي رضى الله عنه كان مشهورا بحسن الخلق ، فعمل الحسدة على إغضابه ، فلم يقدروا فبرطلوا الخياط مرة أن يعمل له الكم اليمين ضيقا جدا لا يخرج يده منه إلا بعسر ويعمل اليسار كالخرج ، فلما رآه الإمام قال له : جزاك الله خيرا ، الذي ضيقت كمي اليمين لأجل الكتابة ولم تحوجني إلى تشميره ، ووسعت اليسار لأحمل فيه الكتب ، مع أنه كان يقول رضى الله عنه : من استغضب فلم يغضب فهو حمار ، من استرضى فلم يرضى فهو شيطان ، فيحمل قوله هذا على غضبه لله تعالى ، ويحمل عدم غضبه على غضبه لحظ نفسه ، فالكمل على الأخلاق الإلهية والله تعالى يغضب لغيره ولا يغضب لنفسه ، فلو انتقم تعالى لنفسه لأهلك الخلق كلهم في لمحة فافهم .
|
-----------
http://dc387.4shared.com/doc/rkw3PJsX/preview.html
انت يا اخوي زولك دا حاجبنو هنا مالو!؟ :)
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: Imad Khalifa)
|
والله يا عماد أخوي مناداتك للزول دا ما بناباها وأهو الناس تتصفح منتديات الله الواسعة دي وتلقى حاجة تعوّضا ما بُذل من جهد ووقت وما أُهرق من بقية نظر عِلّ فتحي دا -حسب رأيي- أخيرلنا يضم كلامو دا كللو في صرة وااحدة مجيَهة ومرفوَة الجوانب ويقدمها للناس مجلّدة من المطابع فهو يملك الفكرة واللغة وموهبة الكتابة الفكرة الجديدة، واللغة باشتقاقات مميزة، له فرادته بها الناقص تاني شنو؟ الزول دا عايز وكِت بَس.
يشكو مهدي عامل: للسوق الصبح وللجامعة العصر وللتعب اليومي جميع الوقت متى يبتدئ نهاري ؟
مودتي يا عمدة ولك يا قيقا وللأعزاء المتداخلين
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: معاوية الزبير)
|
العزيز معاوية الزبير سلامات والراجل استجاب للنداء وعاود الكتابة بصورة وان كانت غير منتظمة كما كنا نطالعه من قبل، ولكنها عودة على كل حال. وتعرف إضافة لما ذكرت تعجبني كثيراً بوستاته المشفرة وكذلك مداخلاته التى تُجبرك أحياناً للرجوع لعدة بوستات حتى تفهم كُنهها. تعجبني أيضاُ مجادعاته مع بعض الأصدقاء وتمريراته الذكية لفكرته بين سطور هذه المجادعات والمساجلات.
وياريت بكري يقرأ كلامك دي ويتكرم علينا بمكتبة لقيقراوي لتجمع كل إبداعاته الممتعة في مكان واحد. (بس ان شاء الله ود المشرف ما يقرأ الكلام دا)
لك التحايا والمودة يا صديقي
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فتح الرحمن حمودي)
|
Quote: باخي انتي ذاتك لابدة وين؟
|
الأخ العزيز عماد
في جب الحياة ... و جدتني مستمرأة الرهق... و دائماً في حالة هل من مزيد! شقاوة لله يا محسنين هههه...
اليومين ديل بنحاول نلّحق البنات بالمنهج الفاتهم ...خصوصاً تحفيظ القرآن لا حولااا صعب كيف !!! بحفظ في ميرال و أقول ليها
كلا لينبذن في الحطمة وما أدراك ما الحطمة نار الله الموقدة التي تطلع على الأفئدة ....إلخ
قالت لي الحطمة دي منو؟؟ و ينبذن شنو؟ أها نبهتني لحتة ما كنت منتبهه ليها مع عجلة إنه هي لازم تحفظ سريع عشان تلحق المقرر ذي أنا بحفظ حاجة بالصيني و ما عارفه معناتها شنو... بقيت بستعين بيوتيوب للتفسير بالصور لأنه محفز للخيال وبسهل الحفظ ...و في سري بقول حليل زمنا ...زمن الخلوى و اللوح و الدواية ... و لا كنا بنسأل من ينبذن و لا الحطمة نحفظ ساي ... جنس غشامة :)
مداخلتي دي بنكهة قيقراوية بس للأسف ما بعرف أشفر ذيه :)
تحياتي للأسرة و كل الأصدقاء بطرفكم
يا قيقراوي... راجينك و و اثقين منك
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: elhilayla)
|
Quote:
خايفة يجيني عكاز بتاع إستعراض عضلات لغوية و كده هههه
|
أنتو هي (ذكية الذكية) قالت شنو قبل "أتمنى دا ما يضايقك/يزعجك“؟
-------
المسكين دا من زمن عوارة انو اللنقليزي حاجة بقشروا بيها!؟ علي بالحلال الزمن دا اي عولاق بجضمو زي الحاجة الكعبة .. ياخي هي وجن الصغيرة في بلد يعرب بن قحطان دي بتعرف!
لكن النصيحة ذكية الذكية كترتا :)
المرة الفاتت استاذنت من الجمهور ..
انقري ما استأذنت الجمهور أنا ذاتي أني اكتب باللنقليزي والحمد لله استأذنت وانا مارق .. قلت ليهم:
I'll be back
سأعود (لغير الناطقين بها .. المافي شنو .. عشان لأنو في ناس معقدين ؤكدا)
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فتح الرحمن حمودي)
|
Quote: المسكين دا من زمن عوارة انو اللنقليزي حاجة بقشروا بيها!؟ علي بالحلال الزمن دا اي عولاق بجضمو زي الحاجة الكعبة .. ياخي هي وجن الصغيرة في بلد يعرب بن قحطان دي بتعرف!
لكن النصيحة ذكية الذكية كترتا :)
المرة الفاتت استاذنت من الجمهور ..
انقري ما استأذنت الجمهور أنا ذاتي أني اكتب باللنقليزي والحمد لله استأذنت وانا مارق .. قلت ليهم:
I'll be back
سأعود (لغير الناطقين بها ا .. المافي شنو .. عشان لأنو في ناس معقدين ؤكدا) |
للناطقين بغيرها
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: elhilayla)
|
شفير شديد يا قيقراوي مداخلتك ذاتها للناطقين بالتشفير فقط مافهمت آي حاجة لكن قعدت أضحك
أما عن كلامي المكوت ... في بوست عن الكاريكاتيرات و كده (إتعلمت منه من أين أتيت بمصطلح مطعم الباشا) و احد من الأخوان بيردع و يزجر في إسمارت لأنها كتبت حاجة بالإنجليزي بالنسبة لي ..آي زول حر في لغة التواصل و المصطلحات البيستخدمها و حسيت إنه إسلوب الأخ ما كان لطيف... ده كل ما في أمر توضيحي لحتة محسوسية تعبيري عن الmisconception
الحليلة مشكور على المساعدة ... فتشت موقع ترجمة بعد قريت ترجمتك إسمه تقريبا tarjem قالوا الmisconception تعنى الوهم الترجمة المحسوسة ليها في بالي حاجة بين ترجمتك و ترجمتهم ....
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فردوس جامع)
|
متابع يا دكتورة
ذكية الذكية دي فعلا اسمارت هي .. قاعد تعجبني أراءها جداً .. واكتر جرأتها وتهذيبها في الطرح والتعامل مع الجميع باحترام اتنين منها وكان مطعم الباشا دا عمر .. لكن بعد دا كلو بكري عامل ليها فتح الرحمن خلف عيد الكريم حمودي عديييييل كدا مكتبة ما داير يديها ^_^
-------
رأيك شنو في (خلل مفهومي) كترجمة غير حرفية ولا محترفة لمصطلحك
الغريبة اسمارت هي الوحيدة البتقول في كلام اسمارت بهناك .. لكن اصحاب الحناجر الكبيرة مالين البوست داك ضجيج .. وعجاج كونها توظف إمكاناتها الغوية في (حوار) وتعبر عن نفسها باللغة البتلقى فيها نفسها كدا بتدعم تماماً وجهة نظرها .. وتنسف وجهة النظر -التي لا ترى- المضادة .. وتماماً!
سأعود (حسيت أني اجملت ما يحتاج الشرح)
| |
|
|
|
|
|
|
Re: إلى قيقراوي: فتح الرحمن خلف الله أو أياً كان إسمه !!! (Re: فردوس جامع)
|
خيرك سابق يا دكتورة تصدقي أول ما تبادر لذهني ما ذهب إليه موقع ترجم ولكنني رجحت فكرة أهل الترجمة - الترجمة دائما للروح وليس النص- وحسب فهمي للسياق الذي ورد فيه اللفظ أن "الوهم" لا تفيد المعني المراد
أتفق معك أن المعني المحسوس قد يكون بين الترجمتين
منتظرين البشارة والأخبار الحلوة
وتحياتي للشباب ـــــــــــــــــ الحليلة
| |
|
|
|
|
|
|
|