لما تكون عندك رغبة في البكا عشان تشعر ببعض الراحه وما عايز اسئلة ونصائح وانتقادات ولا حتي زول يشوف لحظة أنكسارك دي وكمان أنت ما داير تسمع لوم وكلمة انت اخطأت وحذرناك من كدا دا خطأك ليه تبكي حسي أنا انسان ما مجروح وبس حاجات كتيرة بس بحاول الم اشلائي المحطمة وأتشتت هنا وهناك شيء عمل صوت و مرات نزيف داخلي تقرحات عايز بتر وموت دماغي ولا سريري ما عارف أنا ح أعترف ليك بصراحة شديدة كنت ######## شديد واناني لما أترددت ما أتقدمت ليك صديق عمري وكان منتهي القسوة معي ومعاك ومشي عمل كدا وكنت من نصيبو وبعد ما رحل من الدنيا رجعت تاني أفتش عليك وأعيد الماضي بكل التفاصيل ديك الانهزامية غريبة انت السبب سمحت لي أرجع وأكون محور أهتمامك وتبدا علاقة جديدة أقوي من كل ماضي عارفين في أطفال دا زاد خوفي وأنت كنت صاحبة مبادرة كلمتي الاسرة رفضوا بحجة أني غير مبالي و فوضجي صاحب أخونيات وكل عبر الزمن فيني المهم كان الاصرار منك أنو تبقي العلاقة ولو مستحيلة تركت البلد لظروف قاهرة رجعت الوطن كنت في أنت زيارة رجعت كل الاشياء القديمة ما ماتت لا بالزمن ولا عرف النسيان طريقة معها أنتهت الزيارة وفي المطار قلت ((دي أخر قروش سودانية معي هاك وانا ح أكون علي تواصل معاك عندي أحساس أنك محتاج لي شديد وأنت ما قادر تحدد بكرة عندك الاهم منو ولا شنو لكين دي مشاعر عمر لو ما عايز تستمر ح تستمر ولو ماعايز الذكريات براها عذب لينا يا خي أسوي أنا شنو ما حاولت أساعدك عشا ن نفسي في الاول وتاني لانو الاطفال أتعلقوا بيك والشيء بالجد أنا في حالة أنسجام أنساني رهيبه معاك زي الحلم الجميل بقيت مدمنة أسمعك وأمشي معاك بالجد ادمنتك بكل تفاصيلك المحبوبة عندي والمجنونة لازم تعرف أنت ما أتغييرت عشاني ( أي نفس الطريقة في الحياة والفوضي وكترت العلاقات والهم العام وجنونك وما عايز تلتزم لا ي شيء و أنك عايز تأسس أسمك المهم علي الصعيد الانساني أنا بالجد بحبك لكين في الواقع حقيقة أنت صعب التعايش معك أنا في أنتظرك بس أبقي زول بالمعقول في كل شيء وأنا مسامحك وكلي غفران ليك بس خليك واقعي عشاني أنا بالجد العمر شارد عديل مننا ونحن بنسك ما عارفة أنت تفسيرك لصبري عليك شنو والله مسامحك بس أبقي زولي البعرفو أنا واللي أتمنيتو عليك الله .....وبس أعمل ليك شنو !؟ قول لي بس أنا أسوي شنو وكان ما بيقت لي برضو أنا ما قطعت العشم فيك أصلو العمر رايح رايح وأنا منتظرك وأنت كمان ساكن جواي ما ح أبوسك ولا اقول كلمة وداع واحدة أتذكر أتو أنت انا ! وبس حافظ علي من كل شيء سمعتني سمعتني سمعتني !!! )) ودخلت صالة المغادرة عميانة من الدموع وسافرت وهي الزول الغلبني وشال كل دنياي الجميلة عندو هو وجواهو بكل تضحية وتقديس
أخي المسافر تحياتي لك وكل الود شنو قصة (بريحني بكاك ... تعال ) وبعدين ما خلا ص أنطمرت واللي كان .....كان ! بالله ما تغيب عشان الزول يشعر أنو الدنيا فيها أنسانيين لسه (ما وجعي وجعن عميق بالحيل ما بيقتل بس في عذابات الروح أتحكر غلب كل الطبابة وحير الشيوخ في التقابة السحرة قالوا ما دا سحر دا شيتن أسمو الريده ماوجعي وجعن عميق بالحيل )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
المسافر
فيس بوك
تويتر
انستقرام
يوتيوب
بنتيريست