|
لقاء بــورداب جــدة
|
اشتقنا ليكم ساي والله ... دايرين نلاقيكم يا اخوانا
رايكم شنو في لقاء الويك اند الجاي .. يوم الجمعة مثلا ... او الخميس .. نتلاقي ونسهر ونسمر ونمرح ونغني ونفرح
اما في فندق وبوفيه مفتوح خفيف .. او في استراحة بالبيك
البرنامج الثقافي والغنائي .. بلة الفاضل و جمال السنوسي .. مجاهد .. الرفاعي
امرقوا يا اخوانا لي برة وتعالوا قولوا
DONE
ورونا الموافقين علي الاقتراح منو عشان نمشي لي قدام او نوأد الفكرة في مهدها
|
|
|
|
|
|
|
|
Re: لقاء بــورداب جــدة (Re: Asim Fageary)
|
يا السماني سلام عليكم فوت ليالي الشتاء الطويلة دي كلها وجايينا بعد ما الليل بقى قصير؟ ان تاتي متاخراً خير من الا تاتي ابداً والله نحن ذاتنا اشتقنا لك ومعاك يا معلم غايتو قصة البيك دي واقعة لي مية المية، شوفوا لينا استراحة واسعة يا عاصم شريكك
| |
|
|
|
|
|
|
Re: لقاء بــورداب جــدة (Re: بشير أحمد)
|
شباب زي الورد .. ايوة اتحمسوا كدا وحمسوا الباقين كلهم عشان عيون اطفالنا ما تضوق الهزيمة ^_^
شكرا لي التفاعل السريع ونتمني نسمع من البقية
يا بشير انت من الان مكلف بانك تشوف استراحة مناسبة وسعرها كويس وانحنا بنخمخم البيك ونجيك فيها جيب اسركم وعيالكم وخلونا نبتهج ونقتل مساء جدة بالفرح
يا ود الفكي سقط جدة الفات داك كان داير الدفو الدفو ^_^
يا عاصم انا لاسع راجي الشير بتاعكم الديانة ضايقوني خلااااص
حرسم تشرفنا ونزدان بيك فرح
محمد قيقيا خفييييف اول واحد تلقاهو هناك بي كميرته وبدلته ام مية ريال ديك ^_^
| |
|
|
|
|
|
|
Re: لقاء بــورداب جــدة (Re: اساسي)
|
يا شباب كسلا .. العمدة شحوتاي وصديق والفحل وفايز وبقية العقد الفريد نسمع منكم ياخ انتو اهم زول
ــــــــــــــــ
يا مزمل ما فاضل الا تجيب معاك كبسور وماسورته داك قوم لف انت والمعاك ما نشوفكم ولا تشوفونا
| |
|
|
|
|
|
|
Re: لقاء بــورداب جــدة (Re: اساسي)
|
Quote:
دايرنكم كلكم كدا بربطة المعلم تجو تقولوا تم طال عمرك
|
وعليه نطالب بكري أبو بكر بأن يفسح لنا يوزر نيم وباسوورد بإسم: (بورداب جدة)
| |
|
|
|
|
|
|
Re: لقاء بــورداب جــدة (Re: اساسي)
|
احزنني جدا خفة بورداب جدة لمجرد ان مفترع البوست اساسي.. اسة لو البوست عاملو رفاعي ولا عصام دهب كان اساسي جا سمعم فارغة وما هذا وضاع زمن البورداب وما عندكم شغلة و و و.. اساسي بيتعامل مع كيان ما يسمي بورداب جدة بفوقية وتعالي.. ولا استبعد انو اساسي مشارط ليهو زول قال ليو اتحداااك شوفني اسة بفتح بوست ومواهيم جدة ديل حيجوني جارين جري.. هذا هو اساسي الذي اعرف.. الغريبة لحدي اسة يبدو انو نظريتو صاح..وفي اتجاه ان يكسب التحدي والرهان..
| |
|
|
|
|
|
|
Re: لقاء بــورداب جــدة (Re: عمر الفاروق)
|
Quote:
احزنني جدا خفة بورداب جدة لمجرد ان مفترع البوست اساسي.. اسة لو البوست عاملو رفاعي ولا عصام دهب كان اساسي جا سمعم فارغة وما هذا وضاع زمن البورداب وما عندكم شغلة و و و.. اساسي بيتعامل مع كيان ما يسمي بورداب جدة بفوقية وتعالي.. ولا استبعد انو اساسي مشارط ليهو زول قال ليو اتحداااك شوفني اسة بفتح بوست ومواهيم جدة ديل حيجوني جارين جري.. هذا هو اساسي الذي اعرف.. الغريبة لحدي اسة يبدو انو نظريتو صاح..وفي اتجاه ان يكسب التحدي والرهان..
|
يعني بكلامك الفوق دا نحنا: مواهـــــــــــــــــــيم ؟
| |
|
|
|
|
|
|
Re: لقاء بــورداب جــدة (Re: Asim Fageary)
|
يا قرجة بتاع الكاراكتير دا ما بيعرف عربي ولا مستشرق؟
- في معاملة اللاجئون الجنوبيين - ؟؟؟؟؟؟
ولا ما عرف يكتب اللاجئين ؟
غايتو الصحافة بكاراكاتيراتها بقت زي الواطة دي !
| |
|
|
|
|
|
|
Re: لقاء بــورداب جــدة (Re: Asim Fageary)
|
سلام يا شباب جده التحية للاخ أساسي مفترع البوستات الحماسية وأفكار القاءآت البوردابية .
.......... ضد أي دخيل او عميل ... عمر شيخ الدين امشي بي غادي ... علاقتنا مع بورداب الرياض كويسة فلن نقول مواهيم الرياض .
.......................................................................حجر.
| |
|
|
|
|
|
|
Re: لقاء بــورداب جــدة (Re: جمال الباقر)
|
د. جمال الباقر هل انت موجود ؟؟؟ في جدة ؟؟؟ ام هربت كصديقنا الذي هرب من كل كل كل شيء ؟؟؟
......................................................................حجر.
| |
|
|
|
|
|
|
Re: لقاء بــورداب جــدة (Re: ismeil abbas)
|
ياالفاروق ياخي ما تخليك محضر خير ما صدقنا أساسي يحاول يتجاوز أزمة منتصف ال 44 اللي بقولو عليها يشاكل في ضلو وتزداد رغبتو في الوحدة و....حاجات تانية.....:) ويرجع إجتماعي وحبيب الكل... أوف كورس الإ قلة كدا طبعا" تقوم تاااااني عايزو يتجنن علينا ويرجع لي إسكوير ون ـــــ يا أساسي يمكن أجي ممكن إتنين بيك حراق ... دا طبعا" زائد .... شوق الله ورسولو لحبيبنا قيقرا وأأمل أن تكون كل أمورو كما ينبغي لها أن تكون ــــ و....قبل كدا البيك دا مش كان سبب شمطة وين كدا ماعارف؟؟؟
| |
|
|
|
|
|
|
Re: لقاء بــورداب جــدة (Re: عمر الفاروق)
|
Quote: احزنني جدا خفة بورداب جدة لمجرد ان مفترع البوست اساسي.. |
حامضة يا عمك..
..
قبل كدا كان في فعالية فريدة من نوعها..
يوم مفتوح لرسومات الأطفال على الهواء..
يوم كاااااااامل..من الصباح لحدي بالليل..
فطور وغداء وعشاء وغناء ولوحات جميلة ومعبرة..ومسابح في الهواء الطلق..
وفي الآخر خالص بالليل كدا..كان هنالك البرنامج التقليدي "البيض" دا..
شوية شعر ..وشوية غناء..
من هسي دي..لو حا تكتفوا بالجزئية "البيض" دي.. خليكم في بيوتكم..
ما في تفكير creative أصلو في الدنيا دي؟؟
..
.
| |
|
|
|
|
|
|
Re: لقاء بــورداب جــدة (Re: خالد علي)
|
Quote: طيب ياخ تعال نتلملم ونقعد برانا في بيت ناس خالد الأمين.. |
أوووووه أخونا الفنان الجميل خالد علي..
ومالو يا عم.. على الأقل بيكون بيض مصلح و"مقسم" كويس..
تحياتي يا فنان..
..
.
| |
|
|
|
|
|
|
Re: لقاء بــورداب جــدة (Re: شمس الدين التوم)
|
اللقاء تحقق يا أساسي بس المناسبة حزينة فقد عزيز علينا جدا آلا رحمة الله مبدعنا الفقيد الشاعر والاديب الجميل محمد زين الشفيع أحمد شكرا اساسي وإن شاء الله نلتقي دائما علي الخير بورداب جده الغياب والحضور تحياتي ،،،،أبوقصي،،،،
| |
|
|
|
|
|
|
|