|
كتب الكاتب الفاتح جبرا المتوفرة بمعرض الدوحة
|
|
 Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: صبري طه)
|
| Quote: تعرف يا أخ صبري درج العاملون بالدراما بإستغلال نجاح اي عمل درامي في خلق جزء جديد منه للإستفادة من زخم سابقه ، وأجد أن المريخ حاول فعل الشئ نفسه وإن كنت أشك بأي نجاح من هزيمته من البايرن ،ولعل المقارنة تكون أفضل وواقعية بمحاكاة حالة المريخ بحالة الرجل الذي تمت عملية قطع رجله وسط زغاريد النساء طرباً من قوة تحمله وفروسيته بأن قال لهم هو في قمة زهوه بحرم تقطعوا الرجل الثانيه |
تسلم ،،،
| |
  
|
|
|
|
|
|
|
 Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: صبري طه)
|
| Quote: وبهذا يتأكّد لمزمّل وهشام عبّاس وقياساً على نتيجة مُباراة اليوم أنّ زينيت الروسي أقوى من بايرن ميونخ الألماني !! |
انا كنت واثق يا صبرى اخوى ان المريخ حيعمل ليك لوثة دماغية
قلنا ليك خش الضل ابيت
طلب بسيط :
ممكن تكتب لينا عن مباراة الهلال القادمة امام مخروعة البلعومى القطرى ؟؟ اى والله اسمو كدا
سيبك من المريخ شوية ياخى
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: على محمد على بشير)
|
Quote: ايها الناس , مسعولين من الخير
انتوا صبرى دا قلب والا الهلال اصبح لا يدهش محبيه ؟
والله العظيم انا المريخابى دا ما فتحت فد بوست عن ادهاش المريخ الزعيم
وعدوا انتوا بقى صبرى فتح كم بوست واهرق كم مداد او ضرب كم ضربه على الكيبورد
فى المريخ وعن المريخ
ضل شنو يا هشام ؟
صبرى تانى الضل ما بينفعه
طبيب نفسى بس لمعالجة فوبيا مريخ الفين واربعتاشر |
على تحياتى
انا المحيرنى في الموضوع مش اخونا صبرى
انا صراحة محتار من رد الفعل الهلالى ليس فقط على المستوى الجماهيرى البسيط دا
لكن حتى على مستوى الخط الاعلامى اللى من المفترض هم ناس موجهين للراى العام وقادة وعى
كنت اعتقد ان الخطوة التى قام بها المريخ بمقابلة فرق كبيرة لها وزن وسمعة امر جيد وفى صالح الكرة السودانية
تستحق الاشادة والتشجيع ودفع الفرق الاخرى كالهلال والاهلى وغيرهم للاستفادة من هذه التجربة والقيام بمثلها
واعتقد ان الهلال يملك من الاقطاب من هم قادرين بدعم هذه الفكرة ان لم تكن بعلاقاتهم الكبيرة والممتدة باومالهم .
وكما قلت للاخوة الهلالاب والله ساكون اول من يؤيد ويشجع الهلال او اى فريق سودانى ان قام بمثل هذه الخطوة
لكن للاسف التجربة اوضحت لى مدى القصور في الفهم والذى يصل الى درجة الغباء والعبط عند بعض الهلالاب
على راسهم قبيلة الاعلام ووضح لى ان فشل الكرة السودانية وتقوقعها ودونيتها امام مثيلاتها من الجيران والابعدين
سببها عقليتنا التى نرى بها الامور وليس مجرد قصور مادى او ادارى او انعدام مواهب .
كنت اعتقد ان هذه التجربة سيتم تقييمها من خلال الفوائد ان كانت رياضية او مادية او اعلامية وتحليل الفوارق بيننا
وبين الاخرين ومحاولة الخروج بنتائج ودراسات واضحة لهذه التجارب ووضع رؤى للاستفادة منها على المدى القريب والبعيد
لكن الذى رايته عكس ذلك الاهتمام انصب فقط على توافه امور لا ينظر بها حتى الاطفال ومكايدات لا ترقى الا الى مستوى
الضرات ..
حتى اننى لا اختلف مع الاخوة الهلالاب في بحثهم المحموم عن كم دفع المريخ لو كان الامر فعلا مسعى للتثبت والمحاسبة لكنه
لم يكن سوى محاولة للتقليل والنيل من قيمة المباراة وحجمها وفوائدها لاننى لا يمكن ان اصدق ان هناك حرص وراء الحقيقة وهذا
الاعلام صامت صمت القبور على اهدار مليارات وملايين في امور اتفه من مواجهة مفيدة كلقاء البايرن او انهم فجاة انتبهوا لحال الوطن
منذ لقاء البايرن ..
بمقارنة بسيطة عندى ورغم نفى المريخ ارى ان دفع 12 مليار للقاء البايرن فوائده اعظم عندى من دفع ذات المبلغ لاستقدام لاعب مثل اوتوبونغ
او وارغو او غيرهم واكتشفنا في نهاية الامر ان موسى الزومة مقارنة بهم يعتبر ميسى الكرة العالمية .
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: هشام عباس)
|
أها بدينا للتمتير !!
يا أخوان إنتو ما قريتو صدر البوست ولاّ شنو الحكاية ...
| Quote: وأتمنى ألاّ يكون ما تناوله الإعلام بخصوص مُقاضاة شركة بافاريا لقناة الدوري والكأس القطرية التي سمحت لقناة النيلين ببث مُباراة المريخ والبايرن دور في تهميش مُباراة اليوم !! |
ثمّ ورّونا معاكم مُقاضاة الشركة لقناة الدوري والكأس هسّي حدّها وين ؟!
وبرضو مُقاضاة المريخ لقناة النيلين عملتوا لينا فيها شنو ؟!
أنا كهلالابي يهمني الأمر عشان أتعلّم من الأيام هنا
بعدين يا هُشام أنا عارفها لم تُذاع زيّها وزي أيّة مُباراة ...
وأيّة مُباراة لا تُذاع بأسبابها .. وسؤالي هنا عن الأسباب شنو ؟
لو لاحظت لعنوان البوست عبارة عن سؤال وختمته بـ "لعل مافي عوجة" !!
فينوبك ثواب تفصيل العوجة دي ...
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: ياسر منصور عثمان)
|
Quote: زينيت افضل من البايرن دي ما دايرا ليها نقاش
حسب منطق الاخوة الحمر |
شخصيا لم اسمع مريخى قام بحساب منطق كهذا
لكنى ارى مرشدكم العام الرشيد على عمر هو من كتب ان الهلال افضل من البايرن
لانه هزم المريخ بالثلاثة بينما فاز البايرن بهدفين ..لكن يبدو انكم تجيدون ان ترموا
الناس بداءكم وتنسلوا ...
لكن لارضاء نجركم شخصيا سانتظر مباراة الهلال امام مخروعة البلعومى القطرى لكى اعرف
هل هو افضل من البايرن ام لا
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: صبري طه)
|
Quote: أيوة يا ياسر ...
والأفضلية على حسب بعض الحُمر = عدد الأهداف التي ولجت مرماك بغض النظر عن المستوى العام للفريق في المُباراة !!
وبذلك المريخ أفضل من برشلونة الذي استقبل رباعية في الذهاب وثلاثية في إيّاب دوري أبطال أوروبا من الفريق البافاري ... |
ههههههههها ياما انت كريم يا رب
صاحب هذا المنطق ليس المريخاب بل صاحب اسيادكم الرشيد على عمر
واتحداك ترجع لعموده يوم 10 /1
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: هشام عباس)
|
Quote: ههههههههها ياما انت كريم يا رب
صاحب هذا المنطق ليس المريخاب بل صاحب اسيادكم الرشيد على عمر
واتحداك ترجع لعموده يوم 10 /1 |
المنطق دا تحدّثت بيهو إنت في مُعادلة خسارة المريخ بهدفين رغم إنّو المباراة كانت قون باك .. ومُعادلة الكويت الكويتي الذي خسر بالثمانية رغم وصوله لمرمى البايرن وأضاع أهداف بالجُملة كانت كفيلة بخروجه مُتقدّماً في النتيجة في الشوط الأوّل ...
مُعادلتي أنا = لم يلعب المريخ أيّ كورة أمام البايرن ...
فريق تمترس أمام مرماه وانتظر نصيبه من الأهداف التي لم تزد عن هدفين وضاعت أهداف أخرى ...
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: حمزاوي)
|
Quote: ثمّ ورّونا معاكم مُقاضاة الشركة لقناة الدوري والكأس هسّي حدّها وين ؟!
وبرضو مُقاضاة المريخ لقناة النيلين عملتوا لينا فيها شنو ؟!
أنا كهلالابي يهمني الأمر عشان أتعلّم من الأيام هنا
... |
حاجة غريبة ياخى
شركة بافاريا اعلنت انها ستقاضى قناة الدورى والكاس لاعطاءها حق البث لقناة النيلين
والمريخ اعلن انه لن يتخلى عن حقوقه ..اذا دى مسألة قانونية وشغل قانون
لكن سؤالك عملتوا لينا شنو والبوستات اللى بتفتحها دى كانها مضاربة بين اولاد الحلة عايز تعرف مين ضرب مين ؟؟
لماذا لا تنتظر انتهاء المساءل القانونية والى اى جهة ستكون وبعدها تتحدث كما تريد ؟؟
Quote: بعدين يا هُشام أنا عارفها لم تُذاع زيّها وزي أيّة مُباراة ...
وأيّة مُباراة لا تُذاع بأسبابها .. وسؤالي هنا عن الأسباب شنو ؟
لو لاحظت لعنوان البوست عبارة عن سؤال وختمته بـ "لعل مافي عوجة" !!
فينوبك ثواب تفصيل العوجة دي |
السؤال لما يكون بلامعنى ما يحتاج لتعب الرد
لنفترض ان القنوات رات ان هذه المباراة لا تحمل اى زخم جماهيرى لشراءها
وتحمل تكاليفها من ايجار ستلايت وعربات نقل وفنيين وعمال وان العاءد منها لا
تغطى تكلفتها .. هل هناك مشكلة او عيب في هذا ؟؟
لنفترض ان الشركة الراعية والمريخ فشلا في تسويقها .. هل هناك مشكلة ؟؟
لنفترض ان ايا من الفريقين اشترط عدم بثها لامر يخصه .. هل هناك مشكلة ؟؟
المهم هو انت عايز تصل لشنو من تفصيل العوجة دى عشان نناقشك بلعب مفتوح
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: هشام عباس)
|
Quote: حاجة غريبة ياخى
شركة بافاريا اعلنت انها ستقاضى قناة الدورى والكاس لاعطاءها حق البث لقناة النيلين
والمريخ اعلن انه لن يتخلى عن حقوقه ..اذا دى مسألة قانونية وشغل قانون
لكن سؤالك عملتوا لينا شنو والبوستات اللى بتفتحها دى كانها مضاربة بين اولاد الحلة عايز تعرف مين ضرب مين ؟؟
لماذا لا تنتظر انتهاء المساءل القانونية والى اى جهة ستكون وبعدها تتحدث كما تريد ؟؟ |
يا هُشام واضح من أسئلتي عايز أعرف القضية وصلت لي وين .. وهل تمّ رفعها أم هناك تسوية تحت الطاولة .. وهل تمّ تعويض الشركة والمريخ وهكذا ...
أسئلتي واضحة جداً رغم إنّها بالبلدي "خالص" وهي واضحة إلاّ لمن أبى ...
وقيل ومن هو الذي أبى:
قال المعرّي: هو الماسك ضنب الككو وما مُتابع الأخبار !!
Quote: السؤال لما يكون بلامعنى ما يحتاج لتعب الرد
لنفترض ان القنوات رات ان هذه المباراة لا تحمل اى زخم جماهيرى لشراءها
وتحمل تكاليفها من ايجار ستلايت وعربات نقل وفنيين وعمال وان العاءد منها لا
تغطى تكلفتها .. هل هناك مشكلة او عيب في هذا ؟؟
لنفترض ان الشركة الراعية والمريخ فشلا في تسويقها .. هل هناك مشكلة ؟؟
لنفترض ان ايا من الفريقين اشترط عدم بثها لامر يخصه .. هل هناك مشكلة ؟؟
المهم هو انت عايز تصل لشنو من تفصيل العوجة دى عشان نناقشك بلعب مفتوح |
أوكي يا مان .. طيّب الذكرتو في المُقتبس فوق دا لو كان هو الحاصل فعلاً فمفروض كان يكون عبارة عن إجابتك ...
يعني الإجابة تكون لم تتلفز المباراة للأسباب الآتية وهي كذا وكذا .. وهنا تكون كفيت وأوفيت ...
لو ما عارف الأسباب شنو .. فالأسئلة للناس العارفين ...
السؤال: إنت عارف الأسباب شنو ولاّ ما عارف ؟
لو ما بتعرف ما تغرف !! "مثل هجين"
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: صبري طه)
|
Quote: يا هُشام واضح من أسئلتي عايز أعرف القضية وصلت لي وين .. وهل تمّ رفعها أم هناك تسوية تحت الطاولة .. وهل تمّ تعويض الشركة والمريخ وهكذا ...
أسئلتي واضحة جداً رغم إنّها بالبلدي "خالص" وهي واضحة إلاّ لمن أبى ...
وقيل ومن هو الذي أبى:
قال المعرّي: هو الماسك ضنب الككو وما مُتابع الأخبار !!
|
والله يا اخوى انا ما ماسك ضنب الكوكو لكن واضح انك حتكون ماسكها لغاية ما تجيك الحقيقة زى حقيقة هل سيلعب المريخ مع البايرن ام لا ..
الامر وما فيه ان قناة النيلين قدمت اعتذارا للمريخ لكن المريخ تمسك بحقه القانونى
والامر الاخر ان هناك شخصية معروفة تدخلت لعمل تسوية لكنها فشلت
لهذا قلت لك ان اسئلتك سابقة لاوانها وتبقى مثل الذين سبقوا خبر مقابلة المريخ والبايرن وكتبوا الاشعار للسخرية من الخبر
الامر بسيط جدا .. هناك قضية اما ستنتهى لصالح المريخ والشركة الراعية او لصالح القناة
Quote: أوكي يا مان .. طيّب الذكرتو في المُقتبس فوق دا لو كان هو الحاصل فعلاً فمفروض كان يكون عبارة عن إجابتك ...
يعني الإجابة تكون لم تتلفز المباراة للأسباب الآتية وهي كذا وكذا .. وهنا تكون كفيت وأوفيت ...
|
ما قلنا ليك لو السؤال بيستحق عناء الرد كنا ردينا من الاول
الافضل نخليك سارح في خيالك لغاية ما تلقى ضل
| |
|
|
|
|
|
|
|
|
|
Re: لماذا لم تتم تلفزة مُباراة المريخ وزينيت الروسي .. لعل مافي عوجة ؟ (Re: هشام عباس)
|
| Quote: والله يا اخوى انا ما ماسك ضنب الكوكو لكن واضح انك حتكون ماسكها لغاية ما تجيك الحقيقة زى حقيقة هل سيلعب المريخ مع البايرن ام لا .. |
الغريب في الأمر أنا عندما علمت بالمُباراة فتحت بوست وانتقدت لعب المريخ مع البايرن في هذا التوقيت .. يعني البوست لم يكن سؤال عن قيام المُباراة .. والغريب أكثر أن هُشام عبّاس هو من أثار شكّي بأحد ردوده .. فتأمّل !!
Quote: الامر وما فيه ان قناة النيلين قدمت اعتذارا للمريخ لكن المريخ تمسك بحقه القانونى
والامر الاخر ان هناك شخصية معروفة تدخلت لعمل تسوية لكنها فشلت
لهذا قلت لك ان اسئلتك سابقة لاوانها وتبقى مثل الذين سبقوا خبر مقابلة المريخ والبايرن وكتبوا الاشعار للسخرية من الخبر
الامر بسيط جدا .. هناك قضية اما ستنتهى لصالح المريخ والشركة الراعية او لصالح القناة |
مدير قناة النيلين ومُلابسات بث مُباراة المريخ مع البايرن (فيديو)
أيوة أنا ماسك ضنب الككو ولا مُتابع ولا حاجة !!
| |
|
|
|
|
|
|
| |
هشام عباس
على محمد على بشير
ياسر منصور عثمان
محمد عمر الفكي
فيس بوك
تويتر
انستقرام
يوتيوب
بنتيريست