|
|
|
 Re: 17/ياناير 1996م يوم رحيل مصطفانا أغنية المسافة من تسجيل نادر وذكريات معها (Re: بدر الدين الأمير)
|
نرجع لمساومتنا انا وعبدالمنعم لمصطفى
الكلام دا شهر تسعة 1995م وكان الفنان محمد السنى مسافر لسوريا
في رجاء ان تكتمل اجراءات تعينة مدرس تربية مسرحية بقطر ويعود تانى جانا
الشقة وقال لمصطفى دايرك تسجل لى بعض الاغنيات مصطفى مسك
العود وبدا يدوزن وهو بدوزن في العود جو داخلين ضيوف والكلام دا بعد الساعة
تسعة مساء جانا مصطفى في الغرفة التانية قال لعبدالمنعم امش جب عشا من برة منعم
قال له امشى انا وبدرالدين يقعد يسمع الغنا مابمش براى قمت علقت يامنعم
انت عارفنى لمن مصطفى يبدا يغنى مابتحرك من مكانى ومصطفى كان واقف
يضحك وداير يقنعنا بدون ما الضيوف يشعرو تذكرت انو لينا فترة انا ومنعم
بنحنس في مصطفى يغنى المسافة وبتجاهل تحانيسنا له قلت لمصطفى خلاص انا مستعد امشى مع منعم
بس بشرط قال شرطك شنو قلت تغنى لينا المسافة بعد ما نرجع ضحك وقال ابتزاز يعنى قلنا له ايوة
ابتزاز قال اوكى خلاص امشو في الطريق قلت لمنعم الغنا الحا يغنيهو في غيابنا كلو مسجل عندنا المهم المسافة
وبليل دا مافى حتة فاتحة نمش ننسخ فيها الشرايط وماممكن نخلى السنى يسافر بيها سوريا لانو
طائرة السنى في الصباح الباكر وتانى مصطفى ماحايغنيها لينا اتفقنا انو لمن رجع نخت شريط جديد
لتسجيل المسافة
وندقس السنى ونديهو شريط تانى مافيهو المسافة ونجح المخطط والسنى سافر بشرايطو الاتنين بس ماعرف ان
الشريط الفيهو اغنية المسافة تم تبديله والسنى ماعرف الحكاية دى غير قبل شهر
لمن اتى لدارى ولقانا انا ومنعم بنسمع في المسافة حكينا ليهو القصة ضحك وشتمنا
وقال كويس العملتو دا لانو شرايطى بتاعت سورياضاعت
| |
  
|
|
|
|
|
|
|
|
Re: 17/ياناير 1996م يوم رحيل مصطفانا أغنية المسافة من تسجيل نادر وذكريات معها (Re: بدر الدين الأمير)
|
Quote: شكرا نبيل علي عارف يا بدر الدين اى حفلة كنا بنحضرها مع مصطفى الله يرحمه بيكون معاى ورقة وقلم بالذات الايام المفتوحة في
المكتبة القبطية الناس قاعده زي الفى محاضرة فى الجامعة تكتب ورقتك تديها الزول القدامك توصل ابو سامر يفتح يقراها يغنى اى يوم مفتوح كنت
بطلب المصافة ووضاحة ولمحتك صدق كان بغنيها وام سامر ولا موجودة تصدق ههههههه عارف الورق ده كان بيوديهو وين ابو سامر شفت غرفته
الصالون فى الامتداد فيه تربيزه فى الركن فوقها وتحتها اكياس نايلون الجيلاني مربطه فل الله يرحمه قال دى اى ورقة بتتكتب ليهو بيختها هنا لك الرحمة والمغفرة مصطفي |
| |
|
|
|
|
|
|
|
|
|
Re: 17/ياناير 1996م يوم رحيل مصطفانا أغنية المسافة من تسجيل نادر وذكريات معها (Re: بدر الدين الأمير)
|
Quote: وكانت المرة الاولى
والاخيرة الغنى فيها مصطفى المسافة في غياب بثينة |
الأخ العزيز بدر الدين
السلام عليكم ورحمة الله
هل تقصد المرة الأولى و الأخيرة أيام كان مصطفى - عليه رحمة الله الواسعة - في الدوحة ؟؟؟ ربما
....
وربما تكون الاخيرة ولكنها قطعاً ليست الأولى فقد حضرت عدة حفلات في منتصف الثمانينيات بالخرطوم وتغنى فيها مصطفى (بالمسافة) في غياب زوجته بثينة ...
معليش شترة عاوزين نوقع بيها الذكرى ونختبر مخزوننا !!!
| |
|
|
|
|
|
|
| |
بدر الدين الأمير
محمد عوض السيد
عصام علي أحمد
عزام حسن فرح
Sidig Rahama Elnour
فيس بوك
تويتر
انستقرام
يوتيوب
بنتيريست