|
|
 سبعة ونسة .... لماذا هكذا ؟ !!
|
.......
لماذا هكذا
بلدنا دى فيها شئ يحير يغير فى إتجاه الزول .... تلقى ليك واحد ممثل فيها فاهم .... بعد شوية تلقاه انت أفهم منه ، ومرة يكون فاهم أكثر منك ببسيط بغض النظر عن التدقيق فى معيار القياس لهذا الفهم ،،، لكن ساااااكت كدى بفراسة البدو وخبرة الحوامة أم فايدة بتصل إن شاء الله .
ندخل فى الموضوع توووووش عشان ما أباري ليكم متل جداد الوادى ،،، فى ناس بتحاول تكتب عن موضوعات مهمة تتعلق بحياة وسمعة أمة بحالها ،،، لكن المسكين لما يكتب يكون يفكر بكرة الجماعة ديل لما يقروا العمود دا يآمنو.... (الشوفونية ) لكن المشكلة يا سوداني لما تكتب فى موضوع لابد من أن يكون عندك فن التأطير للموضوعات فى عالم مفتوح ( شبكة السقد) يعنى خبر الموضوع اللكتبته (أول ما تدوس كليك) كل الدنيا بتقراه ، وأول ما المحرر فى الجريدة يقول اوكى وتأخد الرقابة الفيها النصيب ويعدى على مكنة الطباعة خلاص الموضوع طلع ....
نجى للموضوع :
السودانيين كانو
السودانين فعلو
فى كل بيت سوداني ....
يا جماعة معقولة مش انا ذااااتى البكتب الكلام دا سوداني !!! (نغرق نفسنا فى شبر موية )طيب لو الناس قالت السودانيين ديل سمحين ولا كعبين مش انت ككاتب واحد منهم ؟ طيب قول ناس الواقواق ديل قروا الأنترنت ،،،حيقولوا يا سلااااام والله معلومة دون ناس السودان كذا ، ودا واحد منهم كتب وقال .... وأهل البلد ادري بشعابها ....
يا جماعة نحن بنطبز عيونا دى بأصابعنا ،،، الزول لو حتى بيتو ما قدر ينضفوا ووس خ ااااان ومافى ناس داخلين عليك فيه ما تقول للناس بيتى ######ان من تلقاء نفسك (أستر نفسك ) نبيت يسترنا الله فنصبح لنكشف ستر الله عنا (لكن فى المقصد الشريف لمن أراد يد المساعدة فالكيفية معروفة ، احسن مكان هو المسجد ، لأن خير الله فى النبى محمد صلى الله عليه وسلم وفى امته الى يوم القيامة ... وكذلك لله عبادا اختصهم الله بقضاء حوائج الناس ...... الخ
الشخص يجب ان لايعادي غيره ، والخروج عن الطور الطبيعي للشخص قد يحدث ما دام هو بشر ،،، قل خيرا او اصمت (أحسن شئ تعملو فى لنفسك) ،،،،، ولتعلم من ظلمك فقد ظلم نفسه (وفق الأيمان لانو فى بلنص شييت بتكون فيهو مقاصة عاجلا ام آجلا)
شئ مهم .... طريقة تناول الموضوعات وحتى كتابة البوستات تشعر بها فى بعض الاحيان مادية جدا ،،،، يعنى الواحد يكتب بوست عشان يقروه أكثر ناس او ليشتهر ،،،، يا جماعة أكتبو ما يفيد الناس ،،، فى ناس بتكتب بوستات ولما تصل تلقاه خاوى المعنى ،،، ليه ياجماعة متعب نفسى وغيرى فى موضوع (هايف).
يا جماعة الأخبار ذاتا فى أخبار غير صالحة للنشر ، لأنها ببساطة لا عائد ولا فائدة مرجوه لناشرها ولا علم تضيفه لمتلقيها ،،، (طيب الجقلبة فى أم كم !!!). ،،،، تقوم تلقى واحد يقول ليك يا زول الجماعة قعدتهم فى علبهم (كبرى شمبات بس) طيب الموضوع اللانت ما شاء الله عليك أطال الله بقاؤوك وأكثر من صالح عملك " قعدت بيه الناس فى علبهم هل يستحق العناء واللولوة والنبذ والتطاول على بعض .... وهلما جرى وراءه للرد. يا جماعة كثرة البوستات بالصورة دى تعبت اخونا بكرى يلمها بجاي تجو تبهلوها ليهو بجاي الزول زمنو كلو قاعد يودى فى الخيران ....
طبعا اخوكم بكري عندو إرشيف لكل البوستات المشت الخور .... عشان كدا بعد ما ندق الستين ان مد الله فى العمر نجي نشتريها منو عشان نشوف دقساتنا ونرفع يدينا لله طالبين العفو والمغفرة ...
فى ناس عارفا حتقوم تبحت اولا فى المصيبة صاحب البوست إشترك متين ؟ بعدها تشوفو كتب شنو عشان يغفروا ليهو ... برضو فكرة ...
ولى عودة .... أعذرونى فى الكتابة بدون مراجعة ،،،،
!
|
|
  
|
|
|
|
الرشيد البصيلى
فيس بوك
تويتر
انستقرام
يوتيوب
بنتيريست