كتب الكاتب الفاتح جبرا المتوفرة بمعرض الدوحة
|
Re: الشخصية السودانية هشة !? (Re: عبدالحفيظ ابوسن)
|
آي صاح بقينا هشين لو ضربنا نقع ولو ضربونا نقع لو جات ملاريا لي زول واحد تخرب الميزانية سنة كاملة لو زادو رسوم الموية ننقص عيشة في اليوم غايتو مشاهدة القنوات السودانية سبب رئيسي في امراض القلب
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
برنامج عن الاطباء المزيفين في السودان بتاع اقاشي شغال دكتور 6 سنة اظنو وماعرفوهو ناس الوزارة وواحد بتاع ركشة اشتغل دكتور كم سنة قصص وحكاوي المستضافين دكتور ومسؤول وهو زاتو دكتور المهم مارق داخل بلقط في الكلام ,, داير افضي نفسي لحضور سهرة مصطفي ,, وقدر السمعتو وساعدتني اسرتي في التنوير سمعت العجب فكرة البرنامج جيدة بدون شك
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
واحد بنضم قالو ده مسؤول قال واحد فتح بيتو عيادة , الناس خاشة مارقة ,, نقوم نسألو ! امكن عندو سماية ! ياخ معقول سماية كل يوم وبعدينك ده ما شغلنا , نحن ما مباحث ! طيب انت شنو ? انت ما الزول المسؤول البتدي رخصة ممارسة الطب سنويا للدكاترة ,, وبتاخد منها رسوم سنوية , وأكيد لو سألت شافع صغير من اولاد الحلة بقول ليك دي ما سماية دي عيادة وقال بعد داك المواطن غلطان ! مفروض يبلغ !
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
المواطن يبلغ كيف عاد ! ماياهون ده اليافطة مدقوقة برة , والناس كلها عارفة , طيب ده خليهو ,, الشغالين في المستشفي ديل , يعني المواطن يقول للدكتور وريني شهادتك موثقة ومعتمدة حتي تكشف علي ولا كيف ? كدي امشي اقول لمسؤول وريني ما يثبت انك مسؤول والله تخش في جريمة جديدة
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
يا أبو سن
سلام
يا خي عادي زي ما المصريين كلهم بيصلحوا في التمثيل وأي واحد لو لقى فرصة ممكن يبقى ممثل ونجم الشاشة ، نحن عندنا بالمقابل كل الناس دكاترة ما شفت الزول لمن يمرض كل الزوار بيقوا دكاترة + صيادلة ، ما شاء الله حافظين كل الأدوية وعارفين المرض الفلاني بيعالجوا الدواء الفلتكاني .
نحن بنعرف حاجة إسمها هشاشة العظام ، بس أول مرة نعرف هشاشة اليسكويت ،
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
اها بعد داك نضم دكتور نفسي وده المتخصص البحلل زول ,, ليهو هو مكتئب ولا حزين ولا سلوكو مفارق المعتاد , ويديك حبوب يا كهربا اها قام قال الشخصية السودانية آى الشخصية عديل كدة , وده مجال تخصصو يحلل الشخصية
| |
|
|
|
|
|
|
Re: الشخصية السودانية هشة !? (Re: عبدالحفيظ ابوسن)
|
قال اخصائي النفسية الشخصية السودانية هشة لأنو الواحد ما بشتكي ,, يقول ليك ليه اتلتل ,, مادام هو دكتور وعالجني مالي ومالو ,, طيب ياخ السبب ماياهون ده ظاهر التلتلة مش الهشاشة ما عارف التعبير حقو ده اكاديمي و لا طق حنك ساي وحتي ولو اكاديمي زاتو هو قيم النتيجة مش السبب ليه الحكومة تتلتل المواطن ?
| |
|
|
|
|
|
|
|