كتب الكاتب الفاتح جبرا المتوفرة بمعرض الدوحة
|
|
 شيــــكاجـــــــــــــــــو
|
اكيد القرائه من اسس حياتنا ومهمه جدا برغم بدأ اندثار محبيها
واكيد الغايه منها توسيع نطاق معرفتنا وفهمنا وعقليتنا بجانب الاستمتاع والترفيه
والكتب انواع منها الدينى و العلمى والواقعى والقصصى ,,,,والخ
,لمن بديت واخترت كتاب اصله انجليزى ومترجم بالعربيه حق استيف بعنوان اسرار الرجال
اكتشفت ان اكيد اى كاتب حيعكس مجتمعه وعقيدته وتقاليده
ولقيت ان النصائح الموجهه للسيدات لكيفية الحفاظ على الرجل ما بتلائم حياتنا
ومنها انتقلت لقرائة روايات لكتاب عرب مصريين
وخلاصة 3 رويات اخرها شيكاجو
ان الروايات فيها الكثير من التعابير الفاضحه والاوصاف البتخلى العيون تنطط عشره عشره
انا ما زوله قرايه من سنين
ياداب بقول ياهادى لكن انطباعى الحالى ان الكتب افظع من الافلام الكنت بنتقدها ومسلسلات رمضان الما مناسبه لرمضان
وما عارفه هل دا حال كل الكتاب الروائيين
ولا بس المصريين القريت ليهم
لان لو كده يبقى عليه العوض ومنو العوض
الحقيقه ان فعلا دا واقعنا
والذكر فى الروايات ما خيالى
لانه حاصل
لكن هل ذكره حيفيدنا بهذه الطريقه
ولا ممكن ينور بصيرتنا لتجنبه
ولا مافى طريقه للتوعيه الصحيحه الا بنشر الغسيل
|
|
 
|
|
|
|
|
|
|
 Re: شيــــكاجـــــــــــــــــو (Re: رانيه محمد الشيخ)
|
ازيك يا رانية
| Quote: ياداب بقول ياهادى لكن انطباعى الحالى ان الكتب افظع من الافلام الكنت بنتقدها |
ما ممكن تحكمي على خير جليس بعد ما قريتي ليكي (كتاب كتابين) !
وبعدين دايرة باسرار الرجال شنو ؟! ... خليكي في ورقك 
| |
|
|
|
|
|
|
|
|
Re: شيــــكاجـــــــــــــــــو (Re: أيمن محمود)
|
رانية ليك وحشة
يا بت أقري أي حاجة تلاقيك
لأنك لو ما قريتي من طرف ما حتعرفي الأسود من الأبيض
بس خلي عينك فاحصة وخليك محايدة دائماً
يعني ما تقولي حاجة اغلط وحاجة صح إلا تقلبيها من كل الزوايا
على العموم القراية بتوسع الأفق لو تحرر القاريء من الجمود
المهم:
تاني ما تطولي الغيبة نحنا قاعدين نقرأ كل ما تكتبينه هنا
________________
يا أيمن محمود ياخي مالك هارش البت كدا خليها تعرف أسرار الرجال .. هم الرجال عندهم أسرار ما ياها منشورة بالفيديوهات!
| |
|
|
|
|
|
|
|
|
|
Re: شيــــكاجـــــــــــــــــو (Re: رانيه محمد الشيخ)
|
رانية الحبيبة \ سلام يغشاك .
انت عارفة يا رانية انا زمان لما كنت في سنك دي قريت لي الرائعة
غادة السمان وبدعوك اقري ليها كتاب ( الجسد حقيبة سفر ) ( واعلنت عليك الحب )
حاولي نوعي اقري برضو لي نساء عشان تشوفي الفرق . مشكورة علي الموضوع
الهادف ومفيد .
| |
|
|
|
|
|
|
|
|
|
Re: شيــــكاجـــــــــــــــــو (Re: رانيه محمد الشيخ)
|
سلام كتاب جميل قراته من الالف للياء..... حماني النوم عديل شيكاغو .... و كذلك من الكتب الجميلة لعلاء الإسواني نيران صديقة ..
هدية لعشاق القراءة نسخه من شيكاغو و نيران صديقة مقابل كتابين اخرين ....... كتاب الاسود يليق بك اخر رواية لأحلام مستغانمي مقابل ذاكرة الجسد...
| |
|
|
|
|
|
|
|
|
|
Re: شيــــكاجـــــــــــــــــو (Re: رانيه محمد الشيخ)
|
حياك الله يا رانية وضيوفك الكرام،
ومع احترامي للجميع لكن وجهة نظري أن الواحد ما دام نوى على القراية،
ووجد إنو عندو وقت ومزاج ليها، فحكاية أنو يقرأ أي حاجة من طرف دي ما منطقية،
أو على الأقل في الحالة دي يحاول يبحث عن كتب تجمع بين المتعة والفائدة!
توجد كتب تفتح الذهن تفتيحاً، وفي ذات اللحظة تسبب للقارئ كل المتعة!
عموماً طبعاً قراءة الروايات لا تحتاج لجهد معنوي كبير!
وأيضاً بالتأكيد فيها فوائد،
لكن كما تساءلت رانية: ألا بد من تلك المشاهد الخادشة للحياء؟!
واحترامي!
| |
|
|
|
|
|
|
|
|
|
Re: شيــــكاجـــــــــــــــــو (Re: صلاح عباس فقير)
|
مرحب بيك اخى صلاح
اكيد اختيار الكتاب مهم وفى كتب مفيده وممتعه على حد سواء
امس بديت قراية كتاب القران لمصطفى محمود
وبرغم انى ياداب فى الصفحه 23
لكن لصراحه لقيته ممتع وبيدينى احساس فعلا بعظمة القرأن وبأسراره البتفوت علينا بدون نعرفها برغم بساطتها
نحنا بنحتاج نقرأ عشان نتنور ما عشان ننحرف
وبالجد كتاب زى شيكاجو لضعاف النفوس بيودرهم
| |
|
|
|
|
|
|
|
|
|
Re: شيــــكاجـــــــــــــــــو (Re: رانيه محمد الشيخ)
|
الشفيفة رانية محمد الشيخ حمدا لله على سلامتك اولا وعودا حميدا مستطاب ياخ ...
اما عن القراية والكتب وموضوعك فرأي يا رانية هو انك بتعرفي مصر وعشقتي فيها وهذا واقع مصر ومجتمع مصر الصغير ذي الكبير عندهم في الحاجات دي وانتي ادري مني صاح ؟؟ ولانو انتي بديت تقرأي لكتاب مصريين فلذا هؤلاء الكتاب لن يكتبو شي بعيد عن واقعهم وحياتهم ومجتمعهم لذا انا اعتبره شي عادي من كاتب مصري يكتب بهذا المستوى او بهذه العبارات الخادشة ولا رايك شنو ؟؟
على العموم اتمنى لك قراءة ممتعه ومفيده بس ما تقلي ,,
وفعلا انا مع رايك في انو الناس تقرا هذه الاشياء بعد الزواج علشان ما يكون في خدش والذي منو ...
ودومي بخير ...
تحياتي : ياسر العيلفون
| |
|
|
|
|
|
|
|
|
|
Re: شيــــكاجـــــــــــــــــو (Re: ياسر السر)
|
اخى ياسر
مصر او السودان او الخليج او اوروبا
ما حاسه الاختلاف كبير من منظور الخطىء والصواب
اى بقع فى الارض اصيبت بارتجاج اخلاقى واضح
ودا النتائجه حسى بديت تظهر
زى الاطفال والفيديو الغير قابل للتوضيح
والبيعكس ان الجرم اكبر منهم
جرم ناس اليوتيوب والعولمه القبيحه الخلطت الصالح على الطالح
وخليت اطفال ما واعيه ترتكب اخطاء جسيمه زى دى
انا شخصيا ما بلومهم
انا بلوم نفسى وكل مخلوق عايش
بلوم كبارنا والسبقونا التخلوا عن الامانه الربنا استئمنهم عليها
وما حفظوها
| |
|
|
|
|
|
|
|
|
|
Re: شيــــكاجـــــــــــــــــو (Re: رانيه محمد الشيخ)
|
والله يا رانيا ،لقد صارت الحياة اعجب واغرب من زماننا..
كان الحياء يزين الناس ،والان مشي كل الكون علي حل شعره.
وهل يستاذنك ما يخدش،،الان يشاهد شافع الابتدائي جنب عامود الكهرباء مع شلتو ،ما لو رايته انا وتجاوزت الخمسن باعوام ،لادخلوني العناية المركزة،،،فانا من رائي انك زولة مسؤولة وعارفة،،اقرائي اي حاجة عشان تعرفي تماما كيف يشكلون وعي ولدك،،،في العالم الغربي يفرضون حصارا علي مشاهدات الاطفال مما يمكن ان يسمم وعيهم،،ولكن الان لن تستطيع حصار اية شئ،،فيا اخي عباس-اذنا رانية- يحتاج الاباء والامهات معرفة كيف يشكل العالم وعي وادراك عيالهم،،حتي يستطيعون حمايتهم من المذالق والتشوهات...ليس اغماض العين هو الحل،،لا بد من المعرفة،،ولا تخش علي متسلح بوعي.
| |
|
|
|
|
|
|
|
|
|
Re: شيــــكاجـــــــــــــــــو (Re: عبدالعزيز عثمان)
|
الرائع عبد العزيز
لا اعرف هل هى صدفه ام لمغزى انا اتحدث عن مساوىء عدم الحياء وظهور الفيديو المفجر للحياء
ما يحزنى تكدس الجميع لخنق هؤلاء الاطفال
بدل من خنق انفسنا
الم يتداول الاغلبيه الصور الفاضح والفيديوهات الفاضحه وكانها شى عادى
الم يتبادل الاغلبيه الاخبار الفاحشه وكانها نكته
الم نعطى للاطفال كل الحريه لتوغل فى اعماق الحياه بكل فجواتها بلا قيد
لماذا نلوم ونعاقب من صنعناهم بأيدينا
لنوبخهم على ما يحدث من الكبار ذو النفوذ والسلطه التى تستطيع ان تحميهم وتسترهم وتغطى عليهم اعفن مما حدث فى الفيديو
| |
|
|
|
|
|
|
| |
أيمن محمود
Asim Fageary
مني عمسيب
Sayed Bekab
ياسر السر
عبدالعزيز عثمان
فيس بوك
تويتر
انستقرام
يوتيوب
بنتيريست