|
|
|
 Re: (Re: عبدالعزيز عثمان)
|
| Quote: فكي ،،صغير،،يجعل اكثر من مائة شخص،اغلبهم جامعيين،ترك قريتهم. |
ما في تفاصيل .؟؟؟؟
ولا نطلق العنان لخيالنا ...
| |
 
|
|
|
|
|
|
|
|
Re: Re: (Re: امجد محمد الأمين)
|
والله مبارات القصص دي.
مرات تقرب تفقد الزول مصداقيتو..
الا ان نفس المصداقية تحتم علينا نقل الواقع..
يصدق من يصدق...
يثني علي صدقها ويتلت من يريد
بينما يراها اخرين،،،مجرد حكي
المشكلة ياعثمان موسي انها حصلت
ويزازي اكتر من مائة شباب الان بالخلا,,,
كيف ولماذا حدث هذا.
| |
|
|
|
|
|
|
|
|
|
Re: Re: (Re: Mandingoo)
|
امجد ،،لا تتخيل...
هنا شئ اغرب من الخيال..
والامر ما فيهو جرجرة ،،،
شويه وتعلمو به جميعا..
الداير انوم يغلبو النوم..
والصاحي يطش شبكه
وترتبك حسابات كتار..
الذي حدث يحدث الان
مائة شاب،،،طشو..
| |
|
|
|
|
|
|
|
|
|
Re: Re: (Re: Mandingoo)
|
امجد ،،لا تتخيل...
هنا شئ اغرب من الخيال..
والامر ما فيهو جرجرة ،،،
شويه وتعلمو به جميعا..
الداير انوم يغلبو النوم..
والصاحي يطش شبكه
وترتبك حسابات كتار..
الذي حدث يحدث الان
مائة شاب،،،طشو..
| |
|
|
|
|
|
|
|
|
|
Re: Re: (Re: امجد محمد الأمين)
|
جاء للقرية فكيا صغير السن،،اقرب منه لحافظ من محفظ..
ولد طيب صغير،،يتعهد الصبيان بحفظ السور،،كتابة الواحهم،، يدلون امامه،،ويشرفون عند الفكي الكبير..
وكتيرا ما كان يصنع الشاي والقهوة لضيوف الشيخ..
يجئ ناس البكاسي،،وبعض ذوي الشان،،ابان عمم وملافح...
ينادون عليه...
ان يذهب وياتيهم برصيد
ان يدلي اغراض من البكسي
يسو شاي..
كان طيبا ورضيا
حتي انه يغسل قزاز عربات بعض الزوار حين يجدها متسخة
ومرات مرات يضبطوه ،،يلفلف في الدراكسون
ويردد ،،،نننن ننننن نان
لقد كان فكيا صغير لم يبلغ العشرين.
| |
|
|
|
|
|
|
|
|
|
Re: Re: (Re: عبدالعزيز عثمان)
|
يا ودغلام الله،،،انا القدامك ده،،لو ما رحمة الله.
وكان كت في البلد يمين كنت طشيت
اتصل بي صديقي بالفيس بوك قبل قليل
وفاجاني بامر تصحيحي
قال بان الفكي الصغيرون
البسوي الشاي
العب بي دركسون العربات
جنن مئات وليس مية
الصبر بجيكم
خلوني النتحصن
| |
|
|
|
|
|
|
|
|
 Re: Re: (Re: عبدالعزيز عثمان)
|
الاخ الكريم عبدالعزيز
جميل وممتع السرد
والاجمل ان تجذبنا كقراء بهذه القصص الجميلة والواقعية فماتقع انظارنا على احدى بوستاتك الا ونهرع بفتحتها للقراءة والاستمتاع
تسجل حضور ومتابعة لقصة الفكى وقصة جدك
كن بخير
| |
|
|
|
|
|
|
|
|
|
Re: Re: (Re: najma)
|
امنه تحية ومحبة...
تعرفي اليومين ديل والله مزاج للحكي مافي..
والزول اصابه ما اصاب اهل ماكوندا...
سقطت كل الحكايا التي يمتلا بها البال
سقطت من المزاج ومن الرغبة
وكانت حالة جدي استثنائية ،بل انها تمدني انا بالصمود.
لكن الحاصل ياامنة ،ان الفكي البرئ ،الطيب،،فعل فعلته
وطرطش الناس...
طرطشهم تماما...
وهسع في تمام هذه اللحظة خلت الحلة من الشباب تماما
لا اعلم ماذا سيحدث في الغد
الم اقل لكم ان واقعنا يفوق الخيال
انا كنت شغال سهرة..
اكان اديتوني فرصة اخد غمدة
لاستوعب هذا الامر،،واميز ليكم الحكاية الطازجة دي..
وامكن ابن عمي عثمان القي فرقة اخش.
| |
|
|
|
|
|
|
|
|
 Re: Re: (Re: najma)
|
حضور ومتابعة بتشوّق يا صديقي الذي اصطفيت
:
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: Re: (Re: محمد حمزة الحسين)
|
نجمة ،،،سلام.
والليلة دي،شغل مافي..
ونجمة نجمة ،،الليل نعدو
ونكمل الحكايا تب في يوما دا.
بس حكاية عجيبة انو بلدنا دي مافيها نجم تب.
ما علينا،،،نعارض الله في حكم؟
بحي بت خوجلي ، ود حمزة ،كل علي حده،،ثم بعدهم
برجع اكمل الحكاية الحمتنا النوم دي.
| |
|
|
|
|
|
|
|
|
|
Re: Re: (Re: سيف اليزل سعد عمر)
|
رحل والده وهو صغير..
ترك زوجة،،واربع بنات..
ودار خاوية الا من عنزين وستة دجاجات بسواسيوها.
ثم جاءت امه مع رهط من جماعتهم ،،يلقطون القطن في ارض الجزيرة.
وجاء معهم،،اصغر اهل البيت ،،يطارد العصافير في الحقول
يرقص مع الفراشات
ويتسامر مع النبات...
ومرة مرة،،،يلقط بلقة بلقتين ويمضي ممراحا نحو لعبه
رغم الجوع والخلا واليتم
كان يطارد عصافيره ويرقص مع فراشته
وحين جاء زمان التحاقه بالمدرسة ،،لم يابه احد
وسقط سهوا...
حتي امسك به يوما شيخ عبدالله
وحشره بين غرباء في خلوته
وعرف كيف يتلو بصوت حلو
والضحي....
ثم ما ان يري عصفورا في الافق...
حتي يرمي بلوحه
يطارده كل المسيد
يضحك شيخ عبدالله
كان لا يعاقب احدا ابدا
كانوا يتامي ،غرباء.
| |
|
|
|
|
|
|
|
|
|
Re: Re: (Re: عبدالعزيز عثمان)
|
محمد حمزة ياصديقي
تحياتي ،،، كيفك والعيال
فلندعو من اجل وطن معافي
تنتصر فيه قيم الخير
وتسود ربوعه المحبة والسلام
تعرف ،،،حكاية الفكي ده عجيبة خلاص
اعجب من العجب ذاتو
بس خليك قريب وما تبتعد.
| |
|
|
|
|
|
|
|
|
|
Re: Re: (Re: عبدالعزيز عثمان)
|
اتخذت امه لها مستقرا في طرف الغيط...
في ارض المشروع بجهاتنا التي تسمي حمردوم
ارض خصبة معطاءة قبل ان يهلكوها بالعطش والفوضي
صارت تجئ لقريتنا مع صبياتها ،،يغسلن الملابس
يسعفن البيوت...
يدقن الويكة...
وتفعل الاسرة كل ما هو شريف,,,
كانوا فقراء،،،عزيزين
ماكلت امهم التومة يوما عن العمل...
لو يكبر الطاهر قليلا ،نحيفا تلعب به الريح...
والطاهر مهزارا ،يطارد العصافير ويرقص مع الفراشات
يرمي كل يوم بالواحه..
ثم انه جاء بهواية جديدة
صيد الارانب جريا،،كان يسبق الريح
ولم تستهوه الخلوة ابدا
ولكن شيخ عبدالله ظل طربا يلاحقه بالالواح عام كامل.
| |
|
|
|
|
|
|
|
|
|
Re: Re: (Re: عبدالعزيز عثمان)
|
يا مني يابت خوجلي ،،،التحايا
لا يجتمع ظلم وايمان...
ولا قسوة ولؤم مع دين...
الدين رحمة وعدل ومحبة،،،،ان ختا ديل فليسمي اية شئ اخر...
وانه لظلم ان يجوع الاطفال واليتامي....
وتترك الارامل يكابدن شظف الحياة ،وقسوتها..
تترك الصبيات اليتيمات بلا مدرسة ولا ماؤي
ولكن يامني،،يجور الحكام
ويظلم اللئام
ويحدث الذي يجعل قرية باكملها ،،تطش
هناك عدل عند مليك عادل
ورحمة عند رحمن رحيم.
| |
|
|
|
|
|
|
|
|
|
Re: Re: (Re: عبدالعزيز عثمان)
|
حدثني شيخ احمد،هذه المرة قال....
قضي الطاهر سنتين ،، يطارد ارانبه...يساكك طيوره،،يدخل الغابة حين يذهب العيال لجلب الويقود لطعام الخلاوي،،يزوغ منهم ليلاعب القرود،،كان لعوبا ،غبيانا،،محبوبا من الجميع....
حكمنا عليه بانه لوتخرج بجزء عم،،يصلي به المكتوبة،،ويتحصن به،،فما قصر،،،
يوما ما،،طلبت منه ان يسوق الغنم لسقياهن من الجدول القريب،،،كنت اسمع للبقية،،لمحبتي له لم ارد احراجه،،،كنت متيقنا انه لم يحفظ حتي جزءا....
طارد المعزات،،،سقاهن ،عاد كالريح...
وقف امامي ،قال جادا...
- سيدنا داير اسمع...
قلت له
- داير تسمع شنو يالمبروك،جزء عم..
- لا داير اسمع المصحف كلو،،
ضج الصغار بالضحك...
ثم انه بدا،،، ما اشرت لاية ،اوكلمة الا امسك بها....
كان الصبي قد حفظ كل المصحف مجودا،،،حفظه من بين لعب وجري،،ومشاغلة،،،وفاق الجميع....
ثم حط عصفور علي زير بالخلوة،،،،فقفز يطارده،،،تاركا ايات المصحف ،طيبة تعبق في البراح،،،ونحن بين عجب وطرب.
| |
|
|
|
|
|
|
|
|
|
Re: Re: (Re: عبدالعزيز عثمان)
|
Quote: جاء للقرية فكيا صغير السن،،اقرب منه لحافظ من محفظ..
ولد طيب صغير،،يتعهد الصبيان بحفظ السور،،كتابة الواحهم،، يدلون امامه،،ويشرفون عند الفكي الكبير..
وكتيرا ما كان يصنع الشاي والقهوة لضيوف الشيخ..
يجئ ناس البكاسي،،وبعض ذوي الشان،،ابان عمم وملافح...
ينادون عليه...
ان يذهب وياتيهم برصيد
ان يدلي اغراض من البكسي
يسو شاي..
كان طيبا ورضيا
حتي انه يغسل قزاز عربات بعض الزوار حين يجدها متسخة
ومرات مرات يضبطوه ،،يلفلف في الدراكسون
ويردد ،،،نننن ننننن نان
لقد كان فكيا صغير لم يبلغ العشرين. |
Quote: رحل والده وهو صغير..
ترك زوجة،،واربع بنات..
ودار خاوية الا من عنزين وستة دجاجات بسواسيوها.
ثم جاءت امه مع رهط من جماعتهم ،،يلقطون القطن في ارض الجزيرة.
وجاء معهم،،اصغر اهل البيت ،،يطارد العصافير في الحقول
يرقص مع الفراشات
ويتسامر مع النبات...
ومرة مرة،،،يلقط بلقة بلقتين ويمضي ممراحا نحو لعبه
رغم الجوع والخلا واليتم
كان يطارد عصافيره ويرقص مع فراشته
وحين جاء زمان التحاقه بالمدرسة ،،لم يابه احد
وسقط سهوا...
حتي امسك به يوما شيخ عبدالله
وحشره بين غرباء في خلوته
وعرف كيف يتلو بصوت حلو
والضحي....
ثم ما ان يري عصفورا في الافق...
حتي يرمي بلوحه
يطارده كل المسيد
يضحك شيخ عبدالله
كان لا يعاقب احدا ابدا
كانوا يتامي ،غرباء. |
Quote:
اتخذت امه لها مستقرا في طرف الغيط...
في ارض المشروع بجهاتنا التي تسمي حمردوم
ارض خصبة معطاءة قبل ان يهلكوها بالعطش والفوضي
صارت تجئ لقريتنا مع صبياتها ،،يغسلن الملابس
يسعفن البيوت...
يدقن الويكة...
وتفعل الاسرة كل ما هو شريف,,,
كانوا فقراء،،،عزيزين
ماكلت امهم التومة يوما عن العمل...
لو يكبر الطاهر قليلا ،نحيفا تلعب به الريح...
والطاهر مهزارا ،يطارد العصافير ويرقص مع الفراشات
يرمي كل يوم بالواحه..
ثم انه جاء بهواية جديدة
صيد الارانب جريا،،كان يسبق الريح
ولم تستهوه الخلوة ابدا
ولكن شيخ عبدالله ظل طربا يلاحقه بالالواح عام كامل. |
Quote: حدثني شيخ احمد،هذه المرة قال....
قضي الطاهر سنتين ،، يطارد ارانبه...يساكك طيوره،،يدخل الغابة حين يذهب العيال لجلب الويقود لطعام الخلاوي،،يزوغ منهم ليلاعب القرود،،كان لعوبا ،غبيانا،،محبوبا من الجميع....
حكمنا عليه بانه لوتخرج بجزء عم،،يصلي به المكتوبة،،ويتحصن به،،فما قصر،،،
يوما ما،،طلبت منه ان يسوق الغنم لسقياهن من الجدول القريب،،،كنت اسمع للبقية،،لمحبتي له لم ارد احراجه،،،كنت متيقنا انه لم يحفظ حتي جزءا....
طارد المعزات،،،سقاهن ،عاد كالريح...
وقف امامي ،قال جادا...
- سيدنا داير اسمع...
قلت له
- داير تسمع شنو يالمبروك،جزء عم..
- لا داير اسمع المصحف كلو،،
ضج الصغار بالضحك...
ثم انه بدا،،، ما اشرت لاية ،اوكلمة الا امسك بها....
كان الصبي قد حفظ كل المصحف مجودا،،،حفظه من بين لعب وجري،،ومشاغلة،،،وفاق الجميع....
ثم حط عصفور علي زير بالخلوة،،،،فقفز يطارده،،،تاركا ايات المصحف ،طيبة تعبق في البراح،،،ونحن بين عجب وطرب. |
علي اليمين أنا لو عندي المقدرة اللغوية والقصصية ذي دي .. وملكة الحبكة والسرد القصصي ذي دي .. كان من زمان مكتبة مدبولي في القاهرة أصدرت لي مجموعتي القصصية الثانية .. خليك من الأولى ..
لكن المثل بقول : ما بدي حريف ..
------------------
شكراً الأخ عبدالعزيز عثمان
واصل ..
متابعين ..
| |
|
|
|
|
|
|
|
|
|
Re: Re: (Re: Ali Abdalla Hassan)
|
سيف اليزل،،،خليك قريب
الزول ده اربك كل العلوم
وطرطش حلة بكاملها
بس انت ماتبعد،،،انا ما بطول عشان باكر يومي مزحوم
| |
|
|
|
|
|
|
|
|
|
Re: Re: (Re: عبدالعزيز عثمان)
|
زغردت التومة وبنياتها لختمة الطاهر،،كرمو بعتود ادخروه للنائبات ،،،
رقي الطاهر مساعد للفكيا الان،،،الشيخ احمد ،سيد المسيد ،وفي بعض الاحايين يشرف علي التسميع،،،شيخ عبدالله...اياه...
ولكن الطاهر ظل هو هو،،صبيا طيبا،خدوما، له في الخدمة اكثر مما لتحفيظ القران...
وظلت التومة وبنياتها تكابدان رهق الحياة ،وقلة الحيلة...
ويوما ما حدث ما حدث...
| |
|
|
|
|
|
|
|
|
|
Re: Re: (Re: عبدالعزيز عثمان)
|
زغردت التومة وبنياتها لختمة الطاهر،،كرمو بعتود ادخروه للنائبات ،،،
رقي الطاهر مساعد للفكيا الان،،،الشيخ احمد ،سيد المسيد ،وفي بعض الاحايين يشرف علي التسميع،،،شيخ عبدالله...اياه...
ولكن الطاهر ظل هو هو،،صبيا طيبا،خدوما، له في الخدمة اكثر مما لتحفيظ القران...
وظلت التومة وبنياتها تكابدان رهق الحياة ،وقلة الحيلة...
ويوما ما حدث ما حدث...
| |
|
|
|
|
|
|
|
|
|
Re: Re: (Re: عبدالعزيز عثمان)
|
سلام عزنا
Quote: ثم انه بدا،،، ما اشرت لاية ،اوكلمة الا امسك بها....
كان الصبي قد حفظ كل المصحف مجودا،،،حفظه من بين لعب وجري،،ومشاغلة،،،وفاق الجميع.... |
يحكي في مسيد الشيخ المكاشفي ان رجلا لم يسطع الحفظ. وكان يوم تعهده بنار المسيد فنام عنها فحرقت النار جزء
من المسيد فامسك الحيران بتلابيبه واخذوه الي الشيخ وقالوا للشيخ: ياشيخنا دا الحرق المسيد. الشيخ قال ليه تعال،
انت ماكنت قاصد تحرق المسيد قاصد تنوروا لينا؟ قال ليه ايوه يا الشيخ! فاشار الشيخ الي صدر الرجل قائلا: نور الله قلبك.
ففي لحظتها حفظ القران.
مادا العلم الموهوب من ربنا
استمر ياجميل الكلم
| |
|
|
|
|
|
|
|
|
|
Re: Re: (Re: عمر نملة)
|
الوقت ضحي ،، خرج الطاهر من صبحا بدري نحو الخلاء الممتد خلف المسيد،،الطندب والسناسنا،الكتر المتناثر خلف القيزان...هناك يربض عشقه الجديد ،،الارانب،،وغرامه الطاغي باللعب والطرد معها..
جاءته التفاتة نحو المسيد،،،وفك بيركه،،،ناااااان. تعشيقة واخري واذا به كبراق امام المسيد.
كانت هناك عربتان ،ترقشان،،لاندكروزر مقفل وتايوتا لنج بك اب،،،
كانهما قد صنعتا اللحظة،،،كرش فروة راسه،،دار مزهوا ،كانه المالك حولهما،،،ثم ذهب نحو القوم..
كانو تلبة فخيمين،،مملؤين عافية ونضار،،يجلجلان بضحكات قوية..
ثم انه عمل بهمة كفراش،،هذا مايحب ،،
الطاهر الموية،،الطاهر جيب الاكل من ام الفقرا،،الطاهر سو جبنة المشايخ...
وكان قادرا علي منح الفرح والحبور...
واحبه الضيوف..
الطاهر شيل المفتاح جيب الشنطة من العربيه..
وب،،،جد ليك يالطاهر،،هاهي الفرصة
ومن غير ان يدير محركا،،،زنننن،كع ،،،تيت
ثم الطاهر ، نضف العربية...
وفجاة صار الطاهر كانه احدهم..
كان القوم من صياغ ام درمان،،يشترون الدهب هناك،،في الصحراء البعيدة،،ولهم حفارات واليات حفر واجهزة كشف متطورة،،،،وتيم كامل...
خاطب القوم شيخ احمد،،نريد هذا الفقير معنا اسو الشاي ،والقهوة،واترسل مراسيل خفيفة وبنبسطو...
قال الطاهر حين كلموه،،،بي شرط،، ضحكو وقالو شرطك شنو
- اكلم امي ،،وتدوني وكت جمة للعب مع الارانب،،
- يازول بعد تقضي الصباحية ات حر،بس ماتبعد من التاية كتير،،وبعدين اكان لقيت وقيعة حلالك...
-والله،،،
ثم مرو بامه،،اخبروها،دمعت ووصتهم عليه،،ودعوها،،نفحوها خمسمائة الفا،،،لم تر قدرها ولا حلمت بها طوال عمرها الطويل...
ركب الطاهر في صندوق البوكس،،واقفا،،يتقافز فرحا،،ويصرخ مطيرا العصافير،،مرعبا الارانب المزعورة الهاربة في الطريق.
| |
|
|
|
|
|
|
|
|
|
Re: Re: (Re: عمر نملة)
|
يا صاحب
الحكي عن الصوفية ذو مزالق
فما بين المكاشفي الذي لا جيب له في جبتهو ومابين شيوخ يركبون فاره العربات ويتزوجون ويطلقون ما شاء لهم ليكملوا النصاب
وما بين حكاوي ابهاتنا وبين ما نري يدوش الرأس ويشتعل حيري
فقال له هناك خواف وهنا عواف , فشرب قيئه واغمي عليه , ثم افاق وليا كاملا !
ففتح ستره وانتهرهم قائلا
بتفهمو متين انتو
فأغموا عليهم وحين افاقوا كانو اولياءا كملا
فيدوش الرأس
ثم
كان المكاشفي لا يمسك مالا ,, وماعندو جيب , يجيهو المريدين بالعيش يقول ليهم ودوهو التكية , يجيهو بالقروش يقول ليهم ختوها تحت الفروة , فيأتي المحتاج فيقول له ارفع الفروة ,, لا يعرف عددها ولا يراها ,,, اندبك عليه حيرانه يوما باحثين تحت الفروه حتي جرحو اصبعه وهو يضحك
التكية للضيوف وعابر الطريق والحيران
وقصة حديثة حكاها لي حوار معجبا ولم تعجبني عن حديثين
ابوي شيخ فلان قابل شيخ فلان في الحج وقرصو في اضانو
امشي اعمل ليك نوبة مع الرجال اكان للكرم الشراميــــط كريمات
احكي يا صاحب
احكي واحذر المزالق
| |
|
|
|
|
|
|
|
|
|
Re: Re: (Re: عبدالحفيظ ابوسن)
|
واصل ياخ
والله يا عزيز زي ما قال لك الأخ علي
مفروض يكون عندك سطاشر رواية
ياخ استفيد من مواهبك دي
وروّق
| |
|
|
|
|
|
|
|
|
|
Re: Re: (Re: بدرالدين بابكر مصطفى)
|
سلام يا علي...
سرني انك درست تربية...
وفكرت اننا ممكن نكون ندده.
ناظرت في صورتك،،،فرايتك لا زلت فتيا
ونحن ناس زماااان،،دفعة 87 ...
والله اني عاجز عن شكرك،،،وسعيد بودك،،وطامع في خوتك...
يجمعنا وطن بهي،،،وقيم مشتركة
ونحن ناس قري،،لا بنعرف سياسة ولا بتخصنا
بنعرف الانسان،،،والله الخلقو
محبتي
| |
|
|
|
|
|
|
|
|
|
Re: Re: (Re: علي دفع الله)
|
** وعاد الألق لحوش بكرى ,, بوجود كُتاب مثل عبدالعزيز ود عُثمان **
** ود عثمان..
**سلام..
## ماتطول الغيبه ,, متحكرين فى بنابرنا ,, وقهوتنا بردت من غيبتك ,, رُش لينا الحِكى خلينا نستمتع ##
(ودام الود بين الجميع)
| |
|
|
|
|
|
|
|
|
Re: Re: (Re: علي دفع الله)
|
Quote: يجمعنا وطن بهي،،،وقيم مشتركة
ونحن ناس قري،،لا بنعرف سياسة ولا بتخصنا
بنعرف الانسان،،،والله الخلقو
|
سرد قصصي رائع
واصل - لا تتآخر كثيراً الكل هنا في إنتظارك
| |
|
|
|
|
|
|
|
|
|
Re: Re: (Re: علي دفع الله)
|
الأخ عبدالعزيز عثمان , سلام وعام بهي وجميل ,
ما اجمل هذا الحكي !
انا خليت المنبر جت عليهو وقعدت صنقرت راجياك تواصل !
بالله ما تتاخر !
ست البنات.
| |
|
|
|
|
|
|
|
|
|
Re: Re: (Re: ست البنات)
|
يا عمر ،تحياتي ، وبمناسبة ابوك المكاشفي اليك هذه،،ياعمر البقش وينصب ويلعب بالمساكين،،ده مجرم مو صوفي،،اما ناس ابونا المكاشفي فديل دربن عديل،،مافيهو ملعبة.....
ايقظ القلب ذكرهم ...
فاجاتني في اخر الارض اخبارهم
وشممت شذي الزهر
ادرك الروح فرح
فكاني يحملني الغيم
غمرتني الفيوض،
صحا في ذاك الحنين
فكانما اشرق في والدي يحدثني بيقين
عنه سيدي عبده الباقي
كاشف الغم عاشق الكادحين
كان يقاسم البسطاء الكد والوجد
وطهي العجين
يسامرهم بهوي العارفين
يمازح اطفالهم بحلو الحديث
وتارة يدخل في وجده
يخاطب الطير
والشجر
يسامر الغرباء باي اللغات يشاؤن
وفي اخر الليل يخطفه المادحين
يكرر الطار بالذكر
يجود المنتشين ببعض الهبات
يتخاطفها المعوذين
يضحك سيدي بهجة
لا يقاسمهم ابدا هدايا الصحاب
فهو لا يعرف المال
ليس في جبته حتي جيب
انما عشقه للجناب
وهوي الفقراء والبسطاء والطيبين.
| |
|
|
|
|
|
|
|
|
|
Re: Re: (Re: عبدالعزيز عثمان)
|
في مشيتي الفاتت
سألني الصديق شرف الدين سر الختم :
يا عثمان :
ياخ عبدالعزيز عثمان زول قرية الطالباب ودفعتنا في حنتوب . قالوا الزول ده معاكم في الدنيا الامريكية .
خابر مكانو هناك وين ؟
قتلو لا .
قال لي . الزول ده عندو كتابة تقوم نفس كارلويس زأتو .
| |
|
|
|
|
|
|
|
|
|
Re: Re: (Re: Osman Musa)
|
Quote: قال لي . الزول ده عندو كتابة تقوم نفس كارلويس زأتو .
|
يا عثمان - اخونا عبدالعزيز زولا جميل ولديه ملكة عظيمة في الكتابه وسرد القصص
من الواقع باسلوب سلس وجذاب يجبرك على المتابعة والحكي الطاعم تور نفس هيوستن وتكساس كلها.
وجدت نفسي مجبرا ان اعود واشارك بكلمة حتى لا يفوتني هذا المولد البديع.
الاخ والصديق عبدالعزيز سعيد بمعرفتك واصل في هذه الكتابات الرائعة التي حتما
ستعيد الى المنتدى عافيته.
وسلام تعظيم
| |
|
|
|
|
|
|
|
|
|
Re: Re: (Re: عزيز عيسى)
|
يا عبدالحفيظ اخوي...
الصورة واضحة عندي،،ولا اخشي الانزلاق...
المعا المساكين والكادحين والمظلوبين....
مارق لقيمتو وكليمتو وروحو ومديحو...
وناصح للغنيانين،،،وصادع بكلمة الحق ضد المتجبرين والحكام الغاصبين ،،،ده شيخنا يا عبدالحفيظ،،،وما بغشونا وحات ابوك الكضابين لابسين التصوف للدنيا...
هاك دي في خوجلي الغرقان،،،كان ياتي لابي انصاص الليالي،،لخمسة جنيه لمراة ارملة،،،او يتامي جياع...
Quote:
شيخ خوجلي الغرقان
ساعة بكي قرب قبر ابي،شوقا وحبا
,,,,,,,
كانت حولك الف فراش
ويفوح العنبر منك
تتناثر خصلات الشعر لديك
في كل الانحاء
انا ساقتها الريح تسير
ويسيل العرق الطاهر شلالات
من جسد..
ماهدته رحلات الصيف
ولا حبسته اسفار زمان البرد
يابشر الحافي..
حدثني عن وردك
حدثني عن سر الاسرار لم تخفيه
عن نبضك اذ يتماهي ونبض الكون
وحضورك في كل الحضرات
وشهودك بدا الخلق
وزمان القيامات
ياقبس الضؤ القادم من خلف النجمات
الطالع منا من جوف الروح
الطالع من شجر السدر اللدني
الساكن في كل الافاق وعند تخوم السموات
رحم الارض يشرق فيها قلوب سمحات
خبرني هل جاء الميقات
هل ازفت ساعة ميلاد الاتين
مع انفاس الفجر الصادق
هل حان الميعاد
يتجلي الله بجمال نوراني
تطير عصافير الاشواق الجزلي
تؤانس للاحياء الاموات
اواه
مااحلي ان تسري بقلبك
يتوحد نبضك والملكوت
يغمرك البحر النوراني بفيضه
تشرق فيك فيوض الذات
...
في حقل النور
كل الاباء حضور
في تلك الليلة رايت ابي
وشيخه عبدالباقي
في سرر وسرور
فرح وحبور,,,
| |
|
|
|
|
|
|
|
|
|
Re: Re: (Re: عبدالعزيز عثمان)
|
يابدر الدين اخوي...
ياخوي حكينا اللذي حلة القطر قام ده ما بسقي مويه
الكتابة دايره ميز،،ونظام،،وترتيب،،،واها،،،راحة بال
وفي الزمن ده،،ان مفلس ،،حقك راح
وفي بطن بيتك بلحقوك امات طه
فنحن يا سيدي من القلب للورقة
تحياتي
| |
|
|
|
|
|
|
|
|
|
Re: Re: (Re: عبدالعزيز عثمان)
|
فتح الطاهر عينيه ،وجد الشمس معلقة فوق صنقوره،،احس بها حارة في اول الصباح،،كان قد نام ليلته. اهلكه الترحال الطويل ونقذي العربة ،وصياحه المتواصل كلما راي ارنبا فزعة،او طيور رهو ترف في الفضاء،او بعض حيوانات غريبة يراها لاول مرة،،نام،وكان كمن هو ميت لم تحركه لسعات الحشرات ولا طنين الناموس،كان ملئيا بالتعب والدهشة...وحين فتح عينيه،،نظر حواليه،،مد الافق،،انتصب واقفا ،فرك عينيه وعاود النظر،كان يري الاشياء لاول مرة.
| |
|
|
|
|
|
|
|
|
|
Re: Re: (Re: عبدالعزيز عثمان)
|
يا سلام
نعم يا عبدالعزيز .
نعم يا أخوي ديك الأرض الجميلة
المنتجة المنفوشة بي الخصوبة والممدودة بالخير والبركات .. هلكوها
بالعطش والفوضي والكجار وعدم الفهم .
بس ياخ البركة فيكم وفي شيخنا الطاهر وفي دعوات أهلنا الصابرين .
| |
|
|
|
|
|
|
|
|
|
Re: Re: (Re: Osman Musa)
|
سجم امك ا الطاهر،دي القيامة وله شنو..
اول كلمة رمي بها، لم يلقي لها احد بالا،فلقد بدا الضجيج..
لفحت ريح باكية وجهة بالرمل والغبار ،شم انفه روائح شواء اضلاف،وعفن،،ورات عينه الابخرة،ودوامات الريح تتلوي،،عجيب قبل بضع ان لم يري الا الفراغ،،كيف نبت هذا الكون الجديد..
راي وسمع وشم في بعض ضحوة ،ما لم،طوال عمره الغض، راي الرواكيب المتهالكة ،المبعثرة وسط الصحراء ،الكثبان والوادي،راي اناسا متدثرين يعلقون سماعاتا ويحملون شئ يداورون به، راي الغبار المثار،الابخرة المتصاعدة،والجوالين مد البصر،الحافرين اعماق اعماق الارض،،ثم انه وهو يداور بين التايات،،سمع كلمات جديدة ،قاموس هو وحده السائد هنا،سمع عن ناموسة لا تعض،قرادة لا تمص الدم،قعونجة لا تنق ،جدادة تكاكي بالافراح،،وخلية تفتح ابواب الكون..
هذا هو المعجم،،يبحث كل الوادي عن خلية الذهب..
تلدغهم العقارب والثعابين السامة،،يختنقو بالابخرة والسموم،تطمرهم الابار العميقة التي حفروها،يموتون عطشا،يهيمون في فجاج بعيدة،تهلكهم الريح،الحيوانات الضارية،ضربات الشمس،الجنون،،ولكنهم يملاون الافاق بالضجيج،بحثا عنه،،،الذهب...
الا الطاهر،كان مشغولا بامر عجيب.
| |
|
|
|
|
|
|
|
|
|
Re: Re: (Re: عبدالعزيز عثمان)
|
علي دفع الله...
يازول سو قدرتك،،
وتش عين الضلام بالضي...
ويمين بالله يوما بدري
تمرق الشمس البهية ،،،كدي عاين شوف كم كم منتظرين...
بس النشيد،به نعبر الجسر خفافا،،،،
ابتسم ياصاحبي ،ولا تسقط الحلم الجميل.
| |
|
|
|
|
|
|
|
|
|
Re: Re: (Re: newbie)
|
اخوي عبدالكريم ،والله شرفتني...
ان شاء الله ننلم هناك،وليك علي اسمعك قصص اهلك ديل لايف,
بلدنا يا عبدالكريم فيها مليون حكاية وحكاية
يمين بالله لما كنا بي هناك،الراس ماقادرين نحكو خلي نحكي
انت عارف انا يابره السودان ياازرع واتيرب واسقي في وطات ابوي
اها الوطة وطاتتها اصبحت،،،لحقت امات طه..
ونحن نبكي عن وطن جميل ودرناه،،وودرنا كلنا
محبتي بلا حدود
وتنفعك القهوة يازوق يافهم.
| |
|
|
|
|
|
|
|
|
|
Re: Re: (Re: newbie)
|
صلاح حمد يا صديقي ،التحايا...عارف الحكي ده الزول مايحلا ليو الا وكت الوكت بالقطارة ....
في زمان ما،،كنت باحد حلال افريقيا،وسط الادغال،لا انيس لا جليس الواحد شهر ما يكتب سطر،،،هسع الزمن من بقي ممحوق،،جات الرغبة،،اكان لقيت يوم واحد مرتاح،،،بكتب كل ما في الحكاية ،
شكر ياصديق.
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: اشرف السر)
|
Quote: يا عثمان - اخونا عبدالعزيز زولا جميل ولديه ملكة عظيمة في الكتابه وسرد القصص
من الواقع باسلوب سلس وجذاب يجبرك على المتابعة والحكي الطاعم تور نفس هيوستن وتكساس كلها.
وجدت نفسي مجبرا ان اعود واشارك بكلمة حتى لا يفوتني هذا المولد البديع.
الاخ والصديق عبدالعزيز سعيد بمعرفتك واصل في هذه الكتابات الرائعة التي حتما
ستعيد الى المنتدى عافيته.
وسلام تعظيم |
انت يا عزيز عيسى حصانك ده لهسه يجقلب؟
وكتر خير بوست عبد العزيز الجابك لينا!
يا زول أمريكا دي مسكتك جنس المسكة دي؟
أظهر وبان عليك الأمان..
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: Mandingoo)
|
أستاذنا وإبن أم المدا ئن الحبيب عمر غلام الله
تحياتي يا راجل يا جميل،
حصاني دا خليهو ساكت له علاقه بالبروفايل تبعي
وكثير يقرأوا بروفايلي يضحكوا ويعملوا لي ألف حساب.
وشهر فبراير القادم عندنا في هيوستن لمة كل الكاوبويات
في العالم حاجة اسمها الروديو وعينك ما تشوف إلا النور.
وكتابات أخونا عبدالعزيز عثمان البترد الروح دي هي الجابتي
عبدالعزيز دا زولنا من الجزيرة وعنده اهل معانا هنا في هيوستن.
غايتو لو أملك خمسين في المية فقط من موهبته في الكتابة
كان بيقت زولا مهم.
حأشجعه يجمع كتاباته في شكل روايات وتترجم هنا في امريكا
ويستفيد منها ماديا ويبيعها للخواجات بدل يترك هذا
الجهد الجبار يضيع (ملح ساى).
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالعزيز عثمان)
|
ثم مضت الايام ، رف الطاهر بجناحيه علي كل الرواكيب والتايات،،اشعل بين المرهقين والتعابة البسمة والضياء،مازح،هازر،قال له التجاني،جارهم في براح وادي الاحلام والموت،،،
- ارح يالطاهر احوي لي لدغة العقرب دي بالقران....
اجابه الطاهر
- يازول هوي عقربكم دي شافية،سر الله ما بمش فيها ،الحق الحكيم،،بس انا بسوي ليك قهوة مرة...
ويلحقون بالتجاني في اخر الانفاس للطبيب.
في شهر عرفته البراحات كنسمة من اللطف،،صنع الشاي والقهوة لكل من اراد،سقي عطشانهم،،وطهي لهم،،حرس اشيائهم،حمل احمالهم،،وفي كل يوم يخرج بعيدا،،،ملئا بالشوق لمبتغاه،،،الارانب.....
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: محمد نور عودو)
|
عثمان موسي ما بفوت مطايبتك التانية دي...
لكن ننضم بيها سوا بالتلفون...
هسع عبدالحفيظ ده،،يردو لي تحيتو كيفن...
الزول ده،،زول عديل،،امير استقامة
بهي كقمر،
ندي كغيم،،،اخضر الروح نظيف القلب الا من اسي تكاثف من وجع المتعبين،فكيف ياعثمان نرد التحية،،وباحسن منها،وهو يطل بالشذا والياسمين،،ويطرق اسماعنا،،هاهنا الف جرح،ثلة من المتعبين،،عن الارض يحكي ،عن العرض يحكي،عن المرضي ونقص اجهزة الاكسجين،،عنهم ساكني بيوت الطين،،نقص العجين،المساكين،جوع اولاد المدارس،،يحدثنا عن رهق سادتنا المعلمين،،عنه اسي وجع انين،،فكيف بالله نحييه حفيظا امين.
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالعزيز عثمان)
|
يا عبدالله ود تاج الدين..
ياخي الله يمتعك بالصحة والعافية...
والله يا عبدالله اخوي الحياة دي نحن شكلنا ما عرفنا جوهرها
ياخي كل الذي يموت الناس من اجله الان لم يكن قبل مائة عاما موجودا.. العامل البسيط يعيش رفاها لم يكن يتثني لقائد جيوش المغول-انا اتحدث في الاطلاق،،بل اقصي الاطلاق،،،بمعني،،،سهلت الدنيا اليوم ،،طائرات،عربات،كهرباء،تلفونات،،منازل ،اكل اشكال والوان...
ولكن الانسان الان مستعد ان يضيع كل العمر وراء بيت اسمنتي،،او سيارة فخمة،،او اثاث وملابس افخم...في حين يمكن كسب كل العمر لو تصالح مع بيت انساني بسيط،وركب مع البسطاء،،،ولكن لان المعايير اختلت حتي علي قمة اجهزتنا،،،فتجدنا بدل ان نعمر في المزارع الكبري،تربية الحيوان،الطعام،،،عكفنا علي المدن الاسمنتية والعربات المليارية،،،وبعنا او اجرنا ارضنا للغريب ،،،بينما خرج الاف الشباب الي تيه الصحاري،شعاب الجبال ،الاودية البعيدة يبحثون عن الحياة فيما ينتظرهم الموت السهل،،االغازات السامة،الابخرة المسرطنة،الثعابين والسل والجنون....
يجئون حطاما ،ملئين حسرة وضياع ،،
يجعلهم التخطيط الخاطئ ،مرغمين علي الذهاب...
تصادف قعونجة الحظ الذهبية واحد،،ويخذل عشرين الفا،
اما الخلية فيمكن من المائة الف ان يجدها واحد..
وعشرات الالاف لا يجدون الا السموم ،،ولكن ،،ماذا يفعلون,
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالحفيظ ابوسن)
|
اشرف السر ،،تحية ليك...
عملت بمشروع الجزيرة ،في زمان قديم..
ويا لاربعة وعشرين القرشي،،يا لذياك البهاء..
ثم قبيل ذلك درست بحنتوب,,,
وانت رضعت من كلا الثديين ،
تماما مثلي،،رغم انك عشت،،وانا عملت..
ولكن ان اعظم حسراتي،،
حين اقف بحنتوب ،،فاجدها ليست هي..
وبمشروع الجزيرة، فاجده فضاء مجدب...
ما الذي دهي هذا الوطن العظيم...
عين شافية،،،كما تقول جدتي.
لك الشكر،
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالعزيز عثمان)
|
ودغلام الله،،،وعزيز،،ما اجمل ان تلتقيان هنا.
ود تميم ،كان له صديق بعد بينهما الزمان والمكان،،،ولم تكن الدنيا هي الدنيا،،في يوم ما بينما كان يزور صديق له،،فجاة صدف ووجد صديقه الاول ،،يقوم بنفس الشئ،،وانه ايضا صديق لصديقه رغم وجود كل في فضاء مختلف،،لكن شئ ما جعلهم اصدقاء وجعلهم يلتقوا بلا ميعاد،،قال ود تميم ...
شوف توقك يالحبيب ،،،من نومي صحاني
كيف ساقني الحنين،،،بي صحبي لماني
مين زرع الوصال،،،سوانا خلان
غير عشق السماح،،،الجاري في كياني
مرحب بالاحباب،،راجي الله الكريم،،ننجمع يوم،،،ذي ما انجمع ديل القوم.
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: بدرالدين بابكر مصطفى)
|
استميح الاخوة عذرا لارد علي بدر...
كلامك يا صديقي صاح مية المية....
وساكمل هذه القصة سريعا،،،بس انت عارف طبعي...
سارد للاحباب التحية ،وبكره ،او اليوم السبت عندنا اجازة،،بكمل ليك ده كلو....
المشكلة يابدر انت عارف اليومين ديل مزعزع،،،واليت علي نفسي ان ارتب تفاصيل عمار جدي للسهل،،بتفاصيلها واشواقها،،،فاما اصيغها بنفس روعتها او اكون ضيعت مجده الذي يفاخر به...
فكي الطاهر ده بكره بخلصها تب،واختصرها.
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: بدرالدين بابكر مصطفى)
|
الذي حدث تلهج به كل الكائنات الحية في تلك الفجاج...
خرح الطاهر كعادته،ضحي يوم، خلف حيث يعسكر الناس،،مشي خلف كثبان رمليه، حين علا موخرة احدي الكثبان،،تراءت له شجيرات مجتمعة،،يمم شطرها ،،وصلها،،هنا مجري لخور يقطع واديا،،تبدت له معشوقته،،،راي ارنبا...
لاعبها ،من البعد،،عجيب،،لم تجفل، مشي نحوها ،مشت امامها،،مشت ومشي،،يهمهم ،،فتتراقص امامه،،حتي وجد نفسه ينحدر بشده،صار المجري اكثر عمقا ، مشقوق في جانبه،،ثم انه تعثر،،وسقط..
سقط الطاهر في مجري اكثر عمقا،،احس بانه محاصر،،وجد عرقا لشجرة او نبات،،مسك به،،ثم صار العرق ينخلع ويخرج اشياء عجيبة ،،،اها تبدت له اشياء غريبة،،ادرك ان هذا ما يبحث عنه القوم،،صورة اكبر لما راه مصغرا...
عاين في المكان،،عاين مرة اخري،،وجد مكانا للخروج،،ناظر الجهة،،وضع كوم من الحصي وبعض بقايا اغصان قديمة،،ثم مشي قليلا حدد موقعه،،وضع شارة اخري،،ثم تبين وجهته ،،وانطلق.
دخل عليهم مسابقا الريح،،كانو في قلق ،يبدوا انه تاخر،،كانوا يتدارسون قرارا بارجاعه خوفا عليه من مغامرات ارانبه الطائشه...
قال لهم،،وهو لا يكاد يفصح،،،وجدته،،،
ظنوه يتحدث عن الارنب،،،تضاحكوا,,
قال وجدت الذهب،،،نصفه لكم..
ثم تبعوه لا يلوون عن شئ..
ثم ان الناس تعلم ان هذه كانت اكبر خلية ذهب يعثر عليها،،لا مكان وجودها،ولا كميتها،مما يمكن ان يحدث بهذه الطريقة..
كان ذهبا تحدثت عنه الناس والصحف..
وعاد الطاهر،عاد الفكي الصغير هذه المرة،،،مالكا للتايوتا التي لعب بها،،عاد وليس ذلك بالخيال بثروة لا تعد..
وخلت القرية،،وما جاورها من الشباب،،ادركتهم طرطشة عظيمة،،حملو بقجهم،،حلمهم ،الي هناك حيث السل والسرطان ،الموت والجنون،،يطاردهم خيال الطاهر الدرويش.
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: سامى عبد المطلب)
|
صديقي عبيد ودالمقدم...
معاك ،حنفي،بدر،مفتاح،ودشيقوق،،،الواحد اكان لقا ايام في الدنيا الزايلة دي،،،ومشاها,,,
خطاوي يظلله القيم،،ينعشه النسيم، ويملا عينيه ذاك الجمال الطاغي ،العشب بنداه،،الشجيرات المتناثرة،،الطيور التي تدوزن الفجاج..ثم تلك الانعام التي تزين البادية،،،وانسانها النبيل.
شقه ننعش روحنا التي ارهقها الاسي،،فسحة تبرئ الافئدة،،وتعيد لنا النضار،،،لا بد من ذلك
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: بدرالدين بابكر مصطفى)
|
امجد الحبيب،،،عوافي ،،،قلنا نمش مع فكي الطاهر ده ،،،اولا نشوف عوالم الخلاوي ده ،ما في اذهان الصغار ،الامهم واحلامهم،،ثم نمش لي تنور الموت في جحيم الدهب ،الهلكي،العطشي،الضائعين،الذين طمرتهم الابار المنهارة ولا يعلم احدا عنهم شئيا،،قصص يدمي لها القلب شباب ذهبوا عميقا في عمق التيه ولم يعودوا ابتلعتهم تلك الصحاري المفزعة،،ان الحفر والكد،العرق والدم الذي اهدر وراء هذا المعدن القاتل ،لو بذل وراء عمار الارض زرعا وضرعا لامتلات الارض بالحياة،،ثم ان عوائد الذهب لم تفعل اكثر من زيادة مباني الاسمنت او هدير البكاسي الفارغ،،لم يضيف للحياة شئيا...
كنت يا امجد اريد ان اتضاري ببراءة الطاهر،ادخل هنا،وادون من الواقع واتتبع كل ذا ،،،ولكني ولكنك ولكننا في عجالة ،،،فقلنا اها ،،نقرط علي كده،،وانا وانت واخرين نتشارك في حاشية الحدوته وندون ما نعرف،،،فالطاهر الان يرفل في نعيمه،،،ولكن ،هناك الف طاهر جديد ..
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالعزيز عثمان)
|
سامي ...
وهكذا يعرفنا حوش بكري..
اننا،،اولاد حوش واحد...
رحم الله ابوك ودالسائح...
فبضل بركاته..
كفاني الله شر ان اكون راعي اغنام.
فلقد تركت المدرسة تماما
ولم تنفع معي كل الحيل...جربوا كل المزارات..
حرقوا البخرات،،،سقوني المحاية
ضربوني،،اغروني...
لا اريد المدرسة...
ثم نفحة مباركة واحدة،،،مع يازول،،،اقرا لينا قراية الخواجات...
هانذا ياصاحبي،،،،افعل ماقاله،،،بعد دهر دهير..
شكرا ع الاطلالة
| |
|
|
|
|
|
|
|
|
|
Re: فكي ،،صغير،،يجعل اكثر من مائة شخص،اغلبهم جامعيين،ترك قريتهم. (Re: عبدالعزيز عثمان)
|
نزار يا حبيب وكتر خيرك،تقرا لينا حجانا ده...
واهو قلنا نسوي قدرتنا،،،ذكر ماجري...
تعرف ايما بوست افترعته هنا،،،حدث واقعا...
اما في حلتنا ،،،وانا عندي مدونة اكتب فيها الحادثات الزمااااان.
اما سيدي وشيخي الطيب صالح،،فلو قضيت العمر كله يصر قلمي علي الورق،،لما كتبت صفحة واحدة مما كتب...
تعرف يا صديق،،،بس البركة حصلت كيف...
وانا المحب ،بوجد لشخصه وشخوصه...
وكم كنت اتمني لقياه...
ثم ان ذلك حدث،،،
وتعشينا بفول وزيت سمسم،،،وشية جمر كمان..
وتانسنا،،،بل ونفخ في شيخي بركاته...
فصرت عرضحالي في كتيبة الوراقين...
ادون ما امامي،،،واسلي صحباني واهلي بتزويق اخبارهم...
واكسب اخا وصديقا محبا مثلك،،،نرتفع قليلا واياه باذواقنا...
ونتضاءل كثيرا في ان نعرج الي ممالك الجودة والتجويد..
تلك سوح،،كفانا شرفا،،ان نكون من حواريييها،،،نعرف ما يقول شيوخنا...
سلام ومليون محبة،،اخا وصديق.
| |
|
|
|
|
|
|
| |
عبدالعزيز عثمان
Mandingoo
Muna Khugali
محمد حمزة الحسين
سيف اليزل سعد عمر
Ali Abdalla Hassan
عمر نملة
عبدالحفيظ ابوسن
بدرالدين بابكر مصطفى
علي دفع الله
عبدالكريم أحمد الامين
صلاح حمد
ست البنات
Osman Musa
عزيز عيسى
اشرف السر
عبيد الطيب
سيف اليزل برعي البدوي
محمد نور عودو
سامى عبد المطلب
فيس بوك
تويتر
انستقرام
يوتيوب
بنتيريست