|
كتب الكاتب الفاتح جبرا المتوفرة بمعرض الدوحة
|
|
 Re: غايتو المريخاب ديل لولحقو تعادلوا مع بايرن كان قلعو مننا الجنسية ونجمة زوجتى زودت المحلبية كتير (Re: بدر الدين الأمير)
|
قبل بدء المباراة
جات وقالت وبلغة حاسمة
لو سمحت انا دايرة احضر المباراة لوحدى في الصالون امشى انت احضرها في الغرفة التانية
قلت حاضر نقلت حاجاتى من الصالون الى الغرفة التانية تانى جاتنى عشاك جاهز اجيبو
وهى عارفانى بتعشى الساعة كم قلت مامشكلة جيبيهو وجيبى معاهو المكرويف بعد شوية
اسمع كرج كرج قفلو ابواب الصالون وانا اضحك
الكرة دورت جا القون الاول كوركت ولاهمانى شى رقصت ولاهمانى شى
بعد مسافة جيت دقيت الباب ياخى ماتخافى انتو علابين كويس والهزيمة
مش حاتكون ثقيلة زى ما انا فاكر لم تجاوب ولاحياة لمن تنادى
جا القون التانى لاكوركت ولا رقصت انتهت المباراة وهنا بدا مسلسل تانى
| |
  
|
|
|
|
|
|
|
|
Re: غايتو المريخاب ديل لولحقو تعادلوا مع بايرن كان قلعو مننا الجنسية ونجمة زوجتى زودت المحلبية كتير (Re: بدر الدين الأمير)
|
تعالوا تاملوا
المهم الزميلة بعد ما انتهت من التلفونات والوتسبات والذى منو
لبست احمر باصفر اواصفر باحمر وجاتنى قالت يلا قلت
وين قالت كرنيش الدوحة قلت في شنو قالت المريخاب حايكونو
محتفلين هناك قلت محتفلين بشنو قالت بتشريفنا للكرة السودانية
قلت وحاتكونو حاملين اعلام السودان واعلام المريخ قالت طبعا
قلت اعطبرينى من جنسية اخرى وجيت قلت لكم محتفلين مالكم
حا تقولى عشان بايرين هزمنا اتنين صفر بس وواصلت مامشكلة كدى
اتصلى بعمك كمال سالم عشان يورينا المسيرات بتبدى من وين عشان مايحصل تعطيل للمرور
وبرضو اسالى عن طيارة العم صديق الموج القادمة من العاصمة السعودية الرياض وصلت ام لا
وهنا طارت شكلة ليها ضل وسمعت ماسمعت من تقريع ######رية
لم ارد وبراحة انسحبت زعلان وغادرت المنزل ومشيت قضيت باقى سهرتى
مع رفقاتى اللبنانين وانا هناك اردد في سرى يا البايرن منك نستفيد زى المريخاب
| |
|
|
|
|
|
|
|
|
|
Re: غايتو المريخاب ديل لولحقو تعادلوا مع بايرن كان قلعو مننا الجنسية ونجمة زوجتى زودت المحلبية كتير (Re: بدر الدين الأمير)
|
جلست معاك بالساعات في غرفة الراحل المقيم مصطفى سيد احمد بشقتك التي أجببتها واستمتعت بحكاويك الطريفة يا بدر ، لكن ما جا في ذهني إنك قاص من الطراز الفريد. تؤمن بالله .. بديت أقرا في القصة وكأني أقرا في رواية لدان براون بتاع (دافنشي كود)! وألطف حاجة الوخز بالإبر القاعد تهمز وتلمز بيهو أخونا المريخابي (المتطرف) كما وصفته الأستاذ صديق الموج. عندي اعتقاد إنو المدام ما عملت شي من "المحلبية" الإنت رشيتها في البوست دي. وقصدك كان المكاواة لاصحابك : كمال سالم وود الموج وكبير متطرفي المريخ هارون دياب.
عندي اعتقاد آخر : رغم وطنيتك البعرفها تماما وما عندي شك فيها .. لكن المرة دي الأحمر الوهاج بهر عيونك وتمنيت لو كان دا لون البحر (أزرق مش احمر)!!
ملحوظة: بالمناسبة كنت بشجع واحد في الفريقين ديل لكن دلوكت تنازلت من كرة سودانية ماشية في العد التنازلي بنفس تدهور حكومة الإنقاذ. ولعل الحسنة التي فعلها المريخ ليلة البارحة هي أن الاحتراف والتخطيط السليم ربما يخرجان الكرة السودانية من عنق الزجاجة.
| |
|
|
|
|
|
|
|
|
|
Re: غايتو المريخاب ديل لولحقو تعادلوا مع بايرن كان قلعو مننا الجنسية ونجمة زوجتى زودت المحلبية كتير (Re: فضيلي جماع)
|
Quote: جلست معاك بالساعات في غرفة الراحل المقيم مصطفى سيد احمد بشقتك التي أجببتها واستمتعت بحكاويك الطريفة يا بدر ، لكن ما جا في ذهني إنك قاص من الطراز الفريد. تؤمن بالله .. بديت أقرا في القصة وكأني أقرا في رواية لدان براون بتاع (دافنشي كود)! وألطف حاجة الوخز بالإبر القاعد تهمز وتلمز بيهو أخونا المريخابي (المتطرف) كما وصفته الأستاذ صديق الموج. عندي اعتقاد إنو المدام ما عملت شي من "المحلبية" الإنت رشيتها في البوست دي. وقصدك كان المكاواة لاصحابك : كمال سالم وود الموج وكبير متطرفي المريخ هارون دياب.
عندي اعتقاد آخر : رغم وطنيتك البعرفها تماما وما عندي شك فيها .. لكن المرة دي الأحمر الوهاج بهر عيونك وتمنيت لو كان دا لون البحر (أزرق مش احمر)!!
ملحوظة: بالمناسبة كنت بشجع واحد في الفريقين ديل لكن دلوكت تنازلت من كرة سودانية ماشية في العد التنازلي بنفس تدهور حكومة الإنقاذ. ولعل الحسنة التي فعلها المريخ ليلة البارحة هي أن الاحتراف والتخطيط السليم ربما يخرجان الكرة السودانية من عنق الزجاجة.
|
استاذى الكبير الشاعر والقاص والترجمان
فضيلى اجماع
ليتنى اهلا لحرف من حروفك
وعلى قول نجمة فضيلى انقذنى وقفل البوست
قالت كانت جاى تفتنى وتشرشحنى على رؤس الاشهاد بس فضيلى سكتها
وبعداك انا زاتى جريت ناعم الامر كان فيو رهان على هزيمة المريخ بستة صفر
و طفت احكى لها عن زكرياتك في تلك الشقة مع حمزة وفايز وشاى البقارة البتطلبو انصاص الليالى
واستدركت هى حين رحلنا من تلك الشقة قبل شهرين وكيف كنت ببكى بحرقة وكانت مستغربة من بكاى
وكنت بقول لها انا ابكى ذاكرتى الجمالية في هذا المكان وهى لحدى قبل اسبوع بتكون معى في السيارة بمشى
ازور ذلك المكان الذى تحول لحفرة عميقة سوف يقام عليها مجمع جديد ابكى وامضى لحال سبيلى ... مداخلتك
وقعت لها مابى لدرجة انى حننتها وبكت بتاثر وقالت الحمدالله لقد عشت معك اربعة شهور في تلك الشقة ......
الفيها انفاس العديد من مبدعى بلادى من النور عثمان ابكر الى دكتور ابكر ادم اسماعيل مرورا بالخاتم عدلان وفضيلى جماع
والصادق الرضى وبشرى الفاضل وهاشم صديق وازهرى محمد على وقاسم ابوزيد والحاج وراق والباقر العفيفى والنور حمد ودالى وعبدالله الفكى
ومسعود محمد على وبرف عبدالله على ابراهيم د.ناهد محمد الحسن ودينق ووالخ وغيرهم وغيرهم من يخصونى واخصهم
| |
|
|
|
|
|
|
| |
بدر الدين الأمير
فضيلي جماع
د. ياسر عبد القادر
Kostawi
صديق الموج
أسامة البلال
فيس بوك
تويتر
انستقرام
يوتيوب
بنتيريست