كتب الكاتب الفاتح جبرا المتوفرة بمعرض الدوحة
|
هل تعمد جوارديولا اختيار نادي المريخ السوداني
|
Quote: وأخيراً ، فقد نجحت في خطف سؤال ثالث من البيب جوارديولا ، عندما سألته هل تعمد إختيار نادي المريخ السوداني أحد أقطاب اللعبة في السودان ليكون شريكه في المباراة الودية التي ستقام في التاسع من يناير، وأجابني ببساطة بأنه طلب إقامة مباراتين خلال معسكره الشتوي، فتم تدبير مباراة مع المريخ وأخرى مع نادي الكويت الكويتي .. وحتى لا يظن أهلي وإخوتي السودانيين الذين أعتز بحبهم وإحترامهم أنني قصدت التقليل من شأن ناديهم ، فهذا لم يدر بخلدي على الإطلاق ، وإنما كنت فقط أستغرب : لماذا لم يكن المنافس على الأقل من الأندية القطرية ؟ المصدر
|
|
|
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: أعلن نادي بايرن ميونيخ في موقعه الرسمي على الإنترنت أنّ الفريق الأول سيلتقي نظيره الكويت الكويتي في الثالث عشر من كانون الثاني/يناير القادم.
ونقلت صحيفة القبس الكويتية عن السيد مؤيد الشهاب رئيس اللجنة العليا المنظمة للمباراة أنّ قيمة موافقة بايرن ميونيخ بطل دوري أبطال أوروبا والعالم للأندية على الالتقاء ببطل كأس الاتحاد الآسيوي بلغت مليون و100 ألف يورو.
وأضاف الشهاب وفقاً للصحيفة الكويتية أنّ بايرن سيحضر إلى الكويت بكامل نجومه باستثناء الفرنسي فرانك ريبيري المرتبط بحضور حفل جائزة أفضل لاعب في العالم.
يذكر أنّ بايرن ميوينخ الذي سيعسكر في الدوحة قبل اللقاء سيصل إلى الكويت صباح يوم المباراة بحسب ما أعلن الشهاب نفسه.
المصدر |
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: محمد إبراهيم علي)
|
Quote: يا صبري بس ان شاء الله تكون شايل المرارة بتاعتك لانو شكلها حتنفقع ليك من هنا لحد الخميس :)
يا هلالاب عاينو في ورقكم يخي منظركم بايخ جدا الصراحة |
يا إبراهومة ناسك هم الخلوني أبحت في الحاجات دي .. وهسي بعد ما اتضح لي أن البايرن لم يختار المريخ شخصياً .. بقي لي أن أعرف المقابل الذي سيناله البايرن نظير موافقته للعب مع المريخ شخصياً ...
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
قبل التفكير في كم سيدفع المريخ فكر في كم سيعود على المريخ من هذه المباراة
كم سوف يكون دخل المباراة من الجمهور والإعلانات والمحطات التلفزيونبة
وأتوقع أن يتوشح المريخ إعلان لإحدي الشركات في هذه المباراة
بيزنس في بيزنس ................ حقيقة ضربة معلم
خلي بالك أنا هلالابي
ولكن هذه هي الحقيقة
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: الصادق عز الدين)
|
Quote: قبل التفكير في كم سيدفع المريخ فكر في كم سيعود على المريخ من هذه المباراة
كم سوف يكون دخل المباراة من الجمهور |
على حسب مزمل .. لن ينال المريخ من دخل المباراة المصدر
Quote: قبل التفكير في كم سيدفع المريخ فكر في كم سيعود على المريخ من هذه المباراة
والإعلانات |
على حسب مزمل .. لن ينال المريخ سوى حقوق تسويق الإعلانات على قميصه المصدر
Quote: قبل التفكير في كم سيدفع المريخ فكر في كم سيعود على المريخ من هذه المباراة
والمحطات التلفزيونبة |
على حسب مزمل .. لن ينال المريخ سوى حقوق بث المباراة محلياً. المصدر
وعلى حسب مزمل .. اتفق المريخ مع قناة الشروق الفضائية لبث مباراته مع بايرن ميونيخ المصدر
فإلى من تنسب قناة الشروق
Quote: بيزنس في بيزنس ................ حقيقة ضربة معلم |
رأيك شنو تنسى قصة المريخ دي وتبحث لي عما سيناله البايرن من مبالغ مالية نظير هذه المباراة
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: Mirghani Taitawi)
|
سلام يا صبري طه اخوي لو افترضنا ( دجلا) انو رئيس المريخ دفع و برضو لو افترضنا انو العداد بداء معكوس انتو الغايظنكم شنو يا هلالاب !!!؟ يعني خلاااااس قلبكم على المريخ و قروشو و استعدادوا؟ امركم و الله يحير !!!!! ياخ بطلوا حسادة ( ود العطاء) و اشتغلوا في فريقكم حبه ياخ!!!
اسمع دي:- هلالابي محموم شديد .. بعد ما سمع بانو المريخ سيلعب مع بايرن ميونخ جسمو مسخن وعندو رجفة .. حالتو متأخرة جدا .. وبيعطس كتييير .. وعندو قلق وارق .. يزوزي اليوم كلو .. ما قادر ينوم ! ولا قادر يفكر ..! ولا قادر يأكل ! ما خلى دكتور ما مشي ليهو .. والحال في حالو .. وحالتو ماشه متدهورة ! الجماعة نصحوهو بي دكتور .. دكتور خيالو واسع جدا عيادتو في (مركب) والحجز بي (صنارة) ..! الهلالابي مشي ليهو والصف (طوييييل ) .. كلهم هلالاب ..! وكلهم حالتهم متأخرة .. صاحبنا لما دخل للدكتور .. قعد يبكي ..! الدكتور قاليهو اقيف فوق .. قبل يمين ! قبل شمال .. طلع لسانك .. ! قوول ععااااااععع ..! ععاااااعععع .. ععاااااعععع .. دخل لسانك .. افتح خشمك ...! غمض عيونك .. يلاا طلع لسانك تاني .. ما تتحرك ..! قوول ععااااااععع ..! ععاااااعععع .. ععاااااعععع .. الدكتور جاب مسطرة .. وقاس اللسان ..! وبيكتب في ورقة .. قاليهو قوم خلاص .. وبدأ يكتب في الروشتة ..! الدكتور سألو .. بتشجع الهلال من متين ..؟ قاليهو من الستينات .. الدكتور إستغرب ..!! وقاليهو .. الفترة دي كلها .. ما مشيت لاي دكتور ..؟ الهلالابي قاليهو لا ..!! بس انت يا دكتور .. عرفتني هلالابي كيف ..؟ الدكتور قاليهو ما مهم .. بس حالتك متأخرة شديد ..! ولازم تمشي الحوادث .. الهلالابي بدا يرجف ويهضرب .. انا عندي شنو يا دكتور ..؟؟؟ الدكتور قاليهو .. عندك بلهارسيا في اللسان .. وإزرقاق في الغدة ]الصفراوية.. وإضطراب في]الشعار الغليظ .. وعندكم وحم شدييييد .. يعني زي العاوز تولد ..! وما ح تولد ..! الهلالابي قاليهو ايواا ايواا .. ده من شنو يا دكتور .. الدكتور قاليهو .. عندك هلال دهنى .. في الرأس ... لازم تستأصلو سريع ..!!!
من اقوال : الصفوة سفيان نابري
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: حمزاوي)
|
وعليكم السلام يا حمزاوي
Quote: سلام يا صبري طه اخوي لو افترضنا ( دجلا) انو رئيس المريخ دفع و برضو لو افترضنا انو العداد بداء معكوس انتو الغايظنكم شنو يا هلالاب !!!؟ يعني خلاااااس قلبكم على المريخ و قروشو و استعدادوا؟ امركم و الله يحير !!!!! ياخ بطلوا حسادة ( ود العطاء) و اشتغلوا في فريقكم حبه ياخ!!! |
بتهمني الحقيقة !! فبعضكم قال لم يدفع المريخ !!
وبعضكم صور أن البايرن هو من اختار المريخ !!
السؤال .. عايزين تكبروا كومكم باللف والدوران ليه
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: طارق حرسي)
|
Quote: قبل التفكير في كم سيدفع المريخ فكر في كم سيعود على المريخ من هذه المباراة
كم سوف يكون دخل المباراة من الجمهور والإعلانات والمحطات التلفزيونبة
وأتوقع أن يتوشح المريخ إعلان لإحدي الشركات في هذه المباراة
بيزنس في بيزنس ................ حقيقة ضربة معلم
خلي بالك أنا هلالابي
ولكن هذه هي الحقيقة |
كلام كبير يا حبيب
ـــــــــــــــــــــــــــ
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
حسب معلوماتى الاكيدة ان المريخ لم ولن يدفع مليما واحداً.. فشركة الفلوسكواجن الالمانية هى التى تتحمل كل نفقات المباريات التى يلعبها البايرن لانها متعاقدة مع البايرن لمدة 12 سنة لاقامة معسكره الاعدادى السنوى فى الدوحة وقد انتهت ثلاثة سنوات لعب خلالها مع كثير من الفرق الخليجية وهزمها بالاتناشرات .. وتبقت 9 سنوات وهنالك من يختار الفرق الاكثر شعبية للتبارى مع البايرن,, ولو اجتهد الهلال فى السنوات المقبلة ربما يلعب مع البايرن.. فالمسألة كلها دعاية لشركة الفولولكسواجن فى اسواق الخليخ والشرق الاوسط... منقول : خليفة حمدان
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: حمزاوي)
|
Quote: حسب معلوماتى الاكيدة ان المريخ لم ولن يدفع مليما واحداً.. فشركة الفلوسكواجن الالمانية هى التى تتحمل كل نفقات المباريات التى يلعبها البايرن لانها متعاقدة مع البايرن لمدة 12 سنة لاقامة معسكره الاعدادى السنوى فى الدوحة وقد انتهت ثلاثة سنوات لعب خلالها مع كثير من الفرق الخليجية وهزمها بالاتناشرات .. وتبقت 9 سنوات وهنالك من يختار الفرق الاكثر شعبية للتبارى مع البايرن,, ولو اجتهد الهلال فى السنوات المقبلة ربما يلعب مع البايرن.. فالمسألة كلها دعاية لشركة الفولولكسواجن فى اسواق الخليخ والشرق الاوسط... |
يا حمزاوي الهلال أو الموردة أو غيرهم من الأندية يمكنهم اللعب مع أي فريق عالمي وببساطة ولكن عليهم أن يدفعوا أو يستعينوا بمن يدفع لهم ...
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: الهلال أو الموردة أو غيرهم من الأندية يمكنهم اللعب مع أي فريق عالمي وببساطة ولكن عليهم أن يدفعوا أو يستعينوا بمن يدفع لهم ... |
صحيح يا صبرى وهذا ما يحدث يوميا في كل بلاد الدنيا من اتفاق مع منتخبات او اندية كبيرة للتبارى لمناسبة معينة او لمجرد الاعداد والاحتكاك بالفرق الكبيرة ولو فعل المريخ او اى فريق سودانى هذا فلا عجب .. لكن هناك امر اخر لا ادرى لماذا تستبعده وهى مثل هذه الحالة التى نحن بصددها -مباراة المريخ والبايرن- هناك مؤسسات او شركات او جهات راعية ايا كان نوعها تقيم مثل هذه المناسبات وتتكفل بها لامور تخصها ان كانت تسويقية او غيرها ولا يتحمل اى طرف من الطرفين مصاريف او تكلفة المباراة وهذا ما اكده المريخ واكدته الشركة الراعية فلماذا تحاول جاهدا عكس الامر ؟؟؟ وهناك نقطة بسيطة جدا : لا يمكن للمريخ اخفاء الامر لو دفع فلسا واحدا لان هناك اربع اطراف في الموضوع وهى المريخ والبايرن وشركة بافاريا وشركة فلكس واجن . اما سؤال الصحفى : لماذا المريخ وليس اى فريق قطرى ؟؟ هو سؤال غبى مع احترامى .. لماذا لعب الاهلى القاهرى قبل عامين مع نفس الفريق وفى نفس الملعب وليس اى فريق قطرى ؟؟ ولماذا لعب منتخب مصر مع البرازيل في نفس الملعب قبل عام وليس المنتخب القطرى ؟؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
ثم هناك تناقض كبير في استدلالاتك تستدل بحديث مزمل ابو القاسم لتؤكد ان المريخ لا يملك اى حقوق من المباراة لا اعلان ولا نقل ولا تسويق فهل يعقل يا اخ صبرى ان يدفع طرف ما كامل تكاليف المباراة والتى حددتها انت بمليون دولار ولا يملك حتى حق توزيع تذاكر المباراة ؟؟؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: يا ميرغني ما ترمي ليك كلام ساي وتشتت !! شايفني نجرت لي كلام من راسي |
يا صبري .. ما قلنا نجرت الكلام من رأسك .. أول ما قريتو فى موقع آخر كنت متأكد إنك حـ تعمل ليهو موضوع هنا.. بعدين ما كلام ساكت من أول يوم ظهر فيهو خبر مباراة البايرن والمريخ .. قعدت تكذب الخبر وتطالب بالدليل من الموقع جابوه ليك .. قبلت على المبلغ الـ حيأخدو البايرن من المريخ .. مسئولي الشركة المنظمة والمريخ نفوا الكلام .. مُصر على كلامك إنو المريخ دفع .. عندك دليل جيبو غير كدا علينا نصدق الجهة المنظمة ومسئولي المريخ وما فى قروش إندفعت للبايرن أو غيرو. بعدين العنوان .. أكيد جوارديولا ما تعمد إختيار المريخ وهناك جهة منظمة هي الأختارت المريخ دوناً عن بقية الأندية وجوارديولا لم يمانع لعب المباراة .. والمباراة قائمة .. المشكلة وين؟؟؟!!! وكل هذه القشور لزوما شنو؟؟؟!!!. إستمتع بالمباراة و(ما تخاف على المريخ) دائماً بـ يشرف الكرة السودانية.
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: Mirghani Taitawi)
|
Quote: عندك دليل جيبو غير كدا علينا نصدق الجهة المنظمة ومسئولي المريخ وما فى قروش إندفعت للبايرن أو غيرو. |
ههههههههها يا ميرغنى اخوى انت عايز دليل ؟؟؟ ياخى صبرى جاب ليك دليل واضح جدا قال ليك الكويت الكويتى دفع مليون ضورار واذا عملنا المعادلة ممكن نصل الى ان س = ص يعنى الكويت الكويتى = المريخ السودانى
انت حتغالط الرشيد على عمر وصبرى ؟؟ اتنين لو قالوا ليك راسك مافى فتش
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: Mirghani Taitawi)
|
Quote: يا صبري .. ما قلنا نجرت الكلام من رأسك .. أول ما قريتو فى موقع آخر كنت متأكد إنك حـ تعمل ليهو موضوع هنا.. بعدين ما كلام ساكت من أول يوم ظهر فيهو خبر مباراة البايرن والمريخ .. قعدت تكذب الخبر وتطالب بالدليل من الموقع جابوه ليك .. قبلت على المبلغ الـ حيأخدو البايرن من المريخ .. مسئولي الشركة المنظمة والمريخ نفوا الكلام .. مُصر على كلامك إنو المريخ دفع .. عندك دليل جيبو غير كدا علينا نصدق الجهة المنظمة ومسئولي المريخ وما فى قروش إندفعت للبايرن أو غيرو. بعدين العنوان .. أكيد جوارديولا ما تعمد إختيار المريخ وهناك جهة منظمة هي الأختارت المريخ دوناً عن بقية الأندية وجوارديولا لم يمانع لعب المباراة .. والمباراة قائمة .. المشكلة وين؟؟؟!!! وكل هذه القشور لزوما شنو؟؟؟!!!. إستمتع بالمباراة و(ما تخاف على المريخ) دائماً بـ يشرف الكرة السودانية. |
متين أنا كذبت الخبر .. أتحداك تثبت ذلك ... بالعكس أنا فتحت بوست وانتقدت فيه توقيت المباراة ... رابط البوست: ناس المريخ ديل شكلهم كدا جادّين !!
وإيه رأيك هشام عباس هو اللي جهجه أفكاري بي ردو حول قيام المباراة من عدم قيامها ...
Quote: هشام عباس كتب: حتى لحظة قراءة هذا البوست كنت اعتقد ان لقاء البايرن والمريخ نكتة الموسم لكن ما دام لبس الاخ صبرى ثوب المشفقين على المريخ تأكدت ان اللقاء حقيقى وهذا ما يهمنى في هذا البوست اما نتيجة المباراة فلا يعيب المريخ ان خسر بال 14 ما دام كبير العالم البارسا لم يعبه الخسارة وفى مباراة رسمية بالسبعة من ذات الفريق مع الشفقة طبعا Re: ناس المريخ ديل شكلهم كدا جادّين !!
|
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: مدرب المريخ كروجر لعب دورا كبيرا في المبادرة |
أنا ما عارف الناس دي خجلانة من شنو عشان تكتب كلام مبهم !!
خلاص يا هشام أنا فهمت من كلامك إنو كروجر هو القدم الطلب وبما إنو كروجر هنا بمثل المريخ إذاً المريخ هو من تقدم بطلب إجراء هذه المباراة ...
وهو المطلوب إثباتو ومبروك عليكم موافقة البايرن أهل الجلد والرأس ...
يغلق البوست بتوقيعي وتوقيع هشام عباس ...
وعشان ما تزعلوا يوم الخميس حألبس أحمر
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: أنا ما عارف الناس دي خجلانة من شنو عشان تكتب كلام مبهم !!
|
المبهم شنو حسع في كلامى ويفرق شنو ان المريخ سعى لمقابلة البايرن او الشركة الراعية تسعى لاختيار المريخ اى فريق في الدنيا مؤكد سيسعى لمقابلة البايرن . انت ليه مصر تتمسك في صغائر وتوافه الامور
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: تم فتح البوست للرد على المزيد من اللولوة |
ربنا يسالك اللولوة وين في كلامنا يا سيدى انت بتدعى ان المريخ دفع اموال من اجل مقابلة البايرن قلنا ليك ما دفع بدل ان تاتى ما يثبت كلامك بتخوض في حاجات ما زات جدوى وما محتاجة اصلا لاثبات يعنى ربنا يسألك البايرن حيسعى لمقابلة المريخ ليه مثلا ؟؟ واصلا ادارة البايرن بتعرف المريخ من وين عشان تسعى تقابل المريخ ؟؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: ربنا يسالك اللولوة وين في كلامنا يا سيدى انت بتدعى ان المريخ دفع اموال من اجل مقابلة البايرن قلنا ليك ما دفع بدل ان تاتى ما يثبت كلامك بتخوض في حاجات ما زات جدوى وما محتاجة اصلا لاثبات يعنى ربنا يسألك البايرن حيسعى لمقابلة المريخ ليه مثلا ؟؟ واصلا ادارة البايرن بتعرف المريخ من وين عشان تسعى تقابل المريخ ؟؟ |
أنا لم أقل أن المريخ دفع للبايرن إنما غير مقتنع بعدم تلقي البايرن مقابل مالي من المريخ أو من الشركة الراعية للمباراة !!
وبرضو عايز أعرف الشركة الراعية وافقت للمريخ نظير شنو يعني .. بدقة أكثر عايز أعرف تفاصيل العقد بالتفصيل ..
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
طالما هشام فتح النقاش مرة أخرى ففي هذه الحالة لوموه هو !!
Quote: المبهم شنو حسع في كلامى ويفرق شنو ان المريخ سعى لمقابلة البايرن او الشركة الراعية تسعى لاختيار المريخ اى فريق في الدنيا مؤكد سيسعى لمقابلة البايرن . انت ليه مصر تتمسك في صغائر وتوافه الامور |
وقد فهمت زيادة على ما سبق يا هشام .. بناءاً على مبادرة كروجر الألماني جامل البايرن الألماني ابن جلدته الألماني بغض النظر عمن هو الفريق الذي سيلعب معه سواءً كان ذكراً أو أنثى
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: وقد فهمت زيادة على ما سبق يا هشام .. بناءاً على مبادرة كروجر الألماني جامل البايرن الألماني ابن جلدته الألماني بغض النظر عمن هو الفريق الذي سيلعب معه سواءً كان ذكراً أو أنثى |
هههههههههها ايه العبقرية دى ..بالله دا الفهمتو انت من كلامى طيب عشان ما تتعب كتير بايرن ميونخ اصلا لا دخل له في الامر .. اساسا لا مدرب ولا ادارة البايرن هى من تختار هنالك شركات راعية للفريق هى التى تنظم رحلات ومعسكرات ومباريات الفريق وفقا لخطط وجدول المدرب .. يعنى المدرب بيخطط هو محتاج لكم مباراة في المعسكر الشتوى لكنه لا يتدخل في مكان اقامة المعسكر ولا الفرق المتبارية ولا ادارة البايرن تتحمل هذه الكلفة الشركة الراعية هى من تنسق وتتكفل مقابل التسويق والدعاية والاعلان . اما عن سبب اختيار المريخ من الشركة دى حنشرحها ليك لما تفهم ليه انا قلت (مبادرة ) عشان ما تشتطح كتير وتألف قصص
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: متين أنا كذبت الخبر .. أتحداك تثبت ذلك ... بالعكس أنا فتحت بوست وانتقدت فيه توقيت المباراة ... رابط البوست: ناس المريخ ديل شكلهم كدا جادّين !!
|
رابط البوست (ناس المريخ شكلهم كدا جادين) ما تكذيب للخبر؟؟؟!!!. وفى رد آخر تحدثت عن عدم وجود المباراة فى الموقع الرسمي للبايرن.
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: Mirghani Taitawi)
|
Quote: رابط البوست (ناس المريخ شكلهم كدا جادين) ما تكذيب للخبر؟؟؟!!!. وفى رد آخر تحدثت عن عدم وجود المباراة فى الموقع الرسمي للبايرن. |
يا سلام كمان بقيت تفسر على كيفك بالعكس الرابط الأول بنيت على تصديق خبر قيام المباراة وذهب تفصيلي في البوست عن انتقادي لتوقيت المباراة ...
بالنسبة لموقع البايرن طالبت بالبحث عن المباراة حيث أنني لا أجيد الألمانية وحسب اجتهادي في البحث لم أعثر عليها وهذا لا يعني تكذيبي لقيام المباراة ...
فما تنجر كدا ساي !!
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: بايرن ميونخ اصلا لا دخل له في الامر .. اساسا لا مدرب ولا ادارة البايرن هى من تختار هنالك شركات راعية للفريق هى التى تنظم رحلات ومعسكرات ومباريات الفريق وفقا لخطط وجدول المدرب .. يعنى المدرب بيخطط هو محتاج لكم مباراة في المعسكر الشتوى لكنه لا يتدخل في مكان اقامة المعسكر ولا الفرق المتبارية ولا ادارة البايرن تتحمل هذه الكلفة الشركة الراعية هى من تنسق وتتكفل مقابل التسويق والدعاية والاعلان . |
هشام عباس عايز يقنعني إنو البايرن بيلعب أي مباراة تختارها له الشركة الراعية ولو كانت ضد كاب الجداد وباستاد كاب الحمام بدون ما يكون عندو رأي في الحتة دي !!
عليك الله إنت جادي !!
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: تسلم مجلس إدارة نادي المريخ السوداني موافقة بطل أوروبا بايرن ميونخ الألماني على مواجهة المريخ في المباراة الودية المقرر لها يوم التاسع من شهر يناير المقبل بالعاصمة القطرية الدوحة.
وأكد جمال الوالي الموجود حاليًا بدولة الإمارات العربية المتحدة أن نادي بايرن ميونخ الألماني بطل أوروبا وافق على أداء مباراة ودية أمام فريق المريخ، وأشار إلى أن مجلس إدارة ناديه استقر على أن يكون المعسكر الإعدادي الخارجي للفريق لبداية الموسم الجديد متزامنًا مع مباراة بايرن ميونخ الألماني بالدوحة، بعد أن رحب المدير الفني الألماني مايكل كروجر بقيام المعسكر بالدوحة ومواجهة الفريق الألماني.
وكشف رئيس نادي المريخ في تصريحات صحفية أنه أكمل اتفاقه مع إحدى الشركات الكبرى بدبي من أجل توفير زي رياضي للموسم الجديد ومن المنتظر أن يرتديه الفريق في مباراته الودية أمام بايرن ميونخ.
وأكد الوالي أن التسجيلات تمت برؤية فنية حسب حاجة الفريق وتقرير الجهاز الفني دون أن يكون هناك أي تجاوز، وأضاف أن كروجر يتابع عمليتي الإحلال والإبدال وعلى علم بكل ما يدور بشأنهما، موضحًا أن المريخ يختم تسجيلاته بمهاجم محترف وحارس مرمى قبل نهاية فترة التسجيلات الشتوية في العشرين من الشهر الجاري. المصدر
|
تعال أشرح لي زيادة يا هشام
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
ربنا يسالك وين هشام عباس قال كلام زى دا يعنى انت قررت تتجاوز كلامى الواضح (وفق خطط المدرب) وقلت تلصق كلام من عندك بس عشان تكابر وتثبت انك صح .. يا صبرى سيبك من الجدل البيزنطى دا لانك انت عارف ان كل الفرق الكبيرة لديها رعاة هم من ينظمون لها معسكراتها ومبارياتها وانت تعرف احيانا كثيرة تكلف هذه الالتزامات المدربين كثيرا فى لخبطة حساباتهم انت فقط تريد المكابرة لان الامر هنا يتعلق بالمريخ .
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote:
هشام عباس عايز يقنعني إنو البايرن بيلعب أي مباراة تختارها له الشركة الراعية ولو كانت ضد كاب الجداد وباستاد كاب الحمام بدون ما يكون عندو رأي في الحتة دي !!
عليك الله إنت جادي !! |
من موقع البايرن
Quote:
فى المجمل ستكون المرة الرابعة على التوالى للبايرن الانتقال إلى معسمر فولكسفاجن بالدوحة. يوم الخميس (5 يناير) سوف يسافر بيب جوارديولا مع فريقه إلى الخليج العربى، وبعد 9 أيام (14 يناير) سيعود مرة أخرى إلى ميونخ. |
Quote:
وقد صرح كارل هاينز رومينيجه عن ذلك قائلا " بفضل المساندة من فولكسفاجن نأتى منذ عدة سنوات إلى الشرق الأوسط. هناك يتوفر كل ما نحتاجه، من أجل الإعداد للمهمات القادمة. ظروف تدريبية رائعة، دعم رائع من المُضيف، طقس مثالى ومنافس فى غاية الحماس من المنطقة، الذى يسعى بجهد لقياس مستوى لاعبيه مقارنة بلاعبى البايرن." |
المصدر http://www.fcbayern.de/ar/news/news/2014/volkswagen-camp-qat...m-persischen-gol.php
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: طارق حرسي)
|
يا طارق حرسي إنت هسي عملت شنو باقتباساتك دي .. ذكّرتني نُكتة المسطول:
مسطول راقد في الأوضة (الغرفة) جات طيرة دخلت بالباب وطلعت بالشُبّاك .. عاين ليها كدا وقال ليها: يعني عملتي شنو ؟
أها هسّي إنت عملت شنو .. وعلاقة كلامك دا شنو بي كلامي الختمتو بالمُقتبس أدناه:-
Quote: بدون ما يكون عندو رأي في الحتة دي !! |
يعني أفهم من اقتباساتك دي إنّو رومينيجة يجي يلعب مع أيّ فريق من سُكات ومن غير ما يقول أيوة موافق ألعب مع الفريق دا وما عايز ألعب مع الفريق دا !!
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
ياخوانا أخوكم صبرى دا ما تعصرو عليهو شديد كدا ... الزول دا متضايق بالحيل .. هههههههههههههههههههههه
الكلاوى دا طبعاً انا مسميهو رمضان النسخة المصرية .. بالله رمضان أحمد السيد الخالق الناطق ..
يا كلاوى البايرن دا السنة الفاتت برضو كان معسكر فى قطر .. و لعب مع فريق قطرى و طقاهو 13 صفر .. تفتكر تانى فى فريق قطرى بفكر مجرد تفكير يلعب مع البايرن ...
كلهم زاغو و إتصدر ليها زعيم الكورة السودانية و فخر البلد المريخ العظيم ..
والله أكبر و لله الحمد ...
وين الحبيب مهدى الصادق ؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: وليد عكاشة)
|
Quote: كلهم زاغو و إتصدر ليها زعيم الكورة السودانية و فخر البلد المريخ العظيم .. |
ذكرتني الجعلي الطلع في عرس للبُطان .. ولي وقعتو العريس طلع زول مانع ... مسك السوط وقدّام الحريم أداهو ليك سيطان من النوع البخليك تشوف الشمس تحت جزمتك ...
أها صاحبك غايتو مُجازفات ساي استحمل الجلد .. لكن تاني يوم المُستشفى وجاها بلا
أها رأيك شنو يوم الخميس نغني ليكم البنسلين يا تمرجي ؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: يا صبرى سيبك من الجدل البيزنطى دا لانك انت عارف ان كل الفرق الكبيرة لديها رعاة هم من ينظمون لها معسكراتها ومبارياتها وانت تعرف احيانا كثيرة تكلف هذه الالتزامات المدربين كثيرا فى لخبطة حساباتهم انت فقط تريد المكابرة لان الامر هنا يتعلق بالمريخ . |
يا هشام من الآخر كدا .. لن تُقام أيّة مُباراة من أيّتها شركة راعية بدون موافقة البايرن ...
بمعنى إذا اختارت شركة راعية مُباراة مع ست الودع سترجع للبايرن وتسأله عن موافقته للعب أمامها أم لا .. حتّة إنّو الشركة دي تعجن وتخبز وتقول ليهم تعالوا ألعبوا مع الهناي دا كأمر واقع دي شيلا من راسك .. طبعاً لو إنت قاصد كدا ...
ـــــــ ومن الرد دا اعتبرني نسيت قصة المريخ
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: يعنى يا صبرى نفهم من كلامك ان شركة زى فلكس واجن طمعانة فى عضة من جمال الوالى هههها ياخى انت بتبالغ انا زاتى سمعت ان طيران الامارات دفعت 100 مليون جنيه استرلينى وبنت استاد للارسنال لانهم طمعانين فى حق تذاكر الجمهور |
Quote: وعضّتها ممكن تكون إعلانات نشاطاتها فقط ... |
شايف إعلان شركة البيبسي ولا لا
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
يا اخى نحنا لينا شهر بنشرح ليك النقطة دى وبنقول ليك ان المريخ ما دفع ولا ريال لانو دا عمل تسويقى من الشركة الراعية تجى بعد اللف والدوران دا كلو و12 مليار والكويت الكويتى وقصة وحكاية تقول لى ممكن عضتها تكون اعلانات !!!!!! كنا بنحكى في عبس نحنا ______________ بمناسبة شركة البيبسى مشكلة اداراتنا انها جاهلة بفنون التسويق والرعاية يعنى مثلا تجى شركة البيبسى ترمى للهلال كم مليون وتضع شعارها على الطقم وخلاص في كل الدول بما فيها السعودية ومصر جيرانا ديل التسويق والرعاية فن وفائدة كبيرة بالله شوف عقد الهلال السعودى مع شركة موبايلى وشوف عقد الاهلى المصرى مع وكالة الاهرام الحكاية ما قروش وبس الحكاية فيها استقدام محترفين وتكلفة معسكرات واعداد مباريات ودية ذات ثقل ومعدات الفريق وووووو
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: لا يا هشام ما تعوم الموضوع وضع الإعلانات على القمصان دا ما مقنع بالنسبة لي يكون كفاية لسة عايز أحفر في المدفون وأعرف المقابل بالكامل !!
ثم ياخي موضوع الإعلانات على قمصان المريخ أنا الجبتو في البوست يعني حتبقى عايز توصلني لي حتة أنا جبتها ليك ...
وشكلك ما فهمتني قاصد ليك شنو لأنك تحدثت بسخرية عن عدم احتياج فلكس واجن لعضة الوالي !! |
يا اخوى افهمنى قبل ما ترد موضوع الاعلان على القمصان دا انا ما قاصد بيه كورة المريخ دا موضوع منفصل تعليقا على شعار بيبسى في اطقم الهلال وعشان كدا وضعت ليك خط يفصل بين كلامى عن المريخ وقصة شعار بيبسى ... الشركة الراعية لن تضع اعلانات على اطقم المريخ ابدا وانا لم اقل ذلك ابدا
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: يا هشام مثلنا السوداني البقول "العود كان ما فيهو شق ما بقول طق" شكلو صاحبو هلالابي |
هههههههههه لا صراحة حالتكم بقت تحنن بالله جايب ليك مقال زى ونسة ضل الضحى وتقول لى عود وشق وطق ياخى بعدين الاعلامى دا انت ما ذكرت اسمو لكن صراحة انا لو مسؤول في الجريدة اديه على قفاه ويشوف ليه كارو يسترزق بيها .. معقولة اعلامى يبحث عن الحقيقة يتهم جهة ما بدفع اموال وبدلا من اثبات اتهامه بحجة او مستند يدلل على اتهامه بان المريخ لم يبرز مستندا !!! دى ياتو قاعدة صحفية او قانونية المريخ غير ملزم بطرح مستنداته لاحد الا برغبته هو الصحفى الذى اتى بالتهمة عليه البينة وعليه ان يبحث ووسائل الحصول على المعلومة لا تعجز صحفى
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: هشام عباس)
|
Quote: الشركة الراعية لن تضع اعلانات على اطقم المريخ ابدا وانا لم اقل ذلك ابدا |
من سيضع إعلاناته على قمصان المريخ سيكسب حتى ولو لعب المريخ ضد النيل الحصاحيصا
Quote: معقولة اعلامى يبحث عن الحقيقة يتهم جهة ما بدفع اموال وبدلا من اثبات اتهامه بحجة او مستند يدلل على اتهامه بان المريخ لم يبرز مستندا !!! دى ياتو قاعدة صحفية او قانونية |
Ok يا هشام .. على إدارة المريخ مقاضاته ومقاضاة الصحيفة التي نشرت الخبر .. إن كان كاذباً
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: من سيضع إعلاناته على قمصان المريخ سيكسب حتى ولو لعب المريخ ضد النيل الحصاحيصا |
مؤكد
Quote: Ok يا هشام .. على إدارة المريخ مقاضاته ومقاضاة الصحيفة التي نشرت الخبر .. إن كان كاذباً |
لو تفرغ المريخ لمقاضاة كل مشجع يهرطق السودان كلو حيتسجن
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: طارق حرسي)
|
Quote: صبري اخوي ده كورتو بقت زي سيف مساوي كلها طفيش |
يا حرسي .. سيف مساوي لو معاكم حينفعكم .. لأنو الطفيشة الواحدة بتاخد ليها خمسة دقائق في الهواء .. وبي كدا تقدروا تضيّعوا زمن ...
وحتى في الكُرات العالية والضربات الرأسية ممكن يفيدكم شوية ...
السؤال: كم سيحرز البايرن من الضربات الرأسية ؟
دا من جانب ومن جانب آخر أصلو ما نسيت .. كم دفع المريخ .. أو مُقابل ماذا وافقت الشركة الراعية للمريخ ؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صبري طه)
|
Quote: يا هشام من الآخر كدا .. لن تُقام أيّة مُباراة من أيّتها شركة راعية بدون موافقة البايرن ...
|
Quote: هل تعمد جوارديولا اختيار نادي المريخ السوداني |
] اللخو دا الحقوه بكوز مويه بارد. مره تقول ما تعتمد ومره تقول لا يوافق على قيام المباراه انت بالضبط عايز تصل لى شنو؟؟
| |
|
|
|
|
|
|
Re: هل تعمد جوارديولا اختيار نادي المريخ السوداني (Re: صديق عيسى صالح)
|
Quote: اللخو دا الحقوه بكوز مويه بارد. مره تقول ما تعتمد ومره تقول لا يوافق على قيام المباراه انت بالضبط عايز تصل لى شنو؟؟ |
غايتو يا صديق إنت الما عارف نفسك شايت وين !!
سؤال البوست أنا ما عايز منو إجابة .. أقرأ مضمون البوست وحتفهم أنا شايت وين .. باختصار أي زول اعتقد إنّو البايرن اختار أو تقدّم بطلب للمريخ عشان يلعب ضدو يبلع اعتقادو بي كوز موية بارد ...
| |
|
|
|
|
|
|
|