|
كتب الكاتب الفاتح جبرا المتوفرة بمعرض الدوحة
|
|
 Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
مدخل ثاني
لما يقولوا على التراكتور إنو شابك دا معناه إنو الجربوكس بتاعو شابك وما بيفضي وبالتالي ما بتقدر تدورو
في الحالة دي بجي ميكانيكي وبفتح غطاء الجيربوكس وبواسطة مفك بفضي الجيربوكس وبيشغلو.
مدخل ثالث :
علاقتي بالبنقو نفسين أو ثلاثة فقط كانت في حالة إضطرارية وللتجربة بس
| |
 
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: وضاحة)
|
ازيك يا وضاحة
الزول دا قال البنقو بنضف المخ
ونضافة المخ دي يا ذاتا بداية الخيال
يقول البرت انشتاين
الخيال أهم من المعرفة فالمعرفة محدودة بما نعرفه الآن ونفهمه بينما الخيال يحتوي العالم كله وكل ما سيتم معرفته أو فهمه إلى الأبد
يتبع
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
أقدي
قرية تقع غرب مدينة الدمازين ، تحتضنها جبال الأنقسنا ، يخيل إليك عند دخولك اليها أول مرة أنك لن تصبح حيا حتى الصباح لصخب الحياة فيها ولوجود أناس من مختلف السحنات والقبائل تفوح منهم روائح كل المكيفات من السجائر الأحمر مرورا بالكاجيمورو وصولا إلى العرقي
فيهم المزارع الكبير والتاجر والموظف والعمال والنساء والجنقو الخ ولكن للحق طول فترتي فيها والتي أمتدت سنتين ونيف لم اسمع بجريمة قتل فيها ونادرا ما يحصل ضرب بين أشخاص فالجميع يحترم نفسه و(غربته) فيها .
عند بدء دخول الخريف وهطول الأمطار يتبدل الوضع فتجد نفسك أما جو وطبيعة فوق الخيال حيث الغمام الذي يمتد اياما وتكتسي الأرض وسفوح الجبال بخضرة ساحرة تتمنى لحظتها سماع أغاني مثل الحبيب العائد والليل عاد وكسلا وكل الأغاني التي تثير لواعج الشجن
ويبدأ نشاط غير عادي لموسم الزراعة وتبدأ أعداد الناس في إزدياد حتى يخيل أليك أنهم قادمون ليوم الحساب .
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
في هذا المجتمع وهذا الصخب تلاقينا خفافا كخيول الريح
مجموعة من الشباب الخريجين الجدد (زراعيون) للعمل في الشركة العربية احدى شركات الهيئة العربية للاستثمار والإنماء الرزراعي (لاحظ الاستثمار قبل الإنماء) ،
تلاقينا يجمعنا الأمل في حياة عملية تكسبنا الخبرة والثقة (وقد كان فالشركة العربية ضخمة الإمكانيات والأنشطة) وقد كنا وكأننا تلاقينا قبلها ، سرعة التآلف والإلتقاء في شكل الحياة ( جميعنا صغار السن) بيننا الشيوعي والإتحادي والمستقل وحزب أمة (الغالبية) حيث كان مدير الشركة من كبار قياديي حزب الأمة ولكن لم يكن لهذا التباين السياسي أثرا في العلاقات بين الناس فقد كنا أخوة يجمعنا هم كيفية التغلب على صعوبة ظروف الحياة في هذه البراري التي في بعض وحدات الشركة يكون الحصول على صحن فول من الحوافز (الكجيك هو سيد المائدة) مساحة الشركة في نصفها الغربي (أقدي) 250 ألف فدان بطول 75 كيلومتر وعر 20 كيلومتر.
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
أكذوبة كبرى يا حمد
مثلك .. علاقتي به نفسين تلاتة
والله لا زادت ولا نقصت في عقلي شبر واحد
بل كانوا يقولون لي لسع، الغريق قدام، بتحس بي كرعيك خفاف وشنو كدي ما عارف
وحات الله ما شفت أي غريق لي يوم الليلة
كلام فارغ مثله مثل التمباك والسجاير الحمراء
العرقي يمكن يختلف شوية من ناحية تأثيرو فيك سلباً كان أم إيجاباً
وهذه لا تعدو أن تكون وهمة من ضمن الوهمات الكتيرة الاخترعتها مخيلة هذا الشعب
مثل : زيكو وكاريكا والسد العالي وهلمجرا
لكن عندي نظرية بتقول: البني آدم لو اقتنع إنو سف الواطة دي بكيّفو .. بتكيّف صاجة
كل سنة وإنت طيب
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: معاوية المدير)
|
تحياتي بدر الدين
| Quote: لكن عندي نظرية بتقول: البني آدم لو اقتنع إنو سف الواطة دي بكيّفو .. بتكيّف صاجة |
صاح لحد ما
بس وهمة البنقو دي زي ما قال الشفيع ما صحيحة وبتعتمد على اللفة ونسبة الأخضر للأحمر ونوعية الصنف
في واحدين بضربو اسكتو
أنا النفسين ديل بهدلوني جد
لنرى
| |
|
|
|
|
|
|
|
|
 Re: هل البنقو (الحشيش عامة) بوسع الخيال حقيقة؟ (Re: الشفيع وراق عبد الرحمن)
|
في هذه الأجواء البديعة كانت تضمنا الإستراحة وجميع هؤلاء الزملاء يجمعهم حب العرقي وأربعة منا كانوا بالإضافة للعرقي بحبوا الأخدر الليموني (زي ما قلت ليكم كانوا شبابا ) ولو كان ممكنا كنت ساذكر الاسماء حتى تحلو القعدة ولكن أخشى إحراج البعض ولو أني شبه متأكد أنهم لا يتحرجون من هذا التاريخ الوضيء . كان الإرسال التلفزيوني ضعيفا أو معدوما حتى ، كان لدينا مسجل كبير وعود وأشرطة مصطفى ووردي والحقيبة الخ .
ما أن نأتي من الدوام حتة يخلد الجميع لنومة صغيرة بعدها تبدأ المكابسة للحمام ومن ثم الإستعداد لبرنامج المساء.
نجلس حول هذه القوارير ونغني ونبتهج ونتعشى وننام
إلى أن أتي ذلك اليوم وبعد نهاية السهرة هممنا بالنوم وإذا بي لا أجد سيجارة النوم (الحمراء) وطبعا سيجارة النوم للزول المنعنش لازمة وضرورية
سألت الجميع لا يوجد لديهم المهم بعد أن رأي ياسر محنتي قال آخر سيجارتين لفينا بيهم 4 سجارات خدر اثنين حندخنهم هسة واثنين اصطباحيات (هكذا يسمونها)
قلت له ما الحل قال لي تأخذ نفسين من البتاعة دي وتنوم قلت ليهو ما مشكلة على الأقل الواحد يجرب البتاع دا وهو مغبي لأنو قالو بجنن (شفت يا ود المدير الإضطرار والتجربة)
المهم شفطت النفسين او ثلاثة وعامل فيها عايز أنوم
بعد شوية أسمع ليك صوت مسدس * في أضاني النايم عليها أنقلب اسمع في التانية قفلت أضني بيديني سمعت صوت المسدس في اضني الأثنين الله ؟
ياسر لا يزال صاحي وهو خبير طبعا كلمتو بالموضوع ، قام صحا محمد قال ليهو قوم الزول دا شوف ليهو طريقة .
محمد مشى عمل عصير ليمون مركز وأداني ليهو ولأنهم خبرا ء ما تركوني بدوا ليك معاي ونسة ونكات لحد ما نمت بسلام .
الصباح غلبني أصحا ياسر جاء قال لي قوم الشغل قلت ليهو والله أصبحت شابك (المدخل 2) ولأنو مهندس معانا في الورشة فهم القصة وقعد يموت من الضحك المهم طلع برجلو في ضهري لحدي ما قال طق
وبسرعة جدا قال لي إنت خيالك بقى واسع جدا بنفسين بس
* صوت المسدس اكتشفت الصباح إنو صوت نبض وريد أو شريان في الرأس كان بنتح لما السيجارة طلعت فوق
شفت الخيال دا كيف يا ود المدير؟
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: Hani Arabi Mohamed)
|
سلامات حمد.
افتح Google books و فتش علي الجملة دي:
marijuana religion the happiness hypothesis
و افتح اول وصلة في نتائج البحث.
المؤلف( و هو من علماء النفس المعروفين) بيقول انه ما في ضرر لو الزول استخدم البنقو و كتير من الحجات ذيه، بس في حدود.
بالعكس، في ناس بيشعروا بايمانيات و شعور غريب اخر، الناس اللي بياخده البنقو بيصفوه بانه شعور كده ذي شعور الصوفية في حلقة ذكر و سمو روحي و الحجات دي ^_^
لو عندك زمن اقرأ الصفحة اللي ح تنفتح ليك من بحث في قوقل.
| |
|
|
|
|
|
|
|
|
 Re: هل البنقو (الحشيش عامة) بوسع الخيال حقيقة؟ (Re: smart_ana2001)
|
Quote:
قلت له ما الحل قال لي تأخذ نفسين من البتاعة دي وتنوم قلت ليهو ما مشكلة على
الأقل الواحد يجرب البتاع دا وهو مغبي لأنو قالو بجنن (شفت يا ود المدير الإضطرار والتجربة)
المهم شفطت النفسين او ثلاثة وعامل فيها عايز أنوم
* صوت المسدس اكتشفت الصباح إنو صوت نبض وريد أو شريان في الرأس كان بنتح لما السيجارة طلعت فوق
شفت الخيال دا كيف يا ود المدير؟ |
هههههههههههههههه،
يا حمد يعني لو رقدت ليك بنفسين تاني كان تشوف ديجانقو عينك عينك،
واللآ شنو !!!؟.
حسيت بمدى إضطرارك يا حمد، وأنا لو مِنّك اقرقشو عدددديل كدا
مُش ادخنو.
يا اخي نفسي اشفطوا، شوف لي سبب غير سببك دا عشان عندي
حساسية من السجاير...
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: Saifelyazal Elmaki)
|
Quote: Faisal Hamza · Dammam, Saudi Arabia
سلام يا ود المدير ياخى انت ما محتاج تجرب انت خيالك واسع خلقه
كان جربتو بتنسخط .. خليك كده احلى |
هههههههههه،
سلآمات يا فيصل.
يا اخي نفسي أشرب البنقو لكن بفتوى، حالة حمد الإضطرارية
دي ما نفعت معاي. شيوخ الزمن دا نجيضين جِنِس نجاض !!!،
ممكن بالراحة يطلعولك الويسكي دواء قُحة.
يا حمد اووووعك تمشي صفحة إسمارت، وحات الله
لقيت في الإميج بتاعتا الصورة دي:
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
ما يحتاج يا حمد .
إنت ما شايف الناس سكارى وما هم بسكارى .
والخيال الواسع ده ممكن ويتخيل للواحد إنو قاعد في غرفة 40مْ×40م بالرغم من تواجده في غرفه 4×4م وفجأة يلقى نفسو دق رأسو في الحيطة ورجع .
يكفي أنه يذهب العقل ، وكم من نفر فقد عقله بسبب البنقو .
حفظ الله عقولنا وعقولكم .
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: ولياب)
|
مرحبتين سمارت
Quote: افتح اول وصلة في نتائج البحث.
المؤلف( و هو من علماء النفس المعروفين) بيقول انه ما في ضرر لو الزول استخدم البنقو و كتير من الحجات ذيه، بس في حدود.
بالعكس، في ناس بيشعروا بايمانيات و شعور غريب اخر |
لقيت الملف طويل شوية وعايز زمن لقرايتو كلو
كنت عايز انسخ الحتة الفي الكوت دي لكن الملف شكلو مؤمن وما بيقبل النسخ
الكلام دا قد يكون صحيح لدى الكثيرين حتى الكحول (وأنا مجرب) لما يتشرب بكميات ضئيلة (كاس كاسين) بعمل نشاط وبرفع مستوى التركيز شديد وبوفر نشوة تلقائية
إضافة إلى أنو مراكز العلاج من الإدمان ما بتحرم المدمن من مادة الإدمان فورا وإنما بالتدريج وعلى جرعات مخفضة مما يدلل على وجود أثر فسيولوجي للمخدرات عموما
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
يا الله يا ود المدير من الركبين الفيلة ديل
دا ركوب مزدوج فيل حقيقي وفيل خيالي وكمان معاك شوف الفيل الفي النص دا برش من تحت كيف تقول بذارة برسيم بس
Quote: يا اخي نفسي أشرب البنقو لكن بفتوى، حالة حمد الإضطرارية
دي ما نفعت معاي. شيوخ الزمن دا نجيضين جِنِس نجاض !!!،
ممكن بالراحة يطلعولك الويسكي دواء قُحة. |
فتش بتلقى ياخ وما بتعدم الإضطرار
يعني هسة عاين زي حامد برقو الجانا رأسو لافي دا
لو لاقاك بظبط ليك فتوى قدر الليلة وبكرة
دا حالتو فتح البوست لقاهن نفسين بس يمين لو كانت سيجارة كاملة كان قلب لينا الحكومة في البوست دا
خليها يا حامد لحدي ما أجيك
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
سلامات اخونا سيف اليزل المكى...كل سنة وانت طيب.
اول شيء لازم اقول انه ما جربتا اى نوع من المخدرات....و ما بشرب حتى قهوة. الشاى بشربه نادرا.
لكن على حسب قرايتى فى الموضوع ده ان رد فعل الناس للحشيش (و المصايب التانية دى) بيختلف من زول لزول. ممكن انت يحصل ليك ذى ما وصفتا.... وممكن زول تانى يحس انه اقرب ما يكون من الله. وانه اتخلص من كل هموم الدنيا و توافه الامور.
موضوع الصوفية ده منى انا. الكاتب ما جاب سيرة الصوفية. لكنه قال انه فى ناس ( وبيقصد اديان اخرى) لما يدخنوا الحجات دى بيشعروا بسمو روحى و حالة جذب سماوى. و انا فكرت انه ده ذى شعور الصوفية ...من غير بنقو....i hope
بالمناسبة كمان....الصنف مهم جدا . تكون دخنتا ليك صنف ضارب. او ملخبت مع حاجة more serious ...ذى كراك.
بالمناسبة الغنا (و الرقص) الجماعى بيعمل نفس المفعول. عشان كده بنلاقى المديح و الذكر الجماعى عن الصوفية...و الانشاد فى الكنيسة عند المسيحيين.
سلامات حمد...كلامك صح. الحجات دى حبة... حبة منها, او ذى ما قال الكاتب فى controlled setting ...ما مشكلة. بس غلينا نقول كمان انها كلها حرام
___________________________________
فى ولاية امريكية رفعت المنع عن الحشيش من بداية السنة.
لكن وضعت قوانيين كتيرة لتدخينه. ممنوع فى المناطق العامة او فى الحدائق او الشوارع عموما. يعنى ادخن فى بيتك بس.
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: smart_ana2001)
|
مرحبا سيف اليزل المكي
معليش شوية زنقة
Quote: يا زولة والله انا جربتو مره واحده في حياتي على النعمة يا اسمارت السرير ده مشى بي فوووووووووووق طاير طيران وبديت اقابض في البنزلني
ودخلت في اوهام غريبة اتوكلت على الله وقلت اصلي العصر المصلاية فرشتها عكس اتجاه القبلة واقمت الصلاة في امان الله وقربت اركع فكرت
لروحي في اخر لحظة من اليوم داك عرفت كلام البقو بوسع الخيال وبصفي الذهن كضب سااااااااااي ههههههههههههه
|
ياخ أنت اتلخبت لخبتة شديدة خلاس كان باقي ليك شوية وتفط سطر
تعرف الحاجات دي بتعتمد على مقاومة الجسم للأشياء الغريبة
في ناس السجاير الأحمر دا بأثر فيهم وفي ناس الواحد يدخن 40 سيجارة في اليوم ويعيش حتى عمر فوق 80 سنة
في ناس اليوم كلو سكران وفي واحدين كاسين وتلقى يطرش وتبهدل وتليف كبد ووو
برضو في ناس البنقو دا بخليهم حلوين شديد في ناس بركبهم التونسية
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
مراحب حامد برقو
Quote: كونه يبقي الواحد النائب الاول لرئيس الجمهورية عادي
بس نائب الأمين العام للحركة الاسلامية مبااالغة |
انت عابر سكة فايت ولا جيت قاصد تزورنا ؟
وانت قايلها فارقة بي حاجة
السطلة ياها واحدة لو كانت بسجارة ولا سجارتين
والله أنا مرات بقول ناس الحكومة ديل بلفوها عديل وبعد داك يجوا بختوا القرارات
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: Zakaria Joseph)
|
مرحب حبيبنا ولياب
Quote: نت ما شايف الناس سكارى وما هم بسكارى .
والخيال الواسع ده ممكن ويتخيل للواحد إنو قاعد في غرفة 40مْ×40م بالرغم من تواجده في غرفه 4×4م وفجأة يلقى نفسو دق رأسو في الحيطة ورجع . |
انا عايز أعرف ليه هي بتعمل كدا والعرقي مثلا ما بعمل مع إن الأثنين بشتغلوا في المخ ؟
قال ليك مسطول مشى حديقة الحيوان وبخاف موت من الاسد وصادف كانت في حفلة بحنان بلوبلو
أثنا ما هو حائم في الحديقة شاف الناس جاريين على البوابة قام فاكي معاهم
لما وصل البوابة لقى الناس واقفين (طبعا أستغرب ليه ما واصلو جري خارج الحديقة)
سأل واحد جنبو قال ليهو انت الحاصل شنو الناس دي جرت كدا ووقفت
قال ليهو حنان بلوبلو وصلت بوابة الحديقة
المسطول قال ليهو والله أنا جريت قايل الأسد فكوهو
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
Quote: اسمارت انا,
الجابك بجاى شنو? |
شنو يا زكريا حركات الوهابيين دى ???
Just kidding, man
ابدا - و الله- ما عندى دخل بالحجات دى. بس كنتا بقرا فى كتلب الايام الفاتت و كان المؤلف بيقول انه العقل البشري معقد جدا جدا. و انه فى ناس ممكن يكون الحشيش مفيد ليهم, لكن لازم يكون فى controlled setting ....طبعا.
انا زولة راسي خفيف جدا. وكباية قوة الصباح بتخلينى صاحية الليل كلو. الغريبة اول مرة امشي دكتور اسنان فى البلد دى, كعادة سالونى:
- بتدخنى?
* لا
- بتشرب كحول?
* لا
- اى نوع مخدرات ?
* لا
- قوة ?
*لا
كان مفروض يعملو لى عملية فى اسنانى. حقنة البنج الاولى...بعد 10 دقائق...لسه حاسة بالالم. الحقنة الثانية....لسه حاسة. الدكتورة بعدها سالتنى بشك......انتى متاكده انك ما بتاخدى اى مخدرات???
وفى مرة اخرى فى عملية ببنج كامل الدكتور قال لى انى فى نص العملية بديت اصحى واحتاجوا يدونى بنج زيادة.
شكلو عندى مخ مركب بالقلبة...و ما مفروض احاول اجرب اى حاجة مده و لا كده
__________________________________________________________________________
زولتكم دى شكلها مستهبلة كبيرة. تجى المكتب stoned عديل كده???.
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: smart_ana2001)
|
سلام لصاحب البوست و لكل المتداخلين
البنقو ( البنقو تحديدا) غير انه نوع من المخدرات نجده انه منبه قوي ينبه شعيرات الذكاء في الدماغ
و يحفز الحواس جيدا لذا تجد ان غالبية مستخدميه سريعي الردود و البديهة و بكل هدوء.
العكس تماما المشروبات الكحوليه فهي تساعد في استرخاء شعيرات الذكاء كما انها تسعد في استرخاء
بعض الحواس و البعض الاخر من الحواس تصيبه بالخدر الكامل لذا ان غالبية متعاطي الكحول تجدهم
خاملي الحركة او ثقيلين الحركة.
و الله اعلم
| |
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: tabaldy)
|
tabaldy
I don't like the tune, but i will answer any way!1
ايوه, متاكده. و لان كباية قهوة الصباح بتخلينى صاحية طوال الليل, ما بشرب قوة. انا ما قلتا انى: "ما حصل ضقتا طعم القوة", قلت: "ما بشرب قوة". يعنى ما عادتى شراب القوة.
_________________________
زكريا....شكلو كلامك صح. انا الى دخلنى هنا شنو?!!!!
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: smart_ana2001)
|
سلام صاحب البوست و الضيوف
ذكرني البوست قصة لطيقة حصلت قبل الانتهاء من مشروع الرهد و كنت و بعض من اصدقائي نقضي الاجازة بالقضارف في الخريف و ذهبنا نقضي الامسية مع صديق اخر و بعد ان سطل قال لينا
تعرفوا الفضارف دي تشبه كلفورنيا و مشروع الرهد الجديد حيتزرع بهارات، شمار و كسبرة و توم و حيكون اخضر و لما الناس تجي بالبصات الامريكية ام طابقين و عند دخولهم للقضارف انا حاكتب لافتة كبيرة مكتوب فيها مرحبا بكم في كلفورنيا.
خيال و اسع واسع جدا
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: محمد علي عثمان)
|
نابري يا معلم
مرحبا
Quote: لبنقو ( البنقو تحديدا) غير انه نوع من المخدرات نجده انه منبه قوي ينبه شعيرات الذكاء في الدماغ
و يحفز الحواس جيدا لذا تجد ان غالبية مستخدميه سريعي الردود و البديهة و بكل هدوء.
العكس تماما المشروبات الكحوليه فهي تساعد في استرخاء شعيرات الذكاء كما انها تسعد في استرخاء
بعض الحواس و البعض الاخر من الحواس تصيبه بالخدر الكامل لذا ان غالبية متعاطي الكحول تجدهم
خاملي الحركة او ثقيلين الحركة. |
وميزة تانية مافي ريحة ولا بجيك إحساس إنو الزول مسطول بيكون عادي مع شوية مرح (لو كانت الكمية معقولة)
عكس الكحول واللي هو ببهدل غير الريحة الما بتتقابل والحالة تاني يوم طمام وخشم مسيخ وتكون ما فاهم أي حاجة
بس يا سفيان أعتقد إنو الإفراط في البنقو في الجلسة الواحدة برضو بقلل القدرة على التحكم
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
تبلدي يا حبيب مرحبا
كويس أنو الأمور هدأت
ياخ سمارت دي زولة علمية شديد
بعدين الوصول للنتائج ما بالضرورة يكون عن طريق التجربة الشخصية
ممكن بالإطلاع على تجارب مختلفة للآخرين واللي بتكون احيانا مؤكدة
يعني مثلا لو لقيت علبة دواء مكتوب عليها تاريخ الإنتهاء
ما بمشي أعمل تحليل عشان أتأكد إنو الدواء صالح أو منتهي خلاس دي تجربة مؤكدة قام بها أشخاص آخرين من ذوي الكفاءة
تصبح مسلم بها و تغني عن البحث
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: حمد عبد الغفار عمر)
|
إنت ياحمد عندك شحنة بنقو ناوي تدخلا السودان ولا شنو؟
الكلام دا كلو ما صاح
العكس تأثير البنقو على الزول الجديد مفروض يكون قوي
لأنو صادف عقلاً خالياً فتمكنا
ما بعمل أي حاجة جديدة ولا بتحس بي إنك بقيت رئيس ولا قائد روماني
ما تغروا الناس وتخلوهم ينسطلوا من بكرة
والعملتو فيك السجارة دي ممكن شبعة كاربة تدخلك فيه
المسألة دي قناعات
المقتنع إنو حينصطل بنصطل حتى لو بي جرجير
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: بدرالدين بابكر مصطفى)
|
سلامات تاني يا حمد
تعرف يا صاحبي خليك من الافراض فيهو البنقو في حد نفسو لما الزول يشربو مدة طويلة
ذاكرته بتبقى ضعيفة جدا جدا و السبب هو زي ما قلته ليك فوق لانو هو بنشط كافة شعيرات
الذكاء اها بمر الزمن النشاط المستمر دا بيضعفها .
اها حتت النسيان دي انا كان حكيت ليك عنها حكايات بتموتو من الضحك .
| |
|
|
|
|
|
|
|
|
|
Re: هل البنقو (الحشيش عامة) بوسع الخيال حقيقة؟ (Re: سفيان بشير نابرى)
|
يا بدر الدين
Quote: إنت ياحمد عندك شحنة بنقو ناوي تدخلا السودان ولا شنو؟
الكلام دا كلو ما صاح
|
ياخ أنا جني وجن التجارة دي ما بعرفا عديل
ثم ثانيا كلامك انت الما صاح
غايتو لقيتنا تائبين ولا كان عزمناك
ذكرتني واحد من ناسنا ديل جا السعودية وهو معروف إنو ما بتكسر بسهولة في السكر
المهم جات المناسبة وبدأ يستعرض ليك في عضلاتو أنا العرقي البقول أنا أنا ما بعمل فيني حاجة
الناس تعاين فيهو لحدي ما جاء المساء واحد من الحرفا مشى جاب ليهو لتر من الفلبينيين خصوصي
قالوا ليهو أشرب كاسات شريط لأنو البتاع دا ما زي حق السودان قال ليهم ها انتو مساكين أنا كاس شريط دا أصلو ما بنفع معاي
بدأ الكاس الأول والتاني ، في الكاس الثالث لسانو طلع ملوي وريالتو سالت
لما كتح الرابع اتمدد في الموكيت والله شكلو بقى عايز واحد يلقنو الشهادة بس
تقول لي العايز أسطل والما عايز يسطل؟
| |
|
|
|
|
|
|
| |
حمد عبد الغفار عمر
وضاحة
بدرالدين بابكر مصطفى
الشفيع وراق عبد الرحمن
معاوية المدير
Hani Arabi Mohamed
smart_ana2001
ولياب
Zakaria Joseph
سفيان بشير نابرى
محمد علي عثمان
فيس بوك
تويتر
انستقرام
يوتيوب
بنتيريست