كتب الكاتب الفاتح جبرا المتوفرة بمعرض الدوحة
|
Re: مبروك.....مكتبة smart_ana2001 ...ست النفر البلولة جرقندى (Re: محمد يوسف الزين)
|
انتو قايلين النضال ده إلا ضد الانقاذ... سمارت معاك قلباً وقالبا... ليك حق الاحتفاظ بي معلوماتك الشخصية وما من حق اي زول يخليك تكشفيهم... اصلا القانون ده هدفه شنو؟! من ناحية فعلية احسن لي بكري يكون اسم المكتبة بي الnickname بتاعك عشان الناس بتعرفك بيهو ما بتعرف اسمك الحقيقي...
المشكلة ما عندك حل غير النقّه، قالوا بتجيب الراس...
* تعالي النأجر ليك مكتبي، اصلو بكري اداني ليها لا إيدي لا كراعي، ومرّه كل خمسة ارشفات قاعده اتذكرها.. بقولها ليك بي عقل مفلّس وقلب متعاطف، ومافي اي نوع من المكاواة....
| |
|
|
|
|
|
|
Re: مبروك.....مكتبة smart_ana2001 ...ست النفر البلولة جرقندى (Re: smart_ana2001)
|
سمارت يا هندسة يا صديقة أمنياتي لك ولأسرتك بعام سعيد وراحة بال وسلام
Quote: ست النفر البلولة جرقندى |
وجدتني أضحك ملئ شدقي بأن يقوم سيدنا بكري قدس الله سره بأن يعطيك مكتبة وبالإسم المقترح مكتبة ست النفر البلولة جرقندى
وتقووووووووووووووووووم تظهر عضوة في المنبر يكون إسمها الحقيقي ( ست النفر البلولة جرقندى ) نبقى في مشكلة تانية
____________
في زمان مضى نقل أحد ( ملاحظي المباني ) بشركة كبيرة لتنفيذ مشروع من مشاريع الشركة في أحد أقاليم السودان التي تميزت أسماء مواطنيها بـ ( الغرابة الشديدة ) .... غرابة على الأقل في نظر صاحبنا الزهجان من النقلية كان النظام أن يأتي العمال صباحاً للمشروع ويكون ( ملاحظ المباني ) ممسكاً بـ ( كروت ) العمال وينده أسماءهم واحداً واحداً ويجيب من يسمع إسمه ( أفندم ) ويدخل لسوح المشروع نده صاحبنا في يومه الأول الأسماء - زعل كتير ولدهشة صاحبنا رد أحد العمال أفندم........ وتقدم منه واستلم كرته ودخل واصل صاحبنا وهو غير مصدق - نوم مافي وازدادت دهشة صاحبنا إذ رد أحد العمال أفندم........ وتقدم منه واستلم كرته ودخل - جري شديد وازدادت دهشة صاحبنا إذ رد أحد العمال أفندم........ وتقدم منه واستلم كرته ودخل
وهنا فقد صاحبنا أعصابه وقذف بالكروت أرضاً وصاح
- ملعون أبو دي شغلانية
وكانت المفاجأة التي لم بتحملها أن رد أحد العمال
أفندم........ وتقدم منه لاسنلام كرته ليدخل لسوح المشروع
أنقري صاحبنا ما جاء راجع في نفس اليوم ؟؟؟؟؟؟
| |
|
|
|
|
|
|
Re: مبروك.....مكتبة smart_ana2001 ...ست النفر البلولة جرقندى (Re: عاطف عمر)
|
Quote: * تعالي النأجر ليك مكتبي، اصلو بكري اداني ليها لا إيدي لا كراعي، ومرّه كل خمسة ارشفات قاعده اتذكرها.. |
اهو كويس كده ...جبتي لينا الكلام !!!
Quote: بقولها ليك بي عقل مفلّس وقلب متعاطف |
عقل مفلس و قلب متعاطف دي
ذكرتني عمك حق Iron Chef
لما بقول :
with an Open Heart and an Empty Stomach __________________________________________ بعدين ياخ المكتبات دي عباره عن ( ارشيف ) لتسهيل عملية الاقتباس
لما العضو يكون داير ( يقبض ) ليهو عضو آخر بالثابته ... ( مش ده الحاصل )
غير كده ... زى ما قالت ليك مريم ... بتلم تراب ساكت ...
| |
|
|
|
|
|
|
Re: مبروك.....مكتبة smart_ana2001 ...ست النفر البلولة جرقندى (Re: يحي قباني)
|
كوستاوي، شنو يا فردة؟؟؟ خليك محضر خير. انا عارفاك، انت اللي محرش علي أب صلعة. قلت ليه ست النفر دي طابور!!! علي العموم، كل سنة و انت طيب!
دينق، كل سنة و انت طيب. السنة الجاية عريس. ممكن العروس تقصر لسانك شوية. اسمع، انا ادفع كم مرة؟؟؟ قبل شهر موش قبضتا 500 دولار بالتمام و الكمال. و في الكرسماس رسلتا ليك البتاعة؟؟؟؟ بقيت ذي القطط، تأكل و تنكر !!!! @-@
محمد ابو الريش، كل سنة و انت طيب. الله يبارك فيك. انت اللي فيهم، زول فيهم قال مبروك ما في. جو يضحكو علي. اهي، اهي، اهي.
وضاح، كل سنة و انت طيب. فكرة و الله. شكرًا جزيلا. Will do
سلامات مستر قباني. كل سنة و انت طيب. ربنا يديم طولة اللسان و الشناف!! بكري ابو بكر من زمان ما شغال بالنكرات أمثالي! لازم الزول يكتب اسمه لحدي سيدنا آدم ( عليه السلام) بعدين يدوه مكتبة. بالجد كده، البوست بتاع المسلسلات ده انا كتبته قبل موضوع سوريا يبقي بالبشاعة الحاصلة الان. و مستحيل اكتب حاجة ذي دي الان. ربنا يصلح الحال في سوريا و ينعم أهلها بالسلام. و ربنا يصلح الحال و يهدي النفوس في دولة جنوب السودان و ينعم أهلها بالأمان. يا رب.
سلامات ود البشرى. و انت و الاسرة بألف خير. ربنا يخلي الأولاد و يوفقهم و ينجحهم. شكرًا يا ود البشرى. الله يعمر مكتبتك و يعلي مراتبك. ^_^
محمد يوسف زين. كل سنة و انت طيب. احنا ناس ما بنحلم بس. @_@. احنا ناس عمل. بكري يقول ما في مكتبة، ما بستسلم. بعمل ذي البوست دي و اتلويق في بكري لحدي ما يطردني او يعمل لي مكتبة لو طردني- طبعا- ح اعتذر علي اللياقة :(
مريوم، كل سنة و انتي طيبة. كتر خيرك و بارك الله فيك. موش كده بالله. انا متأكدة ان اسمارت معروفة الف مرة اكتر من ست النفر. ايام الانتخابات الامريكية الفاتت، زوجي اندهش لما لقي مقال في سودانايل عن الموضوع و ورد فيه اسمي ( اسمارت). كدي خلصي الدكتوراه، و ح تجي تقلعي مكتبتك!!! بالمناسبة، ألتون براون، من اظرف الشخصيات التلفزيونية علي الإطلاق. I am big fan
سلامات بشمهندس عاطف. و كل سنة و انت و الاسرة بألف خير. ما أظن الدنيا دي يكون فيها ست النفر البلولة جرقندي غيري. لكن لو في، انا مستعدة أتنازل ليها عن المكتبة و فوقيها كل المشاكل و العداوات اللي عملتها هنا. تعرف الناس اللي بتكون عنها اسماء مدهشة كده - غالبا- بيكون عندهم اسماء اخري.
| |
|
|
|
|
|
|
Re: مبروك.....مكتبة smart_ana2001 ...ست النفر البلولة جرقندى (Re: مريم بنت الحسين)
|
Quote: ما هو لازم نوري القيمة الاقتصادية لتأجير المكتبة، فك الفلس.... بعدين انت يا عمو قباني ما زرتني في تجربتي بتاعت البحث رغم النداء الخاص الرسلتو، غايتو لو ما مشيت بهناك تاني كان عندك شنو داك ما بنجيك... لا انا لا نادر... وما تقول لي نادر دخلو شنو |
عليك الله كان بتقدري تشوفي اسماء الناس الاشتركو
كدي شوفي اسمي ...
كان لقيتيهو مافي ... بعدين نتفاهم ....
يعني لازم ادق طار يا بتنا !!! ______________________
| |
|
|
|
|
|
|
Re: مبروك.....مكتبة smart_ana2001 ...ست النفر البلولة جرقندى (Re: smart_ana2001)
|
Nazir Hijazi من ناس الفيسبوك ده بحرر في المديدة يا سمارت... اصلا انت وقت يجبو ليك خبر زي ده، يكون مكتبة حقت فرانكلي كمان!! عليك الله فرانكلي بوستاتو دي دايره ليها مكتبه.. :)...
عشان احتمال 0.01% انه فرانكلي يكون متابع البوست ده.... فرانكلي معليش نغيظك شويه كده، لكن مغيوظة منك الايام دي والله في فقع المرارة البتعمل فيه ده!
| |
|
|
|
|
|
|
|