|
|
 المتعافى يشرد 20 عاملا
|
قصة شاهدتها وعايشتها بنفسى
....
إبن عماً لينا كان فاتح مطعم كبير قطع الظلط من جامعة افريقيا العالمية
المطعم دا ما شاء الله
من الصباح فطور عالم مزدحم
الغداء الناس ما تديك الدرب
العشاء الناس تلقاها متجمهرة
طلبة من جميع انحاء العالم
قوة شرائية عالية
بزينس ناجح صاحب المطعم مبسوووط وعماله مبسوطين 24 قيراط
وعمال مابين دوام الصباح و دوام المساء حوالى العشرين
قوووم يا المتعافى يعجبه حال البزينس فى المنطقة ويسيل لعابه
دا حال الكيزان اصلا حاسدين
ومضرين ياخى
منطقة لقطة لا تعوض
وقتها كان والياً للخرطوم
على طول ومن خلال مجموعة شركاته الكتيرة مشى جاب ليه سيارات مطاعم متحركة من بلداً اوربية
سيارات حديثة للساندوتشات ألَّلات الفاست فوود
ويجيبن يختهن قدام المطعم الناجح دا
عربات سمحة مجهزة بطريقة حديثة عمال تلاتة لابسين ينفورمات سمحة والكاب كيف كيف ما عارف
من المطاعم المتحركة دى من جوة يشبهن الـ Burger King و الـ McDonald's
وسندوتشات سممممحة ورخيساااات
وليه ما يكونن رخيسات؟
لا ضرائب لا جمارك لا نفايات ولا رسوم ترخيص
لا جبايات لا مسئولا ً يقدر يقرب من العربيات السمحات ديل
وزولنا الـود عماً لينا دا المسيكين كل مرة ناطى ليه مسعول سعران
رسرم صحة
ورسوم قحة
ورسوم نفايات نووية
وضرائب وزرايب
ورسوم عدد الكراسى
وحجم المكان
ورسوم استهلاك هواء
ورسورم لعدد الكدايس البتسترزق بالليل من بعض مرتادى المطعم الكرماء
ورسوم ازعاج
ورسوم كونه فاتح جمب جامعة كبيرة وخطيرة
وفوق لى دا كللللو يجى المتعافى ومن مافى
يجى يفتح جمبو حاجة جديدة تدهش الطلبة العالميين
ويمشوا يقيفوا بالصف الطويل جدا قدام العربات السمحات ام سندوتشات رخيسات
قصااااد باب المطعم بتاع ود عمنا
وقوم ياود عمنا افقد كمية ضخمة من الزباين
قال حرَّم عِلا يجارى المتعافى
قال اصلا رمضان قرَّب
قام قفَّل المحل
قال يعمل Remodeling
قال احسن يقلب المحل كافتيريا بدل مطعم
كسرك كسرك
فرتقك فرتقك
خسر الملايين والملايين
كل تعب الشهور اللى فاتت بل تعب اكتر من سنة
شيئ مرايات وشيئ دلايات ونضرة الوان
بين بخور يغازل نضرة حيطان
وجمال وروعة
لكن دون فايدة
المتعافى قوى خلااااس
وسندوتشاته ما تتنافس
وابن عمنا بعد الخسائر الفادحة قفل المحل
وبعد شويتين سافر اغترب تااااانى فى السعودية
وعشرين من العمال اتشردوا
وعشرين بيت اتجهجهوا
مقابل اربعة انفار ول خمسة شغالين فى عربات المتعافى
السيد الوالى بدل مما يقلل نسبة العطالة فى الولاية اللى بيسأله منها الله يوم الحساب
يشرد العمال ويساهم فى ازدياد العطالة
وهذا من نتائج استغلال النفوذ للمصلحة الخاصة
وهذا تدمير قليل من تدمير اعظم تسبب فيه المتعافى الذى حطم عافية البلد هو وشلة عصابتهم الكيزانية
|
|
 
|
|
|
|
|
|
|
|
Re: المتعافى يشرد 20 عاملا (Re: محمد النيل)
|
سلام عليكم ود النيّل
نظرت للموضوع من زاوية تانية لقيت فيه انو الطلاّب توفّرت ليهم وجبات جيّدة ورخيصة و دي حاجة ايجابيّة
و خمسة أو أربعة عمّال توفّرت لهم فرص عمل ودي برضو حاجة ايجابية
مسألة المنافسة ما في زول بقدر يقول فيها حاجة سوى حتة انعدام العدالة زي ما تفضّلت بقلة أو انعدام الرسوم المفروضة على استثمار المتعافي مقابل كثرتها وتعقيدها على منافسيه (إن صحّ ذلك)
سوى ذلك الموضوع في رأيي لا غبار عليه
| |
|
|
|
|
|
|
|
|
Re: المتعافى يشرد 20 عاملا (Re: محمد البشرى الخضر)
|
محمد النيل .... شايفك مركب مكنة حبيبنا عزّام فرح من خلال لغة البوست دا ... لغة حبايبنا اهل العوض (:
------------------------------------------------------------------------------------------------
الكيزان حاسدين و طباعهم غير بقية السودانيين دي ما فيها كلام ... و انشاءالله اذا امد الله في الاجل سوف احكي عن قصتي في البزنس معهم في ماليزيا و ما فعلوه معي لاحقا
| |
|
|
|
|
|
|
|
|
|
Re: المتعافى يشرد 20 عاملا (Re: مازن فيصل هلال)
|
الأخ محمد النيل, مع إحترامي لكلامك ورأيك لكن مع الآسف معظم المستثمرين في السودان مع عندهم سياسة تطوير أعمالهم بطريقة تنافسية, وخاصة في المطاعم, معظم مطاعمنا ######انة وما بنسعى لتطويرها, الواحد من ما يفتح مطعم تاني ما بفكر يعمل صيانة خالص للمبنيى وتلاقي الاواني قديمة, والجرسونات لابسين مرايل ######انة جدا, في مرة من المرات ذهبت إلي مطعم في الخرطوم , الجرسون مسح السكين في مريلته المتشبعة بالأوساخ وعلى طول إتستخدمها في قطع الرغيف, أنا على طول خرجت من المطعم.
الكلام ده ما معناهو مطعم ود عمك ده ######ان, لكن أكيد ما سعى لتطوير المطعم بطريقة يحميه من المنافسة
| |
|
|
|
|
|
|
|
|
|
Re: المتعافى يشرد 20 عاملا (Re: خالد عبد الله محمود)
|
الغرض من البوست ليس تمجيد المتعافى
ومن يعتقد ان فعلة المتعافى هذه تعتبر نقطة ايجابية له عليه ان يراجع نفسه
اولا يجب ان تعلموا ان رجل السلطة عليه الابتعاد عن العمل التجارى
وان سلطته تعطيه قوة اقتصادية غير عادلة
وغير متاحة للمواطن العادى مثل إبن عمى
فلو كان المواطن العادى يتمتع باسهيلات
ومنهم إبن عمى لو كانت له تسهيلات متساوية مثل التسهيلات التى يجدها المتعافى كان اتى بمثل عربات المتعافى واحتمال احسن منها
المتعافى لو كان عايش فقط بمرتبه كوالى ما كان ح يقدر يشترى عربات فاخرة ومكلفة زى اللى أتى بيهم
ابن عمى لو عفوه من الضرائب والجبايات مثلما يعفى منه المتعافى سعر طعامه كان سينافس اسعار المتعافى
.....
واما للذين يقولون ان المتعافى شغل ناس وخلق وظائف اقول لهم انتوا ناس ما بتفهموا فى الاقتصاد
المطعم تبع إبن عمى كان مشغل 20 عامل
ما سك عشرين بيت
المتعافى شغل 3 او خمسة تنفار يعنى عمل على تعطيل 17 او 15 عامل
مالكم كيف تحكمون؟؟؟
........
اللى بيهمنا فى الامر
هو ان نستخلص من الموضوع عدة اشياء
1- كان على الدولة او الولاية المتمثلة فى شخص المتعافى ان تخلق الوظائف وتقليل نسبة العطالة ولكنه قطع الارزاق وشرد العمال
2- على الدولة ألا تمارس التجارة وهذا من ابحديات علم الاقتصاد
ولكن حكومة الكيزان متمثلة فى المتعافى والف مثله مارست التجارة وضايقت المواطنين..
3- المتعافى لو كان مكتفياً براتبه لما استطاع ان يمتلك مجموعات ضخمة من الشركات هو واسرته واقاربه ومعارفه
اذاً انه يسرق الدولة
لاحول ولا قوة
لابن عمى
ولا للدولة المسكينة
الا بالله العلى العظيم
| |
|
|
|
|
|
|
|
|
|
Re: المتعافى يشرد 20 عاملا (Re: محمد النيل)
|
شيل من الحكاية المتعافي, قل أن مواطنا عاديا كصاحب المطعم هم من استثمر في هذه العربات
هل يخرج الموضوع عن كونه منافسة تجارية عادية أتت في النهاية في صالح المستهلك بحصوله على خدمات جيدة و رخيصة؟
| |
|
|
|
|
|
|
|
|
|
Re: المتعافى يشرد 20 عاملا (Re: عمار يس النور)
|
Quote: كيشة.
هسع تمشي تفتش و تبحث عن السيارات دي و عن صاحب البزنس ما تجد اي اثر للمتعافي. |
اخ عمار المتعافى ما كيشة
لكن لانو وجد ناس كيشة عديل عامل مجموعة شركات مسميها مجموعةMAM
وهذه السيارات تابعة ليها
لانه قطاع كبير من الناس كيشة وهو عارفهم ما ح يتكلموا
ولانه عارف قطاع كبير من الناس كيشة ح يدافع عنه
ولانه عارف قطاع كبير كيشة من الناس ما عارفين انه تدخل موظفى الدولة فى التجارة عمل يخالف القانون وضد القانون
لانه عارف كمية من الناس الكيشة ما فاهمين حق الشعب شنو وحدود الحكومة شنو
رئيس الدولة والوزراء حقهم المرتب وبس والبدلات.
وعدم استغلال الوظيفة الحكومية فى التجارة او المصالح الخاصة الشخصية.
وما سياسة التمكين التى فتحت ابواب الفساد الا جزء من ذلك الاختراق للقانون الفاضح الواضح
وقطاع كبير من الناس الكيشة ما فاهمين الحتة دى
المتعافى ما كيشة
ان شاء الله بس تكون عرفت الكيشة منو؟؟؟؟
| |
|
|
|
|
|
|
|
|
|
Re: المتعافى يشرد 20 عاملا (Re: محمد النيل)
|
Quote:
1 تعليقات
Login to Facebook to Post a Comment
Ahmad M A Salih
المنافسة غير عادلة هنا، لانه لو كانت المنافسة هو عرض السلعة والتنافس على الجودة والخدمة لقلنا نعم، لكن ان تفتح مطاعم ارخض وتضيق على الطرف الاخر بشتى الطرق لتجعله يغادر المكان مستغلاً منصبك فهذا عين الظلم
الإثنين في 08:15 مساءً |
من تعليقات الفيسبوك ادنى الصفحة
| |
|
|
|
|
|
|
| |
محمد النيل
محمد البشرى الخضر
aosman
خالد عبد الله محمود
عمار يس النور
cantona_1
فيس بوك
تويتر
انستقرام
يوتيوب
بنتيريست