|
|
 مناضلي الكي بورد و الرماديون
|
مناضلي الكي بورد
و
الرماديون
تردد المصطلحان كثيرا هنا , وعجزت حقيقة عن تبيان معناهما
فياريت والله واحد يفيدني عن المعني المقصود
جد والله
|
|
 
|
|
|
|
|
|
|
|
Re: مناضلي الكي بورد و الرماديون (Re: Ahmed musa)
|
شكرا احمد موسي
وكتر خيرك والله كتير
كويس الما بتلقو إلا في السايبر ده بشمل الناس البتدافع عن الحكومة و البتهاجم الحكومة برضو ? يعني في مهاجمين للحكومة داخل النت بس ,, وفي مدافعين عن الحكومة داخل النت بس
وأكيد يا اخي هذا ليس ردا علي قولك بل استزداده ممن له زياده تعريف
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
وهل المواقق واضحة وضوح الابيض ناصع البياض والاسود غامق الرؤية ?
بمعني
هل الحقيقة لها وجها واحدا يمكن تمييزه بسهوله لكل شخص , ام ان الحقيقة تعتمد علي مكان وقوفك منها ?
وهل يمكن لأكثر من واحد ان ير ذات الحقيقة ولكن من زاوية نظر مختلفة ?
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
هو ياخي نحن عارفين حاجة ، ماهو شايفين بلد مبهدل ومسروق وكل يوم ماكولة منو حتة ،،والناس لا لاقية اكل لا شراب ،لا علاج لا تعليم،،وبلد خيراتو كيمان...
ولا بنعرف سياسة ولانا سياسين ،بس بنعرف انو حالنا بقي مرمد ، خلي ناس السياسة يشرحو ليك ،نحن ما دايرين نعرف اكتر من العايشنو.
| |
|
|
|
|
|
|
|
|
|
Re: مناضلي الكي بورد و الرماديون (Re: أيمن محمود)
|
مرحبا عبدالعزيز
وطن بنهار كل يوم ,, وكل يوم بموت فيهو واحد بسبب عبثي ومخجل , وتشرق شمس كل يوم ونحن بنعيش ظروف اسوأ من سابقتها وبنخشي من بكرة
وبعد الفقر والمستقبل المظلم لغالبية الشعب في ناس امورها مرتبة وبتعاني من ضجر التخمة
و
رغما عن كل ذلك نحن ماسكين في رقاب بعض ,, انت طوربيد ولا رمادي ولا خاتف لونين
بدل نناقش مشاكلنا العويصة دي وكيف نمرق منها , بنفكر كيف نتهم ونسئ لبعضنا او ندافع عن نفسنا
القصد
اشوف هل التعابير دي نبذ ولا توصيف حالة دون تقدير اخلاقي ولا شهوة نبذ بس وتجريح
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالعزيز عثمان)
|
يا ابوسن سلام من الله يغشاك
وانشاء الله ما يغشاك شر
(معارضو الكيبورد) وصفة اختلقوها الكيزان واعوانهم الامنجية
للتبخيس من من هم يردعون النظام بالكتابة النقدية اللازعة علي صفحات الشبكة العنكبوتية ..
ويساهمون بذلك في توعية المجتمع بكشفهم للفساد والاستبداد القائم
(الرمادييون) هم اولئك الذين لا مبدأ ثابت لهم ..
تجدهم اليوم في صف المعارضة وغداً في صف النظام وبعد غداً في صف الرغيف!
الاخيرة اضفتها من عندي هههههه
من الصعوبة ان تعرف جيداً في اي اتجاه هم مصوبون!!
(الطوربيدات) هم الغواصات !!
اي باختصار الخونة .. تجدهم مندسين هنا وهناك
قصرت معاك؟؟
معك السلامة
| |
|
|
|
|
|
|
|
|
|
Re: مناضلي الكي بورد و الرماديون (Re: محمود على)
|
الزول الرمادي دا يا أب سن
زول مية المية
زول لعاب وحريف جداً
أما الطوربيد دا أنصحك لوجه الله أبعد منو وغنيلو
لأنو لو انطلق عليك البورد دا كلو ببقى ليك رمادي
بي حق بي باطل بسود يومك
اللهم أكفنا شر الطرابيد ما ظهر منها وما بطن
| |
|
|
|
|
|
|
|
|
|
Re: مناضلي الكي بورد و الرماديون (Re: بدرالدين بابكر مصطفى)
|
الحبيب ود ابسن اسعد الله صباحك
الرمادي والضوربيد ومناضل الكيبورد ديل
ظنيتن زي الطابور الخامس
لاهن معروفات شكرة ولا نبذة
وزي ماقال (سيدي الحسيب الاديب الاريب رئيس الوزراء المخلوع الامام الحبيب الصادق المهدي)
كل زول عاجبو الصارو
| |
|
|
|
|
|
|
|
|
|
Re: مناضلي الكي بورد و الرماديون (Re: بدرالدين بابكر مصطفى)
|
وعليكم السلام ورحمة الله تعالي وبركاته
مرحبا محمود علي
آمين الله يكفنا واياكم الشر ما بطن منه وما ظهر
مناضلي الكي بورد طيب ومالو ! ماهو ما شايل بندقية ,, وهو وصف مشرف انو بيناضل بي رايو وفكرو ,, ومناضلي الفكر والراي مهدوا لهذا العالم ان يكون افضل
طيب ماهم بردوا عليه بالكي بورد نسميهم شنو ? مدافعي الكي بورد ?
في تقديري مناضل كي بورد ليست اساءة ومن يحسبها كذلك يعاني خللا في الفهم
الرمادي دي دايرة مراجعة
والله والله اول مرة اعرف طوربيد يعني خاين ! اعوذو بالله من الخوان والخاين والخاين الله بخونو
ماقصرت تب ان شاء الله ما يقصرن ايامك
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
الأخ الفاضل \ ابو سن
تحياتي ليك ولضيوفك الكرام.
Quote:
(معارضو الكيبورد) وصفة اختلقوها الكيزان واعوانهم الامنجية
للتبخيس من من هم يردعون النظام بالكتابة النقدية اللازعة علي صفحات الشبكة العنكبوتية ..
ويساهمون بذلك في توعية المجتمع بكشفهم للفساد والاستبداد القائم
|
| |
|
|
|
|
|
|
|
|
|
Re: مناضلي الكي بورد و الرماديون (Re: مني عمسيب)
|
هي لكن يا بدر لعاب كيف ? يعني فريقين وهو قاعد في النص مره يشوت لي ده ومره لي داك ولا كيف ,,, ما لازمن يشوت ولا يكون ماسك الكورة ومقرشها عندو ,,,
طيب معناتو كده هو لاعب ضد اتنين وبي كده ماحريف لأنو كتر اعداءهو
ههههه
لا الطوربيد ده حاجة كعبه ,,, آ نسيت اسأل قبيل هو خاين لمصلحة منو ?
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
صباحك نور الجنيد ياخ
هههههه
الصاريهو ده امكن دييب وانت ما جايب خبر
آي والله تعاين ليها كده ما تعرفها شكره ولا نبذه
ماكلنا شايلين كي بورد ياخ , في واحد فينا شايل بندقيه جوه السايبر ده ? إلا نكون جوه ماتركس !
قال ليهو
امي لاقت امك في الاندايه
قال ليهو
امي خليها , امك الوداها شنو
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مناضلين الكيبورد
ديل ناس مشو الغرب لاجئين وفي حياتهم ما كانوا جزء من الحراك السياسي في السودان
لقو البورد وبقو يناضلو نضال مراكبية يحرضو على ثورات هم ما جزء
يعني نضال حلو وظريف لا بوجع كراع لا ب###### يدين ولا بسجنهم ويحلل اللجوء البقى قبل النضال
الرماديين
ديل لانهم رفضو ما يقوم به المناضلين ديل قامو مناضلين الكبورد سموهم كدا
وهم ناس عندهم اخلاق عالية ومثل عليا
الطوربيدات
ديل دخلو النضال من ابواب الاعراض ونشر الاكاذيب ضد كل من يصحح اكاذيبهم او يرفضها.
وبيهم دخل النضال السوداني غرف النوم .
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحبا نجاة
وحبابك
اهو انتي جبتي تعريف مختلف وديبيتبل
حق النضال ده البديهو من للزول ? يعني نفترض اني ما كان عندي موقف سابقا هل ده بيعني اكون كده طوالي وما اغير فهمي ?
طيب لو غيرتو هل المحك ما قلته ولا يقولو لي لا انت ما تتكلم لأنك قبل كده كنت ساكت ? ومعروف انو البني آدم عرضة للتغيير
الرمادي ده يعني مناضل في ارض الواقع ?
والله يا خيه النضال او غير النضال البخش غرف نوم الآمنين ما حبابو
| |
|
|
|
|
|
|
|
|
|
Re: مناضلي الكي بورد و الرماديون (Re: محمد البشرى الخضر)
|
مرحبا ود البشري
وحبابك
اها وقعت لي في المربوطه حقتي ,,, شكرا ليك والله
يعني ناسك العميانين ديل كلهم اخير منهم اعور واحد , اها ديل كلهم صاح وكلهم غلط ! وزول هبش بي يدو ما بتغالت ليك ! لكنو عجز عن انو يفهم هو ما هبش كل سطح الفيل وممكن المكان الهبشو يختلف توتالي عن المكان الما وصلو
تشكر ياخ ولسؤ النت عجزت عن فتح روابطك
اما عن مناضل كي بورد و طوربيد فلم تشف غليلي وعجزت لقصر فهمي عن استيعابك
لك جزيل شكري وتقديري
ومعا من اجل ان تصبح الاشياء واضحة وجليه اقلاها في نسبيتها
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
| Quote: هي لكن يا بدر لعاب كيف ? |
الزول دا بقيف يكشف
يشوف المهزوم منو
بعدين يدخل ضدو طوالي
وبي كدا بيضمن إنو كسبان
وكمان أزيدك لو اتغيرت الظروف والمهزوم دا حول هزيمته لي انتصار
فهو أوتوماتيكلي بكون غير معاه
ولن يعدم حيلة في تبرير موقفه
يعني كسبان كسبان
بس انتبه أوعك من تقع في إيد طوربيد يطير أباليسك
والله يمرق لك مصايب في الحلم ما تحلم بها
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
ود ابوسن سلام
قبل ما بدا احي مواضيعك التي دائما ما تخج الواقع المسكوت عنه ..
واجيب لك الموضوع من بعيد شوية ..
بصورة عامة الاسلاميين واليساريين يعتقدون ان الشعب السوداني ينقسم اربعة اقسام رئيسية اثنين منهم سياسية والاثنين الاخرين رياضية ..
سيساسيا اما يساريا او اسلاميا .. وهذا التفسير سمعته بأذني في ندوة للصحفي الراحل محمد طه محمد احمد ايام كنا طلاب بجامعة الجزيرة ..
وقال ان الصراع السياسي حتى داخل الاحزاب الاخرى هو صراع بين الشيوعيين والاسلاميين ..
والصراع الرياضي هو بين الهلال والمريخ حتى داخل الاندية الاخرى ..
لذلك اصبح ضمنيا كل من يفتح خيطا يعارض النظام الحاكم هو سيصنف يساريا من قبل النظام واتباعه حتى لو حشد كل زخيرته بنصوص من القرآن والسنة ..
والعكس صحيحا ..بالنسبة للمعارضة ..
التقييم السياسي عندنا يفتقر الى ما يعرف بسياسة المواقف ... بمعنى اصبح لزاما على المعارض ان يعارض على كل شئ حتى لو كانت هنالك ايجابيات ولو على قلتها وعلتها ..
وكذلك التأييد يجب ان يكون مطلقا واعمى لاتباع النظام ..
محاولة تبني سياسة المواقف هي التي ادت لما عرف بالرماديين بمعنى تارة معارضا واخرى مؤيدا ...
| |
|
|
|
|
|
|
|
|
|
Re: مناضلي الكي بورد و الرماديون (Re: محمد مجيدو)
|
تحية...
جريا علي منوال شرح المشروح ندلو بدلونا تحت كل الظروف..
مناضلي الكي بورد هم طائفة من الناس تحسن(الضرب) علي الحروف
اما الرماديون فهم الذين يتعاملون مع الحروف مثل امساكهم بالخروف .
ولك التحايا خالية من الظن وهو اكذب الحديث..
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحب درديري
وكيفك
تعرف مشكلة الاخوان الاساسيه انها قامت في الاربعينات مع تنامي الحس الوطني والاستقلالي , وقامت فقط لمناهضة المد الشيوعي في العالم العربي مدعومة من الاستعمار الانجليزي والتركي آنذاك
ولم تفارق ذلك الهدف حتي الآن رغما عن تطور الحياة السياسية والاجتماعية
وكلامك صحيح لحد ما فنقد اي مجموعة يحسب من مدي تباعدها او تقاربها مع الشيوعيين او الاخوان
بما ان السلطة الآن { بتغير موقفها الحالي } سلطة اتي بها الاخوان فيبقي كل من يدأفع عنها اخو مسلم مستتر او ظاهر ,, حتي زعامات الاحزاب الطائفيه
هذه السلطة افرغت كل المضامين الانسانية الراقية من محتواها حتي درجة جمعيات الاحياء الطوعية وألحقتها بها وافسدتها وجعلتها كيان سياسي تابع لها وفاسد
فساء ظن الناس بكل ماتنادي به السلطة او تفعله ولهم الحق بحكم التجربة المريرة , فما ابتدرت الحكومة مبادرة إلا بحث الناس عن فساد غايتها , فلزمت المعارضة المعارضة المطلقة
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحبا مجيدو
ضيقت هذه السلطة الدنيا علي شعبها , وما عتقت زول ,,, تاجر ,,, طالب ,,, موظف ,,, ست كسرة ,,, صاحب مصنع ,,,, وارث مال ,,,, ما خلت زول ما ضيقت عليهو في معاشو ,,, فهجت الناس وارادت الانصراف من السودان ولو إلي جهنم زاتا
وما عدمت حيلة
لجؤ سياسي
اضطهاد ديني
اضطهاد عرقي
وحتي اضطهاد جنسي كمثليين
المهم تتخارج بس بأي سبب
وبالمناسبة ماكل من خرج صار مناضلا ولاهو فاضي لي نضال ولا نت ,,, الحياة بره اقسي من كده
انا بالجد بحمد لمن خرجوا وقلوبهم علي الوطن ,, برسلوا مصاريف للاهل وبساعدوا وحارقين دمهم في الحوارات
قد نختلف معاهم نحن اهل الداخل في تقديراتهم المتطرفة احيانا , ولكن ليس لأحد حق توزيع صكوك النضال علي الآخرين
اناقش ما يكتب وليس اقرأ نوايا من يكتب
كامل الود
| |
|
|
|
|
|
|
|
|
 Re: مناضلي الكي بورد و الرماديون (Re: عبدالحفيظ ابوسن)
|
Quote:
طيب البحدد الرمادي منو ?
الواقفين بي هنا للنهر ولا الواقفين بي هناك ?
وهل في حد فاصل معروف ومتفق عليه انو ده الخط البقسم الناس لقسمين ? |
الزول المهزوم يا ابو سن هو البي يحدد
لانو بكون عشمان الناس تأذروا علي الحق والباطل
فبقوم طوالي بركب نظارة الوان ويقعد يصنف في الناس
المهم في البوست دا كل المشاركات اجمعت علي انو (كلمة) الطوربيد وصف لشخصية واحدة لم يجروء احد علي ذكر اسمها
اما تعريفها لغوياً (فهي بالونة مليئة بالهواء السخن لا يعلم احد اين تنزل او متي تنفجر ) لذا اعجبني نصح احدهم بان تبعد عن الشر وتغنيلو
كل عام وانت بالف خير يا ابو سن
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
| Quote: في تقديري مناضل كي بورد ليست اساءة ومن يحسبها كذلك يعاني خللا في الفهم |
احييك ابوسن على مجمل البوست .. وياريت تسمح لي بالتعليق على النقطة دي
والتي اختلف معك كليا فيها .. فوصف مناضل كيبورد ونقطة
هي اساءة للموصوف ان كان فعلة يتعدى ذلك .. لان النضال
الحدو النت ده مضر جدا وخادع ولا تستطيع البناء عليه
لتشكيل اي حراك ضد النظام ..بل انه في اكثر الحالات يصب
لصالح النظام نفسه. ده ما بمنع ان المنتديات تكون من وسائل
التعريف والتنسيق دون ان تصبح غاية النضال ..
ما يوصفو بالرماديين ديل انا لحدي حسع ما قدرت احسم امرهم
لكني اعتقد انهم غير موجودين حقيقة ..هم اناس سود وداسنها او بيض
وبرضو داسنها .. لاتوجد منطقة وسطي .. خاصة عندما تكون الامور بكل
هذا الوضوح والذي يلعب الطوربيدات دورا كبيرا فيه لو ما كترو المحلبية :)
| |
|
|
|
|
|
|
|
|
|
Re: مناضلي الكي بورد و الرماديون (Re: osama fadlalla)
|
مرحبا محمد الكامل
وتحية
مما وضح لي ضبابية التعبير , وقدرته علي تحمل الشرح وفقا لموفق الشارح
وحقيقة لم افهم مرماك
فكثيرون يحسنون ضرب الكي بورد ودون ان يتناولوا السياسة مما يخرجهم من تعريف النضال اصلا
وبالضرورة لم افهم امساك الخروف رغما عن تربيتي البدوية وارتباطي بتربية الماشية
كامل الود لك وحسن الظن وجميله
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مناضلين الكي بورد ديل ناس كضابين نجراين ما عندهم موضوع جــبناء تتقمصهم الشجاعة وهم ورى الكي بورد وما عندهم أي قيمة في المجتمع الهم فيه عندما يتوفر بئية مناسبة وبمساعدة مجموعات تانية يتحول المناضل إلى طوربيد وذلك بمساعدة الخبراء ومناضلين الكي بورد ومساعدين الياي وقشاشين الدرب وحملة الدلاليك في زفات الطوربيد وديل أدنى من فئات مناضلي الكي بورد وأماكن تواجدهم دائما في الدول العربية والسعودية خصوصا أما مناضلي الكي بورد فأغلبهم شيوعيين سابقين وأغلب تواجدهم في اروبا وأمريكا صفاتهم إدمان الكحول وأنعدام الغيرة وعدم أحترام الدين ديل الحاجات الممكن تميزهم بيها
الطوربيد ساهلة جداً شوف البسوي فيهو معاوية عبيد وصلاح جادات أبرز طرابيد البورد دا حا تكون عرفت الطرابيد
مافي ناس أسمهم رماديين دا لقب اطلقوه مناضلي الكي بورد والطرابيد على الناس العندهم مبدائية وبقيفوا مع الحق حيثما يكون يعني لو زول غلط على طوربيد أو مناضل هم بقيفوا معاه ويدينوا الزول الاعتدى وعشان الطرابيد والمناضلين ديل شغلتهم هي الغلط والتعدي اطلقوا عليهم اللقب دا بدلا عن لقب أمنجي الاصبح مستهلك وما منه فايدة
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالعزيز حسين عبدالرحيم)
|
عبد الحفيظ ياخوي ...
ما تتعب نفسك ساي ...
كل التفاسير حتجيك حسب هوي من يكتبها ...
فما عليك الا ان تتمسك بمبادءك الراسخه في حب السودان يا حبيبنا ...
_____________________________________________
Quote: انا أتفق مع د. بيان في ذهبت اليه في وصف المناضلين ..
حيث انهم في سبيل حصولهم على ذلك اللجوء ... ثم الاقامه ...
كتبوا في الاستماره انهم معارضو النظام وانه بطش بهم ... والخ والخ ....
ثم نالوا القرين كارد ..والمعونه والتمويل اللازم ...
واها .... من ديك ....صدقوا انهم فعلا مناضلين ... |
مجيدو يا حبيبنا ...
ظلمت ناس كتار خلاس بي تعليقك ده ...
| |
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
| Quote: ولسؤ النت عجزت عن فتح روابطك |
طيب يا ود أبو سن ... هاك الزبدة من كل رابط
Quote: مفهوم رمادي في سودانيز يختلف عن المفهوم العام البتبادر للذهن و ولأن البوست ما للحتة دي ح اتجاوزها
لكن ولأن بضدّها تتعرف الحاجات فنتكلم عن الما رمادي
يا ريت الزملاء المتداخلين كل وحد يدينا فهمو شنو للما رمادي و نشوف
ابدأ ليكم أنا نقاط سريعة ومختصرة عن كيف لا تصنف رماديا في سودانيز اونلاين
اولا تلغي عقلك تماما
تصدّق - او تدعي تصديق - اي تراش يتكب ليك هنا ذمّا في الحكومة أو المعارضة
إدانتك و تضامنك و شجبك تحت مخدّتك لو كنت في البيت و طابيهم في اباطك لو كنت برة, اربعة وعشرين ساعة جاهز للإدانة و الشجب و التضامن ..إلخ
تصطف في احد الفسطاطين بشكل دائم وعلى ضوء فسطاطك الواقف فيه تكون رؤيتك للحق و تعريفك ليه |
Quote: واهم من يظن أن الحياة بدأت في سودانيزاونلاين
وخيالي من يحسبها تنهي به
ومسكين من يظن أن الكتابة يجب أن تكون للآخرين بغرض اثارة اعجابهم و لكي يهزوا رؤوسهم استحسانا |
Quote: مشكلة أن تٌحاسب مش على الكلام القلته بل على ما لم تقله
ومصيبة أن من يحاسبك يجعل من نفسه بنش مارك فيقرأك من زاويته و يفهمك حسب طريقة تفكيره
و الكارثة عندما يرى انه مقاييسه و استاندراته هي الحق كل الحق و ما عداها باطل |
Quote: الكلام دا بعكس الأزمة العايز اتكلم عنها
انا مثلا ما شايف الامور بنفس طريقتك وما شايف الحاجات حكومة Vs معارضة
مواقف و احداث الواحد بقيف منها على حسب تقييمه ليهاو وتحديد خياراته برجع ليه هو فقط
ليه الناس عايزين اي شي يمر أو يعبر على طريقتهم هم و بمقاييسهم هم وإلا يتم الحكم عليه بشكل أو بآخر |
Quote: لاصوت يعلو فوق صوت المعركة - أو على الأصح صوت المعارضة
المطلوب إلغاء العقل و التفكير فقط الهتاف مع الهاتفين
لا تغرد خارج السرب , تغاضى عن الكذبات الصغيرة - أو ما يراه السرب صغيرا
ليس لك الخيار فيما تكتب ولا اين تقف !! |
Quote: ما في حاجة اسمها رماديين بالجمع
في فلان رمادي و علان رمادي و كذا
أهم شي عند الرمادي الإستقلالية وتحمل المسؤولية الفردية عمّا يكتبه و رفضه القاطع لنهج القطيع
تاني اهم شي عند الرمادي هي مقولة سيدي الإمام علي كرّم الله وجهه الحق لا يعرف بالرجال
تالت هام الرمادي ينطلق من خلفية حرة غير مقيدة بايدلوجية أو حزب أو حتى غبينة - يمكن شلة وصداقة إلى حدما , وحتى دي لو أثرت على تقديره للمواقف يبقى رمادي قشرة ساي يا قول البرطوشة
جدير بالذكر ان حديثي اعلاه ليس عن الرمادي على اطلاقه فلا ينبغي لي التحدث باسم غيري, حيديثي اعلاه عن نفسي ابو حتوت فقط :) |
Quote: للاخوان الذين يستنكرون فكرة الرمادية, المعنية هنا - اعني في البورد - ليست الرمادية بمعناها المطلق أي عدم الوضوح او الحياد السلبي
الرمادية كمصطلح بوردي نشأت لتفسير حالة غير مفهومة للمناضلين
كيف زول ما كوز او منتمي للمؤتمر الوطني عديل لكن في نفس الوقت لم يلغ عقله و يشتري اي تراش معروض باسم النضال مهما كان سخيفا ولا يقبله عقل
وعنده الرجال يعرفون بالحق لا العكس
ولماذا يشغل مخه عند قراءة خبر أو مقال ويطالب بمصادر أو يزن الأمور بميزان المنطق و العقل !
لماذا يستقرف الهراء المعروض في صحائف النضال عن زوجات الرئيس مثلا أو عدم قدرته على الإنجاب !
لماذا لا يمرر الكذب و الإفتراء و يسميه بإسمه طالما كان في سبيل النضال!
فا ناس زي ديل احسن مننا في شنو؟ وليه بشوفوا الكذب و البلاهة واحنا بنتعاما عنّها, وبلقوا الجراة وقوّة القلب دي من وين البتخليهم يقيفوا لرموز مناضلي الأسافير في حلقهم و يقولوا ليهم دا كذب ودي عوارة
الناس ديل خلّي بالك كيزان, لا لا ما جاية, طيب شنو؟ خلاص ديل رماديين
ويظنون أن الرمّادية اساءة و منقصة في حين أن اللون الرمادي يستلزم وجود لونين ابيض و أسود
الأسود عرفناه هو من يفعل التالي:
يكذب أو يتعامى عن الكذب, لا خطوط حمراء لديه الأعراض مستباحة و يطاعن و يجبن عن المواجهة, ذو مكاييل متعددة, ظالم و منهك لحقوق الآخرين
بالمواصفات أعلاه كلا المعسكرين أسود و أسود منه :)
فطوبى للرماديين - اينما يكون الحق يكونوا |
أمّا بالنسبة لمناضل و طوربيد إن لم تكف العبارات الإعتراضية ناس ولا مؤاخذة و الله يكرمك هههههههه, فا مسالة الوجه الآخر لعملة الكيزان أكثر من كافية
اخونا محمد حمزة سلام
لا اوافقك في قصة الإجماع على أن طوربيد وصف لشخص واحد وتقاصرت جرأتهم عن ذكره, أنا لا ارى الأمر كذلك
فالطربدة في رأيي هي سلوك ومنهج قائم على عدم الإعتراف بحق الآخر أن يكون مختلفا وله وجهة نظر مستقلة ويجب إسكات صوته بأي طريقة ولا خطوط حمراء هناك , ابتزازه بالحق بالباطل لا يهم المهم اسكاته, و المنهج الطوربيدي ميكافيلي وفي سبيل تحقيق هدفه يمكنه ارتكاب ذات الموبقات التي - يا للسخرية - يهدف لمحاربة مرتكبيها, فالكذب مباح بل مندوب طالما في سبيل القضية, و الإبتزاز و البهتان وغيرها من المثالب كذلك
الحاصل في البورد أن هذا النهج و السلوك منتشر لكن كثيرين يخافون على سمعتهم وصورتهم فيستغلون أمثال معاوية الكذاب ككرت محروق لن يتضرر أكثر مما حدث له في تمرير اجندتهم الخبيثة
| |
|
|
|
|
|
|
|
|
|
Re: مناضلي الكي بورد و الرماديون (Re: محمد البشرى الخضر)
|
مرحبا عبدالعزيز حسين
وحبابك
كدي برد نفسك شوية
هل كل شيوعي خارج الوطن ويكتب في الاسافير معارضا ينطبق عليه وصفك ذلك ?
عموما معاملتهم ك كم واحد اصم ليست جائزة ولا تشبه طبيعة الاشياء , زد علي ذلك فرية معاقرة الخمر للمعارضين صفة قديمة اطلقها حتي النميري علي الامام الهادي المهدي , فقد تم تصوير كؤوس الخمر وقنانيه والملابس النسائية الداخلية وتم عرضها بدور السينماء يوميا قبل بدء الفلم والمناظر
واقول في عناد دوما من الصعب ان تجد سودانيا ملحدا إلحادا كاملا ويستهين بالدين , هذا وفقا لتجربتي ونقاشاتي مع كثر
ولك التحية والتقدير
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحبا يحي
وحبابك
السودان ده حقنا كلنا
وطن واحد موحد ويسع الجميع
والآن هو في بحر لجيا متلاطم الامواج لو ما توزعنا علي جنباته لنحفظ توزانه سيغرق ولن يجد الندم ونحن قبيل شن قلنا
السودان اول
وثالثا
واخيرا
اقبلني لأقبلك
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
ودالبشري
شاكر ليك تكبدك مشاق النسخ واللصق
وكثير مما قلته لا خلاف حوله
لن ألغي عقلي ولن ارهن قلمي لأحد
كنت اردد دوما
الثوري لا يكذب
الخطأ خطأ مهما كان قائله
التعدي علي الآخرين زورا وبهتانا سخيف ويستوجب الوقوف عنده
علي الثوري ان يكون سلاحه نظيفا , ولا ينجر لمستنقعات الخلاف الشخصي الفاجر والبذئ
لا مبرر للكذب ولا مبرر للتعدي
سنقاتل متسلحين بقيم الشعب السوداني
الصدق والثبات والجرأة والرجولة بمفهموها الاخلاقي السوداني
هذا رد دون قامه ردك
فعذرا
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
Quote: السودان ده حقنا كلنا
وطن واحد موحد ويسع الجميع
والآن هو في بحر لجيا متلاطم الامواج لو ما توزعنا علي جنباته لنحفظ توزانه سيغرق ولن يجد الندم ونحن قبيل شن قلنا
السودان اول
وثالثا
واخيرا
اقبلني لأقبلك
|
بالحيل يا أبوسن؛ ولك وللكل تحية وأماني بالخير
(وطن واحد حدادي مدادي محبوب بلا قيدِ أو شرط في تصالح مع نفسه والآخرين)
-----------------------------------
قديما قالوا: "الما عندو محبّة ما عندو الحبّة"!
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
نسيت فئة رابعة ( الجداد الالكتروني) هؤلاء فرقة كونها مكتب الامن واسمها الجهاد الالكتروني وتم نشر تقرير عنهم في قناة الجزيرة
اما بخصوص مناضلي الكيبورد بالجد ظروفهم الخلتهم يوصفوا بهذا الاسم وهي الغربة القسرية عن الوطن وبرغم رغد العيش يقاسموننا همنا في الداخل وثق اذا اي واحد سمحت له الاقامة في الوطن سيكون في مقدمة الثوار ،، وايضا لهم دور بارز في كشف زيف تجار الدين المؤتمرجية الانجاس ،، اما الرماديين هؤلاء هم فئة وسطية الطرح احيانا كتيييرة بكونوا مع المعارضة في حالة استفزاهم موقف من النظام بائن ونفس الشيء الوقت يمكن ان يقفوا مع النظام في حالات على حسب وجهة نظرهم تمس الكيان الكبير الوطن ،،
-------------------
مع تحياتي يا صاحب
| |
|
|
|
|
|
|
|
|
|
Re: مناضلي الكي بورد و الرماديون (Re: علي دفع الله)
|
| Quote: ( الجداد الالكتروني) |
الله يرحم والديك يا علي دفع الله
ويا ابو سن اخوي سيبك من كل الاخرين دولاك وامسك في دي
والله ديل هم اخطر ناس .. وديل هم الخربو أبو أم السودان زاتو
ديل ممكن يشتغلوا اي حاجة من اجل دمار البلد
ديل ممكن يهكروا حسابك .. وممكن يحددوا موقعك الجغرافي من خلال ترصدك وبعد داك يغطسوا حجرك من اجل الدفاع عن النظام
ديل تلقاههم بيشتغلوا امنجية ورباطة بالنهار وجداد الكتروني بالليل !!
الله يسترك من الجداد يا ابو سن
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
يا ود دفع الله
كتيبة الردع الألكتروني توضح العبث والسبهليلية التي تصرف بها اموال الوطن , فالوطن احوج لذلك المال المبذول في غير جدوي نحو ميدان من الصعب السيطرة عليه , فقد اثبت مستخدمي النت وحتي السذج منهم قدرتهم علي تخطي الفلاتر والمواقع المحجوبة , وقدرة المواقع علي مجابهة التهكير , وبل انتبهت سيرفرات تقديم الخدمات للتهكير وساعدت مستخدميها علي استعادة حساباتهم بشروط التأمين المربوطة برقم الهاتف
جعل السايبر الشفافية والنزاهة ضرورة اجبارية
شوكران يا صاحب
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحبا محمود علي
اللهم آمين
تم تهكير حسابي بسودانيز , وأبلغت بكري وقام للأسف بمسح ما لا يقل عن 5 بوستات لي منها
النضال الافتراضي
وكان بوستا هاما في نظري
وبوستا اهم عن والدي
اني حزين
وتم تهكير ايميلي
و استطعت استعادته
وحزنت لهذا المال المبذول في شخصي والذي لا يستحق كل هذا الجهد المبذول
وتمنيت لو وجهت هذه المقدرات لمصلحة الوطن
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
الزول بتاع الفيس بوك التحت دا نموذج لطوربيد كبير
وهو اختلاق الاكاذيب وترويجها على انها حقائق...
اكرر مناضلين الكيبورد ناس غادروا السودان الى جنة موعودة ولقوها جحيم وبدأوا في عمل تفريغ لخيبة املهم بنضال مشوه للوطن.
والاعلاهم صوتا وفكا وكذبا مشوا للمنافي من دول ثالية وما شافو السودان من زمن نميري
تفريغ شحنات خيبة امل.. دا نضال الكيبورد
| |
|
|
|
|
|
|
|
|
|
Re: مناضلي الكي بورد و الرماديون (Re: د.نجاة محمود)
|
من النفاج
مرحبا يوسف باشري
وحبابك
كما ان وصف نجاة كل من خرج من السودان ويكتب ضد هذه السلطة بأنه لاجئ , وتعايرهم بذلك خطأ ,, فأيضا التشكيك في شهادة نجاة خطأ ,
الاتهامات والاتهامات المضادة لن تضيف جديدا ولن تقرب مسافات التفاهم
فلنرد علي ماهو مكتوب فقط ,, ندافع او نعضده
ما ضرنا سوي كيل السباب لبعضنا
شاكرا لك وشاكر للاخت نجاة تداخلكما
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مؤيدو الحكومة ، كيزان وجرادل وأزيار وجداد الكتروني الخ ........................... تلك ما إخترع من مسميات .
معارضو الحكومة ، مناضلي كي بوردات وطوربيدات وو الخ ........... .
هذه أساس التقسيمة ،،، وويل من لا يؤيد الحكومة أو المعارضة ، فيكيليون له الرماد ويطلقون عليه (الرمادي)
هنا إجباري ، يا حكومة يا معارضة ، أو يدوك الكرت الرمادي ,,, شفت كيف قمة الديمقراطية .
| |
|
|
|
|
|
|
|
|
|
Re: مناضلي الكي بورد و الرماديون (Re: محمود على)
|
سلامات
يوجد ناس مناضلة لها تأريخها وتحترم الاخرين وتفهم الديمقراطية وتتقبل الحوار
في مناضلين الكديبورد بيجو يلخبطوا الحوارات ويضعوا كل من يختلف عنهم تحت لافتة كوز واذا اختلف شديد امنجي
عشان يسها هدر دمه اسفريا
كلامي دا حقيقة زول قاعد من زمن النت بقومو بالحطب,,
اي زول بقول اني بدافع عن الحكومة ولا كوزةعليه بان يثبت ذلك ما يكون كلام ساي
يجيب كوت انا بدافع فيه عن الحكومة ويثبت اني كوزة منظمة
اما امنجية دي فقط مثيرة للضحك..
تدوير الاكاذيب ما بيخليها حقيقة واي زول باع وطنه بالرخيص عشان اللجوء نحنا ما بنخليه يلوث النضال الوطني الشريف
الى ان تظهر معارضة محترمة تلعب دور البديل نحنا حنكون شغالين كشف وتنوير..
| |
|
|
|
|
|
|
|
|
|
Re: مناضلي الكي بورد و الرماديون (Re: د.نجاة محمود)
|
التحية للجميع
عاصم ونجاة ومحمود
ومزيدا من التأصيل للمصطلحات
وشكرا محمود
ويبقي السؤال
ماهو الاسم المقابل للمجاهد الالكتروني
و
المناضل الكي بوردي هل يعادل المجاهد الالكتروني
و
هل لزاما علي من كان صامتا داخل الوطن هل يصمت ابد الدهر
و
هل لأحد الحق في توزيع صكوك النضال
و
هل يوجد حياد في النظر لقضية الوطن
| |
|
|
|
|
|
|
|
|
|
Re: مناضلي الكي بورد و الرماديون (Re: د.نجاة محمود)
|
من ه المناضل المضاد؟؟؟؟
منذ سنوات في هذاه المنابر . تنشر اكاذيب كثيرة .. هذه الاكاذيب تنقسم الى قسمين
كذب لخدمة الذات و تكبيرها وهذه لا تهمنا كثيرا.. وكذب سياسي يراد منه مكاسب سياسية بخسة.. وهذا الذي يهمنا..
محاولات يائسة لتزوير التأريخ لأحزاب اليسار
محاولة تبرير وجود ولجؤ سياسي بنشر الكذب الضار
نشر الكذب الضار والمعلومات المغلوطة عن السودان
صنع مناضلين سياسين بالكذب
تبني مواقف بالكذب..وبطولات كاذبة..
المحاولة لتزوير التأريخ هذه دخلنا فيها في مناقشات وصلت لحد شكلات حادة ومازال الحوار مفتوح.. والتأريخ معروف..
محاولة تبرير اللجؤ السياسي بالاكاذيب هذا ضعف انساني ناجم عن تأنيب ضمير
ما علينا..
نشر الكذب الضار والمعلومات المغلوطة عن السودان.. هذا ما يمس اى مواطن سوداني ويجب محاربته بكل الوسائل..وهذا افضل الجهاد المضاد ..
قد ضرب مصنع الشفاء نسبة لمعلومات مغلوطة وكذب ضار من المعارضة.. كانت النتيجة
انعدام الادوية الحيوية من الاسواق ثم ظهورها مستوردة غالية الثمن .. مما اثر على المساكين والفقراء فمات عدد منهم لعدم استطاعته شراء هذه الادوية الغالية بعد ان تنصلت الحكومة من مجانية العلاج0 فصار لسان حال المواطن ضايع معاكم وبلاكم).. وفقد الغرب الثقة في المعارضة السودانية..
كتب مولانا اسماعين يوما ان العباءة الايرانية كانت فرضا يوجب العقاب لمخالفه..
وان صديقته حوكمت سبعة مرات على مخالفتها هذا الامر.. اكيد هذه الصديقة تكون بنت حق الجؤ السياسي على الاضطهاد الواقع على المرأة في السودان.. هذه المعلومة خطأ
كنت في السودان من 1989 الى 1993 لا ارتدي عباءة وكنت احضر للماجستير
في احد المؤسسات التعليمية حيث احضر من شمبات الاراضي الى خلف المركز الافريقي يوميا لم اوقف يوما بواسطة اى شرطي من النظام العام..ولم اكن ارتدي العباءة
بل ملابس عادية..وما قاله اسماعيل وصديقته كذب ..
كتب بكري ابو بكر
ان جثمان المرحوم عدلان قد اختطف من اسرته من قبل رجال الامن.. تبع هذه المعلومة الخاطئةكمية من القصص الغير صحيحة حيث قيل ان زوجته واطفاله روع بهم واخذوا الى جهة غير معلومة.. ثم استغل البعض هذه المعلومة وحددوا من رجل الامن الذى خطف الجثمان..ونزلت كثير من البوستات تلعن الشخص الذى سرق الجثمان وتنادي بفصله..
بعد يوم واحد تبين ان الجثمان لم يخطف من اصله ولكن رفض هؤلاء التصديق
قام تمبس وهو يحسب على المستنيرين بتنزيل مقابلة مع اخ المرحوم.. لم يأخذ بشهادته تلك رغم انه معروف بانه عالي المصداقية ولكن فقط لانه لم يات بما تشتهي السفن..
الان بعد مضي اكثر من 5 اشهر مازال الجماع يستخدمون كلمة اختطاف..
كما تم نشر موضوع عن بنت اسمها زينب قيل ان الكورنكي قد استعبدها تبنت منظمات حقوق الانسان هذه البنت وتم نشر قصتها المفبركة في احد الصحف الشهيرة.. رفع الكورنكي قضية في الصحيفة وكسبها بعد ان تبين كذب البنت وانها عاملة في بيته باجر معلوم.. لم تكذب منظمات حقوق الانسان السودانية هذه القصة بل دعمتها رغم معرفتها بانها كذب ذرا للرماد في عيون الكوز الكورنكي.. الذى لم تنتبه له هذه المنظمات ان مصداقيتها قد ضاعت وان اصحاب القضايا الحقيقين لن يجدوا اى صحيفة تقف معهم
بالفعل فيما بعد قدمت الاخت نور تقريرا عن اطفال مخطوفين ومستعبدين فهل اذا ذهبت نور
بهذه القصة الى اى صحيفة ستتبناها؟ وهكذا فقدنا وسيلة عظيمة ومؤثرة بكذبة ما زال دينق و كودي يتحدثان عن زينب المسكينة التى خطفت وتم بيعها للكورنكي..وهناك فلم الان يصور
هل تبرعت اي جهة ان تكتب الحقيقة.. طبعا لا.. ومن هنا تظهر مصداقية هذه المنظمات العاملة في حقوق الانسان وخطورتها على اصحاب الوجعة الحقيقين...
نأتي لموضوع تراجي
منذ ان حضرت الى المنبر وهى تنشر بوستات تعبر عن رايها وطبعا رأيها لا احد له الحق بمصادرته.. ولكن ان تتبجح بارسال امريكان الى السودان.. ثم انه ليست هناك مشكلة في التعامل اليهود اذا كانوا يخدمون قضية دارفور.. كل هذا نحسبه خيانة للوطن ويجب شجبه بكل حزم..
ولذلك النضال المضاد فرض على كل وطني حتى لا تتحول بلادنا الى عراق أ خرى..
المناضل المضاد يجب ايضا ان يتحلي بالمصداقية و النبل في كفاحه للكذابين الافاكين..
ولا يمس العرض او الشرف لمن يظن انهم مناضلين فجار ودجالين...
وهذا توضيحي لما اسميه بالنضال المضاد؟
اما بعد نتابع الكذبات غير المسئولة التي ينشرها مناضلي الكي بورد..
قبل فترة عند زيارة كونداليزا للسودان اخرجت جهة من جهات دارفور
بيان ارسلت منه نسخ واحدة منها الى البيت الابيض . تشجب الطريقة التي تمت معاملة الوفد المرافق من الصحفين ووردت كلمة التحرش الجنسي..هذا البيان سيصل الى البيت الابيض.. وسيندهش الجماعة لهذا التحرش الجنسي المشجوب الذي لم يسمع به..
وهكذا تفقد دارفور احد القنوات التى كانت تسمعها وتدعمها..
فهل حقا كان هناك تحرش جنسي من جنجويد المراسم الذين كانوا فقط يأدون واجبهم؟
فهل بعد اليوم سيصدق البيت الابيض ان هناك اغتصابات تمت؟
هذه تقودنا الى الفوضى العارمة في هذه التنظيمات التي يجب ان يكون لديها ناطق رسمي واحد لا ينطق الا بما يملى عليه..
مثل هذه الكذبة الضارة يجب ايقافها وكشفها وتعنيف مطلقينها.. وهذا من النضال المضاد
الذى فيه مصلحة لدارفور و للسودان...
ويتبع في كشف الاكاذيب
المناضل المضاد يجب ان يكون وحيدا لا يتبع الى اي جماعة او تنظيم فهو انسان وطني حر.. لان ان تكون مع جماعة تقيد حريتك و تسكت على اشياء لا يحسن السكوت فيها..وبمرور الزمن تتحول الى مناضل كيبوردي آخر اذ ان الخيط رفيع جدا بين مناضل الكيبورد والمناضل المضاد.. والعلاقة مثل علاقة ذبابة الخيل مع الخيل..
وقد يتعرض المناضل المضاد الى كثير من المتاعب من مناضلي الكيبورد..
فيقومون بعمل المستحيل لهد مصداقيته وتشويه اهدافه ووصفه باوصاف قد تصل الى البذاءة..
مثل اشاعة انه امنجي.. وتظهر بوستات تبدوا في ظاهرها عامة ولكن هي جزء من حملة نسف شخصية المناضل المضاد وهد مصداقيته.. مثل انه هاكر او انه في الامن او انه جبهجي.. او حديث يمس العرض و الشرف والانجازات..
وقد يتعارض احيانا مع مناضلي الكيبورد .. مثلا احيانا تجد ان هناك مناضلي كيبورد
يايدونك ويشجعونك عندما تكون ضد فئة معينة ضدهم ولذلك على المناضل المضاد ان يكون" تفتيحة" ويعرف ان هذا المناضل الكبيوردي اذا اتفق معه الان قد يختلف معه
المرة القادمة ولذلك لا تمد اواصر المحبة والصداقة مع اى معسكر و خليك مجرد لنضالك
ومحدد اهدافك بمبدئية ووضوح فلا تتضارب حتى لا تفقد احترام من يتابعونك..
قد تجد ان شخص ما يشكرك في موقف ويقول انك مثال للامانة والصدق والشجاعة في الحق. وذات الشخص في موقف آخر قد يشتمك شتائم شخصية ويذكر مسالب لم يراها من قبل
مثل انك لا تعرف الكتابة وترتكب اخطاء املائية لا يرتكبها طفل وانك تمتلك بيضة واحدة
وانك لا تفهم و غبي .. بعد فترة ينشئ هذا الفرد بورد ويقدم لك الدعوة ان تشترك في بورده
رغم غبائك و عدم معرفتك بالكتابة.. فلذلك كما اسلفنا اياك وان تكون مغفل نافع لأي تجمع..
حدد خطك وسر عليه ولا تحيد.. لان الامر هنا مبدئي ومن اجل غاية سامية الا وهي
الوطن ومصلحته..فلا تخلق علاقات شخصية تفرمل كفاحاك من اجل اعتبارات شخصية
وارفع هذه الابيات شعارا وهي من شهوات الشاعر مريد
شهوة ان تكون الخصومة فى عزها
واضحة
غير مخدوشه بالعناق ال########
فقبلات من لا اود حراشف سردينة
وابتسامته
شعرة فى الحساء
فتجنب ايها المناضل المضاد المجاملات والسكوت عند الحق عندما يمس الامر احد الاصدقاء
او الاقارب لأن الامر امر مبدئي وخالص لاجل الله والوطن..لا يقبل المجاملة والمزاج..
كما لتكسب احترام المتفرجين يجب ان تتحلي بالصبر واحترام الذات.. فلا تأتي بمعلومة كاذبة ويكون الصدق المجرد هو هدفك..واذا اتيت بمعلومة وثبت لك عدم صحتها عليك الاعتذار عنها والمرة القادمة لا تكرر الخطأ توخي الدقة والصدق يجعلك مناضلا مضادا
محترما ومقدرا..
كما في نضالك يجب مراعاة الاعراف والتقاليد للسودان القديم حيث التهذيب واخلاق ولد البلد هي المسيطرة.. فلا تشتم امرأة ولا تدخل الخاص الذي يخص الاسر والعوائل فتضيع قضيتك الاساسية ويتحول المناضل الكي بوردي الى شهيد فتقام له الاعراس والتأبينات
وتنسي قضيته الاساسية وكذبه الضار ونشاطه المشبوه.. ولذلك انتبه تماما الا تقع في أحبولة الخاص فتفسد العام الذى خرجت لأجله...واذا حدث اخرج من هذا المستنقع وعدل
مسارك.. حتى تخلي "خشم الهتيفة ملح ملح".. واستمر في فضح المتاجرين بقضايا الوطن..
يتبع
ورعاك الله ايها المناضل المضاد يجب ان تفرق بين المعارك.. هناك معارك تستحق الخوض ومعارك يجب ان تتجاهلها تمام مهما حمي وطيسها لانها ستغير اتجاهك وتدخلك في "غلاغل" لا طائل منها..
فهناك طرق لتجاهل هذه هذه المعارك الجانبية التى لا طائل منها.. بعد ان تعرف بطلها عليك بالا تفتح اي بوست يكتبه حتى لو ذكر اسمك مثلثا.. تجاهله تمام فأخيرا سيترك المعركة الدون معترك او يبدأ في شتمك وذمك بما يعرف ولا يعرف.. فلا تهتم بذلك ولا تجعله يفت عضدك.. خاصة لو عرفت ان الغرض الاساسي هو تشتيت الانتباه من الموضوع الاساسي...تجاهله ثم تجاهله.. سينتهي الموضوع بهدوء وانت استمر في هدفك في النضال المضاد...هذه المشاكل الجانبية قنابل الدخان و الصوت تأتي دائما من الكوم المعني لتغير مسار النضال الى مواضيع ميتة..ولذلك "لا تدقس" ابدا في الدخول فيها مهما كلفك الامر.. يجب ان تتحلي بالهدوء و الصمت التام اذا امكن وتمشي قدما في نضالك..
يتبع
ما أنا الا مناضل مضاد ومعي بعض الشرفاء..
الذين يكرهون الكلام الكذب والنضال المسيخ..ويفرقون تماما بين
القطية و المرقوت*
فهل فهمت نظرية المناضل المضاد؟
* صرخ منادي لحواء التي كانت تفلح حقلها : يا حوا قطيتك حرقت..
وقفت حوا وقالت كدي عجبني للمرقوت
حوا= المعارضة
القطية = الوطن
المرقوت= ناس الجبهة..
| |
|
|
|
|
|
|
|
|
|
Re: مناضلي الكي بورد و الرماديون (Re: د.نجاة محمود)
|
مرحبا نجاة
وشكرا ليك
كل شوكة بسلوها بي دربها
ضد الكذب ايا كانت مبرراته
ودون استعجال الردود في تكذيب الاخرين او تصديقهم
انا علي قناعة راسخة انو يجب علي الثوري ان لا يكذب ,, والمعارضة طارحة نفسها كبديل فالاوجب ان تفارق سلاح السلطة وهو الكذب ,, ما عارض احد وإلا اتهمته السلطه في اخلاقه وسلوكه ودوافعه وشككت فيه ,, ومانشر خبر وإلا بادرت السلطة بتكذيبه واتهام ناشره
الصدق والموضوعية
لنصدق ولنكن موضوعيين
عيوب واخطاء الحكومة لا تحتاج لأن نكذب لنثبتها فهي اوضح من الشمس في رابعة النهار
مع اكيد التقدير
| |
|
|
|
|
|
|
|
|
|
Re: مناضلي الكي بورد و الرماديون (Re: الامين موسى البشاري)
|
Quote: وبالمناسبة ماكل من خرج صار مناضلا ولاهو فاضي لي نضال ولا نت ,,, الحياة بره اقسي من كده
انا بالجد بحمد لمن خرجوا وقلوبهم علي الوطن ,, برسلوا مصاريف للاهل وبساعدوا وحارقين دمهم في الحوارات
قد نختلف معاهم نحن اهل الداخل في تقديراتهم المتطرفة احيانا , ولكن ليس لأحد حق توزيع صكوك النضال علي الآخرين
اناقش ما يكتب وليس اقرأ نوايا من يكتب
كامل الود |
والتحية لهم وهم يعملون ليل ونهار دون راحة حتي يطعموا ويستروا اسرهم وأسر أخري كثيرة بداخل السودان..
ويتبرعون عندالكوارث في السودان بقدر ما يستطيعون واكثر..ولولا مجهوداتهم لزاد عدد المشردين والمرضي والجوعي
عما هو الآن..
أما بالنسبة للجوء وبشكل عام..لا يوجد إنسان يترك أهله ووطنه وترابه الذي ترعرع عليه ليذهب الي بلاد الغربة فقط لأنها أجمل..
أي إنسان له سبب في خروجه من السودان ..سبب مقنع من وجهة نظره ويتطابق مع النظرة لحقوق الإنسان ..
إضطهاد سياسي ..إجتماعي ثقافي (عرقي-ديني)..وظاهرة اللجوء ظاهرة جديدة بشكلها الجماعي الحالي في السودان
والمثال ظاهرة اللجوء الكبيرة من السودان في خلال الفترة من 1990-حتي الآن...بعضهم يتجح في العمل في مجال تخصصه
وبعضهم يغير مجاله وأكثرهم يعملون في مجالات أقل كثير من قدراتهم حتي يستطيعون مقابلة مصارفهم هنا ومصاريف أهلهم في الوطن..
ننظر لأسباب اللجوء بأشكال مختلفة وتفسيرات مختلفة من وجهة نظرنا كبشر مر بتجارب مختلفة..
كما ننظر الآن لتعريفات الرماديون ومناضلي الكي بورد وغيرها من المصطلحات السودانية في هذا الوطن الاسفيري الذي يجمعنا
بشكل مختلف..بالطبع في كل فئة هناك من هم صادقون ومن هم كذبه..
تحياتي لك ولضيوفك..
...............
| |
|
|
|
|
|
|
|
|
|
Re: مناضلي الكي بورد و الرماديون (Re: عبدالحفيظ ابوسن)
|
مرحبا مني خوجلي
وحبابك
لا خلاف حول قولك في نظر , اتفق معك
والمهاجرين قدموا مساهماتهم نحو الوطن , وهم كأي شريحة من شرائح المجتمع فيهم المناضلون والانتهازيون والفاسدون والداعمون للديكتاتورية طمعا او خوفا او مصلحة
| |
|
|
|
|
|
|
| |
عبدالحفيظ ابوسن
Ahmed musa
عبدالعزيز عثمان
أيمن محمود
محمود على
بدرالدين بابكر مصطفى
الجنيد حمد
مني عمسيب
محمد البشرى الخضر
Hani Arabi Mohamed
محمد مجيدو
محمد الكامل عبد الحليم
محمد حمزة الحسين
osama fadlalla
يحي قباني
BALLAH EL BAKRY
الامين موسى البشاري
علي دفع الله
ولياب
Asim Fageary
Muna Khugali
فيس بوك
تويتر
انستقرام
يوتيوب
بنتيريست