|
Re: (دينا خالد) عمليتها ظاهره ...معقوله صامتك عن احداث الجنوب! (Re: Tragie Mustafa)
|
اه دينا خالد
البوردابيه
ما كان لها ان تصمت!!
لكن دينا خالد السياسيه طبيعي ان تصمت!!
فكل الناس و حتي العاملين عضوية حركات خائيفين انه اي كلمه تحسب علي احزابهم و حركاتهم
لكن الناس الخاءفين علي مناصبهم......صمتوا......
اه انت يا بت امي ما كنت عامله هنا انك مستقله
وبتاعت و نسه وضحك ساي
لكن مافي موضوع سياسي سكتي عنه
حتي وثيقة قوي الاجماع بتاعت البديل الديمقراطي دافعتي عنها!!
و الفجر الجديد دافعتي عنه!!
اها يا بت امي الجنوب كله يولع ويقيف العالم كله علي فت رجل و انت ساكته؟!
قادر الله!!
كنت عايزاك تبني اكثر ذكاء و تستمتري في لبتك اياها
بس لما تسكتي كدي بتجيب هواء كثير لروحك خاصه لمتابعيك جيدا مثلي!!
| |
|
|
|
|
|
|
Re: (دينا خالد) عمليتها ظاهره ...معقوله صامتك عن احداث الجنوب! (Re: Tragie Mustafa)
|
يغسي عليك يا دندن
تطلعي جـبـانه
الرجال اصلهم اغلبهم جـبـانين بالذات السياسين منهم
لكن النساء البدخل السيسيه فعلا بكون اكثر صلابه منهم
البسكتك شنو يا بت امي!!
حسه جنس الجزاره الحاصله في الجنوب دي بنسكت عليها؟!
وبعدين معاكم؟!
ولا فعلا طلعتي زي الرجال ديل بتشوفيهم مجرد ارقام.....
وا كبيدي عليهم......كان مراهنين علي نعومة و رقة امثالك ان تغيروا وجه التعاطي السوداني مع مأسيهم
ليه يا دندون كده!!
خوفوك؟!
منو انعلهم الـجـبـنـاء امثال عرمان؟!
طيب مالك ومالهم انت ما قوي مدنيه وما مسلحه
ولا الرفاق الشيوعين ديل
الا تعلمي انهم لن يصيبوا التكتح بنمط هم العقيم الماشين فيه داك.
يا حبيبه ديل محنطين من زمن استالين و لينين
وبعدين افتكرناكم انتو اجيال مجدده فعلا بعيدا عن(الايدلولجيا) القاوا مره شنقوك بيها ناس ال ( سودان فول ال)!
وناس عارفه حد علمهم بالجنوب حكاوي عرمان!
اه مقعوله انت برضو زيهم؟! ياهو ده حد علمك؟!
يا بت امي
شباب اجراس الحريه ديلاك
ناس دينق وقج و غيرهم وناس المنبر ديل لو كنتي بتعرفيهم كان عرفتي اكثر من الجنوب مما يفعل عرمان!
البخليك تسكتي شنو؟!
| |
|
|
|
|
|
|
Re: (دينا خالد) عمليتها ظاهره ...معقوله صامتك عن احداث الجنوب! (Re: Tragie Mustafa)
|
ترج رج رج راااااااج ... كيفك يا ستنا ... عجبتنى طريقة تفكيرك .... لووووووب اقول ليك بصدج ذى ما بقولوا الخلايجة ... دينا خالدك دى ما فاهمة التكتح فيما يجرى فى الجنوب ... وانا ما بحب اكتب فى حاجة ما فاهماها ... اما بقية التلميحات فما بيناتنا يا حبيبة ...
ــــــــــــــــــــــــ تانى نسميك تراجى (مصطفى البطلة ) ... لوووووووب
| |
|
|
|
|
|
|
Re: (دينا خالد) عمليتها ظاهره ...معقوله صامتك عن احداث الجنوب! (Re: Tragie Mustafa)
|
يا رج رووج لو متابعة كويس كان ببساطة عرفتى انى لى شهور بعيدة من المنبر الا لماما .. غير كدا فترنا ... انا شخصيا فترتا .. السودان دا جنوبو شمالو يمينو يسارو .. كلو على بعضه .. حاجة محبطة ... قلنا ننقطهم بى سكاتنا ...
لكن مالو ننتهز فرصة البوست دا وفهمينا هو الحاصل شنو اصلا ؟؟ بالجد انا ما فاهمة ... حد معلوماتى انو مشار حاول الاستيلاء على السلطة ولا فشل ولا نجح حتى الان ....
ـــــــــــــــــــــــ زمان كنت بحكم ا########فة (العملتى رايحه منها فجأة دى ) بنشتغل فى مجال الاستفتاء والمناطق الثلاث والمشورة الشعبية والقصص دى وبحكم الشغل بكون منجضة الموضوع هسه خلاص راحت علينا .. كل البنعرفو البتقال فى وسايل الاعلام الكذابة دى لو حاولت تعتمد عليه بتطلع مسطح وعبيط ... وامكن كمان يطلع جواك شامبيون من حيث لا تحتسب .. تراجى ؟ استهدى بالله ..
| |
|
|
|
|
|
|
|