|
الشاعر محمد الحسن ابنعوف : بهنس ما مات نحنا المتنا
|
نحنا المتنا
ودفنا النخوه مع الأخلاق بهنس بسخر من خيبتنا
وبعاين لينا من الراقراق…
ساكت نتافصح
ونتبجح
عن اننا شعب كريم
وكرمنا نياق…
(.........)ين فينا
وشبابنا بموت بالجوع
والبرد الباطش والتشريد
يا بوم نعاق…
كيفن ما بموت
عقدين حاكمانا حثالة ناس
واتبجح فينا رئيس عولاق
بهنس ما مات…
نحنا المتا….
ولسانا بنبكى على التاريخ
النمه الغنا والسوط
والناس بتنقب فى المريخ…
بهنس ياريس مات
مكتول تخمه
بيتزا وهوت دوق؟؟؟..
فى الغربه مرفه ياشناق؟؟
وسفيرك فيها مبارى الرقاصات
الهرم
العجمى
الشرم الشرم حق شفعنا
الأم بتموت وجناها العاق…
بهنس ما مات
نحنا المتنا
يا بوم نعاق…
|
|
|
|
|
|