|
Re: نم في سلام محمد بهنس.. (Re: rani)
|
كنا نتصارع هنا يا راني و نتمازح و نجد و نهزل وكان امثال بهنس يفتقدون لقمة تدفئ معدتهم وجاكت يحفظ قلبه الكبير نابضا.
السؤال يا تري حتي متي سنفقد بهنس و آخرون دون حتي علما منا بانهم يواجهون ما واجه بلا سند او محبه مننا؟؟!
اللهم ارحمه محمد بهنس واغفر له ما تقدم ما ذنبه وما تاخر...... وصبر اهله و اصدقائه.
تعازيه اخي راني انه يوم حزين لاصدقائه ربنا يصبركم. انا لله و انا اليه راجعون.
| |
|
|
|
|
|
|
Re: نم في سلام محمد بهنس.. (Re: Tragie Mustafa)
|
اللهم أغفر له وأرحمه وأعف عنه اللهم إن كان محسناً فزد في إحسانه وإن كان مسيئاً فتجاوز عن سيئاته اللهم أغسله بالماء والثلج والبرد ونقه من الخطايا كما ينقى الثوب الأبيض من الدنس اللهم أجعله من اصحاب اليمين وأدخله الجنة بغير حساب اللهم لا تفتنا بعده ولا تحرمنا أجره واغفر لنا وله اللهم أجعله في مقعد صدقٍ عند مليكٍ مقتدر والرحمة والمغفرة لكل أموات المسلمين التعازي لكل أهله واسرته داخل وخارج السودان إنا لله وإنا إليه راجعون ولا حول ولا قوة إلا بالله
| |
|
|
|
|
|
|
Re: نم في سلام محمد بهنس.. (Re: elhilayla)
|
انا ما حزين علي بهنس ..الواضح انو ارتاح ... وكمان ممكن انتقم لي روحو واهمالوا ... باهتمام بي موتو الغريب زي حياتو أنا حزين علينا ... البننسي زول زيو طوال سنين ونجي نتباكي عليهو وكمان بدون خجل بنحكي عن ظروفو وظرف موتو الفاجع وننشر صورتو وهو يعاني منا .... حزين بشكل اكبر علي كم النفاق البذلوهو ناس كانو بيعرفو بهنس معرفة شخصية وعرفو ظروفو وكان ممكن يساعدوة وهربو منو ومن نفسهم وبيجعرو الان في الاسافير
انا حزين علي بلد تستفرغ مبدعيها للموت كانهم مر جاثم علي صدر الوطن ... وجزين اكتر اننا جنواصل ونتباكي علي الماساه الجاية لسع وبتخيط في توب اكتمالا ونحن عاملين طرش
لك الله بهنس . وفي جنات الخلد مستقرك باذن الله انا لله وانا الية راجعون البقاء لرب العالمين
| |
|
|
|
|
|
|
Re: نم في سلام محمد بهنس.. (Re: الزنجي)
|
إنّا لله وإنّا إليه راجعون "يا ايتها النفس المطمئنة ارجعى الى ربك راضية مرضية وادخلى فى عبادى وادخلى جنتى"
اللهم أرحم الزميل/ محمد حسين بهنس وأسكنه فسيح جنّاتك اللهم أجمعنا وإيّاه في مستقرّ رحمتك اللهم ألحقه بالشُّهداء .................................................................. قتلوك بني أهلك قتلوك ببرد برودتهم فلتهنأ عند بارئك أنت أشرفهم..
صادق العزاء لكل الزملاء
| |
|
|
|
|
|
|
Re: نم في سلام محمد بهنس.. (Re: rani)
|
مات بهنس ياراني .... بهنس.......... .صديق العصافير.... رفيق الأمسيات ..... خليل السفر والرحيل ... مات بهنس... اخي في الوداعة....شقيقي بالتمني...تؤامي في الخيال.... شغلتنا عنه هذه الدنيا اللئيمة ونسينا انه اجمل مافيها ياراني مات بهنس...ولاعزاء لي....... لاعزاء لي.... لاعزاء
| |
|
|
|
|
|
|
Re: نم في سلام محمد بهنس.. (Re: rani)
|
بهنس!! ممكن ياااخ؟ ممكن احاول ادوش، ادوخ، اتدروخ، انزوي شوية؟ تعبان ديني طالع .. ما نايم من امبارح.. اشتغلت 19 ساعة اليوم.. رجعت البيت برضو قنبت ارسم... واسمع في علاء الدين السنهوري احياناً، مرة بتهوفن، كنجي.. اجدع السماعة وانعل دين ابو خاشي.. ارفعها مرة اخري واخت John Coltrane.. اتذكر الشافعين المتشاكلين في ساحة الروضة.. ينط فيني عثمان البشري... انا ما سألت الليل عشان القاك في ضفرو ...__... ولا فتشت في ضفة دماي عن توب يغطيك من سفر، ومجمل ما اكونك اسي تعرف انو موتك في مسأي زبحة عصافير النهار الحي... فنيتو ود البشري وحبست موية الرئة الجواي.. دندنت... عمرك تدندن منتشي.. تدفن همومك في الرسم.. اسكب حنينك في الغني... ترتاح وجرحك يلتئم.. هي عزلة اخري اذاً ضد عزلة، ولا الصادق الرضي دا كان داير يقول شنو؟ .. صديقي معتز ابشرو، اهو قاعدين نمارس معه نفس الفوضي التي مورست معك يا بهنس.. محمد احمد شبشة، فتر خلاص.. خالد جغوار وقف يقاسي في الحضور.. اما الصديق الصادق الصدوق ود ادم اسماعيل غادر المدن المستحيلة ورجع لبيوت الخيش، صنقر فيها يحلم الي ان تنبض كاودا وميرغني حمزة بحن الوصية.. وانت هناك لوحدك يا بهنس.. مشدوه وما عارف اني بهضرب وبقول في شنو.... انا تعبااااااااااااااااااااااااان يااااخ. تعبااان وبس.
| |
|
|
|
|
|
|
|