|
|
 رجل يبيع زوجته لمغترب بـ (25) ألف جنيه !!
|
Quote: باع رجل زوجته لمغترب عائد من إحدى دول الخليج بمبلغ (25) ألف جنيه. وأقرت الزوجة بالجريمة بعد أن ألقت الشرطة القبض عليها في مكتب للسجل المدني، أثناء محاولتها تزوير رقمها الوطني.
وقالت الزوجة في التحريات إنها التقت المغترب في أحد الأسواق، فأعجب بها، قالت له إنها ليست متزوجة وباستطاعته التقدم لأهلها للزواج منها ثم تسفيرها معه إلى دولة قطر (محل إقامته وعمله).
ثم حضرت الزوجة للمنزل واتفقت مع زوجها ووالدتها، حيث مثل الزوج دور شقيقها، وذكرا للمغترب أن والدها متوفى وأن شقيقها - (زوجها الحالي) - ولي أمرها. واشترط الزوج - الذي مثل دور الشقيق - على المغترب دفع مبلغ (25) ألف جنيه، فوافق المغترب، ودفع المبلغ للزوج الذي منح جزءاً منه لزوجته ووالدتها.
وبعد اكتمال التحريات أحيل المتهمون - الزوجان ووالدة الزوجة - للمحكمة.
|
http://www.sudanyiat.net/news.php?action=showandid=33577
|
|
 
|
|
|
|
|
|
|
|
Re: رجل يبيع زوجته لمغترب بـ (25) ألف جنيه !! (Re: باسط المكي)
|
والله العظيم شهدت حالة قريبة من هذه الحالة...
كنت في قسم شرطة مدينة النيل
ولاحظت وجود امرأة كبيرة في السن ومعاها شابة اخرى شايلات ترامس شاي واعتقد معاهن اكل..
ولاحظت في زول واقف جنبهن ولفت نظري انو يديهو محننات مما يؤكد انه عريس
المهم بعد شوية شفت جوه احد المكاتب شابة عروووووووس
سألت واحد من بتاعين المباحث عن سبب وجود العروس داخل القسم
فحكى لي قصة خلتني واقف مزهلل عديل
قال لي شايف الزول المحنن داك ؟؟
قلت ليهو ايوه
قال لي ده زوجها
والمرة القاعدة ديك دي امها
طيب المشكلة شنو؟؟
قال لي ....
هي اصلاً متزوجة وزوجها مغترب ولما جاء في الاجازة ما لقاها في البيت مع امها
لما زرزر امها ...اعترفت ليهو بأنها اتزوجت قبل ايام..
قام فتح بلاغ
وتم القبض عليها في كوستي
والعريس تفاجأ لما عرف انها متزوجة وعلى ذمة راجل
شفتوا كيف؟؟
| |
|
|
|
|
|
|
|
|
|
Re: رجل يبيع زوجته لمغترب بـ (25) ألف جنيه !! (Re: ياسر منصور عثمان)
|
اها حقت كوستي دي النجيه ليك الكلام
احد قري كوستي
مغترب عقد علي واحده من القرية,, وصهين ,,, ضربو ليهو ,,, وضربو ليهو ,, لا برسل مصاريف ولا بسأل
في النهاية ضرب قال ليها طلقانه ,, وماخش عليها
البت بعد فتره جاها عريس ,, المأدون سألهم ثيب ام بكر ,,قالو ليهو بكر ,, عرسها بي هنا ,, راجلها جا بي هنا
دخلها و دخل اهلها والمأذون الحراسة
دفعو ليهو قروش وشتت
| |
|
|
|
|
|
|
|
|
|
. (Re: عباس الدسيس)
|
انها حالات فردية في مجتمع قوامه اكثر من 35 مليون نسمة وان اكثر من 90% من اخبار مثل هذه تتضح بانها مفبركة او اشاعة او تبع ناس الخيال الواسع.
ولازال سودانا بخير ومجتمعنا بخير بقيمه واخلاقياته وسماحة حرائرنا واحترامهم.
- نواصل -
الخبير الوطني / م. صلاح غريبة - اعلامي وكاتب صحفي . مدون
| |
|
|
|
|
|
|
|
|
Re: . (Re: صلاح غريبة)
|
Quote: يا عبس يا حبيب كيفنك
مغتربين قطر طلعوا حمــــــــــــــــام يعني |
عاصم فقيري سلام يا حبيبنا
زمان اقولو الكوارث من ناس السعودية بنين
يلا بعد كده دخلو اللعب ناس الدوحه المختلطه ديل بقعو بي دقنهم
حالتو لسع كاس العالم ما جاهم
| |
|
|
|
|
|
|
|
|
|
Re: . (Re: عباس الدسيس)
|
ياسر منصور عثمان سلام يا حبيبنا
العاجبني في القصة كلها زوج المرأة طلع عندو اخلاق قسم القروش مع زوجتو وامها كان ممكن اعمل نايم اقول ليهم كفاكم العريس المغترب
شوفتا كيف
| |
|
|
|
|
|
|
|
|
|
Re: . (Re: عباس الدسيس)
|
Quote: اها حقت كوستي دي النجيه ليك الكلام
احد قري كوستي
مغترب عقد علي واحده من القرية,, وصهين ,,, ضربو ليهو ,,, وضربو ليهو ,, لا برسل مصاريف ولا بسأل
في النهاية ضرب قال ليها طلقانه ,, وماخش عليها
البت بعد فتره جاها عريس ,, المأدون سألهم ثيب ام بكر ,,قالو ليهو بكر ,, عرسها بي هنا ,, راجلها جا بي هنا
دخلها و دخل اهلها والمأذون الحراسة
دفعو ليهو قروش وشتت |
بالطريقه دي مبلوعه يا شيخ العرب
تقول جهل قانون
تقول العريس ما عندو اخلاقيات
بس الفوق ما مبلوعه
| |
|
|
|
|
|
|
|
|
|
Re: . (Re: عباس الدسيس)
|
Quote: يا عبس ...
25 الف بالقديم ولا الجديد ....؟؟ لانها بتفرق كتير ....
وبعدين تطير الانقاذ وعيشتاااا ..
اي مصيبه .. تقولوا دا من الانقاذ ...
كرهتو الانقاذ يحكمونا .. ياااخ ... ( وش مدردق ) |
مجيدو يا حبيب اخبارك
احنا ناس موحدين الله والرسول قدوتنا زي ما قدوت سيدنا عمر لو عثرت لينا غنماية في زالنجي بقول دي كلو من الانقاذ
بعدين انجيك زي ما بقول ودابوسن لو لا الحالة الاقتصادية المطينه وانعدام الاخلاقيات السببها الانقاذ البخلي الناس تسوي كده شنو !!!
نضربها ليك بي السعودي 25 الف بالجديد بتساوي 12 الف وخمسمائة ريال سعودي .... عندك نيه بتسأل !!!
تحياتي وتقدرير
| |
|
|
|
|
|
|
|
|
|
Re: . (Re: عباس الدسيس)
|
Quote: انها حالات فردية في مجتمع قوامه اكثر من 35 مليون نسمة وان اكثر من 90% من اخبار مثل هذه تتضح بانها مفبركة او اشاعة او تبع ناس الخيال الواسع.
ولازال سودانا بخير ومجتمعنا بخير بقيمه واخلاقياته وسماحة حرائرنا واحترامهم.
- نواصل -
الخبير الوطني / م. صلاح غريبة - اعلامي وكاتب صحفي . مدون |
مااااااااااااا بصدق جهاز الامن الوطني ... اسف اقصد الخبير الوطني
خلعتني قطعته قلبي ....
حالات فرديه شنو يا زول والله لو ما خايف المفترع امشي الخور كان ارش ليك فيديوهات لما تأمن بالثابته
نشكر جهاز الامن للتواصل معنا بالمشاركه في المفترع
| |
|
|
|
|
|
|
|
|
|
Re: . (Re: عباس الدسيس)
|
يا دسيس والله حركتك مع ناس قطر ما كانت دسيسة
----------------------------
البوست أوسكار قائم بذاته, يجازي محنك بس
| |
|
|
|
|
|
|
|
|
|
Re: . (Re: عبد الحميد فخر الدين)
|
Quote: استثمار جديد ...
الواحد اتزوج ليهو اربعة كما قالت الشريعه وافكهم في السوق موسم عودة المغتربين وبعد كده اشتغل فك تسجيلات المشت اجيب غيرا |
Quote: العاجبني في القصة كلها زوج المرأة طلع عندو اخلاق قسم القروش مع زوجتو وامها كان ممكن اعمل نايم اقول ليهم كفاكم العريس المغترب
شوفتا كيف |
أوسكار
غايتو يا عبس يوم بتكتل زول بضحكة ولا تسببت في رفدي من العمل بسبب القهقه العالية (أنا أصلي ما بعرف أكتم الضحكة)
تاني ما تكتب تعليق الاّ بعد ما تنزل من الفيل!!!!!
تحياتي
| |
|
|
|
|
|
|
|
|
|
Re: . (Re: nour tawir)
|
Quote: استثمار جديد ...
الواحد اتزوج ليهو اربعة كما قالت الشريعه وافكهم في السوق موسم عودة المغتربين وبعد كده اشتغل فك تسجيلات المشت اجيب غيرا |
يا عباس ده اخير منو ( رجل الاعمال السوداني ) الراجع من الخليج ...
الدفع ( خلو رجل ) زماااان للراجل عشان يطلق وهو يتزوجها ...
ما زال ذلك رجل الاعمال ( رجل اعمال ) حتي تاريخه ...
| |
|
|
|
|
|
|
|
|
|
Re: . (Re: يحي قباني)
|
الامر الملاحظ
المرة خشت في علاقة وهي متزوجة, حتي وصلت مرحلة يطلبها للعرس
وكلمت راجلها كيف زاتو ,,, ومن وين عرفت انو حيوافق
وامها كلمتها كيف ووافقت كيف
يبدو دي اسرة مفككة من الاول , وشفنا الاسر المفككة دي كتير في زمن المشروع الحضاري ,,, البنت والام يمرقن ويخشن سوا في الدعارة ,, الزوج يعلم وماكل شارب
غايتو شفت واحد مرتو ست شاي , تصطاد الراجل وتجيبو البيت ,, بعد يقلع تب , يجي هو ,, يقلعوك قروشك خوف الفضيحة
| |
|
|
|
|
|
|
|
|
|
Re: . (Re: عبدالحفيظ ابوسن)
|
Quote: يا دسيس والله حركتك مع ناس قطر ما كانت دسيسة
----------------------------
البوست أوسكار قائم بذاته, يجازي محنك بس |
الفاتح شلبي سلام
ناس قطر حبايبنا عندي اختي هناك بمشي ليها كثير من الحاجات الفهمتها بعد فترة الدوارات ((الصينه بتاعت المرور)) مكتوب فيها افسح ... اخيرا فهمت افسح يعني اسرع.
العيب الوحيد غير سيتى ستارز ما عندهم حاجة.
تبهرك بي نظافتها والتنظيم لانو صغيره وعندهم قروش بس تحس بيها زي السجن عشان كده مغتربينها دايشين ومواطنيها اكثر ناس بدقسو في البحرين ولبنان.
تحياتي وتقديري
| |
|
|
|
|
|
|
|
|
|
Re: . (Re: عبدالحفيظ ابوسن)
|
معقولة بس في ناس كده ؟؟ يا عباس ياخ كلامك ده فات الخيال العلمي زااااتو والله صحي ،،،
غايتو انا سمعت لي بي قصة ذي دي برضو قالو مغترب مرتو رجعت السودان بعد ما قضت معاه فترة المهم بعد فترة جاء واحد اتقدم ليها وعقد عليها وسافرت معاه دولة تاني يعني بقت مرتو قام صاحبنا الزوج الاول اتصل علي جوالها قام رد ليهو الزوج الجديد قال ليهو يا زول تاني ما تتصل في جوال مرتي ده ،،، صاحبنا طوالي رجع السودان وفتح بلاغ وهسة منتظرهم يرجعو ويقبضو عليهم وصاحبنا شايل امر القبض وحايم ... تصور ,,, غايتو السودان بقت فيهو حاجات عجيييييب والله يا جماعة الحاصل شنو ؟؟؟
لكن يا عبس غايتو حكايتك دي ما سعنا بيها لكن زي ما قلت الراجل طلع عندو اخلاق وعمل للمبلغ ابو القاسم معاهم لوووووووووووووووولزز
تحياتي : ياسر العيلفون
| |
|
|
|
|
|
|
|
|
|
Re: . (Re: ياسر السر)
|
| Quote: ياخي محنا دي تحير إبليس زاتو.... |
سلام عبدالحميد
ابليس هاجر من السودان زمااااااان خايف ارجع اعملو فيهو مقلب
| |
|
|
|
|
|
|
|
|
|
Re: . (Re: عباس الدسيس)
|
في انتظارك ...
وحتى يعود المستشار لكي يحلل لنا هذه القصص أحكي ليكم واحدة من الحكايات حكاها لنا أحد المعارف قبل خمسة عشرة سنة ...
هو من إحدى القرى وأخبر أهله بأنه قد أعد العدة للزواج وأشترى أغلب الأغراض وسوف يصل قريباً...
في يوم وصوله للمطار تعرف على إحداهن في كامل زينتها كانت في انتظار وصول زوجها ( أو ربما أوهمته ذلك ، أو ربما كان ذلك ضربا من النصب والاحتيال تعرض له عريس الهنا ) وكذلك خرجت معه من المطار بحجة توصيلها معه لنفس الجهة ( والمهم قبل الخروج من الخرطوم أفلحت في إيصاله للفندق ) الذي بوعي منه أو بغيره قضى فيها كامل إجازته ( متمتعا) ونفض كيسه ورجع إلى غربته ضارباً عرض الحائط بفكرة الزواج من أساسها... ولم تنفع معه نداءات الأهل لكي يعود للزواج وظل عازباً حتى وافته المنية إثر حادث حركة أليم...
| |
|
|
|
|
|
|
|
|
|
Re: . (Re: المسافر)
|
صراحة المغترب غبي جداً
يعني مفروض بعد ما اشترى ياخذ البضاعة ويتخارج
وبعدين حكاية السفر ممكن تتم بصفقة جديدة
لكن الزوج الأصلي فعلا يبدو كريم جدا بدليل اقتسامه للمبلغ مع العروس وأمها
هووووووووووووووووووي يا مغتربين { عليكم الله لموا نسوانكم عليكم }
المشكلة من النادر ان تبيع زوجة زوجها !!!!
| |
|
|
|
|
|
|
|
|
|
Re: . (Re: ابوحراز)
|
Quote: أوسكار
غايتو يا عبس يوم بتكتل زول بضحكة ولا تسببت في رفدي من العمل بسبب القهقه العالية (أنا أصلي ما بعرف أكتم الضحكة)
تاني ما تكتب تعليق الاّ بعد ما تنزل من الفيل!!!!!
تحياتي |
عماد خليفة سلام يا حبيبنا
شاكر وممنون للمتابعه
يا خوي أي حاجة ولا حكاية الشغل والرفديه تبقي عليك مصيبة المغترب الباعو ليهو الزوجه
تحياتي وتقديري
| |
|
|
|
|
|
|
|
|
|
Re: . (Re: عباس الدسيس)
|
| Quote: يعنى الآحتيال البيحصل فى الزواج بقى عآآآآدى جدا فى السودان.. |
حبيبنا nour tawir سلام وتحية
معانا زول هنا باقي ليهو كم شهر والقطر افوتو
الناس من زمان شغالين معاهو عرس ضارب طناش وقت المسألة كثرت عليهو قال ليهو بعرس بس اجيبوها لي هنا.
الجماعه لازم تنزل امكن ما تعجبك ول اجيبو ليك واحده سكند هاند.
سألني رايك شنو يا عباس ؟؟؟
قلت ليهو البلد بقت زي الزفت والحالة هناك صعبة انزل عرس وتعال ما اغتغتو ليك واحده وإرسلوها ليك وقت تمشي معها البيت تلقاها راجل ((اصلو الشباب هناك كلهم عايزين اطلعو من البلد)).
تقول لي احتيال
| |
|
|
|
|
|
|
|
|
|
Re: . (Re: عباس الدسيس)
|
Quote: يا عباس ده اخير منو ( رجل الاعمال السوداني ) الراجع من الخليج ...
الدفع ( خلو رجل ) زماااان للراجل عشان يطلق وهو يتزوجها ...
ما زال ذلك رجل الاعمال ( رجل اعمال ) حتي تاريخه ... |
يحي قباني سلام يا حبيبنا
مبااااااالغة حتي في الزواج مارس عملياتو التجارية ودخل فيها خلو رجل
زي زولك ده بكون بلبت للناس العاملين تخفيضات
تحياتي وتقديري
| |
|
|
|
|
|
|
|
|
|
Re: . (Re: عباس الدسيس)
|
| Quote: غايتو شفت واحد مرتو ست شاي , تصطاد الراجل وتجيبو البيت ,, بعد يقلع تب , يجي هو ,, يقلعوك قروشك خوف الفضيحة |
الناظر ودابوسن سلام
ذكرتني حكايتك دي زمان واحدة بتاعت شاي كانت في احدي مدن السودان بتقعد ام فكو وتشتت البليلة
أها الجماعه الشترو منها الشاي تلقاهم مقهيين اعاينو ....طبعا هي بتختار زبائنها
بعد الواحد اشرب الشاي واديها القروش لو عندو باقي ما بترجعو ليهو
لو قامت شمطه وشكله تكورك بي طول حسها .... هو يا راجل انت من قبيل قاعد تعاين هنا قايل نفسك بتعاين في تلفزيون.
| |
|
|
|
|
|
|
|
|
|
Re: . (Re: عباس الدسيس)
|
Quote: معقولة بس في ناس كده ؟؟ يا عباس ياخ كلامك ده فات الخيال العلمي زااااتو والله صحي ،،،
غايتو انا سمعت لي بي قصة ذي دي برضو قالو مغترب مرتو رجعت السودان بعد ما قضت معاه فترة المهم بعد فترة جاء واحد اتقدم ليها وعقد عليها وسافرت معاه دولة تاني يعني بقت مرتو |
ياسر العيلفون اخبارك يا صديق
زولتك القلتها ما دام اخلاقياتها كده أعتقد لو لقت ليها زول تاني ممكن تشب معاهو في طيارة لي بلد تاني وبي كده تكون بقت مضيفه
ملحوظه:
الراجل اشتري توسان عايز اعمل حفلة وكرامة لاندكروزر اضبح ليها ولدو واجيب وردي من المقابر ... عجيب
| |
|
|
|
|
|
|
|
|
|
Re: . (Re: عباس الدسيس)
|
Quote:
Quote:
- نواصل -
في انتظارك ...
|
المسافر سلام يا حبيبنا
حيرتني والله ،،،،،،
مالك عايز تجيب لي الهواء ما صدقنا ناس الجهاز كسحو تناديهم تاني
انا نازل اجازة رأفتا بي يا الحبيب
تحية وتقدير
| |
|
|
|
|
|
|
|
|
|
Re: . (Re: عباس الدسيس)
|
| Quote: المشكلة من النادر ان تبيع زوجة زوجها !!!! |
ابو حراز سلام
منو القال ليك من النادر ان تبيع زوجه زوجها
الحكاية الفوق كنا بنسمع بعملو فيها اولاد بمبا جيرانا
بعد فترة بتلقي في جرايد السودان زوجة تبيع زوجها ((اصابتنا العدوي من الحالة الاقتصادية))
هاك امسك...........
| |
|
|
|
|
|
|
|
|
|
Re: . (Re: عباس الدسيس)
|
يا الدسيس بنقول الف مبروك وبالرفاه والبنين
انظر الى الجزء الممتلىء من الكوب ياااااااااااااخ!!!!!!!!!!!!!
بعد يومين بتسمع بيهم يتشاركوها
سبت واحد واتنين مع واحد وتلاتاء واربعاء وخميس مع التانى
والجمعه يودوها البحر يغسلوها،،،
| |
|
|
|
|
|
|
|
|
|
Re: . (Re: صديق الموج)
|
Quote: ان مالرقم الوطني كان عقدت علي اربعه
بارك الله في الحكومه |
عمر عثمان سلام
الله اقطع الحكومة خليهم ارجعونا لي زمن من غير رقم وطني ما بتلقي زول بعمل في العمايل الشينه الحسي
لو اخذنا فهم الرقم الوطني عشان الناس ما تعرس اربعه برضو ممكن نقول الحكومة عايزة الناس تمارس الدعارة بره من غير ورق وعقودات
معناهو الرقم الوطني يمهد لعملية الدعارة عشان الناس ما تمشي الماذون.
والله انت زول لذيذ...
| |
|
|
|
|
|
|
|
|
|
Re: . (Re: عباس الدسيس)
|
Quote: يا الدسيس بنقول الف مبروك وبالرفاه والبنين
انظر الى الجزء الممتلىء من الكوب ياااااااااااااخ!!!!!!!!!!!!!
بعد يومين بتسمع بيهم يتشاركوها
سبت واحد واتنين مع واحد وتلاتاء واربعاء وخميس مع التانى
والجمعه يودوها البحر يغسلوها،،، |
صديق الموج يا حبيبنا
مشتاقين والله طولنا ما لاقيناك
الزوجه عندنا حا تكون زي عربية اللموزين ((التاكسي)) في السعودية تلقي المأجرها اشتغل بيها باكستاني واحد وشادنها اربعه بالورديات.
برضو ممكن تظهر زوجة قدر ظروفك في السودان....
تحياتي يا حبيبنا
| |
|
|
|
|
|
|
| |
عباس الدسيس
عبدالحفيظ ابوسن
باسط المكي
Asim Fageary
ياسر منصور عثمان
محمد مجيدو
صلاح غريبة
الفاتح شلبي
عبد الحميد فخر الدين
Imad Khalifa
nour tawir
يحي قباني
ياسر السر
المسافر
ابوحراز
صديق الموج
فيس بوك
تويتر
انستقرام
يوتيوب
بنتيريست