|
|
|
 Re: تمامة عدد (Re: مها عبدالمنعم)
|
يعلم الله اريد الناس دي خير الله بس حتي امي اخت الاكل امش واجي القي شي ما اكلت قدر ما احنس واحنس ماتاكل لا وقدامي تاكل مابعرف لمن ارفع الماعون اغسلو لشنو بلقاه ما نقص دا من الشيطان دا الله يلعنو ياخ
ومن وراي نط
يا زوله هوي ما تلعني ساي انا ما عندي شغله فيك ولا بناديك انت الساكاني ...كل شي دار تلصقي فيني
بس انت دا مافي غيرك حا امسكك ومديت يدي امسكو لقيت نفسي ماسكة بستلة اللبن
دا وغد بتلاعب معاي اظن بس اصطبر ليك يوم
ضربت لاختي لمتها كيف ماتكلمني ؟
كلمتك وولدي بس ضرب ذكرك اليوم
سمح خلاص خلاص وجدعت التلفون لمن اتكسر حديده حديده كان دخل الشركه ما يتجمع وزولي يضحك لمن عيونو تدمع !
دا مالو حاسي بشنو
قد يتبع
| |
 
|
|
|
|
|
|
|
|
Re: تمامة عدد (Re: مها عبدالمنعم)
|
لمن جا اليوم الموعود .....يوم العمليه ..عملية امي كسرت كراعه بعد اتزحلقت في الحمام مشيت سوقتها براي ..اتحيرت ولا رغد ولا احمد ولا غيث ديل اولاد شنو ان شاء الله ولادة الندامه
اتاخرو جوه بعد ساعتين كدي شرف زولي يتبسم عاينت ما فهمت مالو سالتو
خير اها مالك
لا كويس ...بس مالك هنا ؟
يعني ما عارف !
لا كدي انتي قولي
ابيت
شوفي من ابيت دي معناه امك م اتزحلقت
كيف يعني
اساسا امك دي شبعت موت ليها عشرين سنه
نهرتو امشي من هنا
صرخي مافي زول بسمعك
انتي منو ؟
انا ..انا ..
اي مالك سكت
سكت انت مجنون باين
صح بس اشان بتكلم معاك
مشيت سالت في العمليات قالو امي فعلا ما جاتهم
مرقت ماشايفه قدامي وكل الدنيا مضلمه وقطعت الشارع اسمع ليك خبط وطرت فوق ووقعت بس ما حسيت بوجع
واشوف ليك زولي بين الناس الرفعوني ....ومافهمت شنو حاصل ...وين انا
ميييين انا ....خيال والا زول انا وميين معاي دا ...
| |
|
|
|
|
|
|
| |
مها عبدالمنعم
فيس بوك
تويتر
انستقرام
يوتيوب
بنتيريست