|
Re: الفاروق الذي أحببت .. (Re: عمر الفاروق)
|
الصورة شكلها في الصيف فقد كان الشاب ( مستحمياً )
____________
جاءنا في الأثر أن أحد أصدقائنا وقد آذت رائحته زوجته فدعوته بلطف
" أنا جهزت ليك الحمام ، إمشي إستحم "
فالتفت إليها مخلوعاً
ليه ؟؟ العيد ثبتوهو بكرة ؟؟
______________
عمر يا فاروقنا أعفى لينا
مداخلة هناك ختيناها هنا
| |
|
|
|
|
|
|
Re: الفاروق الذي أحببت .. (Re: عاطف عمر)
|
غايتو يا عاطف البتذكرو كويييس عن الصورة دي إنو كنت في طريقي من الثورة للعباسية .. نزلت في سوق امدرمان من الحافلة كان في إستديو فاتح في عمارة ترزي الحبشي ..خشيت إتصورت ومن هناك الكدراوية لحدي ما وصلنا البوستة ركبنا مواصلات الأربعين .. لكن قطع شك الوجاهات دي مااا وجاهات جلسرين وفازلين ساي..دي حقت زول مستحمي
| |
|
|
|
|
|
|
Re: الفاروق الذي أحببت .. (Re: طلحة عبدالله)
|
يا طلحة .. معناها ما أحشش بي صوري الجديدة .. لأنو القديمة دي أحححسسسن مخراجاتي وبستخدمها مع اولادي لمن يقولوا لي يا أب صلعة .. بقول ليهم إنتو مااا شوفتوني زمان ايام الوجاهات ..
| |
|
|
|
|
|
|
Re: الفاروق الذي أحببت .. (Re: عمر الفاروق)
|
الغريبة عيونك وإتا صغير ما كانت مغرّودة ياخواجة شنو الغرّودة الجاتك على كبر دي؟ ــ دا طبعا" غير إنو قمصانك ومن ما إنت صغييير نفس الفكرة ونفس الإستايل ماحصل فيهم إي تطوّر تأريخي...:) ومن شكلك دا ما كنت بتلّعب في التراب ولبسوّك الشبط مع الشرااااااب .....:) ـــ و.... يا الفاروق الصورة دي في بداية ستينيات الملينيوم الفات مش كدا"؟ لأنو التفة الفوق دي محتاجة لأكتر من 40 سنة علشان تبقى الصلعة الأنا شفتها دي
| |
|
|
|
|
|
|
Re: الفاروق الذي أحببت .. (Re: محمد حمزة الحسين)
|
Quote: الغريبة عيونك وإتا صغير ما كانت مغرّودة ياخواجة شنو الغرّودة الجاتك على كبر دي
|
هههههههاي هاهههههههههه أها شفت يا أبو عمير لما نصحتك ؟؟ يا حبيبي التصاوير تظهر التزاوير .. أو كما قال تاج السر الملك في واحدة من خواطرو النبيلة.
| |
|
|
|
|
|
|
Re: الفاروق الذي أحببت .. (Re: طلحة عبدالله)
|
الاميرو.. طبعا نحن مغرودين ما مغرودين بنجهجه باكات الناس.. بعدين القمصان دي ماركة وكده انا مننن التمانينات بلبس من دبينهامز فرع المحطة الوسطى..:)
ثم وييينك يا رجل؟؟
| |
|
|
|
|
|
|
Re: الفاروق الذي أحببت .. (Re: أيمن محمود)
|
محمد يا حمزة .. يا زول ما أحسن من اتريح ليكم بالعنود؟؟ طبعا في السودان قصة ده عطر نسائي وعطر رجالي ماف..اقققرب فتييل بتلقاهو جمبك بخبخك بخبك وتبقا مارق ..:)
| |
|
|
|
|
|
|
Re: الفاروق الذي أحببت .. (Re: عمر الفاروق)
|
طلحة يا حبوب.. التصاوير البتتكلم عنها دي تصاوير أسة ما تصاوير زمان .. زمان لا في فوتوشوب لا ازالة النمش و حب الشباب .. طوااالي من النخيل للعميل .. فأبشرك وأطمنك لا تزاوير في هذه اللقطة لو ما كمان قبحتني شوية :)
| |
|
|
|
|
|
|
Re: الفاروق الذي أحببت .. (Re: عمر الفاروق)
|
Quote: طبعا في السودان قصة ده عطر نسائي وعطر رجالي ماف..اقققرب فتييل بتلقاهو جمبك بخبخك بخبك وتبقا مارق ..:) |
ما تشيل حالنا يا عمر الفاروق دا كان زمااان ياااااااااخي حسي في ضومتك حسين خوجلي دا بكون متريح بأقرب عطر ماااا ظنيت الناس دي كووولها مقهية أنا لسع مستغرب الزول دا متريح بي ياتو عطر : : : : : مع التحيات لله الزاكيات
| |
|
|
|
|
|
|
Re: الفاروق الذي أحببت .. (Re: محمد حمزة الحسين)
|
واضح انو الصورة دي معالجه بي الفوتشوب ( أقبض ) .
هسي عليك النبي في شافع الزمن داك نضيف كدي .
الزمن داك الفترة ما بين 1955 الى 1960 .
وبعدين اللون مختلف تماماً عن لونك الهسي الشفناك بيهوو ..
| |
|
|
|
|
|
|
Re: الفاروق الذي أحببت .. (Re: ولياب)
|
ود البشرى يا حاقد .. الله بيسألك دي بشتنة ؟؟ بالمناسبة القميص ده كان اصفر خفيف وعليهو العلامات دي بي البني ..والبنطلون بني..والشبط كذلك.. غايتو الشراب ما بضمنو ليك لكن كوني زول أنيق من زمان فبتوقع كان لون القميص :):)
| |
|
|
|
|
|
|
|