|
|
|
 Re: (كن ناشطا سياحيا ...!) امسية تدريبية مجانية من اصدقاء السياحة (Re: صلاح غريبة)
|
انا داير ابقى ناشط سياحي ،، بس ورويني اسوح وين ؟؟؟؟؟؟؟؟؟؟؟
غريبة وفنتازيا النشاط ،،،
يا اخي نحن داقين صف من صلاة الجمعة يادوب حتى لمينا في عيش الغداء ،، وتقول نشاط سياحي
انشاء تمشي تسوح في باكستان ويلموا فيك ناس طالبان ما يفكوك الا بعد ما حــمار الوادي يهنق ،، يقوموا يفكوك تقع في ناس الجهاد يوديوك قندهار يلم فيك السقط يخليك ترجف زي الطيرة الداقاها مطرة ،، تهرب منهم وتلقى جماعة يهربوك يمرقوك في الفلبين يلموا فيك ناس ابو سياف ما يفكوك ويلم فيكم زلزال وما تموت وتلقى نفسك قاعد براك تقوم تهرب تلقى ناس يركبوك مركب تمرقك في بالي اندنوسيا يلم فيك ناس باعشير يطلبوا فدية ولو ما دفعوها يقولوا بكتلوك ،، السفارة الفي اندنوسيا تدفع ليك لكن قبال ما تصل لجاكرتا يلموا فيك ناس المافيا يودوك لاستراليا تقعد هناك ونرتاح منك ،،
| |
 
|
|
|
|
|
|
|
|
Re: (كن ناشطا سياحيا ...!) امسية تدريبية مجانية من اصدقاء السياحة (Re: علي دفع الله)
|
بالغت يا غريبة دي ايام سياحة ياخي ... انا من زمان زعلان من حكاية اصدقاء السياحة دي ، لان السياحة بقت صناعة وهي تحتل المركز الثالث في ترتيب الدخل القومي لعدد كبير من الدول ... يا تبقوا ناس سياحة محترفين ودة يعني تبطلوا اي حاجة ويكون شغلكم سياحة وبس ، وبعدين ناشط سياحي دي برضو يكون من الافضل ان يتحول الى مرشد سياحي وبالتالي يصبح محترف ويرجى منه... ياخي السودان دة بلد مشروع حضاري وما فاضي للسياحة .. الناس ديل ناس شغل ما تخربوهم باصدقاء ما بيشيلوا الشيلة.
واذا كنتم مصرين احسن ليكم تكونوا اصدقاء توفير الرغيف او اصدقاء تخفيض اسعار اللحوم بتخدموا الناس اكثر.
| |
|
|
|
|
|
|
|
|
|
Re: (كن ناشطا سياحيا ...!) امسية تدريبية مجانية من اصدقاء السياحة (Re: د.عبد المطلب صديق)
|
ألف شكر أخي صلاح غريبة على هذه المجهودات المقدرة في رفعة اسم الوطن والتعريف بالوطن وجعله هماً ووعداً
هذه ثقافة جديدة نحن في أمس الحوجة لها لتعريف العالم أجمع بما يذخر به السودان من تاريخ وحضارة وأصالة
وهذا لا يقوم إلا بالمجهودات الفردية ولجمعية والتنظيمية والمؤسسية خاصّة كانت أم حكومية
فلتتظافر الجهود من أجل رفعة السودان
من أجل غدٍ أفضل
والسودان أولاً
| |
|
|
|
|
|
|
|
|
Re: (كن ناشطا سياحيا ...!) امسية تدريبية مجانية من اصدقاء السياحة (Re: سيف النصر محي الدين)
|
Quote: التاريخ :الجمعة 20 اغسطس
الزمان : 16:30
المكان : مركز الغرس الطيب للقدرات والتنمية البشرية.
شارع عبيد ختم محطة البلابل شمال شرق الاشارة
مقدم الدورة : المهندس صلاح غريبة |
20 أغسطس ( الجاي ) يوم ( أربعاء ) ...
انا ذاتي استغربت ...!!!
ليه استغربت؟
انكم ما بالعاده بتخططوا تخطيط طويل الامد كده ...
تاني حاجه ما بعرف كيف ضامنين ( القعاد ) لحد الوقت داك !!!
يا تصلح التاريخ يا تقول انا نجرته الكلام ده من راسي ساكت ...
| |
|
|
|
|
|
|
|
|
|
Re: (كن ناشطا سياحيا ...!) امسية تدريبية مجانية من اصدقاء السياحة (Re: يحي قباني)
|
Quote: ههههههههههههه هههههههههههههههه ههههههههههههههههههه
انت يا يمة خبير اليابه السودان والسودانين .
بعدين ( ناشط ) دي برضو ما لائقة مع السياحة لانها بتستعمل اكتر للسياسة وحقوق الانسان . |
يا بت عمسيب انتي ذاتك ما تستعجلي ...
( ناشط ) دي امكن برضو غلط ...
بكره تتطلع ( ناشز ) او ( قاشط ) ...
انحنا الناس ديل فاهمين ليهم شي ..!!!
| |
|
|
|
|
|
|
|
|
|
. (Re: صلاح غريبة)
|
- نواصل -
الخبير الوطني / م. صلاح غريبة - اعلامي وكاتب صحفي . مدون
| |
|
|
|
|
|
|
| |
صلاح غريبة
علي دفع الله
د.عبد المطلب صديق
Frankly
سيف النصر محي الدين
يحي قباني
ALWALEED ALSHEIKH
مني عمسيب
فيس بوك
تويتر
انستقرام
يوتيوب
بنتيريست