|
أنا لا أويد الحيكومة!!
|
أنا لا أويد الحيكومة الجديدة... كانت الحيكومة عامرة بأصدقائي ومعارفي وزملائي وأصهاري مما جميعه. لكن حيكومة اليوم دي كلها كُتُر.. حيكومة زمان فيها نافع صاحبي... فيها غازي زميلي .. فيها الحاج ساطور نسيبي .. فيها علي محمود إبن عمي .. فيها علي عثمان جاري .. فيها المرحوم عبد الوهاب عثمان دفعتي .. فيها سيدي ول سيدي الأمير عبد الرحمن الصادق المهدي .. فيها ول سيدي الميرغني (طبعاً أنا أنصاري لكن الأسياد هم الأسياد يعني By Induction). وفيها دوسة صديقي ... لكن كُر من حيكومة غندور وبكري ديل عرفة ساكت ما بعرفوني .. الله يكضِّب الشينة. طبعاً المثل المشهور بقول: (الحب مصالح والزواج رسم وتخطيط). وحبّنا للحيكومة حب مصالح كان المصالح إنقطعت فلا دام الحب وتبعاته. تحياتي
كبـّاشي الصـّـافي
|
|
|
|
|
|
|
|
Re: أنا لا أويد الحيكومة!! (Re: سيف اليزل سعد عمر)
|
تحايا نواضر يا اخي كانتونا- طولنا منك
انا ايضا لا اؤيد التغيير الجديد للحكومة وخروج علي عثمان ونافع والجاز محمد المختار وكمال عبد اللطيف التغير مطلوب... لكن ليس في هذا الظرف او الوقت الدقيق اللي بيمر بيه السودان بالذات وكت هم نااوين يدخلو دماء جديدة في الحكومة كان من باب اولى انو هؤلاء يتلقوا خطواتهم الاولى تحت ادارة علي عثمان ونافع لسدة الجهاز التنفيذي والحزب على التوالي.
| |
|
|
|
|
|
|
Re: أنا لا أويد الحيكومة!! (Re: محمد علي عثمان)
|
والله يا محمد ما شاورونا .. كان شاورونا كنا بنقول ليهم سوونا معاكم إن شاء محافظ لمحافظة أم طرقاً عراض.. لكن ما دام ما شاورونا ولا جقمونا معاهم ما في طريقة نؤيدهم .. مش قلنا الحب مصالح؟ تحياتي
كبـّاشي الصـّـافي
| |
|
|
|
|
|
|
Re: أنا لا أويد الحيكومة!! (Re: mayada kamal)
|
ميادة سلامات وكيف عاملة عيال أتاتورك؟ والله الحيكومة بتعرف رايها براها.. يعدلوا يغيروا يبدلوا ونحن لا في العير ولا في النفير. لكن راجين الله في الكريبة. تحياتي
كبـّاشي الصـّـافي
| |
|
|
|
|
|
|
|