|
أها الونسة دى كمان بيتعلموها كيف ؟
|
اها ونسة دا بيتعلموا كيف ؟
بعض اصدقائى من ايام الدراسة عندهم مشكلة
ما بيعرفو يتونسو مع الناس
ما بيعرفو قواعد الونسة
فجانى خاطر
هل الونسة دى علم والا موهبة والا جربندية ساى والا وراثة ؟
يا قول فتح الرحمن
المافى شنو ؟
وبالذات ونسة الجكس
|
|
|
|
|
|
|
|
Re: أها الونسة دى كمان بيتعلموها كيف ؟ (Re: محمد عبد الله حرسم)
|
والله يا أب حميد ،، الموضوع أذا كنت متمكناَ من بعض النكات وبعض الطرائف وسريع البديهة فأنت قطعا زول وناس ،،
وفى محيط قريتك او مدينتك أو عملك إذا أستطعت أن تحكى نوادر الكبار والصغار نساء ورجال وتحاكيهم قولاَ وحركة فأكيد خلاص تكون قاطعها عدييييييل كده
الأكاديمين والسياسين الجادين ما وناسين فديل مكانهم المنابر وحلقات الدراسة ،، ويمكن يكونوا وناسين لأقرانهم فقط وبالتوفيق
| |
|
|
|
|
|
|
Re: أها الونسة دى كمان بيتعلموها كيف ؟ (Re: Mahir Mohammed Salih)
|
Mahir Mohammed Salih
Quote: والله يا أب حميد ،، الموضوع أذا كنت متمكناَ من بعض النكات وبعض الطرائف وسريع البديهة فأنت قطعا زول وناس ،، |
شكرا نسيما ماهر اخوى
صحى من ملاحظاتى الضحك واحدة من عناصر مهمة جدا لتحلية الونسة
لكن النكتة دى اهم ما فيها طريقة الالقاء
وكيفية جذب الآخر نحوك
ما زلنا فى بداية تلمس فكرة الونسة ومدى علميتها او عفويتها
شكرا توقيعك الكريم ونمد
| |
|
|
|
|
|
|
Re: أها الونسة دى كمان بيتعلموها كيف ؟ (Re: محمد الكامل عبد الحليم)
|
حمد الكامل عبد الحليم
ولك مثل ما قلت واكثر
هل الونسة ضرورة
يعنى فى زول ممكن يستغنى عن الونسة دى نهائى
نعم يا حبيب الونسة ممكن تكون تزجية وقت ومؤانسة وكما وصفت ان تكون مثل منديل لا يجرح ولا يخدش خفيف الظل والحضور
شكرا توقيعك الانيق معا لمحاولة معرفة اسرار الونسة
| |
|
|
|
|
|
|
Re: أها الونسة دى كمان بيتعلموها كيف ؟ (Re: محمد عبد الله حرسم)
|
خصائص الونسة
واحدة من الذ الونسات تلك التى تكون بعد (شكلة قوية وعنيفة) لانها بنفس السرعة تتحول الى انشراح وابتهاج
مثلا فى القطار دوما ما تبدأ مشاجرة قبل بداية السفر وفى اللحظات الاخيرة من مراحل بداية صافرة القطار للتحرك
ثم تعقبها مرحلة صنة كدا ما مفهمومة كانها دعوة للراحة عقب مرحلة المكابسة للحصول على مقعد ومحاولة سفر مريح
ثم بعد استمخاخ مع صوت عجلات القطار تبدأ مرحلة الاسترخاء والحوجة لقطع المسافة بطريقة ممتعة
ثم تبدأ العيون فى الحركة والراس فى التلفت
ثم يرفع الواحد كلما سمع حركة ما ليعرف مصدر الصوت والحركة ثم يتململ ثم تضاف الى الململة حب استطلاع
وحين لا يجد اى شىء يتسلى به اذا به فجأة
-الاخ من وين ؟
هو نفس الشخص الذى كان يتعارك معه ويصيح
ثم وكان شىء لم يكن تبدأ مرحلة السؤال عن الوقت ومتى يصل القطار والسكة حديد زمان ثم يكح احدهم فتتحول المحادثة الى الطبيعة بقدرة قادر ثم الى الطب العام ثم شتيمة الاطباء وان فلان ابن اخوه عمل وفعل وترك ومات
ثم انو الطب البلدى
ثم كسر رجله
فتتحول الونسة الى الكورة بطريقة سلسلة جدا
ثم فجأة ما عندك كوتشينة ؟
| |
|
|
|
|
|
|
|