|
|
|
 Re: العري الخليع ! لا توجد صورة (Re: عبدالحفيظ ابوسن)
|
قالو في ملك بحب الفخفخة والأبهة ,, مكمل مال المملكة كلو في الفارغة والمقدودة , وما شغال بالناس شغلة , وبعد ده كلو يقلع حقهم
والزمن داك المتع قليلة ,, فكانت اهم متعة ليهو اهتمامو بالملابس الفخمة والغالية
مكمل قروش المملكة كلها في الدلاقين الموشية بالدهب والماس والفضة
وكان يبحث عن الترزية النضاف والمهرة
اها يوم جوهو اتنين ترزية , قالو ليهو
نحن بنخيط ليك ماحصل
كيف ?
نخيط ليك توب الزول الجاهل واللتيخة والكمكلي ما بشوفو
ما يشوفو إلا راجلا كلس مالي هدومو وعقلو يوزن بلد ,, يشوفو الزول الفنجري والفييز
| |
 
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
اها قالو ليهو
وحتي ميزة التوب البنخيطو ليك ده , ما يشوفو إلا الزول البستحق المنصب حقو
طلباتكم شنو
قالو ليهو طلباتهم
حرير وماس ومجهورات وبيت فاضي وخدمة الاكل والشراب
اداهم قصر وعين ليهم طباخين وخدم وجاب ليهم الدايرنو
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
وناسك شغالين
تعاين ليهم ماتشوف شئ , لكن هم يحركو في يدينهم زي البنسجو ,, كل مرة مرسلين لي حرير ولا ماس ولا دهب
بعد فترة الملك رسل النايب بتاعو يشوف الجماعة انتهو ولا لسة
النايب خش ما شاف شئ داير ينضم اتذكر , انو الزول المابشوف التوب اهبل وعبيط وزول ساكت ,, وهو لو قال ما شايف شئ معناتو زول ساكت ولا يستحق منصبو فقطم ,, وابدي اعجابو الشديد للملك بالتوب
والملك قدر ما يرسل زول من المسؤولين يجي يشكر في التوب , والبلد كلها عرفت موضوع التوب الذي لا يراه إلا العاقلين الأذكياء ,, وبقوا مترقبين اليوم الموعود
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
وجا اليوم الموعود
الترزية لمو في الملك قلعو هدومو ,, وبدوا يلبسو فيهو التوب الجديد ,,, وهو ما شايف حاجة وما حاسي بالقماش ,, لكن عمل رايح ,, يقول مافي توب ويعرف الناس انو غير مؤهل للحكم ,, ارفع يدك ,,, نزل يدك يا صاحب الفخامة ,, لف جاي يا { ريس } والريس يلف في الفاضي ومبديا اعجابه بجمال واناقة التوب
ومرق للناس
وكل الخلوق مشرفين الطريق ,, كاتلهم الشمار حق التوب
وكل الجماهير مبدية الاعجاب !!
بس شافع صغير واقف مع ابوهو
وكورك
هي ! الملك عريان جنل !
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
قيل
السلطة مفسدة
والسلطة المطلقة مفسدة مطلقة
قام الاعلام الرسمي ,مقروءا ومسموعا ومشاهدا ,, قام بدور الخياطين
حسنا ماهو قبيحا باديا للعيان ,, وطفق الاعلام المستأجر يضيف من خزانة التراث الاسلامي الصفات والنعوت للحكام وهم منها براء , وهم يعلمون ذلك حتي اتي عليهم حينا من الدهر صدقوا انفسهم وشبهوا ذواتهم بناصع سيرة الصحابة رضوان الله عليهم
ولم يستح رجال الاعلام ونساؤه من غث القول كاذبه
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
Quote: القصة للكاتب كريستيان اندرسون ,, سأسردها كما اتذكرها منذ عهد الطفولة ,, مايجي زول يغالطني وجيب مصدرك وأذكر دار النشر ورقم الصفحة
المصدر ذاكرتي دي بس |
يا دفعه .... سلام ..
لاكيين الطفوله من عندك .........
كنتا بتقراء لكريستيان اندرسون ...
ونحن كنا يا دوب نقراء .. مكي.. وسمير ... وبالدس كماان ...
تحياتي يا رائع ....
| |
|
|
|
|
|
|
|
|
|
Re: العري الخليع ! لا توجد صورة (Re: محمد مجيدو)
|
مجيدو يا دفعه
وينك يا صاحب
موشتاقون ياخ
لا وحاتك قريت ميكي وسمير والصبيان والجيل وبونانزا والبرق وطرزان والمغامرون الخمسة وووو
اخوك ما لعب كورة ولا بتفرج فيها ,, كان ابي صارما في ما يخص لعب الشارع ومعبرا عن صراماته بسوط عينسيت ,, سوط عنج جد جد ,,, يا تقيف علي الحيطة يا يشدوك اخوانك الكبار ويسعدهم ذلك
فلا هواية سوي القراءة وكان الوالد سخيا فيما يتعلق بها
ولمدرسة نمرة واحد الابتدائية مكتبة يسمح لك بها من الصف الثالث
فقط ساعدتني الظروف المحيطة
كامل الود
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
التشبه بالرجال فلاحة
حديث نبوي
وللأسف حتي التشبه يعجزهم ,, لبسا وسمتا وصوتا
دقنك حمست
غي البنات مافي
بطنك كرشت
جلدك خرش مافي
يقال ان قائلتها إمرأة في إحد أخوانها عامل فيها فكي في الحله وقالتها تمنح في شقيقه الفارس
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
الأخ عبدالحفيظ ،، بغض النظر عن مضمون القصة أذا ماتم إنزاله فى أرض الواقع هنا رغم تطابق جل معانيه فيما يحصل فى السودان حالياَ ،،
فإن القصة رائعة جداَ وبليغة لمن يريد أن يرى الحق حقاَ ويقول أحققت ،، ويرى الباطل باطلاَ ويقول أخطأت ،، وخاصة أنهم جميعهم وبدون أستثناء يلبسون لبوس الدين الطاهر النظيف .
رائع بوستك هذا بحق يا عبدالحفيظ ،، سلمت وسلمت يداك ،،
ماهر
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
سلامات
من الؤسف انا نحفظ تراث الغرب ونجهل تراثنا
بطنك كرشت لم تقلها اخت في اخوهاقالتها ام في ابنها
هي قصة مشهورة جدا وصاحبتها اشهر منها وهي من تراث البطانة الماصل
المرأة هي شغبة والولد هو ابنها علي
بعد ابيات امه قال قولته الشهيرة
كسرناك يا لوح وجدعناك يا دواية
واصبح من اشهر نهاضين ومهاجرية البطانة ، بل هو الشهير الذي تجرا عل المانحلك وتغزل في ابتنه وكادت بسبب ان تباد قبيلة المرغوماب
الابيات الشهيرة لشغبة والتي استلفها القدال هي
يا علي
انا ماني امك وانت ماك ولدي
بطنك كرشت غي البنات نافي
دقنه حمست جلدك خرش ما في
ماك مطعون بحد السيف نخيت في
ماك مفلوق لسان الطير نفصد في
| |
|
|
|
|
|
|
|
|
Re: العري الخليع ! لا توجد صورة (Re: وليد محمد المبارك)
|
مرحبا وليد المبارك
وحبابك
وأتأسف معك لعدم معرفتنا بتراثنا ,, ذلك ان تراثنا تراث سماعي ويتعرض لعيوب النقل السماعي ,, ويفترض ان تتاح لك الفرصة لسماعه من احدهم وقد لا تتوفر لك
والدولة تحارب التراث بالتعتيم وتحارب اللجهات والثقافات السودانية بالتعتيم وبغيره
وقرأنا عن نشاطات عالمية لترميم المباني الاثرية , ونحن نهدم الآثار مرة بغرض الحداثة ومرة لإنها من عمل الجاهلية
والتراث الغربي حفظه اهله بالتدوين والاهتمام به لنقرأه نحن بلغتنا
اتفق معك تماما في الأسف
وحول الابيات هكذا سمعتها من لسان احدهم , فهي ثقافة سماعية ,, وبحثت في قوقل ووجدت شغبة وهي معروفة لدي كشاعرة ,, وجدتها في الويكيبديا , وكما تعلم ان الويكيبديا كموقع ثقافي ليس حجة يعتمد عليها , ليس انتقاصا من حقه ولكن هذه هي طبيعته
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
من نافذة الفيس
يااااه يا خيه
أزيك يا سلمي
وينك ياخ ما شايفك
تعرفي المطالعة زمان كانت متعة ما بعدها متعة,, مش قصص موضوعة بعناية لتغبيش الوعي وغرس اشياء محددة , يعني كتاب المطالعة ده كان براهو مكتبة
ثم انو عندنا من ثالثة ابتدائي وحتي العالي كتب مكتبة متنوعة مبذولة لمن يرغب ,, غير حصة المكتبة الانت مطالب فيها بتلخيص الكتاب في كراس المكتبة ويتم تصحيحه من قبل الاستاذ ,, ومش حصة واحدة بل كما كنا نقول دبل
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
سلمي ياخية
العري ده ما إلا من الهدوم , عري الاخلاق الانسانية الراقية , وعري السلوك ,, وعري الوطنية ,, وعري التآزر ,, ولعلك تذكرين قصة اخوي بكري الحكيتها في بوست
الكافرة امك دي
فتعجب للكاذب يصيره الترزية صادقا
وال######## شجاع
والمتهتك ورع
ومن يفتقر لروح الدين الاسلامي العظيم اسلاميا
هذا كما قال الفيتوري
كلما زيفوا بطلا
قلت قلبي علي وطني
و
الناس عروض ما بقيسوها بي تيبانا
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
ود أبسن سلام:
والعري يا أستاذة (سلمى) ليس وقفاً على رئيسنا عليه لعنة الله، ولكنه يطال ، في هذا الزمن المنافق، كل هؤلاء الجالسين على أنفاس شعوبهم من المحيط إلى الخليج.
وأذكر أنني قرأت مقالاً للرائع الدكتور (جلال أحمد أمين) كتبه مستلهماً نفس القصة عن الرائعة الثائرة (نوارة) أبنة الرائع الراحل (أحمد فؤاد نجم)
والتي كانت ما تزال طرية العود وهي تنبه إلى عري مبارك،
وكانت من أوائل من أشاروا إلى عري طنطاوي ومجلسه العسكري،
وخرجت تهتف بعلـو صوتها عن عري مرسي وجماعته،
وما تزال تسن قلمها و تنبه الجميع إلى عري تلميذ مبارك المدعو عبدالفتاح السيسي وجوقة طباليه.
http://www.shorouknews.com/columns/view.aspx?id=fc88f78e-166...7e-8d58-bed7ac87ce22
...
..
..
| |
|
|
|
|
|
|
|
|
|
Re: العري الخليع ! لا توجد صورة (Re: وليد محمد المبارك)
|
مرحبا وليد
وحبابك
يشرفني حضورك دوما
تعرف كتاب الانداية للطيب محمد الطيب ,, عرفت انه ممنوع , وهو كتاب تراث
قصة طه وحمد لخالد ابوالروس ,, اوقفت كمسرحية اكثر من مرة , وفتحت فيها بلاغات ,, وليس من جهات حكومية أمر إيقافها او بلاغاتها ,, بل من قبل افراد من قبيلة حمد ود دكين
وحتي قصص مثل قصص موسي سنينات او موسي ود جلي او غيرها تحكي بإختلاف قبيلة راويها ,, وكما ذكرت آنفا فنحن نميل للثقافة السماعية , ولكسلنا التوثيقي
| |
|
|
|
|
|
|
|
|
|
Re: العري الخليع ! لا توجد صورة (Re: وليد محمد المبارك)
|
مرحبا وليد
وحبابك
يشرفني حضورك دوما
تعرف كتاب الانداية للطيب محمد الطيب ,, عرفت انه ممنوع , وهو كتاب تراث
قصة طه وحمد لخالد ابوالروس ,, اوقفت كمسرحية اكثر من مرة , وفتحت فيها بلاغات ,, وليس من جهات حكومية أمر إيقافها او بلاغاتها ,, بل من قبل افراد من قبيلة حمد ود دكين
وحتي قصص مثل قصص موسي سنينات او موسي ود جلي او غيرها تحكي بإختلاف قبيلة راويها ,, وكما ذكرت آنفا فنحن نميل للثقافة السماعية , ولكسلنا التوثيقي
| |
|
|
|
|
|
|
|
|
|
Re: العري الخليع ! لا توجد صورة (Re: عبدالحفيظ ابوسن)
|
البلصة ! وهي الرشوة
زمان كان اسمها البلصة ما عارفها جاية من وين ,,, يقول ليك
بلصت للمسؤول ,,, وبلصت للعسكري حتي فكاني ,,, واديتو بلصة
وهي ممكن تكون بلصة أو بلسة ,, النطق قريب لي بعض
اها بتديك احساس الخفية والدس
البلصة كان بالدس ,,, يدخلوها في ظرف ,, ولا في نص الورق
والموظف بيأنف منها ويتعفف ,,, وإنت زاتك تسأل زول زول
ياخ إنت متأكد الزول ده بياكل البلصة ?,, شفتو ?,,, قالو ليك ?
وغالبا تديها لي زول ,,, وعادي يشتكيك الموظف وينهزرك ,, وإنت تعرق وتجف وتتكبكب
لكن هسة بقت بي خشم الباب علي مرأي و مسمع ,, ولها سماسرة
قاعدة عريانة برة للغاشي والماشي
ويفتح الله ويستر الله ,,, بيع وشرا
ودلعوها بقت تساهيل ,, ولو ما دفعت امورك ما بتتسهل ,, وصارت هي الاصل ودونها النشاز
وبعد كانت لصغار الموظفين صارت لي قمة الهرم التنفيذي
| |
|
|
|
|
|
|
|
|
|
Re: العري الخليع ! لا توجد صورة (Re: أسامه الكرور)
|
حبابك اسامة
وشكرا لك
هسة عري اكتر من موظف يشيلوهو من الخدمة يبكي بلا خجلة زي المرة الطلقوها
قال والدة آخر ملوك الاندلس لإبنها الذي بكي لزوال ملكه
أبك كالنساء علي ملك لم تستطيع المحافظة عليه كالرجال
| |
|
|
|
|
|
|
| |
عبدالحفيظ ابوسن
محمد مجيدو
وليد محمد المبارك
الصادق عبدالله الحسن
أسامه الكرور
فيس بوك
تويتر
انستقرام
يوتيوب
بنتيريست