|
|
 اصحا يا صوت الغلابة .. اصحا يا احمد وصحصح ع النضال .
|
اصحا يا صوت الغلابة
يا اذان الفجر اذن
وانتى عارفة حبى ليكى
عارفة يا مصر الحكاية
لما شفتك فى المظاهرة
- مصر يا ولاد الكلاب .. ارض طاهرة .
والحوارى زى اشجار الجوافة
باليسار والفقر طارحة
- عم احمد, تحيا مصر .
مصر والسودان نضال
والعساكر داسوا فينا
من (نيالا) (للقنال)
أأأأه و أأأأه
طلعت الأهة أهات
- انتا مين ؟ .
- م السودان .
- كلنا فى الذل والاحباط شرق .
وانتى عارفة حبى ليكى
عمرى يا مصر ما خنتك
عمرى ما كرهتش ولادك
عمرى ما شتمتش فى شعبك
اصحا يا احمد
اصحا صحصح ع النضال
كلنا جبهة يسار
***
اصحا يا احمد
اصحا يا احمد
اصحا يا احمد
- انتا مين ؟ .
- م السودان .. وانتا استاذى النجيب .
انتا فلاح ضد صهيون الجـبـان
انتا نجم
انتا رمز
انتا صوت مصر اللى جاية م الغيطان
انتا عمال المحلة
انتا كلمة
والكلام زى الحريم
كلمة داعرة
كلمة طاهرة
كلمة صابرة
كلمة تتعرص وتتعرى وتوصل
كلمة تجرح
كلمة تفتح
للشعوب ابواب وتكبر
اصحا صحصح
للصلاة
والصلاة هى القصايد
وانتا يا سيدى وتاج راسى .. امام
يلا احمد
نكتب الاشعار غناوى ع الحيطان
مصر بتناديك يا احمد
مصر بتناديك يا احمد
وانتى عارفة حبى ليكى . 
شاهين
|
|
 
|
|
|
|
shaheen shaheen
أسامة العوض
فيس بوك
تويتر
انستقرام
يوتيوب
بنتيريست