|
|
 ابوهريرة حسين يبكي ....
|
مساء الامس في قناة الخرطوم والبرنامج على مشارف النهاية
وجدت صور لملاعب الناشئين ايام افتتاحها وصورها الان
الصور اوضحت حجم الدمار الذي لحق بها ومن ثم عادت الكاميرا الى الاستديو
ووجدت ابوهريرة حسين المسؤول السابق عن تشييد هذه الملاعب
يبكي بحرارة ولم يستطع التحدث او أن البرنامج انتهى
تحرك ابوهريرة خارج من الاستديو واضعاً يده على وجهه
لا اعرف عنه الكثير
لكن رجل يبكي بهذه الطريقة فهو
حقاني وزول خدوم ودغري
او
ممثل بارع
.
.....................
عن نفسي ارجح الاولى واقول له الله يخلف التعب
|
|
 
|
|
|
|
|
|
|
 Re: ابوهريرة حسين يبكي .... (Re: الجنيد حمد)
|
حضرت البرنامج
الرجل بكى بحرقة شديدة
حتى لو كان كوز فهو من الذين يعملون باخلاص وفعلاً عمل باخلاص شديد وشيد بالمال الذي اعطته له الدولة استادات ممتازة لأشبالنا ليلعبوا عليها
ثم بكى ولا اعتقد انه كان يمثل
حتى ايام كان مدير لهيئة الناشئين كان هذا الرجل خدوم وكان الاخلاص باين في كل ما يقوم به
ولذلك تمت اقالته
| |
|
|
|
|
|
|
|
|
|
Re: ابوهريرة حسين يبكي .... (Re: الصادق صديق سلمان)
|
Quote: ابوهريرة العريس ؟؟ ده قبل ايام اتفدم لبنت ابراهيم شمس الدين
( يعني امها الفلم زاتو ) لو شفت الحاجات بتاعات العرس الجابة بتعرف بكى ليش ؟؟؟؟ |
الصور اللافة النت الأيام دي بحسبانها شيلة بت إبراهيم شمس الدين
صور قديمة ليها سنوات ولا علاقة لها ببت إبراهيم شمس الدين ولا من يحزنون.
| |
|
|
|
|
|
|
|
|
Re: ابوهريرة حسين يبكي .... (Re: Hussein Mallasi)
|
شاهدت
جزء من هذه الحلقة , ولكني لم أصبر عليها حتى فاصل ( البكية ) ...... ولكن
يقال إن هذا الشاب له (إنجازات) واضحة في قطاع الناشئين إبان توليه رئاسة
جهاز الناشئين , ولكن تمت محاربته وإقصائه بصوره رآها مُهينه في حقه !
الجنيد لك تقديري
| |
|
|
|
|
|
|
|
|
|
Re: ابوهريرة حسين يبكي .... (Re: محمد فضل الله المكى)
|
تعرِف يا الجنيد
الناس بتاعين (السَّف) و (اللَّبِع ) ما عايزين زول زي دا !
لأنو بيكشفهم!
عشان كِده لازم يحاربوه ... يعني لو كان بلع ليهو استاد استادين
كان عَـملو وزير الشباب والرياضة.
ــــــــــــــــــــــــــــــــــــــــــــــــــــــــــــــــــــــــــــــــ
تبكي بَسْ
| |
|
|
|
|
|
|
|
|
|
Re: ابوهريرة حسين يبكي .... (Re: محمد فضل الله المكى)
|
شاهدتها أخى الجنيد....
| Quote: مساء الامس في قناة الخرطوم والبرنامج على مشارف النهاية |
تشابه علي البقر....هى فى قناة الخرطوم ولا فى ام درمان.
زول ماشاء الله عليه خدم بجد والله....ودى عادتنا حاجاتنا ما بستفاد منها كويس ولا بنحافظ عليها..
لكن المذيع عوض الجيد ده ما مذيع ولا بنفع مراسل حتى
تحياتى....لك وللجميع..والسلام عليكم
| |
|
|
|
|
|
|
|
|
|
Re: ابوهريرة حسين يبكي .... (Re: ismeil abbas)
|
العزيز / الصادق صديق سلمان تحياتي
نعم بكى بحرقة لم ارى رجل يبكي بهذه الطريقة
له التحية رغم انه ينتمي الى هولاء القوم فهو لا يشبههم
...
العزيز /Hussein Mallasi تحياتي
صور الشبكة ولا الشيلة دي ليها زمن لافة وماف زول نصيح في السودان
بودي متلها (رغم انو الانقاذ علمتنا الا نتعجب لكن في دي بنتعجب)
...
العزيز/محمد فضل الله المكى تحياتي
بحث في الارشيف لقيت حوار معه وتم سؤاله عن مبلغ من المال يخص جنوب دارفور
لتاهيل استاد نيالا على ما اظن المهم من خلال حديثه أنه قام بتسليم جزء من المبلغ للجهات المختصة
وهو لا يسأل المبلغ الاجمالي خمسة مليارات تم صرف ثلاث منها والباقي لم يتم استلامه من الجهة
واضاف في اللقاء انه لا يملك شئ وانه مازال يسكن في غرفة بمنزل والده في امبده
فعلاً لو سرق ونهب تمام كان مشى فوق زي اخوانه في التنظيم
(ياريت يتم جميله وينفض يدو ويطلع منهم زمان الاساتذة بقولو البصلة الفاسدة بتفسد بقية البصل
هسي البصل كلو فاسد والبصلة السليمة بجيها السوس من كل الجهات )
.....
العزيز /عمر التاج تحياتي
خسر نظام الانقاذ رجل يبيض وجهه وكسب ابوهريرة نفسه فابعاده نعمه له
....
العزيز /ismeil abbas تحياتي
تشابهت علينا القنوات لو ماقلبت القناة ولقيت حسين خوجلي في امدرمان ماكان فرزتهن
وطالما المذيع ما بعرف كويس انو حضرنا الجزء الاخير بس
...........
نصيحة للاستاذ ابوهريرة
البباري الجداد بودي الكوشة والناس ديل الغلط راكبهم من ساسهم لي راسهم
وطالما انك ماسك الطريق الصاح خارج روحك واقنع منهم تب
غير يضروك مابصلحوك
تذهب الانظمة ويبقى السودان ويذكر الاخيار الاخيار فقط
| |
|
|
|
|
|
|
|
|
|
Re: ابوهريرة حسين يبكي .... (Re: ismeil abbas)
|
ابوهريرة زول كويس
طلع نتيجة تصفية حسابات مع الدباب حاج ماجد سوار حينما كان وزيراً للشباب و الرياضة ، و ذلك حينما طلب النائب الاول من ابوهريرة عمل ملاعب للناشئين في دارفور
على قرار ملاعب الناشئين في العاصمة
بعدين ( أمكم غارت)
حاج ماجد قال انا الوزير الاتحادي المسؤل كيف يتم تجاوزي بالطريقة المهينة دي
ابوهريرة قدم استقالتو احتجاجاً على تدخل حاج ماجد
حاج ماجد ما صدق (بعد شعورة بالخطر القادم من هذا الزول ) وقبل الاستقالة
ابوهريرة مالقى زول يقيف معاهو
لانو حاج ماجد صعب و يدو طرشه - زي البرير - و مجربة في عميد الكلية لما كان طالب في جامعة الخرطوم
وفقد جهاز الناشئين الدينمو المحرك ...
| |
|
|
|
|
|
|
| |
الجنيد حمد
usama Babiker
الصادق صديق سلمان
Hussein Mallasi
محمد فضل الله المكى
عمر التاج
ismeil abbas
ALGARADABI
فيس بوك
تويتر
انستقرام
يوتيوب
بنتيريست