طهور تامر

(عدل بواسطة طارق جبريل on 12-02-2013, 10:29 AM)

Quote: ازيكم ياخ وان شاء الله طيبين في عضامكم

Quote: ههههههههههههه الله لا كسبك

مالك مداعيني يا الحبيب دة جبربر ياخ

Quote: يعضيك كــلــب ناس ود العالم يالمابتشبه الجنون. غاتس وين ؟؟؟...

يا حبيب كيفنك ابوي

Quote: كدي أمسك في راس العنقريب وأمد فنانيسي لاااااااورا حتى أتنفس...

Quote: هههههههههههههه اوسكااااار يا ود جبرين والله .. خاصة الحتة الفيها الخرابة والمط دي انا انبهلتا من الضحك .. واصل واصل يا حبيب ..

Quote: استاذنا طلحة طولت الغيبة .. وإشتقنا لحكاوي اهلنا الشايقية .. يا اخي لو سمحت أشرح لي معنى الكلام الفوق ( أمد فنانيسي لا وورا ) استاذي طلحة ذكرتني لمن كنت استاذ في نوري الغويبة في السبعينات جاء طالب يشتكي اخوه وقال .. يا أستاذ ( عطا الفضيل قالي الخفسي ) حتى تاريخ اليوم ما عارف معنى الخفسي رغم اني وبخت عطا الفضيل .. يا سلام على الجمال والذكريات .. تعرف انا إنتظر حكاويك عشان استحضر تلك الايام الجميلة .. زمن حالياً بين دنقلا وكريمي ( ساعتين ) .. المهم ما طول علينا كثير ..

Quote: ارجو ان يفيدنا اطباء المنبر ختان الاطفال قبل الخمسة سنوات لا يصح , قد يفقد الطفل رجولته لاحقا ده الكلام القالو لي اكتر من طبيب لامن درت اطهر ولدي , وفعلا نفذت نصيحتهم وطهرتو بعد الخمسة ووصلت لي نتيجة احسن تطهروا بعد سبعة سنوات لأنو قبلها بتنجض وبنجضك

Quote: سلام تاني ارجو ان يفيدنا اطباء المنبر ختان الاطفال قبل الخمسة سنوات لا يصح , قد يفقد الطفل رجولته لاحقا ده الكلام القالو لي اكتر من طبيب لامن درت اطهر ولدي , وفعلا نفذت نصيحتهم وطهرتو بعد الخمسة ووصلت لي نتيجة احسن تطهروا بعد سبعة سنوات لأنو قبلها بتنجض وبنجضك

Quote: هلا يا طلحة ولدي مهاب طهرتو قبل عشرة ايام ، وكان عمرو 16 يوم ... ونيف ! المهم والله طهورة الصغر دي مريحة خلاص وانصح اي زول يطهر (ولدو) وهو أصغر ما يمكن ! والله ما بين دخول الدكتور غرفة العملية وطلوعوا منها ما اخدت دقيقة وتلاتين ثانية - كف ... كرف !! ركب ريهو (الحلقة) !! 4 ايام والحلقة سقطت ... مافي وجع ولا بكي ولا أي حاجة ! ... ساعة الجزة بس ! هسا بجهز في الشنطة !

Quote: تحياتي اخي طارق .. أحب لكنة اهلنا الشايقية .. لأ،ها منغمة ومموسقة .. عشان كده غناهم وشعرهم وحكاويهم محبوبة من كل انثيات الوطن .. حتى الاخوة الجنوبيين غنوا اغاني الشوايقة .. لكن بيني وبينك نحن بنشوفهم كده نوبة مستعربين لأنه نفس أهلنا بس بالعربي .. وشكراً على شرح الخفسي ( بعد اربعين عاماً ) .. شكراً طارق .. وفي انتظار المزيد ..

Quote: سلااام ود جبريل وضيوف الطهورة.......... الخليفة طهَّر سلاطين ..... بعد عُمر الأربعين....! عيل ما بعرف طهورة حكيم والله طهورة قدح.... لكن البعرفو سلاطين نامن مات هو دوَّار و بكووووس لي الش.... ونامن مات زعلاااااااااان عشان كدي طهورة الصغرة أخير وأحسن إنت عارف يا ود جيريل في البادية شاهدت واحد كبير كان شغال مع واحد في البهايم اها الزول عمره حول العشرين وقال لازم يطهروه اها ما عندنا مستشفي وقريبنا إجهَّز عشان يطهِّر عيالو ويطهِّر معاهن راعي بهايمو......... وكنت وقتئذٍ صغير لكن الزول الكبير دي تعّب ليك الممرض تعب... بي عفار وعفار حتَّات قدر يطهرو........! محبتي

Quote: Awad Alhassan والله ياطارق جبريل ..ما ناقصاك ملكة الكتابة .. ما شاء الله.. بس لو تبطل الكسل وتتفرغ ليها حبة .. ممكن تكون ماركيز السودان .. الله يوفقك

Quote: استاذي طارق .. لدي كتابات كثيرة عن حميد واسماعيل حسن .. وهذه مقالة عن حاج الماحي ( معجزة من معجزات هذا الكون ) شوف رحمه الله كيف يشبه الاسلام ( بالساقية ) وفيها مفردات نوبية في غابة العمق والرمزية .. طارق اخوي صدقني نحن كده خط واحد ( إنتو بالعربي ونحن بالنوبي ) .. لدي الكثير ولكن سوف انشر لك هذه القطعة عشان ما اغرفك هذا البوست ا لجميل .. وما نال دهشتى واعجابي وبهرني حتى الصرع هو طريقة اختياره للمفردات النوبية وتطويعها الى العربية بصورة مذهلة .. ==================================== أهم ما ميز حاج الماحي عن شعراء المديح وما جعله مرجعية لكل من أراد مدح الرسول صلى الله عليه وسلم ، هو عمق تعبيره والادوات والمفردات التي إستخدمها ببراعة فكل مفردة لها رمزية يمكن ان يتكيء عليها الشاعر ويطلق التشبيهات ويقرب المعاني لمتلقيه من الأشخاص العاديين في ذلك الزمان . ومن فيض حبه للرسول صلى الله عليه وسلم، أراد حاجي الماحي ان يشرح للعامة ، كيف بدأ المسلمون بنشر الدعوة أنطلاقاً من المدينة المنورة حتى الشام والعراق ثم الى العالم ، فجاء بالساقية كنموذج لهذا الوصف البديع والأقرب لفهم التربال البسيط الذي لا يخلو من الذكاء الفطري وإلتقاط الصور اذا كانت من بيئته وكأن حاج الماحي هو المعلم المتمكن ، ومن أبجديات التعليم ان يكون لدى المعلم وسائل ايضاح لسرعة توصيل الرسالة ورسم المعرفة كصورة ذهنيه وتعبيرية مجسدة كما رسمها شاعرنا في هذه الابيات : بسم الله العبيد نظّامّا ربط الساقية فوق اسهاما .. شعبا جابرة مو هدّاما ترتر لي مروقا عظاما رصّاها ودفن بتماما ختخت وعدّل الحوّامه رفع الديّو وسند النّامه دفق بافضل الايّاما ====== فاض ماها ومرق قدّاما جدولا راح مدينة الشّاما الصّمد الحقير ما ناما حاج صالح حرص نجّاما فهو يريد رسم صورة عن معاناة المسلمين الأوائل في نشر الدعوة ، وبدأ بتشبيه انتشار الاسلام من المدينة المنورة الى اصقاع الدنيا بالساقية التي ترسل مياهها وخيراتها في كل الاتجاهات ، وشبه بداية الدعوة بتركيب الساقية في أول الموسم وهي الفترة التي يعاني فيها المزارع من التعب الجسدي والانشغال بأمور لا تجعله ينام بإرتياح وهذه الصورة تقرب للمستمع فهم الوضع الذي كان عليه المسلمين : فبدأ ببسم الله ، ثم تثبيت الاخشاب القاعدية المروق والترتر وبالدنقلاوية تسمى ( ترنتري ) ثم الرصاص ورفع الديو ونامي ( النام ) وهي ركيزة الساقية ويقال ( كوليه نميبو ) إذا حدث خطأ في تركيب هذا الجزء وربما تنهار الساقية بأكملها ولتلافي ذلك يقوم صمد الساقية بربطها بحبل الى شجرة استباقاً لأي حدث، ثم كانت البشارة أن دارت الساقية ونبت الزرع فكان (النجام (وهو تنظيف المحصول من الطفيليات ( وهنا يقصد الكفار) ، ثم إنتشار الخيرات في مناكب الارض بعد أن إمتدت جداول الساقية ( الاسلام ) وهي تحمل الهداية والتقوى في سقياها حتى الشام وما بعدها فكان الازدهار وبلوغ الرسالة الى آفاق بعيدة (فاض ماها ومرق قد ّاما .. جدولا راح مدينة الشّاما) وبهذه المعاني العميقة وصف حاج الماحي معاناة الاوائل في نشر الاسلام وشبهها بالمتاعب التي كان يتكبدها المزراع عند بداية الموسم وكلنا عايشنا تلك المرحلة ورأينا كيف كان يعاني آباؤنا في تركيب الساقية وتوزيع المياه الى كل اجزاء أملاكهم ، هنا الصورة تكون واضحة لذلك التربال ليفهم بالصوت والصورة والرمز معاناة هؤلاء الاوائل في نشر الاسلام وكم قابلهم من عنت وتعب في سبيل نشر الدعوة ، ولا أظن أن هناك طريقة اخرى أجمل وأعمق من هذا التشبيه الذي يقرب المعنى والصورة إلى البسطاء من متلقي شعره ، وهذه هي رسالة الشاعر الحقيقي ، فشاعر الموهبة والسليقة هو الشاعر الحقيقي الذي لا يغيب عن ذاكرة الناس مهما طال الزمن .

Quote: يا طارق، الجنا دا فسخولوا، اللآ طهروهو بلا فسخ ؟؟؟...

امرق من هني

Quote: الطهور كمان بقي في المستشفيات ؟! يا حليل ايام الداروتي في الحلفايا ،،، لكن قالوا يا طارق طهورة الصغرة عندها فوائد عارفها ؟

Quote: هههههههههههههههههههههههههههههههههههههههههههههههههههههههههههههههه يخ الف حمد الله على السلامة وبركة الشوفة بهنا

Quote: ههههههههههههههههههههههههه الحبيب طارق انت قايلني دفعتك ؟ غايتو نحن طهرونا صغار ما بنتذكر البلاوي نحن جيل الشفخانات يابا تحياتي

Quote: سلام طارق طهورالكبر ما حبابو زمان الناس بطهروهم كبار شوية وكانت متعب ومرات البنج ما يخش الواحد ونبقى في الكواريك والمقابض ، لمونا ليك أربعة وجابو لينا التمرجي في البيت وتاني يوم ودونا المستشفى للغيار يقوم واحد من الجماعة يبول ليك في يدالتمرجي. ولي هسع ماسكنة ليه. خفس سا أستاذ علي أيضا بمعنى نط ، خفس في الدحيشة يعني ركب بنطه ، وكذلك في البص وغيرها قال ليك يا علي واحد من عرب الخلاء جاء عدى بالبنطون تسوق في الدامر وفي الرجعة وهو في البنطون صادف ليه واحد مغترب في البنطون معاه ليلى علوي والعريبي ( نمر ) على العربية عشم انه يركب فيها يصل مع الراجل أها وقفة البنطون في السقالة المغترب نهر ليك ليلى علوي وفي لحظة كان برة ، العربي لمان طلع شاف ليك العربية نطلت الجدول قام قال : خفست الكبري الخرابي التخفسك خفسة . ( خفست هنا بمعنى نطت ايضا )

Quote: ووصلت لي نتيجة

ممكن تنورنا عن النتيجة دي يا عبد الحفيظ منك نستفيد
علماً بانني طهرتا اولادي يوم 16 بعد السماية بي يوم ولم
أري حدثاً يستدعي الانتباهـ وموعد النتائج لم يحن بعد
والله يا ود جبريل الشوفناهو في الخرطوم دي يشيب الصبيان
:
:
:
:
:
:
مع التحيات لله الزاكيات