|
|
 جوال السلطان جلاكسي 4 أم آيفون ؟؟
|
هتف عالياً : يا ناس انا أربعين سنة كضبت عليكم ، فهللو .
الوعد ليس كذباً عند سلطان وطني ، ذهبت " الكِسرة " وجاء السرطان ، ضاعت الفكرة فاصبح غُنانا ، لا ليس صحيحاً ، غُناهم ينادي بالرزيلة . سقط المشروع والسلطان يهلل : يا ناس أنا أربعين سنة كضبت عليكم !؟ ليسمع تهليلاً ناعماً خنوعاً : لا ! ويبتسم الطغاة اصحاب الخبز الجديد والفكر النتيجتو بلد ضاعت .
يعلِق حسين خوجلي : سبعين جالون بنزين " لفلان " عشان يمشي محل شغلو يومين ويجي الخرتوم ؟ متسائلاً مستنكراً ملوحاً بِكُم جلابيته الفاخرة " عليكـ الله يا البشير شيلم كلهم ، يا لهذا الوطن الذليل .
من يلفت نظر السلطان لما يقوله خوجلي ، ملخص عشرات المقالات الكتبوها الناس بوعي ومعرفة " في حيشان النت " يرددها حسين يومياَ لنصف سكان الداخل وكل سكان الخارج . الونسة وكل حكايات البغلة في الابريق يسمعوها الناس بغبن وحب ، غُبن النتيجة النهائية و حُب الصوت العالي الطلع ، كيف ؟ ليس قضيتي فمرارة الكثيرين يومياً تخف درجة انفقاعها لانهم يسمعون جداول بنود الخيبات الطالت بلدنا ، والمسؤولين عن هذا يسمعون معي ، الوزاء والسماسرة والضحكونجية ومرتادي " قعدات " آخر الليل ، يسمعون في ذات اللحظة جرد الخيبات ، كضاب وزير يقول انو اليومين ديل ما متابع قناتكـ . وصدقني حتى الملخص بيتقري كل يوم لمئات شاغلاهم دنيتم الجديدة وبرضو ما عايزين شي يفوتم .
سيدي السلطان لنفترض ان من حولكـ زينو لكـ بعبارات الوصف الهامسة دنيا أخرى غير التي نعرفها حولكـ ، وأنكـ ساذجاً حد السذاجة وطيَب كما تقول جارتنا الستينية والغنماية تاكل عشاكـ والهاشمية تربايتكـ ، لنفترض صحة كل ذلكـ ، حسين خوجلي بدأ بأورنيكـ خمستاشر وانتهى بتقاوي المزارعين وردد كلام حيشان النت الكلو مستندات حقيقية عن حجم السرقات والاحتيال الحولكـ ! هل ستستمر هاتقاً : يا جماعة انا اربعين سنة كضبت عليكم ؟؟
اوكي انت لا تحضر تلفزيونات السودان المملة
أو لانكـ مشغول بحال الرعية
أو لأن التخطيط والعبادة والتلاتة نسوان كاتلات يومكـ
تلفون ساي في جيبكـ ده مافي ؟
انا بقترح تعمل ليكـ قروب واتساب سري ، خمسة من اصحاب التجارب من كل دولة في العالم ، سودانيين ترباية النيل والكسرة وجامعة الخرطوم ، تضيفم وما تتداخل مع أيّ واحد ولا تُعلِق ، ربع ساعة قبل نومتكـ آخر دوامكـ الحكومي والعائلي الطويل ، ربع ساعة اقرأ مُلخص كلام خوجلي ، الإسلامي الإعلامي الذي دعم مشروعكـ ، أو عنوانه ، المشروع الحضاري .
الناس جيعانة يا ريس
______________________________________
40 سنة لانها ستحدث طالما حسين يذكرنا بخيباتنا كل يوم ونصحى صباح اليوم التالي والحال في حالو
|
|
  
|
|
|
|
|
|
|
 Re: جوال السلطان جلاكسي 4 أم آيفون ؟؟ (Re: عمران حسن صالح)
|
بمثل ما تنقل المباريات وحفلات الأفراح ومزيكا الحواري على الهواء مباشرة
صار الحكم أمره LIVE وتفاصيله لدى العامة ، كما الفساد ، يُنقل مباشرة إلى متلقين يتفاعلون معه بعدم المبالاة والإكتراث
ما بال السلطان ينادي باتباع السراط المستقيم وصور الفساد ونتائجه ليست خافية ؟
مضى زمان كان التنابلة فيه يصورون للحاكم الأمر وكأنه جزء من جنة الله
شاشات التلفونات تنقل كل شي حتى تفاصيل الدعارة في أحياء أولاد الذوات
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
عمران يا صديق
علك طيب
حينما كان يقال ما يقوله ابن خوجلي كان حينها يدافع عن النظام و يبشر بالقشر القشاري ويدفع الصبية للموت (الدباب أخوي)
فهو عندي كما هيكل في برنامجة الشهير (مع هيكل) في قناة الجزيرة في وقت غابر .. نصب نفسه قيم علي تجربه هو جزء اصيل منها
فلا اعترف بفشلها ولا اعتذر عن اشتراكه فيها ,, فهو عندي مونساتي ليس الا .. (غافل من ظن ظان للثعلب دينا)
تقبل تحياتي واحترامي
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
الزبير محهمد صالح زمان قال
( يخوانا نحنا ولاد مزراعين وبسطاء لو شفتونا ركبنا العربات وبنينا العمارات اعرفوا انو نحنا فسدنا)
السلطان يعلم اننا نعلم انه يعلم انهم لسارقون ..ولذلك هو مطمئن الى مافينا من جبن..
وفي الحقيقة ماهو جبن بقدر ماهو نقص في مقدار الوطنية اللازم..
نحنا مابهمنا ياكل يسرق يزعط ..المهم الامور ماشة ..
الذي لم يذق خيرالوطن ومعناه قد لايهتم كثيرا بما يقول الناس انه الوطن..
والذي ينشا في الفقر يعتاد على الحرج..
وياعمران ياخي ان عجبك عجبك وان ما عجبك الحس كوعك..
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: DKEEN)
|
Quote: يعني السلطان واصلو خبر اللهف وعامل ميِت ؟؟
يعني مفروض التهليل بتاع : يا جماعة انا خمسين سنة كضبت عليكم ؟ كِضِب آخـــر !!؟؟ |
ابو محمد
صباح الخير
اكيد السلطان واصلوا خبر اللهف وعامل ميت وبل احيانا يتدخل لحماية المفسدين ( بعفو او بغيره .. لملمة الموضوع )
ودون شك ان التهليل منذ ان وطئت قدماه القصر الجمهوري (كذب في كذب)
كسرة:
وكأني بهم ضمنوا مكر الله (يمكرون ويمكر الله والله خير الماكرين) ..
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
يا عمران سلام
حسين الدخلو شنو في موضوعكـ دا ؟؟؟
حسين دا شخص لا يُسمع له ، ولا يعتد برائه ، وخرابو حتى في محاولة الإصلاح والقفز من سفين الإنقاذ مكشوف لينا نحن غايتو ،
ما عارف الناس التانية بتعتبر أنو حسين بكلامو الفارغ البقولو دا أنجز حاجة !!! حسين لا ينجز حاجة بل حسين دمر حاجات كتيرة ليست أقل من دمار الإنقاذ سوءاً ...
بعدين أنت ليه بتفترض انو الرئيس لازم يسمع من زول بحال البلد وين آلياتو عشان يحدد بيها أداهو وأداء حكومتو ؟؟؟ وإدارة بلد لا تتوقف على واحد رئيس غير عارف بحال رعيته أو واحد ناعق زي حسين !!! الحكومات مؤسسات تنتج عن عمل جماعي ولا تتأثر بالشخوص مهما كانت ...
بعدين هو البشير طعمو شنو زاتو عشان يسمع أو ما يسمع ؟؟ هو زاتو حرامي وعارف نفسو حرامي
أفرض سمع وعرف ان والسودان وحكومتو كعبة حا يعمل شنو يعني ؟؟؟
البوست دا غير موفق في صياغتو نهائي .. يمكن مضمون لكن صياغة تعبانة ما بتشبه عمران وفكرتو 
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: Sidig Rahama Elnour)
|
| Quote: البوست دا غير موفق في صياغتو نهائي |
هههههههههههه يا صديق الرماد كال حماد كان ساكي ليا صياغة ، يا آخوي عربينا ده حق حفظ ساي
الفكرة ما حقت صياغة حقت احساس ، السلطان وحسين قالو الناس الوهم ديل خلينا نفكها فيهم هههههه
اها الناس الوهم ديل " ساذجين " كحلاتي ، لسه فيهم أمل السوداني واحلامو الما بتنتهي لامن يحفرو ليهو ود الاحد 
......
يا بن خالتي ههههههه
ياخي الليلة حا اتفسح فيكـ لامن تعرف حاجة
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
تعرف يا بن خالتي قناة ام درمان عندها برنامج كده اجتهادي بملو بيهو نص ساعة من الخريطة البرامجية بتاعتم
عاد يومي واللا اسبوعي ماني عارفو !! ، المهم جابو ليهم شغل جميييييييييل جيت فتشتو في اليوتيوب واستمتعت بيهو شديد .
شوفو يا صديق :
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
أها يا صديق أخوك ما شناااااااف ، فجاة كده اتذكرت ليكـ كمية الكلام الكبو الناس في حسين خوجلي
حتى صار ملخص معظم الإتقال " جلاليب حسين خوجلي "
تطلب بديل ومنطق مضاد للإتكتب يدخلو ليكـ في جدعة الإيد ومصمصة الشفايف " الجلاليب الجلاليب "
يجتهد البعض ويقول الحكاية ضربة مسبقة لقناة المعارضة " الخبر حتى الآن " وانو حسين زاتو جاب قروش القناة دي من وين ؟ " الجلاليب الجلاليب "
أها مصمصة حسين لشفايفو وجدعة ايدو ما ادتنا حل ، شعب كامل ضاع
كما ضاعت أمّة من البنات بترديد العرس العرس زي ما قال د. أمين البحّاري في مقطعو الفوق ده " حسب قناعاتو طبعاً :) "
أها ناس الصياغة لم يتعدى أمرهم " الجلالبيب الجلاليب "
نعمل شنو نحن " واللا أنا " ؟
ما في طريقة غير " أسخر مني " .
| Quote: يعبر كل شخص عن ما بداخله بطريقة خاصة، فلكل منا طريقته، أمين بحّاري هو طبيب طوارئ سوداني يعيش في أيرلندا يهوى الرسم بطريقة "الرسوم المتحركة" بنوعيها ثنائية وثلاثية الأبعاد، فأدواته لا تتعدى جهاز الكمبيوتر وبرامج المونتاج والمساعدة من بعض الأصدقاء هنا وهناك. |
أها التعبير المرتب في شكل مقال زي حق الهندي واللا البطل ما بعتبره أكتر من المؤتمرات واللقاءات البسخر منها حسين وبعتبره ضياع ورق ووكت ساي .
حسي في زمن الواتساب ده البوصل الفكرة شنو ؟
مقال صياغتو بكل المحسنات البديعية
أم مقطع د. البحّاري الفوق ده ؟؟
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
| Quote: بعدين أنت ليه بتفترض انو الرئيس لازم يسمع من زول بحال البلد وين آلياتو عشان يحدد بيها أداهو وأداء حكومتو ؟؟؟ وإدارة بلد لا تتوقف على واحد رئيس غير عارف بحال رعيته أو واحد ناعق زي حسين !!! الحكومات مؤسسات تنتج عن عمل جماعي ولا تتأثر بالشخوص مهما كانت ... |
يا صديق الكلام ده لمنو ؟ ناس بلدنا الحاليين ؟ ياخي نحن شدة من اتعودنا على سحق الآخر لينا لامن بنصفق ليهو هههههه ، كان لن نصادق إلا الصادق واللا سير سير يا بشير :(
أها حسن نيتنا وسذاجتنا وتفرد حاجاتنا خلاني وبراحة قلتا : Quote: سيدي السلطان لنفترض ان من حولكـ زينو لكـ بعبارات الوصف الهامسة دنيا أخرى غير التي نعرفها حولكـ ، وأنكـ ساذجاً حد السذاجة وطيَب كما تقول جارتنا الستينية والغنماية تاكل عشاكـ والهاشمية تربايتكـ ، لنفترض صحة كل ذلكـ ، حسين خوجلي بدأ بأورنيكـ خمستاشر وانتهى بتقاوي المزارعين وردد كلام حيشان النت الكلو مستندات حقيقية عن حجم السرقات والاحتيال الحولكـ ! هل ستستمر هاتقاً : يا جماعة انا اربعين سنة كضبت عليكم ؟؟
اوكي انت لا تحضر تلفزيونات السودان المملة
أو لانكـ مشغول بحال الرعية
أو لأن التخطيط والعبادة والتلاتة نسوان كاتلات يومكـ
تلفون ساي في جيبكـ ده مافي ؟ |
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
يا صديقي ود الساره ، تراثنا المحكي جيرو حسين كلو لصالح فكرتو ، أو مسرحيتو ، أو تبشيرو بإسلاميين جدد ببرنامج SMART حسبما ذكر احدهم في كلمته المكتوبة عن برنامج حسين
اذ استخدم الوصف الامريكي للبرامج الناجحة ، أها كل حكاوينا ربطه بذكاء في شكل رسائل كانت المعارض تتمنى أن تكون هي من أطلقها
وسقطت انت برضكـ في ذات التكرار : | Quote: وإدارة بلد لا تتوقف على واحد رئيس غير عارف بحال رعيته أو واحد ناعق زي حسين !!! |
وسيظل ناعقا طالما لا أدوات مضادة ممن يعرفون الصياغة .
..........................................................................
بيفقع مرارة مرارتي لامن يردد : المؤتمر الوطني مليان كفاءات
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: عمران حسن صالح)
|
وأخيراً هي ليست سوي أماني
وصراخ يتعالى
وحلم
قد يتحقق بأن يكون لي وطن
أو :
أستعيده
...............................
والتحيات مبذولة للجميل : عالم عباس محمد نور
إذ يقول :
تلك أقسى أم بقايا
أكلت أنفسها ،، مرضى ،، عرايا
أم صبايا
يشترين الخبز بالعهر اقتسارا ثم اذ هن بغايا
يا الهي ،، كان جوع كان جوع
يتنزى بين صرخات الدموع
يا يسوع
ليس ما نطلبه مناً و سلوى يا يسوع
لا خوانا من سماء،، لا ولا عطرا يضوع
بعض ماء ليس إلا .. قطرة تُحيّ جموع
لو طعام من ضريع
| |
|
|
|
|
|
|
|
|
|
Re: جوال السلطان جلاكسي 4 أم آيفون ؟؟ (Re: طارق ميرغني)
|
صديقنا المهندس الجميل طارق | Quote: كما اسلف زملائي حسين هذا جاء بملعوب ليست بمستبعد ان يكون جزء من مخطط جبهوي جديد لنج |
نحن ما عايزين " المستبعد " !!
كعنقالة لا يعرفون الاعيب السياسة بتمنى ممن يملكون ناصية الكلام " الدقاق " في اسرار السياسة النتنة يشرحو لينا .
الراجل كلامو يتحب :)
| |
|
|
|
|
|
|
| |
عمران حسن صالح
ادريس خليفة علم الهدي
Sidig Rahama Elnour
فيس بوك
تويتر
انستقرام
يوتيوب
بنتيريست