كتب الكاتب الفاتح جبرا المتوفرة بمعرض الدوحة
|
|
 فواكه المدن وظرفاءها ومواقف حاضره بالذاكره ...
|
احد ظرفاء بورتسودان فى ديم المدينه العريق
من الظرفاء في ديم المدينة كمال أبو الحسن
وهو نجار وعندو منجرة في اخر سوق ديم مدينة
في اجازة المدارس جارو جاب ولدو لي كمال وقال ليهو خلي الولد يشتغل عندك في المنجرة يتعلم ليهو حاجة تنفعو بدل اللعب في الشارع
المهم الولد أشتغل اليوم الاول وفي اليوم التاني سجل غياب بعد كم يوم الولد جاء راجع للشغل
كمال سالو خير مالك مسجل غياب؟
الولد قال والله ياعمو كمال دخلت لي سريحة في ضفر يدي وعملت لي جرح وتعبت
كمال قال ليهو ياولدي انا لو طلعت السرايح الفي ضفورى تعمل ليها دولاب.
|
|
 
|
|
|
|
|
|
|
 Re: فواكه المدن وظرفاءها ومواقف حاضره بالذاكره ... (Re: حسين عوضاى)
|
مره طالعين من الجامعه وجعانين جوع يعلم بيهو الله وفلسانين كده فلس للطيش عندنا بس حق البص لا حق الغداء لا العشاء قلتا ليهو ياخ اقول ليك حاجه تعال ناكل لينا سندوتش طعميه ونمشى كدارى كلامى ما عجبوا لانو لا مؤاخذه جزمتوا كان جديده والخرطوم معروفه بالغبار العينه داك اها قال لى اقول ليك حاجه نركب البص وبعدين الله كريم المهم ركبنا البص وطبعآ الوقت ما كان وقت زروه يعنى المواصلات فاضيه وبتاع البص يرازى فى البص بتاعه عايز البص يتملى اها بطنو قرصته قال لى شوف الزول داااااااااك اها قمتا عاينتا ليهو لقيتو العينه البتمشى على امشاطها كده ويشبا فوق قلتا ليهو مالو
قال لى شبعان ينطط
| |
|
|
|
|
|
|
|
|
|
Re: فواكه المدن وظرفاءها ومواقف حاضره بالذاكره ... (Re: احمد عمر محمد)
|
احمد عمر ازيك وصباح ندي زي طلتك ..
اها هاك دي
فاكهة بورتسودان بحق وحقيقه واحد ابناء ترانسيت الجميل عبدالمنعم منيناي الزول ده حكايه الحكايه وروعة الروعه
من اجرامه كانوا شله بيخشوا السينما كلوا واحد فيهم طابق ليهو قرطاس تسالى زى طاقية جحا وجاى خاشى اها
يقعدوا فى اللوج ويكشفوا ليك للجماعه بتاعون الشعب وطبعآ سينما الخواجه كانت فيها مشكله فى الصوت خاصه لو كنتا قاعد فى الشعب ما تسمع غير اششششششش اها الجماعه مركزين وبيسترقوا السمع كده يقوم منعم منيناى يدى اشارة البدايه يكورك اووووووووووو الجماعه بى ورااااااااهو اوووووو ناس الشعب يتململوا بعد شويه الفيلم يسخن ولقطه جميله والكل تركيز الجماعه يشبكوهم ليك اووووووووو ناس الشعب بى الزعل يشبكوهم بى كنباااااااااااا
| |
|
|
|
|
|
|
|
|
|
Re: فواكه المدن وظرفاءها ومواقف حاضره بالذاكره ... (Re: حسين عوضاى)
|
البور
مدينة في الذاكرة
تحادثك سيرتها بين الفينة والفينة
عشت بها لسنة تقريباً
لكنها كانت من أجمل وأزهى سنوات العمر
نضر الله تلك الأيام
ودعواتي لها بالإزدهار والبقاء
على ألا تغشى أهلها كدرة مما علق بالكثير من مدن السودان
فقد انهزم فيها الإنسان أمام المادة
وأضحت الإنسانية مفقودة
وقد كانت تلك سمة عليا بالبور
عشمي ألا تموت
تحياتي ومحبتي واحترامي
| |
|
|
|
|
|
|
|
|
Re: فواكه المدن وظرفاءها ومواقف حاضره بالذاكره ... (Re: بله محمد الفاضل)
|
استاذنا بله
تحايا بعمق البحر الاحمر ...
Quote: ودعواتي لها بالإزدهار والبقاء
على ألا تغشى أهلها كدرة مما علق بالكثير من مدن السودان
فقد انهزم فيها الإنسان أمام المادة |
ما يجمع اهل بورتسودان حبهم لها وانحيازهم الواضح تجاها قضاياها وايمانهم التام بقوة الترابط الاجتماعى
كسلوك انسانى وميزه حضاريه يندر وجودها ..
شكرا لهذه النفحه الجميله والشعور الجميل ..
البوست ما مقصور على ظرفاء بورتسودان كدى شوف لينا ناس المحيريبه
| |
|
|
|
|
|
|
|
|
|
Re: فواكه المدن وظرفاءها ومواقف حاضره بالذاكره ... (Re: حسين عوضاى)
|
اجمل المواقف مع عيق البنفسج جورجيت الجميله ..
كنا تلاميذ بلابتدائي وكعاده التلاميذ بعد انتهاء اليوم الدراسي كنا بنلعب كوره بالدوم المهم اليوم داك حبيبنا محمد ابراهيم
النعيم ( نسيب صلاح ادريس وجمال الوالي ) جاب ليهو كوره من وين ما عارف المهم بنلعب بيها جاتنا جورجيت
ووقفت وتمتمت بكلمات سودانيه بلكنه اغريقيه واضحه فيما معناها شوتوا لى الكوره شتنا ليها الكوره ورجعت شاتتا لينا
اتكرر المنظر ده زى تلاته مرات رابع مره طبقت الكوره وقالت بسم الله ومشت اها انحنا بقينا نتجرس وساكنها ماشين وراها
طلع واحد من اعمامنا الكبار قال لينا فى شنو يا اولاد قلنا ليهو جورجيت شالت كورتنا عاين لينا كده وعاين لى جورجيت
قال لينا يا اولادي جورجيت طبقت عجلتى ان بقت على كورتكم هينه ....
رحم الله جورجيت فقد كنا نشاهدها وهي ترتدي الفستان الابيض الجميل وتجوب شوارع المدينه بشعرها الغجرى الذى يتدلى على اك########ا ويداعب وجهها حينآ لافت الانتباه الى ذلك الجمال الذى لا يريد عينآ فاحصه لمعرفته رغم قساوة الحياة التى كانت تجابه ذلك الجسد النحيل ....
| |
|
|
|
|
|
|
|
|
|
Re: فواكه المدن وظرفاءها ومواقف حاضره بالذاكره ... (Re: حسين عوضاى)
|
هارون دياب له التحيه ذكر هذه الطرفه للحبيب كرار مشجع السوكرتا الشهير
المشجع الكبير واشهر مشجعي سوكرتا ( كرار)
وطبعا حتي الدقيقة 85 كانت النتيجة 1/ صفر للهلال
والسوكرتا محتاجة التعادل ....اخونا كرارا قنع من خيرا فيها
وطلع من الاستاد....المهم قبل مايصل موقف حافلات الميرغنية علي الدمازين
سجل التعادل ....طبعا اخونا كرار سمع
الكواريك وطبعا ماعارف الحاصل شنو ...المهم وقف في مكانه لغايه
ماجاء واحد هلالابي ماشي وهو ماعارف كرار عرباوي فسأله:
يااخينا في شنو.....؟ فرد عليهو الهلالابي: الكلاب ديل جابوا قون في اخر دقيقة....
فقام كرار وبكل فرح قال ليهو.....هو...هو....هو... يعني انا زاتي مع الكلاب.
| |
|
|
|
|
|
|
| |
حسين عوضاى
احمد عمر محمد
بله محمد الفاضل
فيس بوك
تويتر
انستقرام
يوتيوب
بنتيريست