|
|
|
 Re: فلنرحب ..بالشاعر الملهم محمد طه القدال و الذي يصل الي دبي فجر غد .. بدعوة من .. مجلة دبي الثقا (Re: عفاف ابوكشوه)
|
ترحيب معكم من كندا بالشفيف محمد طه القدال ...
ود البلد ... و أخو الأخوان ...
___________________________
شفتي يا دكتوره الزمن البقينا فوقه؟
بوست للترحيب بالقدال ...
القدااااال ... يا دكتوره ...
مشاهداته 200 فقط !!!
تخيلي يا دكتوره في سبعينيات القرن الماضي
احنا طلبه في جامعة الخرطوم ... لما تكون في ليله شعريه بالقدال
نخلي الورانا و القدامنا و نمشي قبال 3 ساعات عشان نلقي فرقه ( نسمع ) ...
لو دايرين تعرفوا السودان وصل وين ... بس عاينو للبوست ده ...
الله يسترنا من اليوم الحيسألوا فيهو الناس القدال ده منو ؟
آه يا زمن ...
قبل مده كنت مجهز موعد أسجل لقاء مع الأستاذ القدال بالتلفون ...
وكانت المكالمه طويله لأني كنت بصحح معاهو اشعاره علي صفحات مكتبة الأغنية السودانية ...
المكالمة بدت وهو في العربية ... كان ماشي يزور استاذنا محجوب شريف قبال ما يسافر للعلاج ...
واداني الأستاذ محجوب شريف ... وقال ليهو ده يحي قباني من كندا ...
ورغم مرضه ... وقبال ما أسأله عن صحته ... سألني محجوب شريف سؤاله الدائم ( كيف الناس يا قباني ) ...
وسجلت معاهو سلام ... و كملت مع القدال و هو بيعتذر عن التأخير ... وانا كنت في أسعد اوقاتي وانا عايش تلك اللحظات مع هؤلاء العمالقه ...
حكيت و انا سعيد القصة دي لصديقي و استاذي هاشم صديق ... قال لي يا قباني انت قايل الفضلوا منو ...
ماهم القدال و محجوب و حميد ...( كان وقتها عايش رحمه الله )... وماحسب رقبتو معاهم ...
ناس زي دي تاني بتتكرر وين يا دكتوره ...
أبقو عشره علي القدال ... و شيلوهوا علي رؤوسكم ... فوالله لهو شرف لأي سوداني ان يكون قريبا منه ...
| |
  
|
|
|
|
|
| |
عفاف ابوكشوه
mohmmed said ahmed
الزنجي
باسط المكي
خالد علي محجوب المنسي
يحي قباني
munswor almophtah
فيس بوك
تويتر
انستقرام
يوتيوب
بنتيريست