|
|
 نداء لاصحاب الوجعة ... والضمائر الحية ( صورة )
|
لكل الاحباب ....والاصحاب
ولكل اصحاب القلوب الرحيمة
واصحاب الوجعة....
والسنادة ...البتسند المحتاج
والركازة في الزمن الصعب
ومغيثي الملهوفين... والمحتاجين
نداء من ابننا واخونا مبارك اسماعيل
ياريت .... وياريت..... وياريت
نقيف معاهم ونجود ولو بالقليل
لانو ايد فوق ايد تجدع بعيد
والنواية بتسند الزير
|
|
  
|
|
|
|
|
|
|
 Re: نداء لاصحاب الوجعة ... والضمائر الحية ( صورة ) (Re: haroon diyab)
|
هذا هو النداء من ابننا واخوناياسر مبارك
بسم الله الرحمن الرحيم
السلام عليكم انا اخوك ياسر مبارك بدرس في مركز النيل الازرق لذوي الاحتياجات الخاصه
بشرق النيل حي الهدي
والناس بتقول علي انا معاق ومنقولي وعبيط علي فكره أنــا مش متخلف ،،ولا انا أهبــــــل زي
ما انتو بتسموني انا زول ناجح
وافضل من ناس كتار فيكم اولا بغني وبرسم ومتفوق في دروسي
وكمـــان مش لازم تخلوا ولادكم يضحكوا عليا كل ما بيشوفوني وبدعوكم لتشاهدوا مهاراتي
ومهارات اخواتي يوم و7 ايضا
3 ديسمبر 2013م الثلاثاء 30 محرم 1435 هـ وشعار يوم الاعاقه العالمي هو
« حطموا العوائق، أفتحوا الأبواب: من أجل مجتمع شامل للجميع » الذي تنظم منظمه ارض
الطيبين للمره الثالثه علي التوالي
وهذه المره سنحتفل مع الاطفال الايتام المعاقين بدار الفتيان والفتيات بي السجانه ويااخوانا نحنا
من مجتمعكم دا واولادكم لي ماتحسوا
بينا وتشاركوا وتساهموا مع ناس المنظمه ديل لي هم البراهم يهتموا بينا الكلام دا مابيرضي الله حسوا
وياريت تساهموا بي توفير دهنات
وبوهيه وبوماستك لطلاء الدار وغرف الاطفال ووضع الرسومات الجميله علي الجدران واي زول عندو
لعب فايضه يجبه لينا بلي استيشن
تلفزيونين ونحنا اعدادنا 30 في دار الفتيان وعندنا 13 طفل معاق واعمارنا تتراوح من 5 الي 17 ودار
الفتيات اعددادهم 43 ومنهم 12 معاقات
واعمارهم من 5 الي 19 وتجهيزات الاحتفال وترتيباته تحتاج لي صيوان ومسرح عرائيس وضيافه والتكلفه
17 مليون واي زول يساهم بي العندو
بي الرصيد بي اشياء عينيه ماديه
ياريت ما تتريقوا علي طريقة كلامي بحبكم ياسر مبارك ....... منتظرينك هنا تكتب تعليقك ومساهمتك
وعمل الخير لكل الناس وجميع اهل الخير في
جميع بقاع الارض مابيشترط بدوله وللاستفسار 0912815607 و09123456086 و0926662223
مقر منظمه ارض الطيبين الخيريه السودان الخرطوم
امدرمان غرب طرمبه عابدين العباسيه مقر اكادميه الظافر لتعليم القياده وللمساهمه علي رقم الحساب محلي واجنبي 4500
بنك تنمه الصادرات السجانه اعمل شير ومشاركه للمناسبه
والله الموفق
| |
|
|
|
|
|
|
| |
haroon diyab
ملهم كردفان
فيس بوك
تويتر
انستقرام
يوتيوب
بنتيريست