|
Re: تسـجيل خـروج ،، العفـو والعافية (Re: حافظ انقابو)
|
لم أعرف الراحلة وللأسف لم أقرأ لها او اشاهدها , ولكني أحسبها من أهل الجنة مصداقا لقول رسولنا الكريم صلي الله عليه وسلم لقد وجبت لكثرة ما أقرأ عن جميل خصالها من أكثر من شخص واحد ,, وحتي في الواقع سمعت عنها من متتبعيها في التلفزيون وأولهم زوجتي , سمعت عن ادبها الجم وحسن حديثها وحسن زيها ولطفها ,, فقد بكتها زوجتي ولا تعرفها إلا كمذيعة , فكيف يكون حال من يعرفها معرفة لصيقة تقبلها الله وصبر اهلها واصدقائها وليكن درسا لنا ,, ليس بالتواري بل بضرب النموذج الطيب في الحوار والسلوك اخي انا لا اتعدي عليك بل وفاءا لذكري المروحة ارجو ان تعيد النظر في قرارك وقالوا ما هم رسول الله (ص) بعمل ورأي افضل منه إلا تركه وتصدق عن عزمه
| |
|
|
|
|
|
|
Re: تسـجيل خـروج ،، العفـو والعافية (Re: الصادق صديق سلمان)
|
Quote: ياخي انت جميييييييييييييل
ريحتني زي ما قال عمر الفاروغ في كنكوجي بي كلمتك دي التي تؤكد انك زول حلو المعشر |
الصادق صديق
تحياتي ،، إن شاء الله ديمه مرتاح حافظ دا دخل قلوبنا بدون استئذان وهسي قال عايز يخرج كيف الكلام دا؟
| |
|
|
|
|
|
|
Re: تسـجيل خـروج ،، العفـو والعافية (Re: Hani Arabi Mohamed)
|
للفقيدة الرحمة والمغفرة بإذن الله .. يا حافظ ياخ موت الأعزاء دا الشىء الوحيد الما بنفع فيهو أي شو زي بتاعك دا .. بالنسبة لي كنت ساشعر بعمق حزنك على الفقيدة لو أكتفيت برثاء المرحومة أو كتبت عن مآثرها بدون ما تعلن إنك حزين وإنك مصدوم وإنك ماشي ما جائي ..الخ لكن كلامك الفوق دا فهمت منو انك محتاج التعاطف مع حالتك أكتر من إنك حزين على فقدان المرحومة، وإلا كان ممكن تنعيها ثم تنسحب بهدوء لتمارس حدادك عليها كما تريد ثم تعود مجددا . هسع اتا كدا وضعت نفسك في مأزق خيارات صعبة.. إما أنك تؤكد على عمق حزنك بعدم العودة مجددا هنا أو تعود في أقرب وقت وبى كدا تؤكد إنو كلامك دا كان مجرد شو للفت الأنظار . .................... ما تزعل يا ساري الليل من كلامي سمح .
| |
|
|
|
|
|
|
Re: تسـجيل خـروج ،، العفـو والعافية (Re: Hani Arabi Mohamed)
|
Quote: ذات الاحساس،، يطالبني الآن بالخروج من هنا
|
أها يا حافظ (عمر إحساس) بقول ليك سودان بلدنا، وهي يعني هذا الموقع. ولولا الجو الحزين الذي يلف الجميع لوضعت لكم فيديو دارفور بلدنا هنا ( ---- )
------------------------- و دخولك إلى هنا يعني اقتحامكم ميدان معركة بكامل اسلحتكم عُـدةً وعتاداً.. فكيف تختفي و تترك المرابطة على أحد ثغور الموقع والحـرب لم تنته بعد .. ---
ياخي ما معقول نقول ليك مع السلامة .. ونحنا لسه ما لحقنا نقول ليك السلام عليكم.
مكانك، حتى نأتي ونسلم عليك ونساعلك، ونطايبك، ونقول ليك حبابك. ... .. .
| |
|
|
|
|
|
|
Re: تسـجيل خـروج ،، العفـو والعافية (Re: الصادق عبدالله الحسن)
|
Quote: يا حافظ ياخ موت الأعزاء دا الشىء الوحيد الما بنفع فيهو أي شو زي بتاعك دا .. بالنسبة لي كنت ساشعر بعمق حزنك على الفقيدة لو أكتفيت برثاء المرحومة أو كتبت عن مآثرها بدون ما تعلن إنك حزين وإنك مصدوم وإنك ماشي ما جائي ..الخ لكن كلامك الفوق دا فهمت منو انك محتاج التعاطف مع حالتك أكتر من إنك حزين على فقدان المرحومة، وإلا كان ممكن تنعيها ثم تنسحب بهدوء لتمارس حدادك عليها كما تريد ثم تعود مجددا . هسع اتا كدا وضعت نفسك في مأزق خيارات صعبة.. إما أنك تؤكد على عمق حزنك بعدم العودة مجددا هنا أو تعود في أقرب وقت وبى كدا تؤكد إنو كلامك دا كان مجرد شو للفت الأنظار . |
ياخي انت زول مريح خلاص ..
| |
|
|
|
|
|
|
Re: تسـجيل خـروج ،، العفـو والعافية (Re: usama Babiker)
|
حافظ يا ولد مالك في شنو ماشي وين ألله يرضي عليك أقعد كلنا أهو قاعدين وعارفين الدنيا دي ما ليها أمان خليك معنا أمكن وأكيد بكرة أجمل أحتمال كبير في ميلاد عظيم بس من جوانا نحن أصبر صح بقت معاناتنا فوق الاحتمال الحمدلله علي كل شيء أخوك زهير
| |
|
|
|
|
|
|
|