قبل كم أسبوع قرأت تعليق كتبه إبن عمي (ناصر المحسي ) في صفحته في الفيس بوك متسائلا (( هل اشتري الامنجي عبدالوهاب آدم باسورد عمر دفع الله)) !! قلت في نفسي (( سجمنا !! لو الامنجية وصلو لحدي عمر دفع الله ... معناتها الناس دي ح يسلموها لسيدنا عيسى )) و لأن تعليق ناصر كتب تحت بوست النادي النوبي بلاهاي/هولندا ملتقى رسمي للسفراء وسفهاء الن...حقائق وكاريكاتيرات . فقد ظهر الرابط تحت التعليق !! ضغطت على أعصابي قبل أن اضغط على رابط البوست !!
11-16-2013, 03:23 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
و القصة باختصار شديد - لمن لم يقرأ البوست - إنو النادي النوبي بهولندا عمل إحتفال بعيد الأضحى ... حضره ضمن من حضرو سفير السودان في هولندا . عمر دفع الله لم يسأل عمن دعى السفير أو كيف حدث هذا ... لكنه فتح بوست بعنوان : النادي النوبي بلاهاي/هولندا ملتقى رسمي للسفراء وسفهاء النظام وأمنجيته !! و الذي فهمته من عنوان عمر أعلاه - و الشرح ده مخصوص لاهلنا النوبه من غير الناطقين بها - : إنو النادي النوبي بهولندا قد أصبح (ملتقى رسمي للسفراء وسفهاء النظام وأمنجيته .) !! قلت في نفسي :سجمنا !! لو النادي النوبي بقى (ملتقى رسمي للسفراء وسفهاء النظام وأمنجيته .) فالجماعة ديل ما ح يسلموها لسيدنا عيسى ذاتو !!
11-16-2013, 03:34 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
عمر دفع الله عندو وجهة نظر موضوعية جدا إنو مقاطعة سفراء النظام و أمنجيتو في الخارج واجب وطني ... و إدارة النادي النوبي في هولندا عندها وجهة نظر موضوعية جدا إنو السفير ما جاء بدعوة من النادي و ما جاء بصفتو سفير و زول من إدارة النادي رحب بيه بصورة رسمية مافي ... جاء زيو و زي أي سوداني في هولندا ... و النادي مافيهو قانون بيسمح بطرد زول حتى لو كان سفير النظام !!
11-16-2013, 03:39 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
رغم العنوان و المقدمة ...إلا إنو هذا البوست لا علاقة له بالنادي النوبي ... و لا عمر دفع الله و لا ناصر بن عمي و بن تولا البار ... انما هو مثال أو (تخته ) لاياصل وجهة النظر كما يقول بشاشا قدس الله سره !!
و بمناسبة بشاشا ... التختة كانت ممكن تكون عن بشاشا و محمد سليمان ... اللي بعد عشرة سنوات متواصلات من الشتائم لكل مخالف ليهم ... إكتشف بشاشا إنو محمد سليمان يعمل لصالح مشروع دولة الزغاوة الكبرى ... و إكتشف محمد سليمان إنو بشاشا محض جلابي رجع لحظيرتو ... رغم إنو الموضوع هو خلاف في رأي التحالف مع موسى هلال !!
كانت ممكن يكون عني أنا ذاتي إذ لا أبرئ نفسي ... فكلنا كسودانيين نحمل جرثومة هذا المرض اللعين !!
إختلاف رأي الناس في قضايا كبيرة و خلافية و شائكة أمر طبيعي و عادي ... الما طبيعي و لا عادي مسألة التخوين في أول خلاف ... ما ممكن في أول خلاف رأي نطلع المخالف شريك لقابيل في قتل أخيه هابيل... و أول من فتح بيت دعارة في امدرمان ... و إنو هناك وثائق تثبت إنو حاول إغتصاب السيدة رابعة العدوية أثناء قيامها الليل !!
لماذا لا نختلف كمعارضين لهذا النظام بدون تجريم بعضنا البعض ؟! لماذا نحارب الرأي المخالف بالتشكيك و الدمغ بالعمالة ؟! لماذا كلما اختلفنا ((أمنجنا)) المخالف و شيطناه ؟! الجروح البتفتحها الخلافات الزي دي بتستمر سنوات و سنوات .. و كلها جروح في خاصرة الوطن ... تقعد الناس عن النضال الحقيقي ... تثبط الهمم ... و تزرع الشك في بعضنا البعض ... و الذين يقتلون الناس - لا غيرهم - هم المستفيدون مما يحدث !!
11-16-2013, 04:00 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
يا البشرى .. أهلي النوبة ديل لازم نشرح ليهم العربي كويس ... كتار منهم العربي ده إتعلموه كبار في المدارس ... ---- يا عاطي ياخي ... الكتابة دي ذاتها ياها (عضعضتنا) على الوطن بالنواجذ !!
11-16-2013, 04:16 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1187
Quote: لماذا لا نختلف كمعارضين لهذا النظام بدون تجريم بعضنا البعض ؟! لماذا نحارب الرأي المخالف بالتشكيك و الدمغ بالعمالة ؟! لماذا كلما اختلفنا ((أمنجنا)) المخالف و شيطناه ؟!
حبيبنا / امين كيف حالك واحوالك... بعيدا عن المثل المضروب في البوست، خليني اتكلم بصورة عامة . اعتقد يا امين انو السبب الرئيسي في المشكلة دي، هو غياب مفهوم وممارسة (الديمقراطية) عند (الأفراد) والاحزاب السودانية، لا اريد ان ابدو واعظا، فمن حق اي شخص ان يعرض نفسه بالصورة التي يراها تخدم غرضه، ولكنني كشخص يحاول ممارسة حقه الديمقراطي، اعتقد من وجهة نظري الشخصية انو الشخص الذي اختار ان يعمل مع نظام معين، او ان يمارس مهنة معينة، او انتمي لفكر معين او حزب معين، انما هو يمارس حقه الطبيعي في الاختيار، وعلي ان احترم هذا الخيار، واذا كان هناك مأخذ معينة علي الشخص نفسه، تكون بقدر مسئوليته الجنائية والاخلاقية، عبر توكيدها من خلال القانون، وانو خلافي معاه لا يعني القطيعة باي صورة من الصور، فالقطيعة تعني نهاية الحوار وبداية الصراع، والمفروض اذا في خلاف فكري او تنظيمي ان يتم عرضه بصورة حضارية، واي عجز في العرض معناه وجود علة في العارض والمعروض، لذا غالبا ما يتم تعويضها عن طريق اثارة الزوابع الرعدية.. شكرا يا امين وليك معزتي
11-16-2013, 09:22 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: اعتقد يا امين انو السبب الرئيسي في المشكلة دي، هو غياب مفهوم وممارسة (الديمقراطية) عند (الأفراد) والاحزاب السودانية، لا اريد ان ابدو واعظا، فمن حق اي شخص ان يعرض نفسه بالصورة التي يراها تخدم غرضه، ولكنني كشخص يحاول ممارسة حقه الديمقراطي، اعتقد من وجهة نظري الشخصية انو الشخص الذي اختار ان يعمل مع نظام معين، او ان يمارس مهنة معينة، او انتمي لفكر معين او حزب معين، انما هو يمارس حقه الطبيعي في الاختيار، وعلي ان احترم هذا الخيار، واذا كان هناك مأخذ معينة علي الشخص نفسه، تكون بقدر مسئوليته الجنائية والاخلاقية، عبر توكيدها من خلال القانون، وانو خلافي معاه لا يعني القطيعة باي صورة من الصور، فالقطيعة تعني نهاية الحوار وبداية الصراع، والمفروض اذا في خلاف فكري او تنظيمي ان يتم عرضه بصورة حضارية، واي عجز في العرض معناه وجود علة في العارض والمعروض، لذا غالبا ما يتم تعويضها عن طريق اثارة الزوابع الرعدية..
و عليكم السلام يا منصوري و لعلك بخير اتفق معاك على مجمل كلامك بخصوص إحترام خيارات الناس في الفكر و الانتماء، و اختلف معاك في إسقاط الكلام ده على ما يحدث عندنا و ما اتحدث بشأنه . امنجة المخالف دي بتحصل بين ناس كلهم في نفس الخندق ..نفس الفكر و الانتماء ... ما عارف هل طبيعتنا كسودانين ما بنستحمل أي رأي مخالف ولا في خلل في تربيتنا الفكرية بتخلينا نستسهل دمغ الناس باي قبيح متى ما اختلفنا معهم .
11-16-2013, 10:16 PM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
و بمناسبة بشاشا ... التختة كانت ممكن تكون عن بشاشا و محمد سليمان ... اللي بعد عشرة سنوات متواصلات من الشتائم لكل مخالف ليهم ... إكتشف بشاشا إنو محمد سليمان يعمل لصالح مشروع دولة الزغاوة الكبرى ... و إكتشف محمد سليمان إنو بشاشا محض جلابي رجع لحظيرتو ... رغم إنو الموضوع هو خلاف في رأي التحالف مع موسى هلال !!
يا بروف أمين ... و لماذا لا نطرح آراءنا دون محاولة تصفية حساباتنا بالضرب تحت الحزام؟؟
و لماذا يحاول البعض منّا لعب دور الحكماء و الناصحين من منازلهم ... مع أن الثورات عبر التاريخ و الجغرافيا لإحداث التغيير ( الثوار فتّوها في السهلة و حتّوها قرض مع بعض) .... ألم توصف الثورة الفرنسية التي أنجبت الجمهورية الفرنسية الديموقراطية اليوم .. ألم توصف في مرحلة ما بالهرّة التي تأكل بنيها؟ شوف يا بروف ... الإختلاف و طلّيع الكلام المر ده ... لابد منه إن أردنا تجنب الطبطبة و القفز علي أخطاء الماضي لنظل نعيدها دائماً.
المشكلة في المثل المحبب لبريمة: ديك الشايلة موسها و تطهّر.
11-17-2013, 01:04 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا بروف أمين ... و لماذا لا نطرح آراءنا دون محاولة تصفية حساباتنا بالضرب تحت الحزام؟؟
و لماذا يحاول البعض منّا لعب دور الحكماء و الناصحين من منازلهم ... مع أن الثورات عبر التاريخ و الجغرافيا لإحداث التغيير ( الثوار فتّوها في السهلة و حتّوها قرض مع بعض) .... ألم توصف الثورة الفرنسية التي أنجبت الجمهورية الفرنسية الديموقراطية اليوم .. ألم توصف في مرحلة ما بالهرّة التي تأكل بنيها؟ شوف يا بروف ... الإختلاف و طلّيع الكلام المر ده ... لابد منه إن أردنا تجنب الطبطبة و القفز علي أخطاء الماضي لنظل نعيدها دائماً.
المشكلة في المثل المحبب لبريمة: ديك الشايلة موسها و تطهّر.
يا محمد سليمان ... تصفية حسابات شنو يا أخونا ؟!! ياخي إنت و عزيزك القارئ تعلمو اني لو عندي كلام عايز أقولو لا احتاج أطاعنك إنت ولا غيرك ... بقولو ليك عديل ... و الحقيقية اني الكلام ده قلتو ليك في بوست بشاشا و إنت رديت علي لكن ما علقت علي الحته دي . و هل أنا عندي حسابات بصفيها مع عمر دفع الله و لا مع ناصر ولا مع النادي النوبي في هولندا ؟!! بعدين يا محمد الفاتح ياخي ... خليك راجل أمين ... ليه ما نقلت كلامي كلو ؟ ليه ما نقلت دي :
Quote: كانت ممكن يكون عني أنا ذاتي إذ لا أبرئ نفسي ... فكلنا كسودانيين نحمل جرثومة هذا المرض اللعين !!
ولا إحتمال أكون بصفي في حسابات مع رقبتي و مع الشعب السوداني الشقيق ؟!! فدحن يا فاتح يا أخوي رغم تصنيفنا ليك بانك مضر للقضايا البتبناها ...لكن أصلا ما نقدر نقول عليك سطحي ... فبالله ما تخلينا نغير رأينا !!
11-18-2013, 07:06 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أمين محمد سليمان
محمد البشرى الخضر
جمال المنصوري
Mohamed Suleiman
هيثم طه
فيس بوك
تويتر
انستقرام
يوتيوب
بنتيريست